• Mon. Jun 1st, 2026
    • '

    Tag: 咖啡店

    著數優惠飲食優惠

    【快閃優惠】人氣Cafe 3小時放題優惠！$169起無限任飲任食！意粉/全日早餐/甜品/咖啡/果茶！｜飲食優惠｜放假去邊

    位於中環嘅人氣咖啡店推出全新3小時「任食、任飲、任坐」放題套餐，大家可以無限任食任飲任食，十款食物及十款飲品。 人均$169，仲有咁多食物、咖啡、甜品、果茶選擇~主食有黑松露鴨胸野菌扁意粉、溫泉蛋素肉醬鮮茄扁意粉。 小食方面就有日式南蠻雞配薯條、他他醬蝦多士、吞拿魚碎蛋千層酥、田園麻醬沙律等等。 飲品方面有Mocha、Latte、Americano、牛油果芝士奶蓋沙冰、水蜜桃菠蘿沙冰、柳橙冰綠茶等等。   預訂須知 此優惠只可於你指定日子的12:00至17:45兌換 此優惠只可於你指定日子的18:00至21:30兌換 只適用於堂食 中環店需要另加一服務費，客人現場支付每位HKD 18.8 第一時段：1200 -1745（Last Order 17:00）第二時段：1800 – 2130（Last Order 20:45） 需要聯繫商戶 +852 27579878/ Whatsapp +852 92723004 確認出席時間 需要提前24小時致電預訂     Sogno Cafe+ 地址：中環威靈頓街97號威利大廈2樓D室（中環地鐡站D2出口, 步行約6分鐘） 開放時間：星期一至星期三 12:00-18:00 星期四至星期六 12:00-21:30 星期日12:00-18:00 預定連結： 立即訂購

    author

    【香港】太子新開文青咖啡店！巨型花花打卡牆！｜香港美食｜放假去邊

    今次小編介紹呢間位於太子與深水埗交界~Cafe提供多款輕食及咖啡，仲有set lunch提供，可以俾大家揀番意粉、薯條、沙律同飲品。 餐廳日間就係一間Cafe，夜晚搖身一變就係小酒吧！如果大家都想試下就不妨夜晚再嚟喇！ Cafe入面仲有一幅超靚嘅打卡牆，最啱打卡！ 肉醬意粉、酸梅蜜糖豬扒、牛臉頰同埋栗子Tiramisu，食物質素方面都非常好。 大家假日都不妨嚟試下喇~ Rehab 地址：深水埗白楊街30號地舖 電話：9889 2369 時間：15:00-00:00 圖片來源：@foodieleaf_hk、@crystal___life

    author

    【香港】北角海旁文青Cafe！必試人氣自家制濃酒Tiramisu｜香港美食｜放假去邊

    鐘意食Tiramisu嘅就要去試下呢間Cafe啦~ 除咗北角，土瓜灣同牛頭角都有分店~ 北角分店出面就係海景，食件cake飲杯啡，度過一個悠閒週末~ 呢間Tiramisu同坊間唔同嘅地方係使用用自家製嘅咖啡燒酎去做酒底， 唔同於其他餐廳使用普通咖啡酒，呢度嘅Tiramisu酒香味會濃郁啲~ 仲會品嚐到威士忌嘅味道~ 用九州宮崎頂級大麥燒酎去浸咖啡，需時耐，損耗高，所以製作成本都高~ 咁用心嘅小店好難得，雖然價錢都比一般餐廳貴，但都值得一試！尤其鐘意偏酒香味嘅朋友應該會好鐘意~ 店內Cheese cake係鎮店之寶~ 鹿児島蜜糖甜薯蛋糕，係北角店限定嘅甜品~ 另外咖啡都係餐廳主打，有多款精品咖啡同義式咖啡~ On The Hill Coffee Bar 地址：北角北角邨里1號北角匯二期地下G16號鋪 電話：98483050 營業時間：10:30-19:00 圖片來源：@onthehill_coffeebar

    author

    【香港餐廳】食brunch好推介！九龍城Café歎牛油果玫瑰花多士 ｜香港美食｜放假去邊

    屯馬線開通後，相信大家都多咗去九龍城附近搵食！ 小編就推介大家想過嚟呢間Café歎番個brunch喇，餐廳由得獎咖啡師主理，呢度仲有虹吸咖啡供應，大家可以嘗到坊間少有嘅咖啡種類。 嚟到一定要歎呢個牛油果蛋多士，店員將牛油果切片後再拼成玫瑰花形,食之前梗喺要相機食先喇，呢個多士肯定夠飽肚。 因為牛油果玫瑰花下層仲有一層厚厚嘅牛油果蓉，食完超滿足。 唔洗打卡花形牛油果，都可以揀番個All Day Breakfast，可追加牛角包同埋薯餅。 仲有雞翼同埋飯可以揀番。 飲品方面一定要試下百利甜酒朱古力，有凍熱飲可選擇。 虹吸咖啡都一定要試下。   Rings Coffee 地址：九龍城衙前塱道8號地下 電話：9798 3510 營業時間： 星期一至五｜07:30 – 18:00 星期六至日｜08:30 – 18:00 公眾假期｜08:30 – 18:00 圖片來源：@sharefood2you、@missding_kitchen

    author

    【香港】太子新開人氣咖啡店！必試蒜蓉忌廉包/卡邦尼粗管意粉｜香港美食｜放假去邊

    位於旺角東附近新開嘅咖啡店，店舖呈黑白簡約設計~呢間小店最出名嘅係招牌蒜蓉忌廉芝士包，呢個係韓國近期大熱嘅麵包宜家香港都有得試喇！大量鮮綠嘅香蔥蒜蓉配埋極邪惡嘅忌廉芝士，食落鹹香十足~ 如果可以再多啲忌廉芝士就好了，以為始終麵包都比較干身。 貝殼窩夫都係唔可以錯過嘅甜品，一個個窩夫形狀好可愛~ 個窩夫要配住個香蕉雪糕一齊食，香蕉燒到一層焦糖脆，好有心思~ 卡邦尼粗管意粉，坊間比較少選用粗管意粉製作，但粗管意粉口感更好，以意粉管內掛滿意粉醬汁，餐廳係用蛋汁製作，並無添加任何忌廉製作醬汁，食落都唔會好膩。 記得試埋呢個Bacon & Smoked Salmon Benedict ，一切開個水波蛋即刻流啲蛋醬出嚟，點埋個酸種麵包食就最夾。 栗子蒙布朗，份量都超級大，餅底係蛋白餅整成，食落栗子味都幾香濃。     Tune Coffee & Roastery 地址：太子洗衣街163-163A號鴻德大廈地下B號舖 營業時間：星期一 至 12:00-22:00 圖片來源：@explorerhk、@hkfoodelicious、@littlemsfoodie

    author

    【香港】爆漿芝士熔岩Tiramisu！仲有日式梳乎厘班戟｜香港美食｜放假去邊

    大家都只觀塘美食多，今次小編想介紹呢間Cafe俾大家，嚟道餐廳必試招牌意大利芝士熔岩Tiramisu，熔岩芝士Tiramisu好濃郁嘅酒香同咖啡味。仲有伯爵茶忌廉糖漬橙片梳乎厘班戟，即叫即整~蛋香味超濃！除咗甜品之外，另有提供多款咖啡、輕食同小食，即刻睇有咩食喇！ 意大利芝士熔岩Tiramisu，上檯時望落平平無奇，一揭開外層膠紙，芝士如泉湧般瀉下，視覺上好震撼！ Tiramisu食落好濕潤，中間嘅Mascapone芝士打得非常軟滑，口感非常豐富。 伯爵茶忌廉糖漬橙片梳乎厘班戟，食落有口感，空氣感不會太重。 呢度除咗招牌甜品必試之外，其他輕食都唔錯㗎。 明太子忌廉大蝦燉飯，面層超級多明太子，撈勻嚟食幾乎每粒飯都能夠沾上明太子，不停起口腔中爆開嘅感覺超級正~燉飯煮得好軟稔稔，容易消化。 仲有意粉、炸雞翼同薯條等小食。     Cobber Coffee and Tonys Pastry 地址：觀塘駿業里8號世貿大樓1樓 電話：3468 3509 營業時間：11:30-22:00 圖片來源：@toasty_vivian、@foodieleaf_hk、@eatwithjojohnny

    author

    【香港】鬧市小綠洲咖啡店！設戶外座位/甜品有驚喜！｜香港美食｜放假去邊

    位於北角嘅一間咖啡店，環境方面非常吸引，仲有個戶外區域，提供意粉、甜品及咖啡等，咖啡店行田園風，店內以白色和木系為主，更有不少植物作裝飾，令人有一種放鬆的感覺。 烤春雞，外脆內嫩。 美國穀飼肉眼扒配薯條。 提拉米蘇千層蛋糕，食落口感軟滑。 仲有青口、海鮮扁意粉等等，住附近嘅朋友不妨過去試下。   Artistry Brewing Company (北角) 地址：北角錦屏街43A號東發大廈地舖 電話：36197013 營業時間：09:00-23:00 圖片來源：@myfoodiediaryyy、@ownurstory_hk、@conyjapjapjap

    author

    【香港】上水世外桃源咖啡店！露天湖畔/小木屋餐廳/鞦韆｜香港美食｜放假去邊

    位於上水河上鄉附近嘅一間室外桃園咖啡店，假日想遠離市區嘅精緻咖啡店、城市嘅煩囂，同朋友、家人開車嚟附近休息，歎番個下午茶就最適合不過，無論室內或室外都好啱大家去打卡同放空，餐廳對出仲係個湖，大家仲可以帶埋毛孩嚟。 餐廳入面嘅玻璃小屋，好靚。 識揀都係揀呢位影相，都建議大家著番啲比較田園風嘅衣著。 仲有All Day Breakfast。 假日嚟歎番杯咖啡。 秘製香草雞中翼。 咖喱拼盤，有牛柏葉、魷魚、魚蛋、同埋自家製咖喱醬。 戶外座位都好寫意，有鞦韆、小路、同埋數張台凳起戶外，假日期間喺度hea足全日都得。   anytime.anywhere 何時.何地 地址：上水河上鄉 電話：6227 7168 營業時間：12:00-19:00 （逢星期一 休息） 交通：上水火車站坐51K小巴到居石候公祠落車 圖片來源：@sze122、@joman316、@anytime.anywhere_

    author

    【香港】旺角冰川主題Cafe！紅茶心太軟配檸檬雪葩、手沖咖啡｜香港美食｜放假去邊

    門口霓虹燈好靚，路人行過都會駐足望返兩眼，係店內嘅人氣打卡位！ 餐廳內部燈光好有氛圍，好似置身於一個冰洞入面。 餐廳有All day breakfast，意粉、甜品、特色飲品和咖啡。 甜品都幾有特色，咖啡除咗義式咖啡，都會有手沖咖啡。 凍檸茶（紅茶心太軟配檸檬雪葩）：紅茶心太軟有種茶香，甜而不膩，配上檸檬雪葩，酸甜搭配得幾好。 手沖咖啡：會有人介紹咖啡豆嘅特色，服務都唔錯。 整體而言，係幾適合打卡，食物質素都唔錯嘅Cafe，值得一試！ GRIND SIZE  地址：旺角通菜街10號地舖

    author

    【香港】美食沙漠高質咖啡店！歎手沖咖啡及輕食｜香港美食｜放假去邊

    人人都話馬鞍山係美食沙漠，雖然馬鞍山餐廳都唔少，不過如果係稱得上好食嘅又真係寥寥可數，今次推介呢間小店喺馬鞍山人氣小店，店舖主打天然食材、咖啡同烘焙食物，大家仲可以揀番坐BAR檯睇住師傅整甜品或煮嘢食。即刻睇有咩食喇！ 自製煙三文魚牛油果三文治，新鮮挪威三文魚經醃製後口感實在而鮮美 、澳洲牛油果、荷蘭串茄、魯邦種酸種麵包，仲有薄荷乳酪。 即場人手製作。 意大利傳統卡邦尼手工意粉。 日本甜蝦配紅椒羊奶芝士手工意粉。 花華英式鬆餅配自家果醬及軟芝士。 黑糖朱古力包。 抹茶拿鐵。   花華Hana 地址：馬鞍山鞍祿街18號MOSTown新港城中心二期地下29-30號舖 電話：3755 4899 營業時間：12:00-21:30 圖片來源：@audrey.eats、@e.travelogue、@hana_coffeebread

    author