Open Tour
唔少人都好鐘意食牛油果，好食之餘又有營養~ 韓國居家雜貨店「BUTTER」最近就將牛油果由「食得」轉做「用得」，推出酪梨寶寶系列嘅生活用品~ [instagram photo=”B2naFEHlM4w”][/instagram] 首先有兩款水樽，除咗左邊嘅普通款之外，更有冷暖保溫水樽，樽蓋位仲有手抽~ [instagram photo=”B2i7DNZFMLm”][/instagram] 如果唔想要保溫水樽，亦有普通膠樽揀，送埋個杯套比你！ [instagram photo=”B2lHVGjFDrx”][/instagram] 非常實用嘅仲有兩色可選嘅電腦袋，啱哂要返工返學嘅你~ [instagram photo=”B2oC0uGl9CL”][/instagram] 最後仲有沖涼用品，拖鞋、浴袍、髮帶、收納袋，一應俱全 [instagram photo=”B2id1A3FhdK”][/instagram] 哇，如果全部都買哂，就真係由頭到腳都比牛油果包圍啦~ 會去韓國旅遊嘅你記得把握機會去買啦~
雖然已經秋意涼涼，但雪糕都係要食㗎！ 台南全新嘅雪糕品牌「USO 霜淇淋隱室」，最近就即將推出一系列6款破天荒口味嘅雪糕，以金、木、水、火、土、月曜嚟命名~ 「金曜」：三文魚籽+Wasabi奶霜，想像唔到雪糕有wasabi味會係點！（台幣NT$180，~HKD$45） 「木曜」：抹茶+紅豆+白玉+寒天凍，係正常嘅配搭，小編幾期待配上寒天凍嘅口感！（台幣NT$160，~HKD$40） 「水曜」：沖繩特產海葡萄+木魚+紫菜醬奶霜，係一款非常新穎嘅鹹味配搭~（台幣NT$180，~HKD$45） 「火曜」：天婦羅+蝦籽+紫菜醬奶霜，天婦羅發燒友係時候去試試！（台幣NT$180，~HKD$45） 「土曜」：松葉蟹鉗+蟹肉，好誇張!!連食雪糕都要食蟹~（台幣NT$180，~HKD$45） 「月曜」：橘瓣+黑糖蕨餅，甜點雪糕嚟講，呢個味道好似幾新穎、有創意！（台幣NT$160，~HKD$40） 有興趣嘅朋友仔要去買啦，機會難逢！ 【USO霜淇淋隱室】快閃店 日期：2019年9月27日 – 2019年10月20日 地點：台南市中西區中山路162號（新光三越台南中山店）
如果去泰國住普通海邊Villa已經滿足唔到你，咁就一定要試下基馬拉度假村啦～ 渡假村隱身喺布吉島嘅叢林裏面，入到去彷如進入人間秘境咁！ Villa 嘅設計靈感源自布吉島四大部落嘅生活方式，將特點融入設計元素中，例如大地，天空等… 有無諗過可以住係樹屋入面呢？！ [instagram photo=”B0QVtITF_wW”][/instagram] 每棟villa都有屬於自己嘅泳池～ [instagram photo=”CJ3Dd6fFPR-“][/instagram] 好似進入左童話故事嘅場景咁～ [instagram photo=”B9QtxyPHVx0″][/instagram] [instagram photo=”B0PynENAj8J”][/instagram] 雖然價錢稍貴，但有預算既一定要去體驗下呢！ [instagram photo=”Bf2jcMVhrMZ”][/instagram] ================= 布吉島基馬拉度假村 地址：10/88 Moo 6, Nakasud Road, Kamala, Kathu, Phuket, 83150, Thailand 電話：+66 (0) 76 358 777
呢幾年掀起咗一輪「珍珠熱潮」，唔同嘅珍珠料理興起，例如珍珠奶茶吐司、珍奶火鍋等等， 係日本就有位foodie Mr. Sato反傳統地將三文魚籽取代珍珠，整成一杯「三文魚籽奶茶」… Mr. Sato嘅靈感啟發自東京原宿一間珍珠奶茶店Tokyo Tapioca Land，佢地將日本豆皮包住珍珠，整成珍珠豆皮壽司，非常新穎！ 於是Mr. Sato買咗一杯冇珍珠嘅奶茶、一盒三文魚籽，準備製作一杯另類嘅「珍珠」奶茶～ 佢用筷子果斷咁將魚籽放入奶茶到～ 估唔到撈勻咗之後，沉澱嘅魚籽樣貌都好似真嘅珍珠，呃得下人喎XD 雖然口感同珍珠有異曲同工之妙，但個浸鹹味同腥味都係太濃烈，同奶茶唔夾！ 小編睇完真係好Shock竟然會有人諗到咁嘅搭配，等小編依家都即刻去買啲魚籽嚟試下先！
朱古力迷喜訊！！！ 以芝士撻起家嘅甜點品牌BAKE，以往所有新甜點店例如泡芙、雪糕等都係喺東京shopping熱點「自由之丘」開設， 繼2月喺嗰到開咗第一間朱古力蛋糕鋪「Chocolaphil」後，嚟緊9月20號將會係心齋橋再開分店！ 除咗「自由之丘」分店一向有售嘅杯子蛋糕、棒狀朱古力，新鋪亦會推出新產品～ 新品係「可可粉餅乾朱古力」，size比蛋撻再細小小，外層有餅乾脆皮，內層則有濃郁溶化嘅朱古力～ 除咗上面所講嘅產品，Chocolaphil仲有其他獨立包裝嘅產品 新店將會喺心齋橋開張，熱愛食朱古力嘅你快啲mark實日子飛返轉日本啦！ Chocolaphil 大丸心齋店 開張日期：2019年9月20日(Fri) 13:00 地址：大阪市中央區心齋橋-1-7-1 大丸心齋橋店主樓B1F 營業時間：10：00-20：30 電話：06-6484-8360
Mister Donut係台灣出名嘅Donut鋪， 最近為咗慶祝15週年，推出一系列新品同優惠活動～ Mister Donut因應週年慶祝，早前推出「夢想甜甜圈」活動，比粉絲喺唔同材料中揀出最鐘意嘅配搭，結果出嚟後，經過半年嘅研發，喺9月13號就開始發售呢啲新口味嘅Donut！ 雙餡QQ黃金圈：牛奶吉士醬配上黑糖蒟蒻，能嚐到香濃蛋味之餘，享受到蒟蒻嘅咬感～ 巧莓巧克力波堤、花漾繽紛波堤：KitKat系列嘅兩款Donut，係朱古力/士多啤梨醬上面沈上KitKat朱古力碎/士多啤梨乾粒，超級吸引～ 黑糖風味QQ波堤：波浪形狀嘅圈圈配上黑糖蒟蒻，又係另外一款口感十足嘅Donut～ 黑騎士法蘭奇：沾滿朱古力醬嘅圈圈，中間配上Creamy嘅牛奶吉士醬，係朱古力控至愛，小編都好中意！！ 巧莓雙享歐菲香：一半士多啤梨醬，一半牛古力醬，滿足你兩個願望！ 台灣Mister Donut x KitKat 期間限定 : 2019年9月13日起 地點 : 台灣 Mister Donut
