• Mon. Jun 1st, 2026
    • '

    Author: tiffany chong

    author

    【抵食西餐】火焰豬手! 特大龍蝦! 威靈頓牛柳! | 香港美食 | 放假去邊

    想係旺角搵到間西餐… 價錢唔高、食物有質素、環境靚、坐得舒服？ 小編有好介紹！睇下有咩好食啦！ ===================== 火焰脆燒德國原隻鹹豬手 $165 嘩嘩嘩！火燒豬手啊！ 望住啲充滿油脂嘅豬皮，好吸引啊～   豬手本身已經熟，上枱之後會有職員幫手點火加熱！ 等啲火熄晒就可以切嚟食喇～ 豬皮超級香脆！ 仲要啖啖肉，加埋少少肥膏一齊食真係一流～ （有配埋酸菜、芥末醬㗎） 小編冇呃你！豬手幾乎有我個頭咁大！ 切開係超級多肉，絕對抵食啊～ ===================== 香烤原隻波士頓龍蝦 $235 有龍蝦唔算特別，但呢隻係特別大！特別多肉！ 仲要配咗蕃薯蓉，唔係平時用薯蓉粉開出嚟嘅普通薯蓉～ 餐廳仲提供芫茜汁配龍蝦食，成件事Fresh好多！ 加埋一齊食好清新啊～ 真係啖啖肉，每一舊都好大件㗎！ ===================== 皇牌威寧頓牛柳 $245 呢個真係必點！呢到竟然有超考工夫嘅威寧頓牛柳！ 價錢唔算十分貴，但係好足料兼好味道啊～ 一上枱已經聞到好香牛油酥皮味！ 酥皮同牛扒之間，仲夾咗一層有黑椒嘅菇，令到牛扒更加好食啊～ 肉質嫩滑，好淋、好容易切開～ ===================== 和風蜜芥鹹牛脷熱脆包 $55 呢款小食一啲都唔小，同樣係好足料～ 三大件麵包，入面夾住厚厚嘅鹹牛脷、Wasabi醬，仲有菠蘿畀你解膩！ 麵包係超！級！脆！包控一定會好滿意～ 仲要每一件都有超碼三塊鹹牛脷，全部都好嫩滑，好淋好易入口！ ===================== 溫泉玉子菠菜大啡菇 $65 芝士！溫泉蛋！菠菜！大啡菇！ 呢個係比較清新嘅選擇～ 溫泉蛋流心！ 真係好大隻菇啊～～～ ===================== 冰球沙律 $85 其實沙律入面係有蟹肉、芒果、木瓜、牛油果，份量都唔算少～ 最特別係用咗真冰球裝住，啲沙律食極都可以keep住凍！ 呢個冰球食得又睇得，淨係影相都覺得好靚啊～ ===================== 原隻低脂蜜桃雪葩 $55 最後梗係要食甜品！呢到有好多款水果雪葩，全部都用真·果肉㗎～ […]

    author

    龍蝦! 芝士蟹蓋! 豬腩肉! 荃灣西日fusion菜式自由配搭~ | 香港美食 | 放假去邊

    主打龍蝦嘅Master Kama，係荃灣開咗分店啊！ 除咗照舊有好多款海鮮，仲加入唔少意粉、意大利飯、Pizza乜乜乜！ 菜式仲可以自己配搭～咁咪可以試多幾款囉！ ===================== Bossy Royal Set (二人用) $358 可選兩款沙律/餐湯、兩款前菜、一款主菜、兩款Burger/Pizza/Pasta/Risotto 勁多款菜式任你配搭，咁就可以咩都試啲啦！ 小編推介前菜：芝士蟹肉釀蟹蓋、香草龍蝦蛋捲（配竹炭脆多士） 芝士蟹蓋係一定一定要食！啖啖蟹肉好足料，同芝士味好夾啊～ 主菜揀咗烤蒜蓉牛油龍蝦～ 成隻上，多肉多膏，加埋蒜蓉牛油真係一秒食晒！ （主菜仲有海鮮拼盤、慢煮三文魚、西班牙豬腩肉、安桐斯西冷乜乜乜… 好多款！） 海膽忌廉蟹肉意粉、Lady煙肉蘑菇忌廉意大利粉（配62度溫泉蛋） 呢到全部都係手工意粉，粉紅色嘅Carbonara唔止好睇，仲好好食好creamy！ （其實仲可以揀Burger/Pizza/Risotto，有超過20款選擇！） 三文魚柚子檸檬玻璃杯沙律、凱撒沙律配漬溏心蛋玻璃杯沙律 沙律都唔普通，竟然係自己落汁自己Shake！份量都幾足～ ===================== GirlPower Set (一人用) $138 自己一個又有咩怕喎！食返個一人餐先啦～ 任揀一款Burger/Bun，仲有一份Shake Shake薯條、一杯Lady’s Beer！ 小編強力推薦慢煮豬腩肉包！ 豬腩肉煮得好淋，啖啖都有齊厚肉＋厚脂肪～ 調味超香口，加埋少少花生碎，食一打都仲得！   Shake Shake薯條梗係要自己Shake！ 有10款由日本直送嘅Shake粉任揀～ 章魚燒味、梅子味、咖喱杯麵味、芝士味，乜都有啊！ 最後梗係要試Lady’s Beer！望落似啤酒，但其實無酒精㗎！ 奶蓋係蘋果味忌廉梳打，飲落好清新～ ===================== Half Half 雙拼 $128 呢到最特別係可以揀雙拼！ 每款份量減半，但就可以試到兩款菜式，最啱選擇困難症朋友啦～ 三文魚白汁五色蝴蝶粉、梅子吉列大蝦五穀米茶漬飯 五穀米茶漬飯比較健康～ 梅子、大蝦都係日本直送㗎！ ===================== 飲品走可愛路線～但絕對有質素㗎！ […]

    author

    馬鞍山新食街! 超多款食物~ 超過10間熟食開到凌晨!｜香港美食｜放假去邊

    最近馬鞍山恆安… 有條新食街！ 有超多款熟食，台式、日式、港式乜都有，價錢仲要好親民～ 最重要係，大部份熟食檔都開到凌晨兩點！ 去食宵夜啱晒啦～ =============== 舌尖回味 主打日式菜式，最特別係6pm後就會有超多款串燒！ 全部即叫即燒，小編最推介牛舌～ 仲有原條燒八爪魚 ($38) 啊～ 真係超級大條！ 另一必食：蒲燒原條鰻魚 ($75)！ 長過小編手臂！食完已經飽晒～ 所有炸物都係即炸，主打係薯餅～ 小編試咗紫薯餅 ($10)、咖喱餅 ($8)，聽講仲有吉列牛薯餅㗎～ 日式墨魚滑紫菜湯 $20 大大碗好抵食！推介墨魚滑～ =============== 三寶皇 呢間魚肉燒賣必食！即包即製，用蒸籠蒸，超新鮮～ 幾分鐘就賣晒㗎喇！ 魚肉燒賣 $12/8粒 好香魚肉味～仲要質感好軟，唔會死實！ =============== 皇后餃子 餃子即叫即製，皮超薄！ 有7款餡揀，仲可以揀煎/炸/蒸/湯/配麵！ 傳統韮菜豬肉、冬菇豬肉有，新穎芝士栗米、泡菜都有！ 餃子 $10/3粒 超足料，粒粒爆晒餡！加埋菜脯會更加好食～ =============== 正一麵 呢間車仔麵店，最正係咖喱汁湯底！ 好多配料揀～全部水準都幾好！ 最推薦就係秘製牛腩～ 好香！牛腩好淋！ =============== 燒洒一族 主打西式、酒醉小食，超多款揀啊！ 特大德國燒豬手 $88/1隻 超級大隻、超級多肉！ 用啤酒浸過，所以皮脆肉嫩～ 酒醉小食都好多款，全部都係用十幾種香料烚熟，再加杞子、花雕酒、鹵糟浸泡！ 酒醉熏蹄 $48 48蚊已經有好大兜，超抵食～ […]

    author

    必買! 隱形眼鏡大特惠~ 最低$80盒+超多款日韓牌子! | 香港購物 | 放假去邊

    小編發現平價隱形眼鏡，有優惠梗係要同大家開心Share啦！ 即刻睇下有邊幾款必入！ ==================== 博士倫透明隱形眼鏡30片裝 (日拋) $80 (原價$160) Acuvue Moist透明隱形眼鏡30片裝 (日拋) $130 (原價$260) Acuvue TruEye透明隱形眼鏡30片裝 (日拋) $170 (原價$340) 博士倫有色隱形眼鏡30片裝 (日拋) $170 (原價$340) Acuvue Define有色隱形眼鏡30片裝 (日拋) $170 (原價$340) Acuvue Define閃鑽棕色隱形眼鏡30片裝 (日拋) $185 Royal Vision極光系列2片裝 (月拋) $99 (原價$280) Clalen有色隱形眼鏡30片裝 (日拋) $190 (原價$228) GEO有色隱形眼鏡10片裝 (日拋) $148 (原價$168) ==================== 優惠一： 買滿6盒1-day隱形眼鏡，即送三段光自拍燈 優惠二： Follow Instagram (sweetymagic_con)，即可以$1換購 Clalen 或 GEO 1-day隱形眼鏡一對 \ 咁抵買～快啲嚟入貨啦！ […]

    author

    抵食日式火鍋放題! 高質靚牛+特色火鍋料+阿華田雪糕! | 香港美食 | 放假去邊

    冬天最啱打邊爐！ 小編發現呢間經濟實惠、質素幾高，仲要係任食嘅日式火鍋店～ 香港仔新分店仲送免費貝類刺身！快啲睇下有咩好食！ =============== 打邊爐最緊要湯底！呢到湯底超特別啊～ 左邊係用甜醬油熬嘅壽喜燒，甜甜地好惹味！ 右邊係十勝芝士豚骨湯，除咗有淡忌廉、豬骨，仲加咗日本嘅十勝芝士啊！ =============== 有湯底之後，梗係要有材料！ 呢到有好多款高質靚牛肉，小編有兩個重點推介～ 極上美國牛肉 肉質爽口、牛味重！ 配甜甜地嘅壽喜燒，完全係perfect match～ 澳洲和牛小排 油花分佈均勻～口感嫩滑～而且全部大大塊！ 牛魔王必嗌！ =============== 除咗牛肉，Buffet Bar都有好多款火鍋配料任揀啊～ 任食丸類種類算多，仲幾有特色添！有四款係小編特別推薦！ 醬爆麻辣丸 睇落無特別，食落至知夠晒麻辣惹味！ 魚蛋裡面包咗粒肉丸，食嗰陣記住小心爆出嚟嘅麻辣汁！ 流心粟米魚蛋 呢款同樣係小編最愛，同芝士湯底好夾！點解？ 因為餡料全部都係忌廉、粟米～同芝士超Match！ 麻糬魚腐 麻糬煙煙韌韌～ 墨汁豚肉丸 黑麻麻嘅豚肉丸，非常之彈牙，而且又Juicy～ =============== 蔬菜都有唔少選擇！就算食素都唔怕寡啊～ 羽衣甘藍、蟲草花、萵筍、茼蒿、紫薯、翡翠苗、鮮淮山！全部都有啊～ 仲要呢到只係一小部份咋！ =============== 新店有優惠！ 只要成為會員，就可以免費得到貝類刺身兩種！ （*僅限於香港仔店） 刺身包括北海道帆立貝（四片）＋日本象拔蚌（五片），全部都大大塊、好好食！ =============== 呢到仲有雪糕、乳酪任吱任食！ 小編推介期間限定口味：阿華田！（去到2月14號咋） （聽講仲有好立克味，大家快啲去試！） 吱完雪糕仲未夠喉？可以自選配料、雪糕醬～ 你諗到嘅Toppings呢到都有！ 大功告成喇！快啲嚟自己DIY返一杯啦～ =============== 牛一 Nabe One 新分店： 香港仔成都道38號利港商場3樓B號舖 電話：2155 2233 營業時間：11:30至23:30 […]

    author

    超巨型恐龍登陸澳門新濠影滙! 影相打卡+實境體驗激鬥恐龍!?｜澳門旅遊｜放假去邊

    去澳門又有新打卡位喇！ 新濠影滙嘅「賞金尋龍」大型恐龍互動展，啲恐龍高到上天花板！ 淨係望都覺得震撼啊～跟小編嚟影相、玩AR、VR啦！ 影相位：全場最大！超高恐龍 咁大隻恐龍，要人與恐龍同時出現係張相，攝影師靠你了！ 仲識得郁㗎～～～ 小編小教室：恐龍係有分肉食、草食㗎！ 今次兩款都有齊，你又分唔分到呢？ 特暴龍（肉食） 美甲龍（草食） 腕龍（草食） 行出酒店大堂，原來仲有！ 好～大～隻～啊～～～想同佢影相，睇嚟要借位了～ 影相+拍片位：坐直升機！近距離接觸恐龍？ 你以為呢架直升機只係裝飾？坐入去有嘢睇㗎～ 可以近距離接觸恐龍！聽聞仲幾緊張刺激！ 重點係… 幫你拍埋片！咁就可以Post上Facebook啦～ 影相位：細有細影！ 唔想影巨型恐龍？大有大影，細有細影嘅姐！ 細細隻嘅速龍、恐爪龍啱唔啱心水？ 迅猛龍 恐爪龍 喂喂喂！影完相仲未完㗎，仲有好多嘢睇、好多嘢玩！ 千祈唔好錯過啊～ Hologram：一齊睇恐龍孵化！ 呢個流動科學實驗室，可以畀你近距離觀賞「伶盜龍」孵化過程！ 可以邊玩邊學嘢喎～ 嚟！一齊睇下破蛋而出嘅可愛小恐龍，慢慢變成… 可怕嘅肉食性恐龍！ 好嘢又點止咁少？二月仲有新嘢玩！ VR體驗「與恐龍飛翔」 掛你係半空？肉食恐龍嘅大佬「暴龍」一直追住你？ 聽到都覺得緊張刺激！你有冇信心逃得出佢手指罅？ AR技術「恐龍現形」 VR就聽得多，AR你玩過未？ 你可以透過AR技術，見證超霸氣嘅「特暴龍」，由巨型骸骨「復活」變返恐龍！   呢到又玩得又影得，快啲出發澳門恐龍展啦！ （仲可以順便去掃晒澳門啲美食啊… :P） 新濠影滙「賞金尋龍」大型恐龍互動展 地點：澳門新濠影滙 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【美食大集薈】銅鑼灣食盡中西日! 滿足正餐+甜品胃~ | 香港美食 | 放假去邊

    如果掃街已經滿足唔到你，不如一齊掃餐龐啦！ 小編發現銅鑼灣翡翠明珠廣場嘅Festiva，開咗好多餐廳～ 仲有齊中式、西式、日式，食到正餐又有甜品！ 仲唔快啲去試？ [facebook url=”https://www.facebook.com/openholidays/videos/vb.1584449505101275/1944893645723524/”][/facebook] 小編：嘉儀（IG: chongkkayee） ==================== 意粉屋 流心芝士法國春雞（伴烤新薯、香草忌廉野菜） 燒春雞好大隻啊～啲雞肉係超級嫩！ 最特別係入面有餡！ 切開有好多芝士流出嚟！芝士好香，用嚟點雞肉食，完全perfect啊！ 芝士火鍋 冬天梗係要打邊爐，香濃芝士啱唔啱？ 足足用咗4款芝士，仲要有好多嘢食！ 前菜：三文魚、巴馬火腿、鮮果 配料：刺身級帶子、香腸、粟米、車厘茄、蘑菇、肉丸、薯條、麵包粒、意粉 重點推介！紐西蘭特級肉眼！ 牛肉味好香濃～配埋芝士食，真係會食唔停啊！ 北海道帶子 日本魷魚 墨汁意大利粉 呢到啲意粉都好值得食！ 意粉有咬口～海鮮好新鮮，份量都好足夠！ 帶子好好食啊～仲大大粒！Encore啊唔該！ ==================== 丼丼亭 海產天丼定食 呢間餐廳係大阪過江龍！必試招牌：海產天丼！ 有4款天婦羅，全部都皮薄香脆，一啲油膩感都冇～ 天婦羅有兩款食法！ 關東就點天汁，關西就可以點鹽，有得自己揀！ 醬油角切魚生丼定食 另一必嗌就係魚生丼喇！又新鮮，仲要超級多料～ 吞拿魚、三文魚、油甘魚、八爪魚、甜蝦，仲有玉子！包你夠食！ 串燒（牛腹肉/牛舌厚切/煙肉年糕/海老/甜蕃薯/雞肋骨） 串燒得銅鑼灣分店有！小編我梗係要食！ 特別推介牛腹肉啊～啖啖肉，肉汁好夠～ ==================== ZAKKA Café 梳乎厘班戟 配北海道牛乳雪糕 一定一定要食！班戟好鬆軟，而且好足蛋味～ 配忌廉/雪糕食都好正～ 期間限定 黑白朱古力流心布甸 配雲呢拿雪糕 此心太軟不同彼心太軟！外皮係黑朱古力，而流心餡係白朱古力！ 一次過試晒兩款味～ 期間限定 榛子朱古力慕斯班戟 除咗Pancake係用榛子醬做之外，就連中間啲Cream都係用榛子醬整！ 再加入少少堅果碎，有口感～仲好香榛子朱古力味！ 酥脆窩夫 […]

    author

    【掃貨! Lego三折】觀塘開倉~ 超過1000款任揀!｜香港購物｜放假去邊

    Lego迷，小編又有好消息喇！ 觀塘又有開倉，有超過1000樣款式之外，仲好抵買～ 係時候掃貨，順便買聖誕禮物喇喂！ [facebook url=”https://www.facebook.com/openholidays/videos/1943715999174622/”][/facebook] ==================== 聖誕老人限定包（30478）$28/原價$85 聖誕不得不買！細細份又容易砌，個聖誕老人仲幾得意～ ==================== 冬季火車站（10259）$540/原價$680 呢個都係聖誕必買！雪景火車站好應節啊～ ==================== Benz氣壓吊車（42043）$1299/原價$1880 呢架吊車係同Benz合作，足足有三千幾件lego，夠晒霸氣！ 想砌晒佢？聽講要起碼六日㗎～ ==================== BMW電單車（42063）$320/原價$490 仲有同BMW合作嘅電單車，車迷出動了～ ==================== 子彈火車（60051）$780 呢盒lego係有埋遙控器，可以控制火車嘅速度，仲可以兩邊方向行～超抵玩！ ==================== 電動火車（10507）$340/原價$530 呢款買畀小朋友就最開心～入面包咗摩打、路軌～ 砌好架火車之後，行車仲會有glug、glug聲！ ==================== 甲蟲車（10252）$499/原價$780（限定mini版$199） 呢款超好賣啊～今次限量150盒咋，手快有手慢冇！ 仲有mini版畀你揀！小編決定兩款都要～ ==================== Assembly Square 街景10週年紀念版（10255）$1599/原價$2280 呢盒lego係慶祝Creator系列出咗十週年～好特別㗎！ 砌出嚟有3棟，仲有好多間舖～ ==================== 流動遊樂場（10244）$1100 又可以砌到架貨車，打開貨車又係一個遊樂場～ 一盒lego兩款玩法，抵晒啦！ ==================== 美女與野獸城堡（10255）$390/原價$540 竟然畀我搵到美女與野獸嘅城堡啊！迪士尼迷仲唔快啲入貨？ ==================== 反斗車王豪華版（10745）$340/原價$650 卡通lego又點少得反斗車王？仲要係豪華版，內容夠晒豐富～ ==================== 反斗車王（10731、10732、10733）$58一盒/原價$118 細細盒最啱送畀小朋友，依家仲做緊大特價！買晒咁多款先～ ==================== 勞蘇 $20/原價$65 砌lego點可以冇公仔？小編搵到絕版人氣偶像勞蘇啊，只係20蚊一隻！ ==================== 陽光巨帆遊艇（41317）$460/原價$680 船內超細緻， 船外仲有海豚、香蕉船！聽講係少女至愛喎～～～ ==================== […]

    author

    【超抵! 開倉大特價】名牌香水低至4折+多款面膜買1送1~｜香港購物｜放假去邊

    聖誕買咩禮物好？小編有好嘢益大家！ 觀塘有名牌香水+護膚品開倉，超抵買啊～送禮定自用都啱！ [facebook url=”https://www.facebook.com/openholidays/videos/1941911119355110/”][/facebook] ==================== Jo Malone 藍風鈴香水 (每日頭10位$300、其後$450 / 原價$600) 全場最抵買！平時係專門店買一支要$600，如果你係每日頭10位幸運兒，可以半價買返屋企啊！ 就算唔係頭10都冇所謂～呢到賣$450一樣抵買！ ==================== Versace Bright Crystal Absolu ($330 / 原價$870) 四折！係四折啊！ 平咗一大截喎，唔係唔入手啊？ ==================== Chloe EDP ($280 / 原價$560) 就連Chloe香水都做半價！ 買返幾支送畀朋友，一啲都唔失禮啊～ ==================== 除咗有多款名牌香水之外，呢到嘅面膜、護膚品都好抵～好多款都買一送一！ 宋仲基七日面膜 ($110/兩盒) 宋太們，要出動了！ 周圍都賣斷市嘅面膜，呢到竟然齊貨！ 仲要做緊優惠，平均$55就買到一盒喇～簡直係全城最抵！ 多款日韓面膜都做緊買一送一，最平$40(1盒)就有交易！冬天唔怕dry喇~~~ ==================== 講到dry，點可以唔添設啲潤手霜？ 呢到都有好多款畀你任揀～ 講到最抵，就梗係KOSE嘅潤手霜啦～ $23就已經買到一支，完全唔洗慳住用！ ==================== 聖誕節送禮物～ 除咗要實際，個盒都要夠靚！小編推介… Jurlique聖誕套裝 ($360) 呢個禮物盒絕對平過出面買，仲要好有誠意！ 入面有齊潔面產品、面霜、玫瑰水，一條龍護膚啊！ ==================== 重點嚟喇！ 依家只要買滿$100，加多$1就可以換到Innisfree面膜1塊！ $1一塊面膜喎！太抵了吧～ […]

    author

    【超靚超浪漫】聖誕必去Disney! 燈飾+飄雪陪你Sweet住過~ | 假日好去處 | 放假去邊

    又到聖誕～又到聖誕～ 今年聖誕節去邊好？等小編帶你去香港迪士尼啦！ 呢到又靚又有氣氛，帶埋你個閨蜜、男女朋友、屋企人過嚟，包你今個Xmas甜到爆啊！ [facebook url=”https://www.facebook.com/openholidays/videos/1939652732914282/”][/facebook] 小編：嘉儀（FB page: 嘉儀 / IG: chongkkayee） ==================== 與Olaf合照 Olaf淨係聖誕節先出嚟㗎！所以一定要把握機會同佢影相啊～ 咁可愛，等小編我影多幾張先！ ==================== 米奇與好友聖誕舞會 呢個係香港迪士尼樂園聖誕節全新節目！米奇同成班好朋友一齊表演，又唱又跳！ 所有角色都出晒嚟，畀你一次過見晒佢哋～ 仲有新加入嘅成員StellaLou同埋Duffy啊！ 迪士尼迷，千祈唔可以錯過～ ==================== 聖誕飄雪時刻 白色聖誕一定要有雪！聖誕節期間，美國小鎮大街會落雪㗎！ 咁有氣氛、咁浪漫，記住去睇雪影靚相喇～ ==================== 夢想成真聖誕樹亮燈禮 睇完雪唔好走住！之後就輪到聖誕樹亮燈喇！ 成棵又大又靚嘅聖誕樹著晒燈飾，樹下仲有特別表演㗎～ 最後仲會用煙花作結，真係好靚啊！ 成條美國小鎮大街嘅燈飾都會暫時熄晒，等你可以盡情欣賞亮燈禮！ ==================== 大街火車站甜蜜聖誕派對 最後等小編帶你去大街火車站啦～ 呢到又有Party，又有靚景㗎！ 上到嚟可以正面望到聖誕樹、睡公主城堡，畀你一個全新角度睇煙花！包你畢生難忘啊～ 除咗睇煙花、影靚相，梗係要享用埋甜品Party啦！ 呢到有各式各樣嘅聖誕主題甜品，絕對係甜蜜聖誕嘅perfect ending～ 超可愛精緻嘅甜品啊～ 拎多幾件一邊影相打卡，一邊食晒落肚先！ 點少得聖誕老人造型嘅朱古力蛋糕？ *大街火車站甜蜜聖誕派對於12月23-25日、29-30日 (20:00-21:30) 開放，並需額外收費。 記住提早致電 +852 3510-5000預約喇～ ==================== 聖誕節嘅香港迪士尼樂園咁靚，仲唔快啲拉朋友一齊嚟？ 而家「奇妙處處通」年票仲有3人同行85折優惠：http://bit.ly/2iN13Dz ==================== 放假去邊 更多好介紹: 快啲like我哋Facebook 同follow我哋Instagram啦!

    author