Open Tour
做設計、剪片，甚或平時返工嘅咁多位， 相信最怕嘅就係見到個個老是常出現嘅hang機警告視窗， 最近就有日本購物網站MONYA將呢個視窗實體化，整成實物！ 無錯，你無睇錯！ 遠睇呢個就係平時嘅Window警告視窗， 但當你仔細啲睇就會發覺邊緣位置印上咗紅心、數字等， 佢哋其實係以Window警告視窗形式設計嘅啤牌！ 一攤開嚟睇，密密麻麻滿佈嘅啤牌真係見到都令人煩厭XD！ 而且呢副啤牌最特別嘅地方仲在於佢個張hang機藍屏嘅Joker~ 簡直係創意100分！ 能夠諗得出呢個設計意念真係好有諗頭， 不過對於唔少人嚟講都係個惡夢嚟，唔知會唔會真係有人買呢XD 除咗啤牌之外， 網站更加推出Word hang機畫面嘅file，相當瘋狂XD！ file嘅像真度超高， 將Word嘅日文界面完整印製，可算相當有心思！ 平時見到loading嘅鼠標，真係會有想打爆電影屏幕嘅衝動， 如今睇住呢個文件夾，相信睇住都會好想即係收工唔撈XD
《新世紀福音戰士》(EVA) 一直受多人追捧， 被堪稱為動畫界上數一數二嘅經典之作， 官方商店「EVANGELION STORE」最近就推出兩款「初號機／貳號機 頭部造型馬克杯」！ 「初號機造型馬克杯」將較有特色嘅頭角、眼睛同埋突起嘅下顎作為亮點， 配合埋最經典嘅紫綠襯色，一望落去都覺得啲回憶返晒嚟~ 帶返辦公室用一定會係焦點所在！ 而「貳號機造型馬克杯」， 則重現咗《福音戰士新劇場版》入面，頭部有皇冠造型嘅貳號機~ 橙紅色嘅杯身上配合埋銳利嘅四對眼睛，相當吸睛XD! 兩個嘅參考售價為各2,200日圓， 目前已經可以喺官網開放訂購， 預計會喺2020年10月下旬發售，粉絲快啲去搶啦！ 網站：EVANGELION STORE
PlayStation大家平時就攞住佢個手把玩得多， 今次日本公司推出各種PlayStation造型用品，將手把化身為各種生活週邊！ 日本電競產品廠商MSY日前與英國供應商Paladone簽約， 成為佢哋嘅日本總代理商，仲獲得官方授權， 將會推出各式各樣PlayStation為形象嘅馬克杯、LED燈等！ 而第一彈販售時間將會係2020年10月30日， 最吸睛一定係呢個手把造型馬克杯！ 由PS4手把DUALSHOCK 4以及前幾代嘅PS手把為外型去設計~ 而且亦有PS手把外型嘅LED燈飾~ 著燈後散發淡黃嘅光線，啱晒夜晚臨瞓開著， 有收藏價值之餘又實用！ 而講到實用，都無嘢夠以下嘅PS4手把外型鬧鐘西利， 有型有格又實用，望落去都幾呃得吓人XD 最令人緬懷嘅仲有呢個「初代PS造型外盒PlayStation形象啤牌」！ 而第二彈販售時間就會係2020年11月13日，販賣造型燈飾或獎盃外型玻璃杯~ 造型燈飾超有時尚感，仲可以調較唔同嘅閃爍效果！ 獎盃造型玻璃杯透明浮紋嘅設計非常高雅特別！ 全部週邊都好能夠捉得住、保留得住PS嘅特色，真係幾得意！ 有興趣嘅記得要留意吓啦！
星之卡比入面嘅卡比擁有超強大吸取吞食能力， 不過今次就輪到佢要被人食啦XD 皆因京都點心名店「鶴屋吉信」與「星之卡比」合作，推出秋季限定「卡比手作最中餅」！ 最中餅其實係日本平安時代皇宮內嘅御用點心，望落有啲似紅豆餅， 但餅殼係由糯米整成，碾成粉後再蒸成麻糬狀細火烘烤，工序繁複費時得多~ 而今次嘅合作就將可愛嘅卡比印喺餅殼上，款款唔同表情超治癒！ 而且今次嘅產品有趣之處係佢仲可以親手DIY製作， 自己親自將日本國產栗子或紅豆填入餡料堆中~ DIY自己整嘅好處就係能夠將餅殼與餡料分開， 咁個餅殼就唔會因為被餡料潤濕而無咗香脆口感！ 餡料另外有容器裝住，可以自己揀每個餅落幾多，落多落少自己話事！ 將佢搭配埋甜品、雪糕一齊食都係個唔錯嘅選擇！ 官網：www.tsuruyayoshinobu.jp
釜山係個連當地韓國人都好鍾意去玩嘅熱門地點， 皆因釜山喺最韓國南邊靠海，有著最美海景嘅稱號， 最近，位於釜山嘅樂天Signiel Busan開幕，可坐享絕美海景！ 新酒店Signiel Busan位於釜山全新地標LCT Landmark Tower， 每間房都有寬敞嘅露台，舒舒服服就睇到無邊無際嘅大海~ 而最正最吸引嘅大賣點， 就不得不提喺酒店6樓嘅Infinity Pool，無邊際嘅泳池與大海融合， 就好似不斷延伸一樣，令人心曠神怡！ 就算喺室內都好似被澄藍嘅大海包圍咁， 去渡假Relax真係啱晒！ 而且5樓內嘅粵菜餐廳「超然」，更加係由米芝蓮大廚主理， 以1920年代香港為題，喺韓國都試到高水准廣東菜！ 且酒店內嘅設施設備都非常齊全， 由Spa桑拿及至Gym Room、室內兒童遊樂場都一應俱全！ 晚霞當中的景色與大海都係非常美麗， 相信住到入呢間酒店絕對會係治癒嘅一個旅程~ 絕對喺去釜山必住！ Signiel Busan（시그니엘 부산） 地址：釜山海雲臺區中洞迎月路30 3~19樓 / 부산 해운대구 중동 달맞이길 30 3~19층 來源：Signiel Busan
「二十四節氣」反映着季節、氣候嘅變化， 大家都會以此作為轉季、養生嘅指標， 而呢個咁虛嘅概念最近竟然被日本藝術家實體化！ [instagram photo=”CAZQd6YnmHt”][/instagram] (小滿) 日本藝術家大橋忍，向來擅長於紙雕藝術，亦係呢方面嘅專家， 最近就特地為二十四節氣製作紙雕，重新詮釋~ [instagram photo=”CBCCvhcnS5_”][/instagram] (芒種) 佢以唔同大自然元素如花卉、草木、動物等，設計剪裁出各款彩繪玻璃質感作品， 呈現出各節氣嘅特色 [instagram photo=”CBrYnpAnEAo”][/instagram] (夏至) 每個作品都非常精雕細琢， 所有細節都非常仔細細膩，既有唯美夢幻感，又有詩情畫意於其中！ [instagram photo=”CCVMxZ0Hbwf”][/instagram] (小暑) [instagram photo=”CC7P8Dpntj_”][/instagram] (大暑) [instagram photo=”CDmuo8SH4eZ”][/instagram] (立秋) 其實節氣係中國古代用作指導農事嘅曆法， 體現到當時人們對大自然嘅順應，天人合一 [instagram photo=”CEOTDAOHgLS”][/instagram] (處暑) 現今已經少咗好多人以此指標農耕， 但呢個體現咗古人智慧嘅自然法則仍然好值得流傳落去， [instagram photo=”CEzKnbCMpzH”][/instagram] (白露) 大橋忍就選擇以呢種咁唯美嘅紙雕， 刻劃出唔同節氣嘅世界，讓更多人認識、了解節氣，真係好靚好特別，又好有意思~ [instagram photo=”CF_Fho-sXz9″][/instagram] 其實大橋忍由學生時期就開始咗紙雕創作計畫， 由選擇和紙、構思題材、設計草圖、剪裁都自己一手包辨 [instagram photo=”CC_MK0DHN5u”][/instagram] 除咗二十四節氣作品以外，佢仲有其他更多夢幻嘅作品， 近年更舉辦咗唔少作品展，大家都可以到佢IG睇更多作品！ 來源：大橋忍IG @shinobou084
以往，黑貓成日被人定義為或吉利或不吉利嘅象徵， 但其實又點能夠單以貓咪嘅毛髮顏色嚟定奪呢一切， 馬來西亞貓派插畫家Kamwei Fong就以自己獨到嘅筆觸呈現出黑貓嘅可愛~ [instagram photo=”CFHRB_mFN-D”][/instagram] Kamwei Fong幾年前創造出「The Furry Thing」嘅插畫系列， 主題就係一隻隻毛茸茸嘅黑貓，全部都毛髮蓬鬆、外形圓潤！ [instagram photo=”CBGcwNTl-nm”][/instagram] 佢筆下嘅貓咪全部都有著蓬鬆圓滑嘅毛髮同尾巴， 其實畫起上嚟一啲都唔容易，實質係由無數極微細嘅黑色代針筆筆觸組成 [instagram photo=”CAAymd8l3DI”][/instagram] 可謂一筆一墨都係心思、心血之作！ [instagram photo=”CBvdaGUlCBE”][/instagram] [instagram photo=”CBQpMZuFVtH”][/instagram] 最讓觀眾著迷嘅往往都係黑貓最巨大毛茸嘅長尾巴！ 好想不斷摸不斷摸XD [instagram photo=”CB_AjuOFSlF”][/instagram] [instagram photo=”CFNEHXslQiI”][/instagram] 其實Kamwei Fong會成為貓派插畫家，原因係佢都係名忠心嘅貓奴， 家中有唔少可愛貓主子！ [instagram photo=”CGGv1IZF5MX”][/instagram] [instagram photo=”CF0cBcGFIu-“][/instagram] 貓咪們望返自己主人如何畫自己，呢個畫面往往都非常有趣XD [instagram photo=”CDeUN_WFFZ6”][/instagram] 而佢最近最新作品「Wonderfurryland」， 佢更係將嚮往嘅貓咪世界以長畫表現出嚟，密麻細緻嘅畫作令人驚歎！ 來源：Kamwei Fong IG @kamweiatwork
眾所周知，每到特定節日季節，Starbucks都會推出特色杯款， 不經不覺嚟到萬聖節，當然都唔會例外！ 今年Starbucks就以又cool又可愛嘅黑貓作主題，推出一系列產品！ 今次嘅馬克杯系列由黑貓做主角，唔少得嘅係經典吸血鬼款式， 睜著大眼睛望你飲水XD！ 除咗吸血鬼款外，黑貓更加穿上蕾絲、襯衫，打扮成公主、公爵， 十足十萬聖節暗黑古堡入面啲角色！ 當然唔少得萬聖節必有特色南瓜，套上南瓜頭套嘅黑貓真係可愛多過恐佈XD 除此之外，亦都有「黑貓毛尾巴水樽」畀你帶出街！ 呢款水樽仲超特別，有成條毛茸茸嘅貓尾畀你摸飽佢XD 如果唔缺水杯、水樽嘅朋友，亦都可以考慮其他超實用嘅產品， 例如呢個「黑貓造型散錢包」，除咗可以裝散銀外， 本身購買時仲會附送埋6片紅寶石巧克力，超窩心！ 至於其他嘅「淘氣黑貓造型盤」、「斜背式手機袋」、「隨行餐具組」、「飲料袋」， 亦都係環保小先鋒唔錯嘅選擇，又靚又環保！ 為咗配合黑貓暗黑主題， Starbucks更加推出每周四限定「黑咖啡HAPPY HOUR」， 只要喺十月份內嘅每個星期四朝早10點至下午2點，到店選擇兩杯相同容量、風味、冰熱的指定黑咖啡系列飲料，就可以享用買一送一！ 真係超全面地響應萬聖節XD！ 來源：台灣Starbucks
台灣人氣紅茶品牌「可不可熟成紅茶」近日聯同Pokemon推出咗聯乘計劃， 而萬萬估唔到，竟然可以將可愛嘅Pokemon同典雅復古嘅青花瓷結合， 推出咗一系列嘅聯名商品及飲品~ 青花瓷企劃一口氣推出咗4款期間限定飲品，各自代表著唔同小精零： 「黃玉歐蕾」— 比卡超 「雪藏末茶」— 奇異種子 「胭脂多多」— 波波球 「墨玉歐特」— 夢夢 「黃玉歐蕾」選用特挑焦糖雞蛋布丁，鮮奶茶加嫩滑布丁，輕盈治癒 「雪藏末茶」係靜岡抹茶與雲呢拿雪糕多重配搭 「胭脂多多」以水蜜桃紅茶為茶底，加上香甜益多力，帶來不一樣嘅甜蜜 「墨玉歐特」則係喺燕麥奶與熟成紅茶中，加入咖啡Q彈果凍，好似夢幻一樣嘅口感 聯名商品嘅設計亦一啲都唔馬虎，有3個以「瓷」為主題嘅系列共10款產品~ 先登場嘅係「Pokemon乾唐軒活瓷隨身杯」， 杯身嘅比卡超喺唐草花紋中頭頂風雲，以十萬伏特開闢新境界， 寄語希望將來天地人和，萬象更新 「Pokemon午茶點心組」以滾滾蝙蝠、四季鹿、車厘龜為主題， 象徵「福祿壽三星共照」嘅祝福 「Pokemon陶瓷吸水杯墊」上就以各傳統青花瓷紋路為背景， 配上各可愛嘅卡比獸、暴鯉龍、吉利蛋、火焰鳥， 分別象徵著山珍海味、祥龍獻瑞、大吉大利、鳳凰來儀~ 至於環保必備「Pokemon環保提袋」亦有4種經典角色款式~ 除咗以上商品之外，由10月1日開始， 只要喺各可不可門市購買飲品，就可以攞到可不可好出名嘅店卡， 今次仲係有Pokemon嘅設計㗎！ 靚得嚟嘅背後，更加為各小精靈賊予咗唔同嘅東方意義，好有意思！ 「可不可熟成紅茶 x Pokemon」聯名商品及限定飲品 開售日期：2020年10月1日～2020年12月31日 來源：可不可熟成紅茶官方FB
