Pablo同雷神朱古力都係日本知名牌子，
係大家去日本必買手信之一，
而今個暑假，佢哋更加聯手推出兩款科甜點新品，令一眾粉絲好期待！
今次嘅兩款新品分別係
「PABLO芝士撻味雷神朱古力粒」、「朱古力半熟芝士撻」，
可以同樣突顯到兩個品牌嘅特色~
「PABLO芝士撻味雷神朱古力粒」早已經喺7月13日推出，
小型朱古力粒內係香濃嘅芝士內餡、朱古力碎餅乾
以及特製嘅杏桃果醬，以模仿半熟芝士撻嘅口感~
[instagram photo=”CC_7m6hFHhv”][/instagram]
朱古力粒嘅設計特登整成細細粒，
方便食用，食落都無咁膩！
除此之外，將會於8月1日推出嘅「朱古力半熟芝士撻」最令人期待！
一貫Pablo芝士撻半熟流心嘅傳統，
再加入雷神招牌嘅朱古力餅乾，頂層淋上濃濃朱古力醬，
加埋雷神 x PABLO聯名小卡簡直係一百分！