• Mon. Jun 1st, 2026
    • '

    Author: tiffany chong

    author

    雞蛋仔落臘腸吱Wasabi? 震撼13億人的「特別口味」! | 香港美食 | 放假去邊

    雞蛋仔口味越出越多，仲款款新奇又特別！ 小編幫大家揀咗全港幾款「特別」口味嘅雞蛋仔，你敢唔敢試？ 世界已經無法阻止雞蛋仔嘅演變… 人類嘅創作力量同幻想，真係會嚇你一跳！ 文：嘉儀 =================== 臘味雞蛋仔 雞蛋仔係港式小食，臘腸又係中式食品， 將兩樣嘢放埋一齊… 唔通真係會擦出火花？ [instagram photo=”BPuSmfaAcr6″][/instagram] Oddies 地址：中環歌賦街45號地舖 =================== 粟米雞蛋仔 唔少人專登去新蒲崗，就係為咗試呢間小店！ 原粒粟米放入雞蛋仔，到底會係咩味道？ [instagram photo=”01235fChLi”][/instagram] 629雞蛋仔 地址：新蒲崗康強街28號康景商場地下28J舖 =================== 椒鹽雞蛋仔 必食豬柳蛋雞蛋仔！！ 雞蛋仔真係有雞蛋！ 加埋椒鹽調味，鹹鹹地都幾特別～ 想更滋味就一定一定一定要加埋芝士！勁邪惡呀！ [instagram photo=”BOzVdAWgU5-“][/instagram] 潮食 地址：上水智昌路8號順欣花園地下5C號舖 =================== 星星雞蛋仔 蜜糖星星？細細個就食過啦～ 雞蛋仔配蜜糖星星，脆上加脆嘅組合… 可以考慮下當早餐食喎！ [instagram photo=”BSY59LHlBwK”][/instagram] More Eggettes 摩芽雞蛋仔 地址： 新蒲崗康強街32-34號康強洋樓地下16A舖 太子汝州街17B舖 葵芳葵涌廣場2樓C18鋪 路德圍荃興徑31號4A舖 又新街7-25號元新大廈17A 鯉魚門廣場1樓133鋪 =================== 鳳梨酥、羅宋湯雞蛋仔 台灣特產鳳梨酥，加香港小食雞蛋仔… 好食加好食，係咪就會正正得正？ 當雞蛋仔有羅宋湯味，到底我食緊嘢定飲緊湯？媽呀… 好亂呀… [instagram photo=”BQPBWrJA4tp”][/instagram] […]

    author

    台灣古早味 台北10大必食推介! | 台灣美食 | 放假去邊

    去到台灣梗係食！ 講到台灣古早味道，到底邊啲先好食？ 跟住當地人去人氣老店，排隊朝聖啦～～ 文：嘉儀 =================== 古早味豆漿店 去台灣，早餐食蛋餅是常識吧？ 全部蛋餅純手工製，又香又脆，就連醬料都係獨門秘方～～ 食完蛋餅，仲有足料飯糰食，難怪每朝都大排長龍！ 地址：台北市文山區萬壽路14號 =================== 和記豆漿店 台北人大推早餐店！每日6點就已經出現人龍！ 燒餅即製再用炭爐烤，外表脆卜卜，內裡軟淋淋～～ 甜酥餅、鹹酥餅、厚燒餅夾蛋，必食！ 地址：台北市和平東路三段463巷2之1 =================== 豐盛號 聽講一個朝早就賣到400幾份炭烤吐司，到底有幾勁？ 鮮奶吐司微脆，夾上里肌肉、蛋、生菜等等餡料，再加香濃花生醬，果然係招牌！ 配返杯紅茶或者牛奶，這就是台灣人的古早味道～ 地址：台北市士林區中正路223巷4號1樓 =================== 王記豆腐捲 小店雖然唔起眼，不過食得到台灣古早味！ 通化夜市附近嘅傳統點心～ 皮薄餡料多，豆腐滑溜又唔會散晒，做早餐或者下午茶最啱！ 地址：台北市通化街38巷15號 =================== 源味本鋪古早味現烤蛋糕 呢間舖頭嘅蛋糕，你冇食過都一定聽過！ 鬆軟蛋糕一出爐即切，彈下彈下～ 見到都流口水！ 唔單止分店越嚟越多，款式仲越出越多！ 有原味、芝士、爆漿朱古力，連肉鬆都有！ 地址： 台北市士林區大南路53號 =================== 金峰魯肉飯 去台灣冇食魯肉飯？唔好同人講你嚟過呀！ 人氣老店日日大排長龍，勝在魯肉又香又肥，但出奇地唔油膩～ 食完再去夜市掃街！ 地址：台北市羅斯福路1段10號 =================== 老牌牛肉拉麵大王 傳說中無論環境幾差、幾污糟，都一定要嚟朝聖嘅牛肉麵！ 以真材實料、價錢實惠見稱～ 牛肉份量足而且湯底濃郁！ 地址：台北市中正區重慶南路一段46巷7號 =================== 金春發牛肉店 百年老字號！傳統牛肉麵好食，創新口味仲好食？ 老店一推出創新口味「咖喱牛肉炒麵」，即刻成為招牌菜！ 望落普通，其實一啲都唔簡單！牛肉配咖喱，香味濃上加濃嘅組合人人讚好～ 地址： […]

    author

    【茶記術語】汪阿姐咪嘔住? 極無厘頭 你識條麵咩… | 放假去邊

    茶餐廳係香港地道飲食文化，講求快、靚、正！ 落單要快，伙記有咩辦法？ 「一個夏蕙姨，加個肥妹！」 「再嚟汪阿姐！咪嘔住！」 到底講緊咩？ 文：嘉儀 1. 靚仔、靚女 聽到伙記嗌靚仔靚女，唔好開心住！ 原來「靚仔」等於「白飯」，「靚女」代表「白粥」，所以未必嗌緊你㗎～～ 2. 打爛 「打爛」就是「炒飯」！到底兩樣嘢有咩關係？小編不知道… 揚州炒飯係咪叫揚州打爛？小編也不知道… 3. 籮柚 將「菠蘿油」好快咁讀10次！ 係咪已經諗到點解「菠蘿油」會變咗「籮柚」呢～～ 4. 夏蕙姨 夏蕙姨大駕光臨茶記？ 如果你聽到伙記大叫「夏蕙姨」，其實係有人嗌咗件「西多士」咋～ 至於點解？聽聞同外表有少少關係…… 5. 咪嘔住 咪嘔住！牛治！咪嘔住！牛治！ 「鹹牛肉三文治」呀嘛？聽落都幾似啊～～ 6. 鬼佬肉 難道鬼佬肉係小鮮肉啲friend？ 原來「鬼佬肉」係解「咕嚕肉」，小編真是長知識了！ 7. 上池 上咗水嘅魚，就是「死魚」！ 所以如果聽到「上池」，小心條魚唔新鮮啊～～ 8. 肥妹 「肥妹」等於「熱朱古力」，係咪代表飲完會變肥？ 放心啦！聽到伙記叫肥妹，唔係嗌緊你啊～～ 係嗌緊你嘅將來啊！ 9. 汪阿姐 為你煮～熱咖啡～份外輕快些～～ 同你傾～同你飲～密密斟咖啡～～ 係咪有晒聲畫呢？仲唔係「熱咖啡」？ 10. 敗家仔 你個敗家仔！你個熱阿華田！ 到底有咩關係啊… 小編真係睇唔透……   =============== 放假去邊 更多好介紹: 快啲like我哋Facebook 同follow我哋Instagram啦!

    author

    6大文青Cafe推介! 影靚相打卡 | 香港美食 | 放假去邊

    放假想扮下文青？其實唔難！ 跟著小編嚟啦！幾間環境舒服、兼極多打卡位嘅文青Cafe等緊你喇！ 快啲搵返件靚衫，約個朋友仔，去間文青Cafe，影返輯文青相啦～～ [youtube youtubeurl=”5_Zs8zD0Jig” ][/youtube] 小編：嘉儀（IG: chongkkayee） Artisan Room HK 室外露天Cafe都有家的感覺，有張大梳化兼好多Cushion～ 最啱一路飲返杯咖啡、食件Cake，一路睇書做文青！ Artisanal Homemade Tart $58 自家製Tart細細件，勝在可以試晒4隻味！ 紫薯、抹茶、朱古力、芒果，款款都好食～～ 地址：西環石塘嘴南里8-12號地舖 ==================== Teakha 茶。家 小編極度推介呢間！無論係室外定室內，都有好多靚靚打卡位～ 想影返輯寫真照？絕對無難度！ 就連飲品食物都好精緻，仲好好味！ 祁門玫瑰奶茶 $62 賣相好靚，玫瑰奶茶味濃！ 黑芝麻金桔戚風蛋糕 $56、綠茶起司蛋糕 $50 戚風蛋糕鬆軟，黑芝麻味香濃～ 綠茶Cheese Cake大推介！唔會過甜亦唔膩，小編絕對食到兩件！ 地址：上環太平山街18號B舖 ==================== 川善茶居 唔單止中國茶好飲，其實抹茶都好出名！抹茶控必到～～ Sizzling Matcha Brownie $78 甜品用鐵板上？原來都一樣好食，放上instagram仲好呃到like！ 將抹茶醬淋落Brownie，連埋凍冰冰嘅雪糕一齊食，冰火交融好好味～ Matcha Soul $40 抹茶加豆奶會唔會太甜？ 抹茶意外地甘香無死甜，仲有淡淡蜜糖味！ 地址：上環永樂街50號昌盛大廈5樓 ==================== MUM’s NOT HOME 媽不在家 […]

    author

    抹茶控Ready! 嚴選10大日本必食抹茶店｜日本美食｜放假去邊

    去日本點可以唔食抹茶潮聖？無論係抹茶店集中地京都、抑或係東京，都有好多歷史悠久嘅抹茶老店！ 小編今次係云云眾多選擇入面，幫大家揀咗10間！ 甜品胃Ready好未？快啲Mark低，衝去日本食個夠啦！ 文：嘉儀 1. 中村藤吉 抹茶迷點會冇聽過「中村藤吉」呢個大名？ 人氣宇治百年老舖，有機會去到日本，梗係要拜訪總店！（其實係日本都仲有幾間分店㗎～～） 蕨餅係一定一定要食啊！ 總店地址：京都府宇治市宇治壹番十番地 營業時間：茗茶賣場 10:00-17:30、茶室 11:00-17:30 (最後點餐時間：17:00) 2. 京都 宇治茶 伊藤久右衛門 有400幾年歷史嘅高品質抹茶，產品可以話應有盡有，普通雪糕、朱古力、蛋卷？有！ 和菓子、羊羹、脆餅？都有！就連出名嘅營養麥麵都有得食～～ 總店地址：〒611-0013京都府宇治市莵道荒槇19-3 營業時間：10:00-18:30 3. 宇治の丸久小山園 茶房元庵 抹茶蛋卷一定一定要食！抹茶餡好香滑，而且完全唔膩～～ 紅豆蓉夠綿亦唔甜，食多幾件都無有怕！ 總店地址：京都府京都市中京区西洞院通御池下ル西側 營業時間：09:30-18:00 4. 茶寮都路里 除咗本店之外，就連東京都有分店㗎！ 「白玉あんみつ」最多好評，小編試過的確唔錯！ 總店地址：東山区四条通祇園町南側 573-3 營業時間：10:00-22:00 (最後點餐時間：平日 21:00 / 週末、假期 20:30) 5. 京煎堂 京煎堂嘅成功秘訣在於控制甜味，所以抹茶甜品有甘苦味之餘，亦唔過甜！ 必試最高人氣嘅100%宇治抹茶製造 抹茶芭菲！ 總店地址：京都市東山区四条通花見小路東入 祇園町南側565-1 營業時間：京菓子販賣 10:00-20:00、茶房 10:30-20:00 6. 甘味処 月ヶ瀬 呢間老店賣點係自家製嘅和菓子餡蜜，所以抹茶奶油餡絕對係名物～ 至於刨冰亦係必試，震撼程度打卡一流！ […]

    author

    打卡諗Caption好煩？10句常見旅行歌詞！ | 關於旅行的事 | 放假去邊

    去旅行，瘋狂影相upload上Instagram/Facebook是常識吧！ 不過次次諗caption都諗到頭痕？明明幾分鐘已經影好啲相，不過諗caption就諗足幾個鐘？ 小編發現大家都好鍾意用流行曲歌詞做caption，等我畀定幾句大家，以備不時之需啦～～ 文：嘉儀 1.「天氣不似預期，但要走，總要飛。」－陳奕迅《歲月如歌》 相信小編唔需要多講，呢句歌詞大家應該見唔少！ 上機遇著天氣差，此歌詞出現率達99%… 天氣好呢？「但要走，總要飛」囉～～ 2.「如果想開心，為什麼需要等？」－黎明《眼睛想旅行》 歌詞流露著淡淡嘅霸氣，想去開心咪即刻出發去旅行囉！ （咦… 又好似真係幾型…） 3.「說不出，旅行的意義。」－陳綺貞《旅行的意義》 其實成首歌有好多句都啱用！ 去法國？「你品嚐了夜的巴黎」返中國？「你踏過下雪的北京」 （小編提外話：其實去旅行有咩意義都幾值得思考…） 4.「休息是為了走更長的路。」－嚴爵《好的事情》 旅行就是休息，休息就是為了走更長的路。 完！小編我淨係想長期休息咋！ 5.「遊玩時開心一點，不必掛念我。」－陳奕迅《活著多好》 你有得遊玩實開心啦！相信睇到呢句caption嘅朋友仔，只會掛念你…啲手信！ （順帶一提，呢首歌好似係講親友離世… touchwood!） 6.「有些事情還不做，你的理由會是什麼？」－五月天《有些事現在不做 一輩子都不會做了》 用咗呢句青春歌詞之後，成張相感覺熱血咗10倍～～ 7.「攜著背包遠行，離群遠赴隻身旅行。」－張惠雅《一個人旅行》 一個人又有咩好怕喎？自己去旅行、甚至做背包客，都可以好開心！ 8.「這就是年輕該瀟灑一次的決定，說走就走的旅行。」－周杰倫《說走就走》 等小編recap一次啦！學黎明話齋：如果想開心，為什麼需要等？ （嗚嗚… 我都好想話走就走啊…） 9.「我來到你的城市，走過你來時的路。」－陳奕迅《好久不見》 唔少人失戀，都會去旅行散下心。 當moody嘅風景相，配上呢句歌詞，真係聞者傷心… 10.「明天就要飛走，朋友都輕鬆奉上祝福旅途愉快。」－林一峰《離開是為了回來》 其實用呢句歌詞做caption未必常見，但歌名「離開是為了回來」老是常出現… 其實小編覺得… 無論caption有幾難諗，都無可能阻止到我去旅行！   =============== 放假去邊 更多好介紹: 快啲like我哋Facebook 同follow我哋Instagram啦!

    author

    點心卡路里大公開！一盅兩件變成一啖兩磅？ | 放假去邊

    返工放Lunch會同老闆飲茶，放假就同屋企人飲茶，甚至有人鍾意宵夜去飲夜茶！ 雖然一盅得兩件、望落又細細件，但其實唔少點心蘊含好多脂肪！ 唔想一盅兩件，變成一啖兩磅？知道大概卡路里，識得揀嚟食就唔怕啦！ 文：嘉儀 點心類 蝦餃（1粒）：37kcal 可以放心食～～ 食多兩粒都唔怕！ 燒賣（1粒）：42kcal 卡路里唔算高，不過唔少燒賣都落咗肥豬肉！如果係鵪鶉蛋燒賣會更肥！ 鮮蝦腸粉（1條）：60kcal 算係腸粉家族中最低卡路里！如果牛肉腸/鵝腸就會肥好多！ 鮮竹牛肉球（1粒）：94kcal 牛肉球中暗藏肥豬肉！一粒起、兩粒止好喇～～ 鹹水角（1件）：170kcal 睇佢炸過嘅外皮就知道，卡路里不簡單啊～～～ 糯米雞（1件）：400kcal 食一件已經佔咗半餐卡路里Quota！ 入面足料（亦都好足脂肪），雖然飽肚不過同人Share就比較好喇～   包類、糕點類 水晶包（1個）：38kcal 雖然餡料多數有加糖，不過都算低卡！食晒兩款味都唔怕～～ 蒸饅頭（1個）：60kcal 無餡饅頭本身唔高卡，但如果拎去炸、仲要點煉奶食，脂肪就同你Say hello喇～～ 蓮蓉包（1個）：88kcal 食一個都無妨！不過唔少酒樓加埋蛋黃入蓮蓉包中，咁就唔止88kcal喇！ 奶皇包（1個）：140kcal 流沙奶皇包真係好好食～～～間唔中放肆下啦～～～～ 叉燒包（1個）：160kcal 原來叉燒有好多肥膏，再加埋醬汁就更加肥了… （不要再說了，小編平時仲要係食叉燒餐包… 即係有蜜糖搽係包面嗰啲…） 馬拉糕（1件）：370kcal 以為無餡、蒸糕，等於健康？原來食一件已經有接近400kcal！ 入面又有豬油又有糖，好危險… 睇 住啊！ 雖然唔少點心卡路里都幾高，不過間唔中食下都無所謂嘅！ 計小編話齋，食得是福啊嘛！最緊要食得開心～～～ 唔食多啲，邊有力減肥？   ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    90後一定食過嘅10款零食! 童年回憶返晒嚟～| 香港美食 | 放假去邊

    如果你係90後嘅朋友仔，相信你對以下所有零食都唔會陌生！ 大個之後每次見到都會買嚟食，童年回憶都會返晒嚟～ 你冇食過的話，簡直係愧對90後之名啊！ 文：嘉儀 1. 媽咪麵 嘟嘟嘟～ 嘟嘟嘟～ 嘟嘟嘟嘟嘟嘟～ Shake shake shake shake～ 藍毛毛演奏會開始啦！ 細細個同同學仔share嚟食，食到啲手指勁多口水 :p 2. 旺旺燒米餅 媽咪！好辣呀！ 怕辣就食原味唔辣㗎啦～～ （大家對呢個廣告有冇印象呢～～）   3. 旺仔小饅頭 一啖幾粒，幾啖就食晒成包！ 最鍾意放入口但係唔咬，死都要等佢慢慢溶～～～ 4. 牛仔片 小編最愛！次次小息都要去小食部買嚟食！ （識食一定係連沉晒底嘅調味粉都食埋～～） 5. 戒指糖 就算未食過，都一定見過！ 扮貴婦必備哈哈～（其實粒糖一啲都唔好食…） 6. 孖條 孖條依家真係賣少見少喇… 細個買嚟同friend子share，啪開一人食一支好開心！ 7. 吱吱冰 想當年仲未有咩菠蘿冰、芒果糯米糍，夏天想解熱？ 梗係食返支吱吱冰啦！（不過唔知點解，小編永遠啲冰溶晒都未食晒…）   8. 魷魚絲（其實係鱈魚香絲!） 由細到大，我都係叫佢做魷魚絲！ 小編唔鍾意食魚，但係好鍾意食佢… （而我不知道它是否真的用魚做…）   9. 恐龍谷 裡面真係有唔同形狀嘅恐龍㗎！相信小編對絕種恐龍嘅認識，都係全靠呢包零食～～ （其實大部份時候，啲恐龍一打開已經粉身碎骨哈哈）   10. 時興隆脆卷 明明有3條脆卷，但食完好似食咗陣風咁完全唔飽，但係隻味真係好香！ 時興隆與你～～ 共享昨天今天明天～～～ […]

    author

    抹茶控有福了! 全港必食7大抹茶店 | 香港美食 | 放假去邊

    抹茶美食？沒有最多，只有更多！ 除咗有好多日本抹茶過江龍，仲有Fusion抹茶甜品！ 小編已經開咗「抹茶雷達」～ 話你知邊到有好嘢食！ 抹茶小編：嘉儀（IG: chongkkayee） [youtube youtubeurl=”niKksq0aZl4″ ][/youtube] ==================== 中村藤吉apm期間限定店 必食推介：抹茶蕨餅 $68 超級軟滑！超級濃味！超級好食！ 愛甜嘅朋友記得淋埋黑糖～～ 每日只有大約48份，賣晒就冇㗎喇！ 地址：觀塘觀塘道418號創紀之城5期apm大堂層22舖旁 ==================== 京林屋 煙韌口感：秘製抹茶蕨餅 $88 京林屋係日本有200年歷史！ 蕨餅有微微抹茶香，仲可以淋黑糖、點抹茶粉～ 唔鍾意甜？食原味唔甜㗎啦！ 冬日限定：甘栗抹茶紅豆年糕甜湯 $68 聽個名就知足料！暖笠笠，甜甜地，冬天食真係好幸福～～ 地址：銅鑼灣軒尼詩道500號希慎廣場6樓603-604號舖 ==================== 辻利茶舖 花心必食：IFC限定窩夫 $78 辻利茶舖來自日本京都，有超過150年歷史！抹茶味濃，北海道濃度8.0牛奶雪糕同樣好食！ 窩夫專為香港店而設～ 連匙羹都係IFC個樣！ 有齊雪糕、脆米、丸子、啫喱、紅豆蓉、蛋糕仔，連個杯都食得！ 唔洗怕選擇困難症啦～ 地址：中環港景街一號國際金融中心商場3012號舖 ==================== 世界第2好味雪糕蜜瓜麵包香港店 冰火交融：抹茶雪糕蜜瓜包 $38 又一個過江龍～ 蜜瓜包係重點 牛油味好香～ 新鮮出爐真係熱辣辣 不過要食快啲，因為雪糕好快融！ 地址：銅鑼灣景隆街15-27號地下1A舖 ==================== Echigoya 越後屋 創意好味：抹茶火鍋 $138 當港式邊爐，遇上抹茶湯底！好有創意，好好食！ 足料抹茶朱古力醬唔會太甜，食晒材料都仲有淨！ 款式好多，價錢唔算貴～ 自家製丸子好好食啊！ 抹茶火鍋每日限量，記住要book啊！ 地址：大坑施弼街27號地下 […]

    author
    Uncategorized

    石澳10個影相位! 影盡歐陸彩色小屋 | 假日好去處 | 放假去邊

    石澳好靚！石澳好靚！石澳好靚！ 每行一步都可以影10張相，女仔去一定要帶定相機、準備炸爆Album啊～ 石澳好多彩色小屋，仲好有歐陸風情！ 所以淨係影外牆都有好多款選擇哈哈～～ 藍天、陽光、海灘，樣樣有齊！ 放假入石澳行返轉、影靚相，再BBQ埋簡直就係一大享受！ 小編：嘉儀 (IG: @ chongkkayee) [youtube youtubeurl=”XmbMS2YtOfc” ][/youtube]   >> 粉紅色美人樹盛開  迪欣湖文青影相位 1. 灰色型格外牆 記得影埋旁邊嘅盆栽做襯托～ 咁張相就唔會咁寡，又有清新嘅感覺哈哈！ 2. 藍色情人橋 點解叫情人橋？傳聞係因為佢好窄… 只夠兩個人一齊行喎… 小編一個人咪自己行晒囉… 呢條小橋連接石澳同大頭洲～ 粉藍色好靚！好多人係為咗影呢條橋嚟石澳㗎！ 淨係呢度，都夠大家影足一日㗎喇 😛 3. 鐵皮屋 鐵皮屋本身唔算靚，不過屋頂生滿花花草草，令到成件事活潑好多～ 所以… Pose 梗係要配合下！ 4. 彩色小屋 間間小屋嘅外牆都唔同顏色，逐間影都有排影啊！ 等小編畀幾隻色你揀啦～～ 粉色系～～（其實仲有粉紫、粉黃、粉綠… 好多好多） 連教會嘅外牆都係綠色！小編都忍唔住要自拍返張～:P 5. 仿竹木製外牆 6. 復古吊燈 背多fun～～～ （靜雞雞話你知，小編唔夠高…….） 7. 油畫 行行下經過餐廳，見到餐廳出面都掛咗幅好靚嘅畫！ （不過當時附近有工程、地下好多泥石，所以小編唯有自拍哈哈） 8. 教堂閘門 好靚！好靚！好靚！好似真係結婚，去咗真教堂咁～～ 不過閘門好高，真係唔企遠啲自拍都影唔晒佢全身！ 9. […]

    author