• Mon. Jun 1st, 2026
    • '

    Author: tiffany chong

    author

    【旺角共享空間】環境靚！價錢平！位置極方便！｜香港｜放假去邊

    小編發現旺角有個全新共享空間！ 環境靚！價錢平！位置極方便！ 仲要免費提供零食、餅乾小食、飲品、咖啡/茶！ 想吹水/休息放鬆下？ 要靜靜地溫書做嘢？ 傾Project甚至傾生意？快啲過嚟啦！ =============== 全新裝修，環境又靚又舒服！ 空間感十足～ 坐係出面嘅客人，可以傾計傾Project等等～ 另外亦設有靜音空間，係有隔音玻璃、門！ 坐係入面嘅朋友仔，可以安靜地溫書，或者做自己嘢～ 小編覺得坐係窗邊最好，望住個藍天感覺好舒服！ 小編覺得呢到最正嘅地方係：勁多款零食、餅乾小食，都係免費食！ 過嚟溫書做嘢啱晒！ 亦都可以自己帶食物上嚟！ 飲品都係免費無限飲！ 可以自己沖咖啡、茶，或者紙包飲品～ 仲可以叫店員即沖咖啡、茶！都係免費！ Latte、Cappuccino 呢啲都可以飲到～   所有座位旁邊，都有至少一個充電位！ 電話、電腦、iPad乜乜乜都唔怕會用到冇電啦！ 仲有無限任用、免費WiFi～ 正啊！ 快啲約埋朋友仔上嚟啦！ Co-Read 地址：旺角彌敦道703號金鑽璽9樓全層（旺角地鐵站A1出口） 網站：www.coread.co   價錢： （平日）$80/3小時、$110/全日 （假日）$90/3小時、$130/全日 =============== 放假去邊 更多好介紹: 快啲like我哋Facebook 同follow我哋Instagram啦!

    author

    銅鑼灣【任燒生蠔+海鮮拼盤+燒肉/壽司/刺身放題】$278勁多款食物~｜香港美食｜放假去邊

    小編發現銅鑼灣有間抵食放題！ 做緊優惠，有好多嘢送啊～ 仲要有齊生蠔、海鮮、燒肉、刺身、壽司、炸物… 咁多款食物！絕對回本！ 先講有咩優惠！ 優惠1. Share餐廳Facebook，每位都送海鮮拼盤 蟹膏甲羅燒、鮑魚、生蠔、貴妃蚌、虎蝦，全部都係勁新鮮！ 必食甲羅燒！蟹膏勁濃郁，仲超級多料！ 優惠2. 四人或以上同行，Share餐廳Facebook 免費任食燒蠔！（*四人或以下加$18即可任燒） 燒完嘅生蠔仲係勁大隻！超級肥美！ 可以無限encore，淨係燒生蠔都夠你回本！ 優惠3. 四人或以上同行，Share餐廳Facebook 免費食龍蝦刺身！ 龍蝦肉勁彈牙，配埋脆卜卜嘅蟹籽食，好正啊～～～ *優惠須提前一天訂座 =============== 任食嘅款式真係勁多！ 等小編推介啲正嘢畀你！ 虎蝦任食！ 全部都大大隻，夠新鮮彈牙！ 燒肉都有好多揀～ 牛肉、豬肉、雞肉、雞翼呀牛舌呀腸仔，咩都有！ 私心推介：牛仔骨！ 花紋勁靚～燒完都好容易咬開，一啲都唔韌！ 梅花肩胛都係好食之選！ 仲有牛柳粒，都幾Juicy！ 一口Size啱啱好～～ 放題點少得壽司刺身？ 呢到嘅刺身/壽司/卷物/手卷，種類都好多～ 小編覺得比較特別嘅係牛拖羅壽司/手卷，加埋啲汁一齊食，好正 T_T 放題必食炸物/小食！ 小編推介：榴槤波波、炸雞軟骨！ 仲有仲有！拳頭咁大嘅三文魚鮫！ 出面放題好少有～ 勁厚肉，無限任食真係好滿足！ 最後點少得甜品？！ 呢到仲有Movenpick雪糕啊！！！！ =============== 尚鮮日式燒肉漁市場 地址：銅鑼灣謝斐道496號金利文廣場3樓 電話：21174267 價錢：星期一至四 $278 / 星期五六日、公眾假期及前夕 $298 Share餐廳Facebook 每位送時令海鮮盤 4人或以上 送免費燒蠔任食＋龍蝦刺身 4人或以下 […]

    author

    澳門十月初五街! 三大必試人氣美食~ | 澳門美食 | 放假去邊

    去澳門掃街是常識吧！ 小編今次帶你去十月初五街，試勻3間超人氣嘅餐廳！ 想食好嘢就記得mark低喇～ =============== 南屏雅敘 聽講呢間餐廳，係全澳門最古老嘅冰室！ 必食嘅係南屏三文治～厚蛋治～ 勁足料，一啖絕對咬唔晒！ 用厚炒蛋包住勁多塊叉燒、火腿，好滿足啊～～ 仲有好多傳統冰室小食，連沙翁都有！ 勁多砂糖，鍾意食甜嘅朋友必定喜歡～ 冰室嘅裝修依然保留，好有特色！ 地址：新馬路十月初五街85-85A號地下 =============== 牛記咖喱美食 呢間餐廳咖喱好食，但最出色係蟹黃撈麵！ 蟹膏味道超濃郁，撈麵亦都夠彈牙～ 將啖啖蟹膏，撈埋啲麵一齊食，太好味了 T_T 地址：新馬路十月初五街1號地舖 =============== 榮暉咖啡美食 招牌雞湯米！湯底有好鮮甜嘅雞味，仲帶微微酒香！ 唔怪得個個都話：好味到飲晒啲湯！ 好足料～ 一碗有齊冬瓜、杞子、紅棗、雲耳、芫茜、雞肉、米線！ 滋補得嚟又好食～ 地址：新馬路十月初五街54號地舖 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【台北Cafe】珍珠奶茶Pancake! 必食車輪餅 鹹甜有齊~｜台灣美食｜放假去邊

    台北有唔少文青Cafe，等小編去其中一間人氣店試下！ 環境靚，有唔少打卡位～ 不過重點係，啲甜品好好食啊～～～ 仲有台灣必食嘅車輪餅，鹹/甜味都有，全部都好吸引！ =============== 珍珠奶茶Pancake 真係有滿滿嘅珍珠！ 淡淡嘅黑糖甜味，配埋奶茶味嘅Cream，真係食得到嘅珍奶！ 總共有三層班戟，每層中間都有珍珠同Cream，所以口感好豐富！ 雲石流心朱古力梳乎厘班戟 呢個梳乎厘班戟超級鬆軟，一切落已經好有空氣感！ 食落有微微蛋香～ 切開入面竟然有流心朱古力醬！ 香濃嘅朱古力，配埋鬆軟嘅Pancake，必食！ 士多啤梨梳乎厘班戟 其實Cafe仲有供應其他口味～ 新鮮嘅士多啤梨、士多啤梨Cream、士多啤梨醬，加埋一齊好滿足～ =============== 同場加映：必食嘅車輪餅！ 佢哋附近仲有間分店，係專賣車輪餅～ 大部份都係特色口味！ 甜味：香蕉流心朱古力、抹茶紅豆麻糬、珍珠奶茶 鹹味：三重芝士、芝士辣雞肉、芝士肉醬薯條、芝士肉鬆麻糬 小編超級鍾意芝士辣雞肉！ 芝士好多，配埋惹味嘅辣雞肉，越食越開胃！ 另有芝士肉鬆都有必食～ 仲要加埋麻糬，呢個組合絕對唔會失手！ 芝士控可以試下三重芝士～ 芝士味好香濃，加上車輪餅有淡淡蛋香，幾Match！ =============== Cafe嘅環境好靚，裝修係行復古風，所以有唔少打卡位～ 係到食個甜品、飲杯嘢，嘆返個下午真係好享受！ 美好年代 Belle Époque 地址：台北市大安區大安路一段52巷23號 美好年代-小美好（售賣車輪餅） 地址：台北市萬華區峨眉街52號1樓 誠品西門店1F （峨嵋街入口處） =============== 放假去邊 更多好介紹: 快啲like我哋Facebook 同follow我哋Instagram啦!

    author

    【薯片迷福音】多款Lay’s薯片任你塞! $100成箱帶走~｜香港美食｜放假去邊

    鍾意食薯片嘅各位，呢個遊戲真係不能錯過！ 只要畀$100買一個A4 Size嘅紙箱，就可以任搶薯片！ （重點係可以無限疊高！） 有勁多款選擇，包回本啊～～ Lay’s、Doritos、Cheetos、Ruffles、Tostitos，咩都有！ 遊戲玩法係： 用$100買一個紙箱，然後三分鐘內可以無限任放薯片！ 之後捧住箱薯片，圍繞活動場地行兩圈，成功將薯片運到終點，就可以成箱拎走！ 一句講晒：只要你放得穩、拎得起，呢箱薯片就係你㗎喇！ 我都裝到16包，你快啲嚟玩啦～～～ 「三分鐘 Lay’s 搶到夠」 活動日期：2018年7月7日 至 7月8日 時間：下午2時 至 5時 地點：奧海城2期 Market Place by Jasons =============== 放假去邊 更多好介紹: 快啲like我哋Facebook 同follow我哋Instagram啦!

    author

    【旺角】好抵好舒服~ 薰蒸/排毒Facial/按摩 低至$99起! | 香港美容 | 放假去邊

    返工返學咁辛苦，放假梗係要放鬆下！ 想由內到外Relax兼排毒？小編有介紹！ 係旺角夠晒方便，價錢夠抵、環境企理，好舒服啊～～ =============== 45分鐘 中藥薰蒸 薰蒸透過蒸氣嘅熱力，令皮膚下血管擴張，將中藥透過毛孔快速滲透至皮膚底層吸收！ 蒸完45分鐘可以深層次排汗，將身體毒素、重金屬排出！ 經常失眠、疲勞、手腳冰冷嘅人就最啱做喇～ 仲可以去水腫減肥啊！ 做緊嘅時候，可以伸對手出嚟！ 用電話、飲水一樣得，完全唔怕悶啊～ 中藥薰蒸仲可以促進血液循環、改善免疫系統，想保健、養生都得！ =============== 45分鐘 淨肌Facial 首先落妝、洗面，之後就會搽上精華！ 淨肌Facial利用精華、再配合儀器，可以短時間將阻塞毛孔嘅黑頭、粉刺、化妝品殘留重金屬排出！ 本身係透明嘅精華，慢慢就會變成黑色！ 咁就代表分解咗皮膚底層嘅污垢喇～ =============== 45分鐘 磁叉按摩 呢款五叉磁捧，同一般嘅磁叉有分別㗎！ 磁力帶動血液中嘅鐵質，促進血液循環、排走毒素～ 磁叉刺激全身唔同穴位，再配合人手按摩，疏通「淤塞」經絡～ 可以達至通淋巴、消除肌肉疲勞、去水腫等等功效！ =============== 呢到仲有獨立嘅沐浴室～ 做完之後可以沖返個涼，咁就舒服晒啦！ Le Health Spa 玲瓏坊 地址：旺角山東街38號38廣場6樓全層 電話：3616 3475 優惠組合價（最少要選兩項）： $198 仼選兩項、$298 三項 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【大阪必食】黑門市場12款美食推介!｜日本美食｜放假去邊

    去大阪，好多人都會去黑門市場！ 等小編話你知有咩美食！睇完保證你想馬上出發！ =============== 即燒帆立貝 全部都係即叫即燒，大大粒、好滿足！ 唔想食原味？仲可以加芝士一齊燒！ 原粒帆立貝串燒 旁邊亦有已經煮好、配燒汁食嘅原粒帆立貝～ 一樣係勁大粒㗎！ 原條鰻魚 鰻魚迷必食！大條兼厚肉，仲要冇骨㗎！ 鰻魚玉子燒 想留肚？又想淺嚐鰻魚？呢款真係啱晒！   燒大蝦 隻隻都長過小編手掌！真．啖啖肉！ 即燒原隻龍蝦 成隻龍蝦咁食，會唔會太爽啊～～ 好新鮮啊！ 帝王蟹腳 呢隻蟹腳… 長過小編隻手… 到底要食幾耐先食晒？！ 厚切刺身/壽司 去日本點可以唔食壽司？ 新鮮！厚切！大件兼抵食！ 小編嘅必食推介係：帶子、大拖羅、鰻魚！ 即炸天婦羅 呢間嘅天婦羅全部新鮮炸起，餡好多、炸粉夠薄～ 天婦羅梗係要熱辣辣咁食！好爽啊！ 草莓大福 日本嘅士多啤梨、配日本必食嘅大福，點會唔好食？！ 燒菠蘿/哈蜜瓜/蜜瓜 日本啲水果真係好甜！燒完之後更加香～ 掃完街食返幾件水果，解膩一流啊！ =============== 放假去邊 更多好介紹: 快啲like我哋Facebook 同follow我哋Instagram啦!

    author

    【超抵】旺角$178任食芝士/麻辣雞煲＋火鍋！｜香港美食｜放假去邊

    三重芝士雞煲！麻辣雞煲！任食！ 仲有唔同款牛肉、豬肉、雞肉乜乜乜… 超過60款火鍋配料，全部都係任食！ 最平$178就食得到喇～快啲出發喇～ =============== 必食！三重芝士雞煲！ 勁勁勁多芝士，上枱已經聞到好香芝士味～ 上枱後，會再煮多8分鐘～ 確保雞肉keep住嫩滑！ 雞肉、芝士、洋蔥份量都好多，食極仲有！仲要係任加！ 食完雞煲就可以打邊爐！ 有3個選擇： 1. 免費加豬骨湯 2. 加$28換4款湯底其一 (沙嗲/芫茜皮蛋豆腐/特濃蕃茄/麻辣) 3. 加$38換鴛鴦湯底 任食火鍋有3款套餐！ 分別在於牛肉款式唔同～ 其他火鍋配料、雞煲都一樣！ 1. 任食雪花肥牛 $178 最平$178任食，牛肉係普通雪花肥牛… 但已經算係肥牛水準之上，小編個人已經好Okay！ 2. 任食頂級安格斯牛肉 $198 想食好少少？ $198就可以連安格斯牛肉都任食！ 呢款牛肉好濃，脂肪比例無咁高～ 3. 任食頂級雪花安格斯＋美國桶蠔 $268 雪花肥牛、頂級安格斯、頂級雪花安格斯、美國桶蠔，全部任食！ 雪花安格斯，鍾意食肥牛嘅朋友真係唔可以錯過～ 油脂分佈勁靚！ 美國桶蠔勁新鮮、勁大隻啊～ 打邊爐邊少得咸蛋黃炸魚皮、炸響鈴？！ 全部餐廳自家製～ 好脆，吸晒湯底啲汁好正啊！ 仲有超過60款火鍋配料！ 丸類、菇菜類、粉麵類，全部都有齊～ 任食肉類都仲有5、6款！ 蒙古羊肉、雞肉、西班牙黑豚肉、豬頸肉咩都有！ 連牛舌都係任食～ 小編推介自家製水餃/雲吞，全部都皮薄餡多！ 入面啲蝦肉爽口，好好食啊～～～ 海鮮款都唔少～ 必食虎蝦、白膳片、鵝腸！ 飲品自己拎，汽水、茶、啤酒都有～ 仲有餐廳每日新鮮煲嘅竹蔗茅根，必飲啊！   滾喜火鍋專門店 […]

    author

    外星人登陸澳門新濠影滙! 勁多影相位＋太空酒吧!｜澳門旅遊｜放假去邊

    澳門新濠影滙有新主題「外星爭霸」～ 酒店周圍都係外星人，有好多打卡位！ 仲有個期間限定嘅太空酒吧，可以即製特飲～ 快啲睇下有咩睇啦！ =============== 酒店大門已經有隻好大嘅外星人喇～ 影返張相先入去啦！ 話明「外星爭霸」，外星人梗係存在係每一個角落㗎啦！ 有打緊交嘅外星人… 有企係大門、負責守衛嘅外星人… 你仲可以企入太空機艙影相～ 抬起頭？都會見到外星人，係正你頭頂啊！ 果然係遍佈每一個地方～   搭扶手電梯？記住要緊握扶手啊～ 好似有隻外星人準備吞咗你咁啊！ =============== 太空酒吧 Space Bar 呢到仲有個太空酒吧，開放時間係12pm至8:30pm～ 呢到會有外星調酒師，即席發揮創意調酒！ 等你品嚐到特飲、小食～ 酒精/無酒精飲品呢到都飲到～ 仲有外星人同你一齊啊哈哈！ =============== 宇宙飛馳 Space Racers 呢到12pm至8pm仲有綠幕互動體驗，你坐上去可以體驗係太空駕駛戰機、係飛船之間穿梭！ =============== 仲有好多外星人、打卡位、好玩好食等你發掘！ 快啲約埋朋友嚟睇下啦～ Alien Invasion 外星爭霸 日期：2018年5月23日 至 2018年9月9日 地點：澳門新濠影滙 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【超方便外賣壽司/到會】全港都送~ 超過100款食物!｜香港美食｜放假去邊　

    去郊外野餐想食壽司？ 係Office想叫外賣壽司？ 攤係屋企好懶、唔想出街食飯，想嗌外賣？ 小編發現呢間壽司店，全港外賣都送！（只要係私家車可達嘅地方） 就算嗌到會，即日落訂都得～ 仲有好多食物揀啊！ =============== 刺身類有好多款！ 三文魚、甜蝦、帶子咩都有，就連海膽都有啊～ 壽司拼盤都有好多種，有多有少、任君選擇！ 全部送到嚟都仲好新鮮～ 連炸物/小食都有得揀，到手仲熱辣辣㗎！ 雞翼、炸蠔、餃子、炸蝦，咩咩咩都有～～ 最特別係… 竟然有刺身蛋糕？！ 鍾意食刺身嘅朋友仔，生日買呢款吧！   千之味刺身壽司專門店 查詢及預訂WhatsApp：93885690 餐單及送貨詳情可瀏覽網頁：http://www.oi-shi-sushi.com/ （會於車邊交收，不設送上樓） =============== 消費滿$300以上「免費外送地區」如下： – 深水埗，荔枝角，長沙灣，油尖旺區，葵青區，荃灣，沙田，大圍，火炭，馬鞍山，大學，黃大仙，九龍灣，觀塘，藍田，紅磡，土瓜灣，黃埔，大埔，粉嶺，上水 消費滿$500以上「免費外送地區」如下： – 深井，元朗，天水圍，屯門，將軍澳，各區村屋 消費滿$800以上「免費外送地區」如下： – 西貢，馬灣，東涌，機場，赤柱，愉景灣，港島區 *隧道費、橋費、車場停車費、特別地區入場費需客戶自付 (青馬大橋費$40 紅隧$15 東隧$38 西隧$75) *逢星期日/紅日及公眾假期需加$20假日運費 *凡購物滿$600以上免費送保溫袋（原價$20）如若想選購，可與店員聯絡 =============== 放假去邊 更多好介紹: 快啲like我哋Facebook 同follow我哋Instagram啦!

    author