疫情之下相信大家都好鬱悶，出街都少咗~ 但有一班90後年輕人就選擇逆市創業搏盡無悔，開一間美式餐廳「EXIT」想為大家搵到新嘅出口！ 餐廳位於銅鑼灣，分別有室內酒吧同埋露台。「EXIT」集餐廳、Cafe、酒吧同水煙吧於一身，最近仲推出咗$98高質抵食午市套餐！ 鮮蝦雞尾酒 歐美地區最具代表性嘅餐前小食！大蝦爽脆厚肉配上檸檬辣茄汁 黑松露蘑菇意大利飯 用新鮮蘑菇、白蘑菇、雞棕菌三種菇類配上黑松露醬，啖啖蘑菇粒好足料好有誠意！ 美式漢堡拼薯條 即叫即 2cm 安格斯牛肉漢堡扒大大塊，食落超滿足！ All Day Breakfast好大份~ 蟹肉牛油果沙律都好出色，同咗羽衣甘藍配搭蟹肉牛油果，面頭仲有火烤芝士碎！ 佢哋嘅咖啡同Cocktail都好出色㗎~ 咖啡師會親自炒豆製成手沖咖啡，仲用咖啡創作出獨特嘅Cocktail~ EXIT 招牌手沖咖啡 及 埃塞俄比亞耶加雪夫日曬濃縮牛奶咖啡 濃縮咖啡馬丁尼（Espresso Martini） 咖啡撞伏特加層次超豐富！大推！ 旖旎的瓦哈卡（Amazing Oaxaca） 酒味唔會太重，有清新果香，啱晒女士~ 餐後酒（After Dinner） 講到美式就梗係唔少得街頭塗鴉藝術啦~呢間餐廳最特別嘅地方就係會邀請唔同本地小店合作，將餐 廳crossover市集提供小店出品嘅特色產品，仲有唔同嘅藝術家交流合作，發掘更多香港潮流文化~ 小編好推薦大家去試吓！ EXIT 地址：銅鑼灣渣甸街 66 號亨環 22 樓頂樓 營業時間：星期一至星期日 上午 10 時至凌晨 2 時 暫時營業時間：星期一至星期日 上午 10 時至下午 6 時 （因應政府最新限聚令規定更改，請留意 EXIT 官方社交媒體專頁消息） […]
