• Wed. Jun 3rd, 2026
    • '
    Homestaff5 (Page 64)

    Author: staff5

    author

    【帝苑酒店】人均$818起入住尊貴客房＋品嚐福布斯四星餐廳＋蝴蝶酥迎賓禮物｜香港旅遊｜放假去邊

    尖沙咀帝苑酒店（The Royal Garden）推出罕有住宿連餐飲優惠， 包括「福布斯體驗之旅」、「福布斯•天際星級•體驗之旅」同「住宿飲食體驗套票」！ 可以品嚐福布斯四星餐廳，仲有蝴蝶酥同忌廉蛋糕做迎賓禮物！ 「福布斯體驗之旅」一晚房價低至$1636，可以入住尊貴客房，欣賞城市景觀或半海景～ 另外可以喺Sabatini／東來順／Shikigiku／Le Soleil福布斯四星餐廳入面享用二人午餐！ 入住期間仲會送帝苑餅店出品嘅蝴蝶酥同忌廉蛋糕！ 而且酒店其他餐飲服務都會有75折優惠（不包括帝苑餅店）～ 至於「福布斯•天際星級•體驗之旅」一晚房價只需$2,627起，可以入住天際高級客房～ 房內設備齊全兼且有2.7米高嘅樓底，空間感十足！ 房內仲有一部Nespresso咖啡機，朝早起身可以歎返杯咖啡！ 優惠提供喺Sabatini／東來順／Shikigiku／Le Soleil福布斯四星餐廳入面享用二人晚餐！ 同樣入住期間會送蝴蝶酥同忌廉蛋糕～額外多送一枝汽酒！仲有免費泊車服務！ 「住宿飲食體驗套票」一晚只需$1,099，就可以入住豪華客房（視乎酒店客房情況而定）！ 同埋喺米芝蓮推介LE SOLEIL越南餐廳享用二人晚餐！ 以上三個優惠，都可以延遲退房至下晝四點鐘，瞓晏咗都唔怕！ 有興趣就快啲去以下網址預購喇！ *以上圖片只供參考 帝苑酒店 The Royal Garden 地址：香港九龍尖沙咀東部麽地道69號 網址：The Royal Garden

    author

    Mr. Men Little Miss萌爆登場！全球首間Mr. Men Studio旗艦店開幕｜香港購物｜放假去邊

    Mr.Men & Little Miss絕對係大家嘅童年回憶～ 而全球首間Mr. Men Studio旗艦店終於進駐香港喇！ 充滿Mr. Men Little Miss插圖嘅旗艦店， 令大家彷如置身於Mr. Men Little Miss奇妙世界入面，被Happyland歡樂氣氛包圍！ 店內有多款自家設計嘅Mr. Men Little Miss產品 包括有保暖樽、咖啡杯、衫、配飾、手機殼、玩具、文具同埋藝術品等等～ 好多選擇！一眾Mr. Men Little Miss 迷一定好開心 場內仲提供個性化服務，大家可以先選購心儀貨品， 然後再揀選自己鐘意嘅Mr. Men LittleMiss人物，喺指定貨品上面加入專屬名字，咁就得到一份獨一無二嘅禮物！ 除此之外，Mr. Men Little Miss亦有同本地精品咖啡平台eCup合作， 推出「全城尋找Mr. Men Little Miss」活動！ 可以喺多個香港特色咖啡小店入面，收集唔同嘅Mr. Men Little Miss角色！ Mr. Men Studio旗艦店 地點：中環鴨巴甸街35號元創方S104 網址：Mr. Men Studio 「全城尋找Mr. Men Little Miss」活動 用手機點擊以下連結，下載及開始： 全城尋找Mr. Men Little Miss

    author

    【內附優惠碼】日本必買青森名物！蘋果甜品推介｜香港購物｜放假去邊

    咁耐無得去旅行，係咪好掛住日本嘅美食呢？ 日本除咗出名食壽司，佢哋嘅水果同甜品亦非常受歡迎～ 想食日本甜品，依家喺「遊牧雜貨」都買得到啦 今次介紹呢兩款蘋果甜品都係由盛產蘋果嘅青森出品，透過我哋嘅優惠碼買仲有可以正價減5% 快啲睇吓有咩買！ 呢款「原個青森蘋果酥皮蛋糕」包裝好靚，送禮一流 原個青森蘋果包咗喺酥皮蛋糕入面，超足料 經烘焙後蘋果香氣馥郁，酸甜嘅果汁，加上啖啖蘋果肉，諗起都正 原個青森蘋果酥皮蛋糕 售價︰HK$120.00 購買時輸入優惠碼「OH5OFF」就可以即減5% 購買網址 ︰原個青森蘋果酥皮蛋糕 另一個要介紹嘅就係超人氣「Patissier’s 蘋果餡餅」 Patissier’s 蘋果餡餅連續3年獲得全國菓子大博覽會金賞， 同時亦係銷量最高嘅青森蘋果產品，絕對係青森必買手信之一 一盒五件嘅餡餅有獨立包裝，食用方便 餡餅外層充滿牛油香氣，配上包裹著嘅香甜蘋果內餡，甜而不膩 Patissier’s 蘋果餡餅 售價︰HK$128.00 購買時輸入優惠碼「OH5OFF」就可以即減5% 購買網址 ︰Patissier’s 蘋果餡餅 揀好後可以加入購物車， 結帳時喺「禮品卡或折扣碼」嘅位置輸入返「OH5OFF」就可以得到減5%折扣優惠 記得留意啦！

    author

    【外賣下午茶】瘋狂影相唔尷尬！超夢幻Tiffany blue系列下午茶 外賣直送上門｜香港美食｜放假去邊

    唔少女仔都鍾意食下午茶嘅時候影相呃Like， 但有時餐廳人多，好難影到靚相～ 位於上環嘅DK Cuppa Tea 就提供咗一系列主題下午茶嘅外賣服務，自取或者送上門都有， 喺屋企慢慢食，瘋狂影相都唔會尷尬！ 下午茶有三個主題俾大家揀，小編推薦超夢幻嘅Tiffany blue系列下午茶「飄雪樂園」 「飄雪樂園」下午茶隨身行套裝 （兩位用/ 四位用） ・價格為： HK$348 – 兩位用 ・價格為： HK$568 – 四位用 外賣貨到付運費（視乎地區額外收取$50-200） ・包括： 精選素菜撻，百爵茶馬卡龍，百爵茶馬木馬曲奇，杯子蛋糕，脆米餅，特選朱古力，旋轉木馬朱古力，精選朱古力，花茶茶包 另一款「悠閑滋味」下午茶有多款蛋糕，啱哂一班蛋糕迷 「悠閑滋味」下午茶隨身行套裝 – 四位用 ・價格為： HK$398 外賣貨到付運費（視乎地區額外收取$50-200） ・包括： 英式鬆餅x4，精選蛋糕x4，精選朱古力x4，花茶茶包x2 如果鍾意狗狗，你可以選擇呢款「英式閒情」下午茶，睇吓隻朱古力八哥幾真！ 「英式閒情」下午茶隨身行套裝 – 四位用 ・價格為： HK$398 外賣貨到付運費（視乎地區額外收取$50-200） ・包括： 迷你法式牛角包x4，朱古力布朗尼x4，英式鬆餅x4，檸檬味馬卡龍x4，朱古力八哥x1，花茶茶包x2 下午茶隨身行套裝，等大家可以隨時隨地享受 喺屋企慢慢嘆個下午茶，唔洗擔心人多同埋衛生問題，食得更安心 DK Cuppa Tea 外賣時間：中午12:00 – 晚上6:00 自取時間: 中午12:00 – 晚上6:00 地址：香港上環新街市街19號地下 訂購網址：外賣下午茶 […]

    author

    【心理測驗】憑感覺揀一款蛋糕 測出你係咩類型嘅朋友｜心理測驗｜放假去邊

    友情係需要努力經營～ 想知道你喺朋友心目中係一個點樣嘅人？想知道你有咩吸引人嘅特質？ 圖中有四款蛋糕，憑感覺揀一款你最鐘意嘅蛋糕口味，測出你係咩類型嘅朋友喇！ 1. 香芒流心蛋糕 你係屬於照顧朋友嘅領導派！無論身處咩環境，你都會主動照顧其他人～ 有問題發生嘅時候，你亦會毫不猶豫咁去幫手！你天生具有領導能力，喺團體中經常處於指揮地位。 2. 朱古力脆脆蛋糕 你天生屬於樂天派，有你嘅地方就有笑聲！ 人際關係唔錯，擁有唔少朋友，而且大家都好鐘意同你相處～ 3. 藍莓千層蛋糕 你係洞察人心嘅神秘派～ 喺團體入面，你唔善於表達自己，令人覺得你充滿神秘感！ 其實你並唔討厭團體生活，只係你鐘意觀察其他人，所以你非常了解朋友內心想法。 你亦都好鐘意跟朋友討論命理、星座、占卜之類嘅話題。 4. 士多啤梨夾心蛋糕 你係一位積極努力、處事認真，而且守規矩嘅人！ 自我要求好高，相對地，你對其他人亦唔會放鬆～ 你鐘意自我約束力高嘅人；個性隨興嘅人係無法同你成為朋友。 你過於專注學習，有時候會忽略咗人際關係。

    author

    【寵物友善餐廳】將軍澳海傍台式燒肉店！帶埋狗狗食大餐｜香港旅遊｜放假去邊

    香港一般准許寵物內進嘅餐廳多以西式食品或咖啡店為主， 而位於將軍澳海傍嘅「戀上台式料理」就係一間提供台灣食物嘅寵物友善餐廳， 店內提供台式飲品、食品同爐端燒，非常吸引！  餐廳內有多款燒肉供應，當中包括好受歡迎嘅日本九州直送和牛同西班牙黑毛豬 同時亦有海鮮爐端燒，日本鮮扇貝同鮑魚等等都係必點之選 鍾意台式食物嘅你亦可以一試餐廳招牌手工滷肉飯配溏心蛋、士林鹽酥雞 除此之外，餐廳亦有提供台式小食甜品，好似刈包同芋圓仙草豆腐花 [instagram photo=”B_4zTuuAMiw”][/instagram] 除咗食品款式多，餐廳嘅寵物專區仲提供咗一間空間俾寵主同毛孩用餐！ 場內更有多項免費寵物友善設施，提供寵物零食、除臭消毒用品、飲水器等等 戀上台式料理 電話訂座：22190191 地址 : 將軍澳唐俊街21號翩匯坊地下G26號舖 圖片來源 : 戀上台式料理  

    author

    大過你塊面！宜蘭金黃爆汁炸全雞好Juicy｜台灣美食｜放假去邊

    炸雞可以話係深受世界各地人民歡迎嘅美食，唔同地方都有佢哋獨特嘅炸雞方法 講起台灣炸雞，可能你會諗起鹽酥雞，但今次要介紹嘅係位於台灣宜蘭嘅一間美式炸雞店「咔必娜就是炸雞漢堡」！ 喺宜蘭大學隔離嘅「咔必娜」超受大學生歡迎，大家都好鍾意食佢嘅「爆汁炸全雞」 [instagram photo=”B_XZ7_9jKmc”][/instagram] 「爆汁炸全雞」真係超大份，加上黃金酥脆嘅外皮，見到都流哂口水～ [instagram photo=”B8iEOXEoOw4″][/instagram] 除咗外型搶眼可以打卡呃Like之外，炸全雞以Juicy 為賣點，一咬落去超級多汁，勁惹味 [instagram photo=”CAggQsxJPnx”][/instagram] 隻雞真係大過你塊面！ [instagram photo=”B9BDiOAjbW4″][/instagram] 「咔必娜」採用新鮮雞肉製造炸雞，唔掛得肉質咁嫩滑～ [instagram photo=”B4b6lIBjAp8″][/instagram] 每隻炸雞仲會附上三種醬料俾客人，包含泰式酸辣醬、檸檬梅子醬同柳橙柚香醬，可以一次過試曬三種風味！ [instagram photo=”B888hC-hvbl”][/instagram] 隻全雞足足有三斤重，加埋爆多肉汁，一定唔怕食唔飽 [instagram photo=”BuVr-rghnTw”][/instagram] 除咗炸全雞佢仲有其他小食提供，全部都好吸引啊！ 咔必娜就是炸雞漢堡 地址：宜蘭縣宜蘭市神農路一段21號 營業時間：16:00–00:00 逢星期三休息

    author

    香港三間型格隱世餐廳 診所門口、紅漆乒乓球室｜香港美食｜放假去邊

    去酒吧飲酒，除咗調酒要出色，氣氛都要講究！ 以下係城中三間隱世酒吧，有格調得嚟環境又隱蔽，最啱摸住酒杯底談心～ 一齊跟小編探索吓喇！ 1.     Dr Fern’s Gin Parlour [instagram photo=”B_CKwrYDP0J”][/instagram] 門口模仿醫務診所，連調酒師都著住Lab袍，好有格調！ [instagram photo=”Bx1dwNIDYI5″][/instagram] Dr Fern’s主打gin and tonic，有超過250款選擇～ 調酒師仲會為客人度身調製特別口味嘅雞尾酒，保證唔會令你失望！ 地址：中環皇后大道中15號置地廣場地庫B31A號舖 電話：2111 9449 2.     乒乓城 Ping Pong Gintoneria [instagram photo=”BfOP79uF8bC”][/instagram] 紅色漆門加上「專業教授兵乓球，零售兵乓球用品」嘅大字，又點會估到佢其實係一間酒吧？ [instagram photo=”BgxPMnpn7II”][/instagram] 超Raw水泥牆壁，加上港式窗花、霓虹燈牌，簡約又有格調！ [instagram photo=”B9oJF9wjvG0″][/instagram] 「Gintoneria」顧名思義就只係提供gin and tonic，不過呢到嘅gin and tonic一啲都唔簡單！ 有好多特別嘅味道，例如係薰衣草棒、檸檬皮、黃瓜皮等等～ 另外仲有多款手工啤酒添！ 地址：西環西營盤129號南昌樓 電話：9158 1584 3.     001 [instagram photo=”CCA9TIGDWXI”][/instagram] 001係香港元老級嘅隱藏酒吧，藏身於中環嘉咸街街市之中，地點超隱蔽！ [instagram photo=”CBc5KCVDyO0″][/instagram] 無招牌兼且無標記嘅黑色門背後，可以品嚐到各種雞尾酒、烈酒同本地罕見嘅威士忌， 好似有Pappy van Winkle […]

    author

    呃Like必去！嚴選香港五大 IG打卡熱點｜香港旅遊｜放假去邊

    香港雖然係一個小城市，但係都有唔少特色街道同建築物～ 今次小編就為大家精選咗五個香港IG打卡勝地，一於趁週末去影相打卡喇！ 1. 鶴咀燈塔 [instagram photo=”B_xPT91BW5V”][/instagram] 鶴咀位於港島東南端，可以遠離鬧市嘅繁囂生活～ 鶴咀燈塔係香港現存最古老嘅燈塔，經歷歲月淘洗仍然屹立不倒，係香港法定古蹟之一！ 2. 坪石邨 [instagram photo=”BmTSiZGl1Ez”][/instagram] 坪石邨係位於觀塘區平山嘅公共屋邨， 黑白對稱嘅四方建築設計，同天空陽光形成強烈對比～ 喺天井位向上影超有Feel！ 3. 裕寶齋 [instagram photo=”B4Xp_7ihqD1″][/instagram] 裕寶齋建於1962年～ 設計古意盎然，紅色圓形拱門設計，加埋花紋牆壁，好有復古味道吖！ 4. 樂華南邨 [instagram photo=”CBhGBzRFKfG”][/instagram] 位於牛頭角嘅樂華南邨停車場天台，上面有一條「時光隧道」～ 粉藍色圓形建築，加上圈中有圈嘅幾何構圖，充滿透視感！ 5. 西環泳棚 [instagram photo=”CCBF6D9AfK2″][/instagram] 西環泳棚係香港現時唯一仍對公眾開放嘅泳棚，景色優美～ 不過大家去影相嘅時候，切記愛護環境，同埋盡量唔好騷擾到其他人吖！

    author

    【外賣自取】Sushiro壽司郎荔枝角店 外賣自取上市啦｜香港美食｜放假去邊

    唔想排咁耐隊，又想食到好味又高質嘅壽司！？ 唔洗擔心，Sushiro壽司郎荔枝角店 外賣自取上市啦繼佐敦店有咗外賣自取服務之後， 荔枝角店亦都開始咗呢個服務，壽司郎嘅Fans有福啦！ 壽司郎一共推出咗三款外賣盛合壽司，一人前盛合有8件壽司，賣$88而二人前盛合有16件壽司，賣$176款式包括有︰A.超人氣盛合、B.壽司郎特製盛合、C.超值三文魚盛合 外賣服務暫時只限佐敦店及荔枝角店販售 荔枝角店外賣自取下單方式： 電話下單：26887833、來店下單：請前往收銀台下單、來店用餐＋順便外賣下單 外賣可下單時間： 10：30 – 21：30（停止Walk-in後亦可訂外賣） 可預訂1週之內的外賣 可指定領取外賣時間（10:45-22:00內） 除咗外賣餐單之外，其實壽司郎本身堂食嘅壽司都好吸引架難得有外賣自取服務，一定要去試吓 Sushiro壽司郎荔枝角店 電話下單：26887833 地址︰九龍長沙灣道680號麗新商業中心G樓G38號舖 Sushiro壽司郎佐敦店 電話下單：23887887 地址︰佐敦彌敦道348號彌敦坊UG樓

    author