Open Tour
香港港威酒店推出限時2折嘅「食住嘆星級酒店住宿優惠」 選擇入住高級客房可免費升級至總理客房，仲包埋雙人早餐、下午茶， 二人同行只須HK$799起，勁抵！ 總理客房可以揀特大床或者雙床 另可選擇加HK$440 ，即可升級入住至高級套房，平均只須HK$ 620/人 高級套房仲布好大個客廳，每人$600幾蚊就住到套房，真係好抵 另可選擇「零」房價套餐，高級客房亦可免費升級至總理客房， 連餐飲消費額HK$1,100 ，套票總價只係HK$1210 （含10%服務費) 以上套餐更保證24小時住宿，彈性入住及退房時間及可免費享用迷你酒吧 行程套餐共有4款選擇，由$799至$1650不等， 快啲睇吓邊個套餐最啱你啦！ 香港港威酒店 「食住嘆星級酒店住宿優惠」 價錢︰由$799/2人至$1650/2人不等 訂購電話︰訂購網址 地址: 香港尖沙咀廣東道13號 立即訂購
成日留喺屋企覺得好悶？不如一齊學吓煮嘢食啦～ 小編發現到一個超簡單嘅布丁做法，只需10分鍾就可以整到好靚又好食嘅布丁 用微波爐就搞掂，啱哂一眾「廚房新手」！ 本文影片＋食譜由「TASTY NOTE」授權轉發 布丁 ( 1-2人份量 ) 食材：牛奶120cc、砂糖3大匙、蛋1顆 焦糖醬材料：砂糖2大匙、水1茶匙、滾水1茶匙 步驟： 1.先由做焦糖開始，將1大匙砂糖、1/2茶匙水加入裝布丁嘅容器中混合拌勻 放入微波爐500w加熱1分半 ( 如果拎出嚟糖水無變成茶色嘅話，再追加微波30秒 ) 2.當糖水焦糖化後，加入1/2茶匙滾水 ( 注意有可能糖水會噴起來喔 ) 3.拎另一個碗，倒入牛奶、砂糖、蛋，並攪拌混合 4.用慮茶器過濾到布丁容器內 5.放入微波爐500w加熱2分鐘，微波後放涼，放到冰箱冷藏 6.完成 影片來源︰「TASTY NOTE」微波爐輕鬆做布丁
常言道：「人生得一知己，死而無憾」，可以擁有一位了解你嘅好朋友，真係好難得～ 不過做朋友都好講求性格夾唔夾！憑直覺揀一隻你最鐘意嘅狗狗，測出咩類型或者性格嘅朋友值得你深交喇！ 1. 哥基犬 你嘅性格同哥基犬一樣直率可愛，對任何事都態度認真，而且鐘意同朋友一較高下～ 你認識朋友嘅方式係「不打不相識」，喺共同競爭進步嘅同時，你哋嘅友情亦會越來越深厚。 但有時候，你會忽略咗對方嘅感受～ 2. 小獵犬 你對朋友嘅態度係「君子之交淡如水」，你同朋友嘅關係總係保持謙恭禮讓，因為過份親密會令你覺得有壓力。 你鐘意朋友同你一齊追求新鮮事物，所以充滿好奇心嘅人最適合做你朋友。 3. 黑色獵腸犬 你嘅性格比較怕羞，唔係好識得表達自己，所以好少主動去同其他人做朋友，朋友亦唔多。 一旦你同某人成為朋友，你就會好重視呢份友誼，甚至希望同對方形影不離。 同樣重視友情嘅人，最適合同你做朋友，但要記著唔好過份依賴對方，否則會令朋友感到壓力。 4. 沙皮犬 你對人嘅喜惡非常分明，而且對朋友情深義重。 只要你同某人成為朋友，你就會全心全意對待對方，甚至會為好朋友兩肋插刀。 你最適合同本性誠實、善良嘅人做朋友，以誠相待先可以培育出最真摰嘅友誼！
召喚芝士迷！芝士味道濃郁可口，拎嚟炮製滋味小食一流吖！ 以下係五款超邪惡芝士食譜，大家一齊跟著試吓整喇！ 芝士焗風琴薯仔 [instagram photo=”BDBKjFWItQY”][/instagram] 材料：薯仔一個、車打芝士十片、煙肉十片、牛油5克、鹽適量、黑胡椒適量、橄欖油適量 以筷子將薯仔固定，再切成一片片，注意唔好切到底 喺薯仔每個夾心位置搽上橄欖油 灑上鹽及黑胡椒 將薯仔放入已預熱200度焗爐，焗大約30分鐘（注意每個焗爐火力不一，可以自行調整時間） 拎出嚟，再喺薯仔夾心位置加入芝士片同煙肉 然後喺表面搽上牛油 最後，放入焗爐焗大約10分鐘就完成 流心芝士蛋卷 [instagram photo=”7MojkitYOq”][/instagram] 材料：雞蛋三隻、芝士適量、橄欖油適量 先喺平底鑊搽上橄欖油 倒入蛋液，用中細火煎至蛋邊可以反起 加入芝士，再倒另一層蛋漿，再捲起就搞掂 墨西哥芝士餡餅 [instagram photo=”CAiP4j-A0J9″][/instagram] 材料：墨西哥薄餅一塊、熟雞肉100克、車打芝士適量、鹽適量、胡椒適量 將墨西哥薄餅放入已預熱嘅平底鑊 再喺上面鋪上芝士 加入雞肉做餡料 用中火將薄餅煎至略呈金黃色 灑上鹽及黑胡椒即成 泡菜芝士通心粉 [instagram photo=”Bgx2sCInyRq”][/instagram] 材料：通心粉200克、泡菜250克、煙肉數塊、牛奶250毫升、馬巴臣芝士碎125克、車打芝士碎125克、麵包糠1克 先將通心粉煮熟，然後澀乾水份備用。 煎香煙肉，再切成細塊備用 預熱平底鑊之後落少少油，炒泡菜一分鐘，然後落煙肉再炒一炒 再逐少加入牛奶，用中火煮滾後轉細火再煮五分鐘 落鹽及胡椒調味 再落芝士碎，煮至芝士溶化 加入通心粉，再灑上芝士碎同麵包糠 最後放入已預熱180度焗爐，焗約15分鐘即完成（注意每個焗爐火力不一，可以自行調整時間） 流心芝士蝦球 [instagram photo=”BRmaoBLlh2i”][/instagram] 材料：蝦膠200克、芝士兩片、麵包糠50克、雞蛋一隻、胡椒一茶匙 將蝦膠同調味料攪勻，芝士切粒 拎適量蝦膠搓圓壓平，芝士粒放中間，然後捏實封口再搓圓 將搓好嘅蝦球放入蛋液中，拎出再放入麵包糠中，令蝦球表面沾滿麵包糠 預熱平底鑊落油，加入蝦球，細火煎炸至金黃色即成
講起日本Pablo，大家一定會諗起佢哋嘅半熟芝士蛋糕！ 其實除咗半熟芝士蛋糕之外，日本Pablo仲有好多必食之選，今次小編會介紹其中兩款人氣熱賣嘅產品 透過「遊牧雜貨」網上訂購，輕鬆喺屋企都可以食到Pablo出品嘅美食，透過我哋嘅優惠碼買仲有可以正價減5%！ 第一款必食推介係Pablo Sabrel 芝士夾心餅乾， 被譽為「大阪必食名物」嘅芝士夾心餅乾喺當地好受歡迎 鬆脆香甜嘅曲奇餅皮加埋Pablo芝士蛋糕嘅味道，超好食 而且仲係獨立包裝，方便衛生 Pablo Sabrel 芝士夾心餅乾 售價︰HK$92.00 購買時輸入優惠碼「OH5OFF」就可以即減5% 購買網址 ︰Pablo Sabrel 芝士夾心餅乾 如果想買得精明啲同試多啲款， 小編推介呢個「日本芝士回憶盒子」，有成三款日本芝士零食，好吸引 禮盒裝包括「Pablo Sabrel 芝士夾心餅乾 」、「Pablo Dacquoise 酥餅 」同埋「Demerara Bakery 芝士小蛋糕」各一盒 啱啱上面介紹過嘅「Pablo Sabrel 芝士夾心餅乾 」係熱賣之選 而「Pablo Dacquoise 酥餅」係經典法式甜點， 以南法傳統酥餅加入Pablo招牌芝士忌廉同杏乾製成，一咬落去就感受到四種層次 望到都覺得好吸引呀～ 最後一款就係「Demerara Bakery 芝士小蛋糕」 蛋糕用上三種芝士製成，濃郁鮮奶油混合鹹香芝士，甜而不膩 一個價錢可以試哂三款零食甜點，真係好抵買 日本芝士回憶盒子 原價︰HK$388.00 特價︰HK$308.00 購買時輸入優惠碼「OH5OFF」就可以即減5% 購買網址 ︰日本芝士回憶盒子 揀好後可以加入購物車， 結帳時喺「禮品卡或折扣碼」嘅位置輸入返「OH5OFF」就可以得到減5%折扣優惠 減完只係HK$292.6，真係好抵呀
牛油果唔只好食，而且仲有好高嘅營養價值！ 高纖維、含豐富維他命 E、鐵及鉀等礦物質，可以美顏、抗氧化同埋抑制食慾～ 以下係五款烹飪新手都可以輕鬆駕馭嘅牛油果食譜，一齊試吓整喇！ 奇亞籽牛油果奶昔 [instagram photo=”BoFrdYGjO9R”][/instagram] 材料：牛油果半個、牛奶100毫升、奇亞籽一茶匙、蜜糖適量、冰塊適量 將牛油果切半去核，起果肉再放入攪拌機 加入牛奶、蜜糖、奇亞籽、冰塊，打至幼滑 倒入杯到就完成 牛油果鮮蝦沙律 [instagram photo=”CASBXPGgdmm”][/instagram] 材料：牛油果半個、鮮蝦六隻、車厘茄十粒、粟米100 克、低脂沙律醬適量 將鮮蝦洗乾淨去殼去腸，煎至金黃色，拎起備用 車厘茄切半；牛油果切粒；粟米烚熟 將煎好咗嘅鮮蝦、車厘茄、粟米倒入大碗 加入自己鐘意嘅沙律醬攪勻 最後加入牛油果同蝦就搞掂 玫瑰牛油果多士 [instagram photo=”B2_ISiJjuZ4″][/instagram] 材料：牛油果半個、麵包一片、牛油適量、鹽適量、黑胡椒適量 麵包搽上牛油，然後烘至金黃色 薄切牛油果，捲至玫瑰花形狀 將牛油果放喺麵包上面 灑上鹽及黑胡椒即成 牛油果青醬意粉 [instagram photo=”B833XlGhbMA”][/instagram] 材料：牛油果一個、意粉150克、羅勒葉十片、檸檬一個、蒜頭三粒、馬巴臣芝士50克、橄欖油50毫升、鹽適量、胡椒適量 根據意粉包裝嘅烹煮時間，加少許鹽，將意粉煮至軟硬適中，瀝乾備用 將牛油果切粒去核；蒜頭切片；檸檬榨汁 將牛油果粒、羅勒葉、檸檬汁、蒜片、馬巴臣芝士、橄欖油、鹽及胡椒倒入攪拌機入面，打至幼滑 再將已打好嘅牛油果青醬同意粉攪勻即完成 牛油果醬配墨西哥玉米片 [instagram photo=”B_UQRP0Jdiw”][/instagram] 材料：牛油果一個、蕃茄一個、洋蔥1/3個、檸檬汁一湯匙、鹽適量、胡椒適量、墨西哥粟米片半包 將牛油果切開去皮去核，放入大碗壓成蓉 將蕃茄、洋蔥切粒，加入牛油果蓉中 加入少許鹽、胡椒調味 最後加入檸檬汁攪勻即可
最近疫情反覆，冇咩特別事嘅話，大家都係盡量留喺屋企煲劇解悶喇～ Netflix七月份最新上咗幾套劇集同埋電影，全部都好吸引！一於睇吓小編有咩推介！ 1. 親親小站2 2018年青春校園愛情劇《親親小站》播出之後大受歡迎，而Netflix最近終於釋出《親親小站2》首支預告喇！ 第一集男女主角Noah（Jacob Elordi）同Elle（Joey King）好開心一齊度過咗暑假， 但假期結束之後，Noah就去咗哈佛大學讀書，而Elle仲留喺高中～面對遠距離戀愛嘅衝擊，男女主角會點處理？ 上映日期：7月24日 2. 天命之咒 《天命之咒》係由《漢娜的遺言》女主角Katherine Langford主演～ 故事講述Katherine飾演嘅年輕少女Nimue擁有魔法，同傭兵Arthur一齊反抗草菅人命嘅紅袍聖騎士團， 再將一把神劍，交付實力足以顛覆全局嘅魔術師Merlin。 上映日期：7月17日 3. 雨傘學院2 《雨傘學院》主要講述一班具備超能力，但係彼此唔太熟悉嘅兄弟姊妹， 喺父親離世後團聚，繼而發現驚人嘅家族秘密，同埋日益逼近人類嘅威脅！ 而喺第二季中，哈格里夫斯家成員們將繼續施展超能力，去對抗外敵！ 上映日期：7月31日 4. 辣媽我來了 《辣媽我來了》講述三位年近四十嘅中女，各自經歷失去、心碎後， 同年輕小鮮肉火熱邂逅，從而搵到自我價值嘅浪漫故事～ 上映日期：7月16日 5. 雖然是精神病但沒關係 由金秀賢同徐睿知主演嘅奇幻愛情韓劇《雖然是精神病但沒關係》， 講述一個具有反社會人格嘅童書作家，遇上一位無私奉獻嘅精神病院看護，一場不凡嘅情緒療癒之旅就此展開～ 6. 我們，愛過嗎 《我們，愛過嗎》由宋智孝主演～故事敘述一段「五角戀」關係， 女主角盧愛情係一位電影公司製作人，亦係一位單親媽媽，獨自扶養小朋友長達14年時間。 佢嘅人生突然闖入四個男人，令佢重新思考對愛情嘅睇法。
想出街食飯，但又怕中招？ 小編為大家集合咗五間外賣送上門嘅火鍋店，等你安在家中都可以打邊爐～ 一齊睇吓有咩介紹！ 麻辣控最愛：台式養生火鍋 呢款「麻辣養生火鍋外賣套餐」提供咗多款台式火鍋配料同海鮮料理， 由台灣急凍直送香港，保證原汁原味，足不出戶都可以食到台灣味道！ kkday提供3個購買方案俾大家選擇，由2-6人份量都有～ 自選湯底可以4選1，包括「麻辣臭豆腐（招牌臭臭鍋）」、「 酸菜白肉鍋」、「養生白湯鍋」同埋「台式麻辣鍋」 不過要留意湯底不時都會售罄，特別係「台式麻辣鍋」，超受歡迎 套餐嘅配料非常多，好多人買完都話好食同份量十足，可以一試 台式養生火鍋 價錢： A. 台式火鍋2 – 3人 HKD $435（原價HKD $489） B. 台式火鍋4 – 5人 HKD $699（原價HKD $815） C. 台式火鍋5 – 6人 HKD $980（原價HKD $1169） 訂購網址 環球海鮮之選：肯尼海鮮火鍋外賣套餐 如果你係海鮮控，呢個肯尼海鮮火鍋外賣套餐你一定鍾意～ 火鍋套餐份量由4-10個人都有，海鮮送貨前已經清洗同劏好 湯底方面有雞汁鹽鍋湯底、韓式中辛泡菜湯底、四重芝士鍋湯底同蟹肉壽喜鍋湯底俾你揀 肯尼海鮮火鍋外賣套餐 價錢： 肯尼海鮮火鍋套餐 ( 4-6 人) HKD $820 肯尼海鮮火鍋套餐（8 – 10人）HKD $1600 訂購網址 一人日式打邊爐：牛旨商店 如果平日想自己一個喺屋企打邊爐，但又怕出去買野好難預份量？ 香港線上日式火鍋店牛旨商店推出一人火鍋套餐，啱哂鍾意喺屋企「獨食」嘅你 呢款牛肉一人火鍋套餐只係HK$108，套餐包咗美國肥牛、芝士竹輪、年糕福袋、頂級蟹柳等等 […]
大家係咪好掛住日本嘅美食呢？ 想食日本蛋糕？唔一定要飛日本嘅！透過網上訂購，輕鬆喺屋企都可以食到日本蛋糕 透過我哋嘅優惠碼買仲有可以正價減5%！ 今次小編會為大家推介兩款人氣蜂蜜蛋糕，首先要介紹Hello Kitty 蜂蜜蛋糕套裝 呢款蛋糕係長崎心泉堂同Hello Kitty 限定聯乘嘅特別版 長崎心泉堂嘅長崎蜂蜜蛋糕曾得到「2017 スイーツ賞大賞」，深受日本當地人喜愛！ 用咗金黃嘅蜂蜜製作蛋糕，香氣馥郁，口感綿密，好好食 而且每個蛋糕仲會送埋Hello Kitty 45周年限定小袋 A4尺寸嘅小袋又可愛又實用，Kitty嘅Fans一定要買嚟收藏！ Hello Kitty 蜂蜜蛋糕套裝 售價︰HK$188.00 購買時輸入優惠碼「OH5OFF」就可以即減5% 購買網址 ︰Hello Kitty 蜂蜜蛋糕套裝 如果你係一個抹茶控，你一定唔可以錯過呢款「京都宇治・森半抹茶蜂蜜蛋糕」 京都宇治・森半係京都嘅百年老店，曾經兩次得到全國茶審優勝大獎，有成170年歷史！ 蛋糕味道濃厚，抹茶甘香，配上甜甜嘅蜂蜜，味道好夾 攞過獎嘅蛋糕，送禮一流，絕對唔會失禮 京都宇治・森半抹茶蜂蜜蛋糕 售價︰HK$98.00 購買時輸入優惠碼「OH5OFF」就可以即減5% 購買網址 ︰京都宇治・森半抹茶蜂蜜蛋糕 揀好後可以加入購物車， 結帳時喺「禮品卡或折扣碼」嘅位置輸入返「OH5OFF」就可以得到減5%折扣優惠 記得留意啦！
最近大家喺屋企嘅時間長咗，不如就趁機會好好鍛鍊一下廚藝喇！ 以下係五款超人氣特色雞蛋料理，喺屋企簡單就整到！快啲一齊試整喇～ 雲朵蛋 [instagram photo=”B_SheIjnx29″][/instagram] 材料：雞蛋一隻、馬巴臣芝士碎、鹽適量、黑胡椒適量 準備兩隻碗，分別打入蛋白同蛋黃 將蛋白打發至挺身 將巴馬臣芝士碎加入蛋白入面，輕輕攪拌 將蛋白放喺牛油紙上面，調整成自己鐘意嘅雲朵形狀 用匙羹稍微喺中間挖一個細窿，再將蛋黃倒入去 放入已預熱180度嘅焗爐大約7分鐘（注意每個焗爐火力不一，睇到雲朵變成微焦黃色即可） 灑上鹽及黑胡椒，可愛嘅雲朵蛋就完成 水波蛋 [instagram photo=”CCANUVXDpal”][/instagram] 材料：雞蛋一隻、白醋一茶匙、鹽適量、黑胡椒適量 將雞蛋打入細碗備用 煲一鍋水，水滾之後轉細火，加入白醋同少許鹽 用打蛋器或較大嘅匙羹快速攪拌滾水，形成漩渦 將蛋打入靠近水面漩窩嘅中心點，煮90秒至2分鐘 拎出水波蛋，然後印乾水份 灑上少許鹽及黑胡椒即成 牛油果焗蛋 [instagram photo=”B-047isAU4b”][/instagram] 材料：雞蛋兩隻、牛油果一個、鹽適量、黑胡椒適量 牛油果切半去核 用匙羹挖出部分果肉 打入雞蛋 灑上少許鹽及黑胡椒調味 放入已預熱180度嘅焗爐入面，焗大約10分鐘就搞掂（注意每個焗爐火力不一，可以自行調整時間） 魔鬼蛋 [instagram photo=”B0yCPt-BsL5″][/instagram] 材料：雞蛋三隻、美乃滋一湯匙、黃芥末一茶匙、鹽適量、胡椒粉適量、煙燻辣椒粉適量 將雞蛋放入水煮滾，水滾後熄火，冚蓋靜置10分鐘 輕輕敲碎蛋殼，放入冰水1分鐘再剝殼 雞蛋切半然後挖出蛋黃，將所有蛋黃放入同一個碗 壓碎蛋黃（唔需要壓太爛，保留少許質感），加入美乃滋、黃芥末、鹽及胡椒粉攪勻 用匙羹將蛋黃蓉放返喺蛋白上面 灑上辣椒粉即可 溏心醉蛋 [instagram photo=”B0h5VWcDoBU”][/instagram] 材料：雞蛋三隻、花雕酒100毫升、水50毫升、話梅三粒、冰糖20克、鹽適量 將花雕酒及水用大火煮滾 加入話梅及冰糖，煮滾後熄火待涼備用 雞蛋預先放置室溫，水滾後加入鹽，再放入雞蛋，大火煮5分鐘 撈起雞蛋，放入冰水15分鐘降溫，然後剝殼 將已剝殼嘅雞蛋放入花雕酒中，再放入雪櫃冷藏，浸醃至少1晚就完成
