• Mon. Jun 1st, 2026
    • '

    Author: tiffany chong

    author

    【旺角/尖沙咀/銅鑼灣/元朗】平均$100! 消除痛症/無痛減肥/人手按摩~ | 香港美容 | 放假去邊

    頸緊膊痛？個人長期疲勞？身體有痛症？ 好想減肥，但係又冇時間做運動？ 係時候放鬆下，順便排毒、改善痛症喇！ 小編有好介紹！ 喺旺角唔單止方便，價錢仲勁抵，做完勁舒服！ =============== 人手按摩45分鐘 人手按摩超舒服，係按晒全身㗎！ 膊頭、手腳、腰背，按足45分鐘～～ 最特別係配合艾草油一齊按～ 艾草油可以溫經脈、通經絡、袪寒濕，咁就可以加倍效用喇！ 配合埋師傅嘅按摩手勢！ 絕對可以放鬆肌肉～～～～ =============== Magic Plus 能量手套 30分鐘 呢個係小編私心推介！ 可以改善身體痛症之餘，過程仲完全無痛！（只係會感覺到有啲微電流通過身體～～） 師傅會戴上手套、配合開穴療法，有效通經絡、改善血液循環，仲可以舒緩繃緊肌肉！ 仲要仲要！呢個療程有效去水腫！（咦～～ 咁咪即刻減到肥？！） =============== 閃頻溶脂 20分鐘 完全唔洗郁就減到肥？呢個簡直係懶人恩物啊！ 儀器經過身體嘅時候，會有微暖，不過完全唔痛～ 微微按壓仲有助放鬆肌肉！ 師傅會利用儀器，集中喺某個位置打轉～ 咁就可以將脂肪定點軟化，咁望落就即刻瘦晒啦！ 即刻睇下對比圖！ 左邊小腿已經完成一次療程，明顯係幼過右腳㗎！！ 價錢又抵，又可以放鬆下～～～ 快啲襯promotion去試下啦！ 除咗旺角之外，尖沙咀、銅鑼灣、元朗都有分店！ =============== Le Health Spa 玲瓏坊 地址：旺角山東街38號38廣場6樓全層 WhatsApp：https://api.whatsapp.com/send?phone=85262159805 電話：3616 3475 收費：$128一項；$238兩項；$308三項 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【高CP值～香港仔必食】生蠔$10隻！瀑布芝士龍蝦！｜香港美食｜放假去邊

    喺香港仔有間新西餐廳！ 專門食生蠔，仲要係又平又高質！ 每日都會有一款生蠔，只係$10一隻，可以無上限任嗌～ 依家仲要有優惠！ 只要堂食惠顧12隻$10生蠔，可以免費升級其中一隻為「愛爾蘭Carlingford手板大蠔 (N.000)」！ 原價一隻要$98，依家免費upgrade啊～～～ $10生蠔質素已經好好，隻隻都肥美飽滿！ Carlingford手板大蠔仲正啊～ 真．超級大隻！生蠔迷必定滿足～～ *優惠期：即日起 至 2019年1月18號 *每日數量有限，送完即止 =============== 必食嘅仲有呢個… 澳洲牛柳配龍蝦！ 龍蝦啖啖肉、勁多膏，不過好戲在後頭啊～ 餐廳職員會喺你面前，將勁勁勁多熱溶芝士淋喺龍蝦上面！ 芝士控不能錯過！芝士鹹香味勁夠，配埋龍蝦肉真係perfect～～ 除咗牛柳+龍蝦之外，就連All Day Breakfast都可以配熱溶芝士！ 芝士＋流心溫泉蛋＋多士，簡直就係All Day Breakfast嘅極致～ =============== 餐廳仲有好多唔同款式嘅串燒、燒物！ 小編比較推介嘅係以下呢幾款～ 厚切蒲燒鰻魚、煙肉焗生蠔、照燒汁雞肉串 豬仔脾、燒雞翼、牛仔骨 全部肉類都燒得幾Juicy～～ 唔錯！ 燒汁魷魚、大蝦、墨魚仔 海鮮選擇都幾多，呢幾款入味得嚟又爽口！ =============== 其他主菜都好高CP值，仲幾有特色！ 墨汁意大利飯好高級啊～～～ 放咗好多三文魚子、海膽，配埋Creamy嘅risotto食真係好開心！！！ 脆炸德國豬手 唔單止皮脆肉厚、啖啖肉… 而且份量十足、好多件！ 北京填鴨芝士Pizza 呢個好特別！完全就係北京填鴨嘅味道！ 芝士味好濃郁、配埋秘製醬汁，必試呀～～～ 西班牙肉腸拼火腿 配芝士花 芝士配肉腸/火腿一齊食，好夠鹹香、超級好食！ 重點係：有得食仲有得玩！你可以自己整芝士花！ 捲大啲朵花，咪可以食多啲芝士囉！好過癮～～～ 全部生蠔都係每日新鮮空運，仲要只係$10隻！ 抵到爛啦～～～ 快啲去香港仔試下呢間新店！ OysTime 地址：香港香港仔中心1期1樓2號舖 (近恆生銀行) […]

    author

    【滋補養顏 零脂肪】即開即飲 虱目魚精！隨時補充體力～｜香港美食｜放假去邊

    返工返學咁辛苦，梗係要飲湯水滋補一下！ 但係又冇時間自己煲？ 小編大推介「魚鱻森虱目魚精」！ =============== 100%無添加嘅虱目魚精，最近仲有常溫版啊！ 方便裝經過高溫滅菌，所以毋須冷藏～ 真係即開就即飲得，超方便！ 一盒入面有6包～ 魚骨、魚皮、魚肉嘅精華係晒入面！ 高營養、豐富膠原蛋白、零脂肪、零膽固醇，補而不燥～ 飲落仲唔會覺得有魚腥味！ 去旅行特別攰？好容易病？ 呢包虱目魚精可以隨身攜帶，帶去旅遊、公幹就最啱喇！ 魚精性質溫和，所有人都啱飲～ 兒童補充營養、成人想保健養生都絕對冇問題！ 魚精對以下人士仲特別有用：備孕男女、懷孕女性安胎、女性產後復原及坐月上奶、術後調理！ 方便裝除咗可以直接飲用，仲可以直接將成包放入熱水、煲3-5分鐘加熱嚟飲！ 冬天飲就啱晒喇～～～ 咁方便嘅「魚鱻森虱目魚精」，梗係好方便就買得到！ 依家萬寧獨家發售，仲有優惠價：買2盒只係$536咋～～～ (每盒6包)   =============== 放假去邊 更多好介紹: 快啲like我哋Facebook 同follow我哋Instagram啦!

    author

    【油麻地激抵】$68花膠螺片雞煲翅！足料龍蝦海鮮湯飯！｜香港美食｜放假去邊

    油麻地呢間平民餐廳，CP值極高！ 唔單止食材高質，仲要份量好足！ 即刻睇下有咩好食啦～～～ =============== 殿．海鮮龍蝦湯泡飯 $98 半隻龍蝦！勁大粒帶子！4-5隻青口！好多好多蜆、八爪魚！ 再加碗白飯，會唔會太足料啊！！！ 半隻龍蝦，絕不欺場！啖啖肉之餘，仲有唔少蝦膏～～ 小編表示$98係好抵食！ 蜆肉多到食極都仲有，而且隻隻飽滿～ 湯底有好濃郁海鮮味，撈飯食真係好爽啊～～～ 花膠螺片雞煲翅 $68 小編發現… 煲仔湯係更加抵食，最平$40幾蚊就有交易！ 就連呢個花膠螺片雞煲翅都只係$68，會否太抵玩？！ 半隻雞，雞肉仲要好嫩滑～ 勁勁勁多花膠、螺片！ 呢個份量、呢啲材料，其他地方點食得到？ 想轉做套餐？(包一碗白飯、一碟油菜、飲品) 只係加多$10咋！即係$78就食到咁多嘢喇～ 花膠魚頭蟲草花湯 $68 想食得再滋補啲？魚湯都係一個唔錯嘅選擇！ 再加埋蟲草花一齊煲，輕鬆飲晒個湯啦～ 魚頭、花膠呢啲全部上齊畀你，湯底真係好濃郁！ 份量好唔簡單，大胃王都堅夠飽啊～～ 南乳炸雞翼 配薯角 $32 小食款式都幾特別，小編最鍾意係南乳炸雞翼！ 炸得好香口，不過雞肉keep住嫩滑～ 重點係南乳味真係好濃！ 墨魚手指拼魚腐 $32 魚腐不過不失啦～ 比較推薦嘅係墨魚手指！ 小編係出面冇食過，估唔到入面有墨魚粒，口感好豐富～ 及第撈油麵 $48 呢到有10幾20款牛油鹵水撈麵，全部價錢都好親民！ 最特別係呢款：豬雜撈油麵！ 豬潤超厚切！豬肚、粉腸都處理得好好～ 重點係佢個自家製沙嗲醬！ 超香超濃，撈埋啲油麵一齊食真係好惹味！性價比真係幾高～ 村爺爺龍蝦湯.泡飯.燉湯專家 地址：油麻地砵蘭街72號地下 電話：6773 8757 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【太古城中心】超靚夢幻聖誕裝飾+換agnès b.禮品+賺高達2,000里數!

    糖果色系「聖誕暖暖小鎮」 影相打卡必到！超靚嘅糖果色系、配北歐風格建築物，梗係要同另一半/好朋友喺到影返幾張靚相啦！ 「雪雪聲咖啡廳」 係奶泡雪人啊！成身都係奶泡、白雪嘅佢勁可愛啊～～ 「薑餅仔學糖」 聖誕節梗係唔少得薑餅人啦～ 嚟呢到就可以搵到薑餅仔喇！ 佢仲整緊比起薑餅人更加好食嘅甜品添啊！ 「飛天馴鹿慢遞郵箱」全年無休 幫你送心意 呢到仲有個「飛天馴鹿慢遞郵箱」，可以喺2020年指定任何一個月份、全年無休派送聖誕咭！ Follow Cityplaza Instagram 就可以得到一張薑餅仔明信片喇！ 必坐「聖誕夢幻號」 嘩嘩嘩！呢到仲有得坐「聖誕夢幻號」環遊世界啊！ 日夜風景會隨時間轉變，只要你輕觸車窗，聖誕小伙伴仲會即刻現身，為你嘅旅程增添趣味～～ 出發前須於「奇幻玩票處」留低名字並訂閱太古城中心電子報，便可取票。投入「奇幻金幣」、再畫出專屬的「空中簽署」，即能取得專屬的聖誕小鎮記念車票，掃瞄車票上的QR code更可下載精彩的旅程影片。 【購物夢幻賞】聖誕禮物大放送！ 聖誕節點少得禮物呢？辛苦咗成年，係時候獎勵下自己喇！ agnès b. DELICES聖誕禮品套裝、L’OCCITANE身體護理套裝、高達2,000亞洲萬里通」里數… 勁多獎品等緊你啊！ 2019年12月6日至12月26日期間，只要喺太古城中心即日消費滿指定金額、即時成為LIVE+會員或出示LIVE+會員咭，即可參與「太古城中心2019購物夢幻賞」！ 消費金額 換領項目 「亞洲萬里通」里數 港幣1,200元至4,999元 Sugarfina® 細味甜蜜賞Sugarfina® 糖果盒 不適用 港幣5,000元至7,999元 L’OCCITANE玫瑰身體護里賞 L’OCCITANE玫瑰身體護理套裝 1,200里數 港幣8,000元或以上 agnès b. DELICES 里賞法式品味獎agnès b. DELICES聖誕禮品套裝 2,000里數 成功兌換「亞洲萬里通」飛行里數嘅你哋，更會自動進入「太古城中心 賞飛就飛聖誕大抽獎」，有機會蠃取高達500,000飛行里數啊！買得多，中獎機會越大！ *活動受相關條款及細則約束，詳情請參閱場內宣傳品。 太古城中心已經準備好，同你過開心聖誕喇！ 快啲約埋朋友仔/另一半，去感受下聖誕氣氛啦～～ 詳情: http://bit.ly/385CMRq 太古城中心 […]

    author

    【2018澳門光影節】打卡必到～燈飾遍佈全澳！| 澳門旅遊 | 放假去邊

    打卡必到！2018澳門光影節開鑼喇！ 全澳門都充滿燈飾，聖誕節又多一個好去處了～ 今年澳門光影節主題係「時光澳遊」，有5個光雕表演、唔同VR互動遊戲、燈飾裝置、文創夜市！ 而澳門作為UNESCO創意城市美食之都，今年仲首設光影美食車、美食夜市～ 小編教路：跟住3條路線行！咁就唔會錯過任何特色景點啦～ =============== 路線1 -《與時光玩遊戲》 呢條路線必睇嘅梗係大三巴！ 今年喺大三巴嘅光雕表演，除咗有澳門當地隊伍，仲首次邀請到葡萄牙、比利時隊伍！ *光雕表演每半小時一次，每次約五分鐘（第一場於7pm；最後一場於9:50pm） 之後可以去附近影靚相，其他燈飾裝置都好靚㗎！ 聖誕節喺呢啲靚靚燈飾下面影相，都咪話唔靚～～～ 喺瘋堂斜巷都有唔少打卡位～ 呢個掛滿發光燈籠嘅地方，行入去都覺得浪漫啊～～ =============== 路線2 –《青蔥時光》 呢條路線以南灣湖水上活動中心為重點！ 小編話你知：一定一定要嚟玩今年新增嘅VR啊～ 參加者只要戴上VR眼鏡、機械臂，就可以享受360度飛翔體驗「遨遊澳門」喇！ 跟住就要睇埋「時空熱氣球」！ 唔同顏色嘅發光熱氣球，勁靚～ 影相打卡一流～ =============== 路線3 –《尋味歲月》 又想感受澳門光影節，又想享受美食？！ 呢條路線啱晒你喇！ 路線喺北帝廟前地、氹仔街巿一帶，可以順便去埋「美食夜巿」～ 黑糖珍珠奶茶、日式章魚燒係小編比較推薦！ 行過覺得肚餓，可以買嚟食下～～ 一啲特色嘅景點，就連樓梯都會著燈～ 全個澳門都畀光影燈飾包圍啊～ =============== 必換禮品！發光棉花糖/飲品、環保袋 2018澳門光影節仲有光影美食車～ 喺康公廟前地、南灣湖水上活動中心、龍環葡韻都有！ 喺光影美食車可以索取活動資訊，換領發光飲品、發光棉花糖、紀念品！ 記得去換埋先好走啊～～～ 只要影任何2018澳門光影節照片，分享到Facebook/Instagram/微信/微博等社交平台… 然後加Hashtag #2018澳門光影節，集齊20個Like就換到喇～ 仲有得換環保袋！只要… 1. 分別同3隻指定地點嘅麥麥影相 2. 分享這3張相片到Facebook/Instagram/微信/微博等社交平台 3.  Hashtag #2018澳門光影節 =============== Download個app就更方便！ 等小編教精你！ 預先下載「2018澳門光影節」手機應用程式，就可以知道最新活動詳情、具體時間表！ 或者關注澳門特區旅遊局嘅微信公眾號都得！ =============== 2018澳門光影節 […]

    author

    【Lego低至3折】超過600款！旺角、銅鑼灣、觀塘同步發售！｜香港購物｜放假去邊

    Lego迷又係時候掃貨喇！ 全場有超過600款Lego，全部3折起咋！ 旺角、銅鑼灣、觀塘同步發售，總有一間喺左近啦～ 就快聖誕節，等小編話你知，邊幾款抵買聖誕禮物！ ==================== 聖誕小火車 $25 (原價 $80) 好抵買！細細份，買嚟玩下都抵～ 只係$25咋！ 冬季假期火車 $599 (原價 $899) 有齊蒸汽火車、路軌！重點係除咗火車識郁，就連聖誕樹都會跟住轉！ 樂高瓶中船 $499 (原價 $690) 超級無敵靚！設計好特別，架船喺個透明水樽入面！ 迪士尼城堡 $2880 (原價 $3988) 罕有款呢到都搵到～ 好靚啊！仲包埋迪士尼公仔！ 艾非爾鐵塔 $215 (原價 $360) 建築物必買靚款！巴黎鐵塔啊～～～ 自由神像 $580 (原價 $880) 除咗有巴黎鐵塔之外，小編覺得自由神像都幾有收藏價值！ 幸福摩天輪 $1299 (原價 $1890) 罕有款幸福摩天輪，呢到平咗$600蚊！ 大倫敦巴士 $799 (原價 $1099)、小倫敦巴士 $99 (原價 $170) 經典款式英國倫敦巴士，呢到梗係有得買～ 聖誕禮物買$99細巴士，抵玩啦！ 超跑車布加迪 $2380 (原價 $3480) […]

    author

    【韓式火鍋任食】泡菜卜卜蜆、人蔘雞！尖沙咀望海景～｜香港美食｜放假去邊

    尖沙咀逢星期二有$248韓式火鍋放題！ 餐廳仲望到海景，勁靚～～～ 即刻睇下有咩食！ =============== 有三款湯底可以揀，小編大推介泡菜蝦汁卜卜蜆煲！ 蜆嘅份量好多，湯底用咗一斤蝦殼每日新鮮煲，所以蝦汁激濃！ 人蔘雞鍋都好正～～ 原隻西班牙無激素走地雞！ 好足料～ 雞肉好嫩滑～ 切開隻雞… 入面有好多糯米、栗子等嘅材料！ 係傳統韓式人蔘雞！ 仲有連素食者都可以享用嘅麻辣素雞煲！ 素雞其實係百頁豆腐，超級惹味～～ =============== 30幾款火鍋配料任食，仲有好多特別嘅韓式配料！ 等小編話你知有咩心水推介～ 美國特級肥牛、美國黑豚豬腩片 肉類大推呢兩款！打邊爐食肥牛是常識吧～～～ 連豬肉都係高質款，豬腩片好Juicy啊～～ 自家製素豬肉泡菜滑 雖然呢款係素食，但真係好好食！ 素豬肉係由Green Monday自己研發嘅Omnipork，出面賣得好貴，不過呢到係任食！ 餐廳仲自己加入泡菜，成件事更加惹味～ 山葵芝士丸(蛋奶素)、韓國泡菜餃子、黃金粟米餃子(純素) 加咗Wasabi嘅芝士丸真係必必必試～ 好過癮啊～ 餃子都有幾多款，肉食素食都有！ 羽衣甘藍、冰菜、本地有機雪耳 就連蔬菜類都好特別，呢幾款都係平時火鍋店比較少見～ 小編大推冰菜、雪耳，口感一流！ =============== 想無限任食海鮮？！ 只要加$38… 日本生蠔、韓國白蜆、虎蝦、鮮魷魚仔、自家製泡菜墨魚滑、鯪魚滑、蝦滑仔，全部都可以任食！ 再高級啲？可以升級食埋原隻新鮮龍蝦！ =============== 火鍋去到尾聲，個湯底一定要濃！ 點少得將 紫菜、芝士、白飯 撈埋個湯汁一齊食？激濃激滋味！ *或者可以選擇 韓國四彩手拉素麵 / 紫菜粥 =============== 如果想無限任飲20幾款酒類、韓國特飲、雪沙、果汁/果茶，加$88就可以全晚任飲～ 紅白酒、氣泡酒、啤酒、韓風調酒、無酒精特飲咩都有！飲品CP值好高！必必必加！ 韓式火鍋放題逢星期二限定！ 仲可以坐窗邊望海景，快啲約朋友去試試佢啦！ $248 週二全天候韓．鍋放題 日期：即日起 至 […]

    author

    【旺角 燕窩粥底火鍋】必食阿拉斯加蟹、生蠔、手工火鍋料！｜香港美食｜放假去邊

    火鍋就食得多，粥底火鍋你有冇食過？！ 小編發現旺角有高CP值粥底火鍋，全部材料都係高級嘢！ 依家仲有優惠！ 6位或以上送半隻阿拉斯加蟹、12位或以上送夠一隻！ =============== 海鮮拼盤 $1888 呢個海鮮拼盤真心不得了！ 阿拉斯加蟹1隻(約3斤)、波士頓龍蝦1隻、美國石蠔4隻、貴妃蚌4隻、時令貝類兩款共8隻、海蝦8隻！ 超多款海鮮之餘，仲會加送美顏燕窩桃膠粥底！ 粥底火鍋有齊：燕窩、桃膠、雪耳、木瓜、紅棗、杞子！ 滋補養顏～ 煲完海鮮之後食，更加鮮甜～～～～ 阿拉斯加蟹好大隻、好生猛啊～～～ 拎上手真係好重秤！ 美國石蠔必必必食！ 隻隻都肥美飽滿，全部有小編手板咁大隻～～ 煮熟嘅阿拉斯加蟹都唔會縮水！ 蟹腳全部啖啖肉，又新鮮～～ 仲有好多蟹膏，撈落粥底一齊食就更加正！ 波士頓龍蝦都唔惹少，同樣都係啖啖肉～ 所以話：鍾意食海鮮嘅朋友仔，一定唔可以錯過呢個海鮮拼盤！ =============== 呢到仲有好多自家製火鍋配料，仲有好多款都係其他餐廳好少見～ 即炸紫菜響鈴 ($28/半份、$48/全份) 響鈴係打邊爐必必必食！ 呢到嘅響鈴全部新鮮炸起、全部都有手擘咁長～ 仲好特別地加咗紫菜，食落更加脆！ 手切牛肉 ($198/半份、$328全份) 牛肉超級高質！雪花紋勁靚，食落仲好濃牛肉味～ 配埋淡淡海鮮味嘅粥底，一流！ 鳥結糖 $52、招牌唐三彩 $58 呢兩款都係墨魚滑嚟，整得好精緻、食落味道仲好豐富！ 鳥結糖有粒粒墨魚，食落口感好正！唐三彩用咗菠菜、奶油、墨汁嚟整，好特別啊～ 巨根蟹柳 $28 就連蟹柳都勁勁勁長！ 仲要係真．蟹棒嚟，都係海鮮之選啊～～～ 蟹粉蝦餃皇 $28/粒 粒粒都係自家製～ 入面加咗勁勁勁多蟹粉，唔怪得之咁飽滿～ 成件事即刻高級晒！ 日本櫻花葉鮮蝦丸 $48 蝦丸好彈牙啊～～～～ 櫻花葉係日本直送，微微地提升咗蝦嘅鮮味！ 日本水菜 $38、台灣水蓮 $38 就連蔬菜都特別過人！ […]

    author

    【澳門美食節】集齊全球所有美食！超過150個攤檔！| 澳門旅遊 | 放假去邊

    吃貨福音！「第18屆澳門美食節」終於到喇！有成超過150個美食攤位，果然係美食之都～ 今屆嘅主題係「百變心情好煮意、美食之都譽全球」，一共有5大主題街，同埋1條新加坡村！ 全球嘅美食，呢到都搵得到！點可以唔嚟掃晒佢？！ =============== 海鮮控注意！必掃歐陸美食街 鍾意食海鮮嘅朋友仔，Mark實呢條「歐陸美食街」喇～ 龍蝦、生蠔、帶子… 有！蒸、燒、煮、炸… 齊！ 小編大大大愛～ 仲長過小編塊面嘅「蒜蓉波士頓龍蝦」！ 新鮮惹味之餘，仲啖啖肉！ 鍾意食龍蝦嘅朋友仔，可以試埋其他款～ 激多芝士嘅又得，加咸蛋黃嘅亦得！兩款都好吸引啊～～～ 燒生蠔都係必食～ 望到成排蒜蓉燒生蠔已經流晒口水喇～～～ 芝士控就一定要揀芝士燒生蠔～ 芝士夠多、夠濃，生蠔燒完仲keep住大大隻！ 日韓台泰菜！亞洲美食街 亞洲咁大… 你今次真係咩都食得晒啊！ 日本菜、韓國菜、泰國菜、越南菜、台灣菜，應有盡有！總有一款啱你心水嘅～ 芝士鰻魚包 必必必食呀！ 厚切嘅燒汁鰻魚夠晒香、配埋芝士一齊食，沒有不好吃的理由！ 爆丼都係全場焦點～ 小編特別推介：原條鰻魚左口魚、三文魚子蟹肉，兩款CP值都好高！ 四式玉子燒都好抵食～ 一個價錢可以食晒四款！芝士、紫菜、沙律醬乜乜乜… 選擇困難症都唔洗怕！ 亞洲美食嚟講，點少得台灣菜？！ 台式肉燥飯好吸引啊～～～ 每一粒飯都吸盡肉燥嘅精華！ 仲有好正宗嘅台南蚵仔煎，台菜控不能錯過～～～ 韓國菜嘅代表：韓式五花肉！ 豬腩肉嘅脂肪勁香～ 肥肉層次好分明～～～ 竟然仲搵到韓式傳統魚糕，必必必食啊！ 必必必食！新加坡美食 今屆美食節有成條「新加坡村」！ 你講得出嘅新加坡美食，呢到全部齊！等小編話畀你知，邊幾款夠正宗、最值得食啦～～～ 不能不食嘅，梗係咸蛋乜乜乜！ 呢到有咸蛋黃炸雞扒、炸薯條… 行過已經聞到好香喇～～～ 真．來自新加坡嘅海南雞飯！ 無骨就基本啦～ 再配埋油飯一齊食… 啖啖新加坡傳統味！ 仲有好重麻油香嘅手撕雞～ 份量好足、啖啖肉，食肉獸是時候出動了！ 去飲茶喇喂！超多款中式點心 點心控！「中式酒樓街」一定係你心水喇～ 可以食到茶樓嘅點心，間間都好地道！除咗粵菜之外，仲有上海菜、汕頭菜等等… 食得到嘅傳統味啊～～～ 蒜蓉蒸帶子全部都大大粒～ 40蚊就食到3隻，幾抵喎！ 中式酒樓嘅生炒糯米飯、辣酒煮花螺，呢到都搵得到～ […]

    author