貓咪順滑嘅毛真係好好摸， 最近日本專製作動漫周邊嘅品牌Fukuya就推出新款抱枕， 就係貓咪縮成一圍嘅毛球抱枕， 望落超可愛，摸落都超舒服！ 毛球抱枕分為橙、灰啡兩隻色，手感一流， 18x25cm嘅尺寸細細粒，放喺屋企、office都得~ 將佢放喺地下， 真係超似真嘅貓咪縮埋咗一舊，瑟縮一角XD 圓咕碌嘅屁股配上毛茸茸嘅尾巴，真係超治癒！ 相信貓奴們如果將佢買返屋企， 主子實以為有新貓咪入伙要爭寵XD 或者當買返個做貓咪嘅伴都好！ 來源：Fukuya
韓國Cafe超多，類型都好多元化， 食物同環境都好有質素保證，今次就發掘到一間位於首爾靚靚嘅「花系植物Cafe」，不論環境定食物都充滿大自然氣息~ [instagram photo=”B0r0BE2laHH”][/instagram] 店內主要以甜品同飲品為主，全部都以不同類型花花或植物做主題 [instagram photo=”CANFRinjqwx”][/instagram] [instagram photo=”CAhh31JJha_”][/instagram] 環境舒適優雅，種有唔同嘅植物、盆栽或擺設，感覺就好似置身喺溫室當中， [instagram photo=”B-4JdoPFLF7″][/instagram] 最出名嘅一定係呢個蘋果蛋糕，外型超靚，啱哂影相之餘，新鮮嘅蘋果味道都好refreshing~ [instagram photo=”B8S3OXkFuZX”][/instagram] 桔梗與鬱金香餅乾亦係鎮店之寶，卡通嘅造型都非常可愛，配埋杯Coffee飲，真係可以嘆一個下午~ [instagram photo=”B_HeJuNJoFu”][/instagram] 下次嚟韓國記得要嚟朝聖打卡食甜品！ 鋪頭亦會不定時舉行迷你植物展覽，啱哂鍾意大自然同植物嘅你！ 소장식물전 地址：韓國首爾傍花站23街34號
主子們成日擺出唔同樣貌， 通常都係可愛居多， 最近日本一隻貓咪就反行其道，以其超厭世樣子喺網上爆紅XD！ 來自日本嘅Monta天生有著一副臭臉， 凌厲嘅眼神好似無時無刻都鄙視緊你咁XD ：「你哋班愚蠢嘅人類，唔好阻住本喵瞓覺！」 其實歲半嘅Monta因為有著永遠半垂嘅眼皮， 先顯得佢個樣成日都咁不爽、惡爆， 但都因為咁，吸納咗一班網上粉絲！ 主人一於就經常透過Twitter上傳Monta嘅厭世之相XD Monta表示：「主人你影夠未，可以放我落嚟未~」 不過你都唔好睇佢個樣咁惡死， 主人話其實Monta平時係一隻好溫和嘅貓咪， 見到池塘邊、水中嘅魚都一動不動，唔會攻擊~ 其實係一隻乖巧、沉穩嘅貓咪！ なにこの生き物#もんたの日常 #猫好きさんと繋がりたい #猫をTLに流しちゃおう pic.twitter.com/ABAgX63EVv — もんたの日常 (@montanonichijo) November 20, 2020 經常被主人攞嚟玩嘅Monta都唔反抗，也是心累了XD かかりつけの動物病院の先生に、｢もんたみたいな猫見たの20年やってて初めて｣と言われた。#もんたの日常 #猫好きさんと繋がりたい #猫をTLに流しちゃおう pic.twitter.com/9bkrj72Q3g — もんたの日常 (@montanonichijo) November 16, 2020 Monta嘅一舉一動超可愛又緩慢，舉止同樣貌好唔同，有住一股反差萌XD！ 來源：Twitter @montanonichijo
前排喺Twitter上興起一個叫做「#sailormoonredraw」嘅challenge， 要以經典動畫《美少女戰士S》入面第125話嘅場景，畫出主角月野兔 即刻有唔同人響應，其中觀音版美少女戰士引起網民熱議！ Challenge吸引好多人一齊畫， 有香港插畫家茶里、日本女星中川翔子、DC同Marvel漫畫封面繪師Artgerm等等， 個個都畫得好有style，將月野兔嘅神髓畫晒出嚟！ 但芸芸畫作中，唯獨呢個與眾不同嘅美少女戰士引起網民關注~ 台灣繪師夏日米倉將美少女戰士小臉大眼嘅嬌滴滴樣子，一舉改成安祥和善嘅觀音像樣XD！ 連Mercury、Mars都唔被放過，變成慈祥嘅觀音菩薩！ 三位一體嘅感覺夠晒震撼爆笑，唔少網民留言笑話「代替月亮超渡你」、「夠晒有仙氣」等~ 夏日米倉仲要順勢將畫作印刷製成掛畫掛喺屋企，真係夠晒「佛系」XD！ 圖片來源 : facebook@米倉夏日
日本嘅嘢食一向深受大家追捧， 尤其大阪燒同章魚燒都可謂係必試， 而喺台北東區一間小店，竟然有販賣源自日本昭和時期嘅「花賊燒」，係店鋪嘅大熱人氣商品！ [instagram photo=”CA-NI9jjWmN”][/instagram] 「花賊燒」其實就好似大阪燒+章魚燒嘅合體，食起上嚟有啲似粉漿蛋餅嘅感覺~ [instagram photo=”CAprJrtjW9h”][/instagram] 其實「花賊燒」仲有好多味道選擇，但芝士就一定最經典最好食，有濃濃嘅拉絲，芝士味道幾香~ [instagram photo=”BxJaqYhn2il”][/instagram] 一咬開，餡料有章魚、花枝等，口感都幾豐富~ [instagram photo=”ByuYd9hgjxX”][/instagram] 而煎餅嘅表面仲會淋上日式甜醬與蛋黃醬，增加咗味道嘅多元化 [instagram photo=”Bg79OTFlvQ2″][/instagram] 除咗芝士味，都有泡菜、粟米等嘅選擇！ 題外話，其實因為店鋪嘅位置好邊邊，所以命名為「邊邊」， 不過即使係咁，都唔係話好難搵，而且都吸引好多人嚟朝聖！ 邊邊 地址：台北市大安區忠孝東路四段181巷20號
《鬼滅之刃》劇場版上個月喺香港上映，人人為之瘋狂， 而喺日本，除咗電影、漫畫、周邊大賣之外， 連故事類似場景都成為旅遊聖地！ 位於福島會津嘅「蘆之牧溫泉—大川莊」就被傳激似「無限城」取景地~ 一踏入大川莊，會見到大廳嘅浮舞台， 而舞台後錯綜複雜、無限延伸嘅階梯及趟門設計， 正正與《鬼滅之刃》動畫第26集中出現嘅反派據點「無限城」不謀而合！ 充滿和風氣息、有住層層機關，甫踏入旅館就令人覺得兩者簡直係難以置信地相似！ 更令人不寒而慄嘅係每逢下午4點至6點，呢到都會舉行三味線現場演奏 身穿和服嘅女子彈奏三弦琴，不期然令人聯想起《鬼滅》無限城中手拿琵琶嘅「鳴女」， 雖則鳴女，但 無限城與大川莊嘅場景、裝修、氛圍、人物設計都相似得太過份， 不過團隊就指一切真係只屬巧合， 都難怪一班粉絲要特登嚟朝聖！ 除咗呢個一炮而紅嘅大廳，其實大川莊嘅溫泉同樣出名， 位於會津若松地區嘅「蘆之牧溫泉」，被稱為美人湯XD！ 而呢到另一個吸引之處就係佢環抱山水嘅靚景致， 不論係嚟朝聖、度假、浸溫泉，都非常值得！ 大川莊 地址：福島縣会津若松市大戶町大字芦之牧字下平984 網址及資料來源：http://www.ookawaso.co.jp/
相信唔少人都係「酒精中毒」嘅啤酒愛好者， 而日本一位美甲師更加係將對啤酒嘅熱愛畫埋喺指甲上！ [instagram photo=”CFCLqvYJ92a”][/instagram] Marina係一個美甲師，而且又一向喜愛小酌幾杯， 一日忽發奇想就想到將啤酒商標畫喺指尖上 而喺咁多款啤酒當中，SUNTORY啤酒，尤其係金麥系列更加係佢嘅最愛！ 啤酒美甲嘅還原度超高，好多商標嘅細節都一一畫好，真係相當厲害~ 現時佢更加有喺Youtube上面分享自己嘅手繪過程~ #誰か優しい人が拡散してくてフォロワーさんが増えるらしい 爪にお酒を描く人です。 （普段は割と普通のネイリストだけどご機嫌だと施術しながら歌います）#金麦ネイル #ビールネイル #のんべえネイリスト インスタがメインですので見てくださったら嬉しいです！ pic.twitter.com/bm39WpZ8eD — MARINA⭐︎金麦ちゃん (@marilyn_0204_) September 2, 2020 除咗啤酒美甲外， 佢亦會時不時喺IG或Twitter分享自己嘅其他美甲彩繪作品~ 私も1年半ほど前、ビールネイルやりました pic.twitter.com/Je7JjVhB6b — A (@ayakita_24) September 21, 2020 唔少網民見到都驚嘆Marina嘅實力， 難以置信竟然唔係美甲列印，而係人手彩繪！ 亦有唔少其他「酒鬼」分享自己曾做過嘅啤酒美甲XD 小編又再次拜倒於日本人嘅天份與實力！
天氣漸涼，秋意濃，對於秋天，大家會諗起啲乜？ 小編就諗起橙橙紅紅嘅美麗楓葉， 而喺日本，一個樹脂藝術家就將紅葉絕美嘅一面呈現喺桌上！ 作者ニケルxp (@ni28_xp) 專門製作樹脂工藝品， 佢利用樹脂製作出透明的「紅葉桌」，全部都係人工製成，而唔係機械印製而成 而桌側泛起的「漣漪」，都係ニケルxp以手工製成嘅「水面波紋」 令紅葉望落好似隨漣漪慢慢散開咁，好有秋天嘅詩情畫意~ 呢張紅葉枱其實係參加咗手工藝品通販網站「Creema」實施嘅雲端募資活動「CreemaSprings」， 作者都係活動發起人之一，募資活動由6月時已開始~ 而呢張就係6月時佢以夏季主題製成嘅「從大海切開的桌子」， 當時已經以「樹脂製桌子企劃」發起咗募資~ 出品しました！通常送料が7,200円かかるんですが、数量限定で無料にしてます！この機会にぜひ！！https://t.co/ASCeCX2FyG — ニケルxp (@ni28_xp) October 4, 2020 呢張紅葉波紋枱就係佢企劃嘅第二彈，目前仲處於試作階段， 作者都有將製作時嘅短片上傳到Twitter，真係幾有心！ 紅葉入れてみた。結構アリだな…これでテーブル作ろうかな？ pic.twitter.com/6I2srcaItW — ニケルxp (@ni28_xp) September 19, 2020 小編見到都好想要返張當茶几仔咁用，心情都靚啲！
大自然孕育無數生命，都係孕育藝術嘅溫床， 日裔加拿大藝術家井上羅來 (Raku Inoue)，更加係將大自然藝術玩出一個極致嘅佼佼者， 以花草等自然素材製作出唔少拼貼作品！ [instagram photo=”B6bMlNBhkt0″][/instagram] 井上羅來喺日本出生，9歲移民加拿大， 但日本文化仍然植根喺佢腦中，醉心學習日本花道、日式摺紙等~ [instagram photo=”CGAHZWFBDnL”][/instagram] 而佢對大自然、植物嘅愛更加深厚， 自細就鍾意大開窗門，等唔同嘅昆蟲飛入來，多加觀察 令花藝拼貼畫成為佢嘅成名作！ [instagram photo=”CBvVu2hhBY4″][/instagram] 近年佢更加與聯合國開發計劃署UNDP、The Lion’s Share Fund基金會合作 創作出「Natura Insects」系列~ [instagram photo=”CBvVQSTBdZA”][/instagram] 佢以路邊執到嘅花瓣、枝葉、種子作為材料， 拼貼出唔少面臨滅絕危機嘅動物 [instagram photo=”B9rnpObhfmi”][/instagram] 一幅幅鮮明嘅作品都提醒着我哋要珍惜、保育呢啲珍貴嘅生命 [instagram photo=”B96dfbrhI1c”][/instagram] 除咗較複雜嘅雕塑，井上一般都唔會任何黏著劑固定素材， 故經常畀人好多嘅視覺衝擊，唔少粉絲更會從世界各地寄送各樣奇花異草畀佢創作~ [instagram photo=”Bvw_3NQggEW”][/instagram] 最近，佢精湛嘅技藝更給予佢跨界發展， 與Elsa Schiaparelli合作推出一系列聯名T-shirt， 將他嘅作品數位化印刷喺衫上面 [instagram photo=”CDJRdf6BoJH”][/instagram] 佢亦為唔少大牌子如LV、Dior、Prada、Gucci等， 以花草樹葉重新演繹，細緻嘅手藝確實令人讚歎！ 來源：井上羅來IG @reikan_creations