Open Tour
位於深水埗嘅一間田園風咖啡店，入門口好似森林咁，有幾棵大樹棟咗喺度，店內售賣多款有機產品同生活用品，包括杏仁、腰果多款無包裝食物。 焦糖香蕉法式多士，呢個一定要試喇，香蕉煮過之後口感軟乎乎，面層仲有層脆焦糖，多士入面充滿蛋汁，上面仲有球雪糕。食落口感層次豐富。 煙三文魚水波蛋酸種麵包，流心溫泉蛋配煙三文魚，配搭埋佢哋自製既酸種麵包，真係完美搭配。 髒髒咖啡，可以選擇fruity 或者nutty，兩款入口都好順滑，偏濃郁。 Loop，椰子特濃咖啡，超甜嘅椰子配濃郁嘅咖啡再加上椰子片，一個受歡迎超清新嘅組合。 入面仲有售賣多款無包裝有機食物同多款生活用品。大家假日不妨過嚟睇下！ Loop Kulture 地址：深水埗鴨寮街90號地舖(深水埗A2出口) 營業時間：10:00-18:00 圖片來源：@iam_oldladies、@food_stoppp、@honestfoodie.hk
大家下次嚟尖沙咀誠品唔單止有書店，仲有日光咖啡店啊！主打澳洲風精品咖啡店嘅 NINETYs進駐誠品書店，店內設計充分利用維港景色，灑落嘅自然日光構造一個靜謐的空間，讓書香與咖啡香能在此完美融合，交織著你我嘅生活光譜，即刻成陣文青味溢晒出嚟！ 大家入到嚟可以揀番靠近窗邊位嘅位置，望著海成個人都好舒暢。 咖啡店設計主要以木系顏色為主。 招牌House Blend咖啡。 鹹蛋黃龍蝦班尼迪。 特製黑毛豬漢堡。 仲有多款定食，任君選擇。 開幕首月期間購買任何食物或產品都可獲禮券乙張，於下次堂食即可獲8折優惠。 Ninety 地址：尖沙咀梳士巴利道3號星光行2樓誠品生活L202&203號舖 電話：2701 0883 營業時間：星期一至日10:00-22:00
位於長山灣行黑白型格路線嘅咖啡店，環境十分舒適，店舖採用落地玻璃設計，小店供應各款輕食同咖啡，話明黑白咖啡店，當中多款食物都添加黑白元素，想知有咩食物？即睇以下詳情喇！ 竹炭糯米窩夫配自家製牛奶雪條，呢個黑白窩夫絕對係嚟到本店比試，好IGbale。 牛肉漢堡配牛油果角，個漢堡分量好足，漢堡扒非常juciy，又厚身，入面仲有洋蔥、番茄、蘑菇同沙律菜，真係健康又豐富。 黑松露蟹肉炒蛋竹炭多士，炒蛋好香單位，入面仲食到啲蟹肉同黑松露。 墨魚汁扁意粉伴蟹籽，食呢個意粉肯定食到個嘴黑媽媽，不過食落意粉有驚喜，墨魚汁同啲蟹籽完全帶出意粉鮮味。 雞蛋布甸配House Espresso，店員建議就先食一啖布甸，再將Espresso倒入去，兩者配合味道都幾特別。 大家路過長沙灣時，不妨過嚟一試。 Contrast 地址：長沙灣福榮街512-518號依時大廈地舖 電話：2337 7220 時間：09:00-18:00 圖片來源：@hk.foodmap、@yysfoodiary
中環鴨巴甸街嘅古著Café，樓高4層，整體以木系色調為主，每層都由唔同嘅元素組成，地下主要係咖啡店，售賣各種日式輕食同便當，飯糰、小菜類等等，近期仲加入咗下午茶系列，而其他樓層就係售賣古著服飾同家具等等。 Cafe地下門口，大家可以喺度等位或休息打卡。 呢個係Cafe嘅天台位置， 榛子朱古力五重奏，無麩質蛋糕 ，甜品師用榛子代替左麵粉，右邊係星空芝士慕絲蛋糕。 拾伍下午茶系列，有煙三文魚蛋沙律多士、煙三文魚牛油果蟹子沙律、稻庭風輕食。 亦有多款日式輕食便當，有飯團、溏心蛋同小菜拌碟。 小食就有煙肉芝士焗釀大啡菇。 店舖仲有供應各款茶類和咖啡。 呢款甜品係逢星期五六日限定供應。 夜晚會變成酒吧，供應各款Cocktail。 拾伍．Aberdeen15 地址：中環鴨巴甸街15號地舖 營業時間： 星期一至六 11:30-22:00 星期日 11:30-20:00 電話： 6607 3493 圖片來源：@aberdeen_15
鍾意毛孩同咖啡嘅你要留意啦！ 位於上環太平山街嘅咖啡店stain+ 近日聯乘 LeonLollipop 舉辦藝術展 藝術展以貓為主題，各位貓奴記得唔好錯過啦 stain+ 樓高兩層，以水泥、古銅同埋酷黑為設計主調，滿滿工業風 而且仲有來自日本嘅復古式烘焙機，非常吸睛！ 為咗推動本地創作同埋支持環保，商店要使用咗利用卡板、紅酒箱循環再用嘅物料嚟製作木椅、工作檯等傢俬 除咗環境舒適，stain+ 亦會精選世界各地優質嘅咖啡豆 咖啡店會提供唔同口味嘅咖啡同埋掛耳包禮盒， 啱哂一眾咖啡迷 店內更特設Coffee Omakase 體驗！ 由 Coffee Artist 發辦，客人可以品試 5 款鮮烘咖啡之餘，同時認識更多咖啡文化 Stain+ 亦設有專屬咖啡嘅客製調配服務，愛啡人士必去！ 而今次嘅 stain+ X LeonLollipop 藝術展就係為咗以小手作為「大樹下」籌募經費而設 stain+熱衷同本地藝術家合作，希望打造一間 Coffee Gallery！ 今次同本地藝術家 LeonLollipop 合作舉辦「C for Coffee，Seek for Cats」展覽有勁多打卡位 當中必影8呎高嘅「Coffee Cat」外牆油畫，勁吸睛！ 佢哋亦有聯乘推出限量咖啡掛耳包禮盒、 賀年利是封、手工製寵物頸鏈等等 凡於店內購買任何產品，即可以 HKD100 換購 而全數收益將撥捐「大樹下善待動物庇護站」，拯救及幫助被遺棄和流浪毛孩，好有意義！ stain+ 地址：上環太平山街 2-4 號 A 舖 時間：11:00am – […]
韓國Mellowcup咖啡店推出罐裝牛奶系列，味道多款之餘仲係新鮮製造！ 每款水果牛奶都加入好多果肉！而且牛奶味濃，無防腐劑同加工成份～ 真係好飲又健康！大家都快啲試吓！ [instagram photo=”B4lTR9ZFCMD”][/instagram] 賣相好靚啊！ [instagram photo=”BsHzhzOhgqt”][/instagram] 倒出嚟感覺好濃～ [instagram photo=”B0aCEzzl2kG”][/instagram] 桃味好似好正！ [instagram photo=”ByUJRW7FQKK”][/instagram] 好多芒果肉～ [instagram photo=”B7_DxYrlLhl”][/instagram] 成樽都係士多啤梨果肉！！ [instagram photo=”B84t46hlLCY”][/instagram] 每隻味都想試吓～ 카페멜로컵 Cafe Mellowcup 地址：울산광역시 남구 삼산로277번길 6-18 (蔚山) 電話：052-267-0930 時間：1200 – 0200
路過西營盤，你一定會畀呢間紅色系嘅澳式咖啡店吸引！ 「TIL – Today Is Long」不知不覺已經開業三個月，亦都成為咗西營盤其中一間人氣咖啡店 店舖裝潢以磚紅色同白色為主，弧形設計同四周建築形成強烈對比，好多人都專程嚟打卡 今次佢哋同日本第一金桔生產量的宮崎縣合作，特意以完熟金桔「TAMA TAMA」創作出兩款特色咖啡同埋甜品 大家可以喺2021年3月10日至31日期間試到，記得唔好錯過啦！ 第一款「Kumquat Ristretto Tonic」用咗自家製完熟金桔「TAMA TAMA」果醬， 再加上Tonic Water同埋單品豆雙份濃縮咖啡組合而成，口味清新！ 未攪拌之前記得先試一啖，入口先有咖啡嘅香味同酸味，之後慢慢有金桔果醬嘅甜味出嚟，味道有層次！ 第二款「Sparkling Kumquat Soda」亦用上自家製完熟金桔「TAMA TAMA」果醬， 玻璃凍杯放滿冰塊之後緩緩注入氣泡梳打水，打造勁有風味嘅特飲！ 飲品入面嘅青檸檬汁帶出金桔香甜，非常潤喉，值得一試 另外亦有推出限定甜點，兩款金桔甜點都結合咗TIL 招牌餐點「Kumquat Croffles」， 喺牛角包內注入自家製完熟金桔「TAMA TAMA」果醬後壓成鬆餅，食落清新又香甜 甜點組合包括有配搭牛油果蓉、紅椒粉同、金桔片，勁有心思 另一款就用咗蛋白霜加入檸檬，再以炙燒方式製作而成 呢幾款特色咖啡、甜品都係期暗限定，大家放假一定要去試下！ TIL – Today Is Long 地址：香港皇后大道西 172 號建興樓地下 營業時間: 07:30 – 18:00 (星期一至日)
各位大西北嘅朋友要注意啦！ 最近小編發現咗一間好味又有特色嘅咖啡店「Thre3 concept」 呢間小店位於屯門新墟村，位於舊村之中嘅小店有咖啡同西餐供應，勁有特色！ [instagram photo=”CEqtSK_DDfa”][/instagram] 咖啡店有午市套餐供應，價錢唔算貴，而且味道有驚喜！ 當中必試「大蝦卡邦尼意粉 」，足料又大碟 大蝦有輕微炸過夠香脆，可以連蝦頭都食埋，而且意粉有咬口，正！ 另外亦有多款全日早餐供應，早餐嘅多士勁好食，夠香脆而且牛油味香濃！ 除咗嘢食，連跟餐嘅Vienna Coffee都好好飲 啡味香濃又夠滑，外賣都好靚！ 而小店嘅人氣大熱飲品就係「狗狗飄浮Latte」 狗狗飄浮系列只設散叫，可以揀柴柴、法鬥、雪橇同柴Pat！ [instagram photo=”BihBov-FZtw”][/instagram] 咖啡好大杯，唔鍾意飲咖啡嘅你亦可以叫朱古力 [instagram photo=”CHWkaS3jgRm”][/instagram] 望住狗仔喺飲品入面彈彈吓真係幾開心，創意加分！ 下次一於約埋朋友去試下啦！ Thre3 concept 地址︰屯門新墟村2台33號地舖 / 屯門藍地大街35號地下 圖片來源︰raindylife、saisailove、codyyeungg、iamhungryah
各位大埔區嘅朋友仔要留意啦！ 大埔林村開咗一間新嘅咖啡店「安•珈琲 An Coffee」，超搶眼紫色外牆成為咗最近嘅人氣打卡店 [instagram photo=”CLjEkU8hHvF”][/instagram] 咖啡店坐落於村落之中嘅小店，可以逃離鬧市，有一種隱世嘅感覺 小店樓高兩層，有天台位置，主要提供蛋糕同飲品 [instagram photo=”CLDv5g2J37B”][/instagram] 甜品有提供巴斯克蛋糕、黑芝麻慕斯棉花蛋糕、檸檬撻等等，款款都好靚 [instagram photo=”CLBgB2Mp7Ef”][/instagram] 店內裝修同外牆有強烈對比，入面行簡約文青風，畀人一種舒服嘅感覺 [instagram photo=”CLEjDgWJ85y”][/instagram] 唔少人行完山、踩完單車都會去飲杯咖啡，放鬆一下 [instagram photo=”CLWynBjp4ye”][/instagram] 同時小店亦係寵物友善餐廳，歡迎各位毛爸媽帶埋毛孩一齊去 [instagram photo=”CLjsG4ABCVg”][/instagram] 小店依家只係試業階段，大家得閒都可以過去試下！ 安•珈琲 An Coffee 地址：大埔林村坑下莆41A 營業時間：11:30-18:00（星期一、二三、休息）
鍾意食Bagel嘅你要注意啦！ 旺角呢間人氣手工Bagel咖啡店前身係網店，主打24小時發酵Bagel，而且仲有多款特色口味供應 佢哋依家喺旺角開咗實體咖啡店，各位Bagel迷必去！ [instagram photo=”CB-8DLZFpBJ”][/instagram] 小店提供自家製啦Bagel貝果同輕食，而且全部使用日本麵粉同韓國砂糖製作，食材高質 同時亦有甜品同咖啡供應，好適合同朋友嚟傾吓計食吓嘢 [instagram photo=”CJ2YLezg7Ey”][/instagram] 小店Bagel嘅口味有好多，當中嘅抹茶口味用咗日本小山園抹茶粉製成，可以食到100%日本風味 而且入面仲有麻糬，有口感而且亦好有特色，好多人都會買幾個返屋企食 [instagram photo=”CEHRw6ygGoS”][/instagram] 除咗食物吸引，小店純白色設計亦吸引咗好多人去打卡 [instagram photo=”CJ0lSaWFs8J”][/instagram] 小店嘅白色牆加埋簡約嘅外型，畀人一種舒服嘅感覺！ [instagram photo=”CJ0vQB8BKg_”][/instagram] 好多人都會特意去呢個位打卡！ [instagram photo=”CJ3CEV1jMHK”][/instagram] 好似去咗外國一樣！ [instagram photo=”CK-f1OfnBfg”][/instagram] 相信一定會吸引到一眾文青同食家去打卡食嘢！ Bforbagel by 404 LOT FINE 地址︰旺角豉油街10號地舖 圖片來源︰bforbagel_404lotfine、imsze.sze15、emily_0224、_nothingreallymatters_、misscloud852、shannkst
