Open Tour
位於薄扶林嘅伯大尼教堂建築物喺香港已經擁有過百年歷史～現為演藝學院古蹟校園，疫情期間宗教場所暫時唔開放，不過外圍都可以影下靚相嘅。 教堂於1873年到1875年年間由巴黎外方傳教會建成，純白色哥德式建築物，走廊上都唔難見到好多花窗設計、尖形拱門、黑白菱形地磚。 呢度係好多結婚人士熱門婚紗攝影地點。 建築物門前仲有條欄杆都好啱影相，都建議大家穿著番淺色或單一顏色衣著，配合番呢度嘅環境。 由於伯大尼只有極少量車位，參觀人士請儘量乘搭的士或公共交通工具前往伯大尼。 附近的置富花園設有室內公眾停車場，步行至伯大尼約10分鐘路程。 伯大尼小教堂 地址：薄扶林139號 交通： 巴士: 4, 7, A10, 37A, 37B, 40, 40M, 43X, 46X, M49, 71, 90B, 91, 970, 970X 專線小巴 (綠van): 22, 22S, 23, 31, 36 圖片來源：@hermia_man、@dinglalalalala、@__homekong_
位於旺角家樂坊嘅戶外露天餐廳都比較少有，餐廳提供全新森林主題下午茶，喺城市中帶你穿過亞熱帶草林，大家快啲同朋友嚟番個夏日熱情的邂逅～即刻睇內文詳情喇！ 合桃黑朱古力布朗尼、菠蘿芝士凍杯、椰子士多啤梨慕絲、芒果吉士撻、夏威夷果仁杏脯鬆餅。 仲有原味牛油鬆餅配法國Tiptree果醬。 鹹點方面，有無花果巴馬火腿迷你多士、生蝦芒果牛油果米紙卷、煙三文魚青瓜薄片配三文魚籽、芝士牛油果醬火雞小卷。 再配上冰凍雞尾酒，夏日簡直透心涼。 唔飲雞尾酒嘅都可以揀番椰青嚟飲下。 戶外座位提供藤椅、室內佈置好多花花，真係好打卡一流~好IGable！ 詳情：下午茶時段光顧Afternoon Tea Set 隨即附送於”Summer Fiesta”室外場景即影即有1張。（需預先訂座） Morokok 地址：旺角登打士街56號家樂坊8樓801號舖 電話：2363 1882 價錢：$498/2位 供應時段：14:00-18:00 圖片來源：@morokrok
香港杜莎夫人蠟像館終於重新開放啦！ 蠟像館於新一年推出多個優惠，包括深本港居民生日優惠、套票買二送一等等 而蠟像館於新一年更正式推出各項家庭親子套票，又多一個親子好去處 另外，佢哋更推出全新互動數碼拍照體驗「VIP數碼照通行証」！ 館內唔同蠟像附近將增設多個數碼拍照區，賓客可以用最佳角度拍攝唔同主題嘅靚相 仲可以即時同巨星蠟像互動，勁好玩！ 只要掃掃通行証上面嘅二維碼，之後影低難忘感動時刻 就可以將整段回憶數碼化而且記錄低，勁方便！ 同時，蠟像館將推出多項套票優惠 當中三款全新單人套票折扣最低可享至 7 折優惠，真係好平！ 而全新推出嘅家庭玩樂套票就有兩款，分別係以親子價港幣590元購買原價港幣1,255元之「親子樂遊套票」 另一種就係以優惠價港幣650元購買原價港幣1,301元之「親子自駕無憂套票」，優惠足足低至五折！ 「親子樂遊套票」已包兩張即日成人門票同埋小童門票， 更包括限量版「蠟像小 知識」小冊子一本、蓋印遊戲紙一張、智力挑戰紙一套、VIP 數碼照通行証一張同埋D.I.Y.精品一份 而「親子自駕無憂套票」套票就包咗兩張即日成人門票同埋小童門票， 亦包括山頂廣場兩小時泊車、蠟像館導覽手冊同埋VIP 數碼照通行証 館內更設有4個蓋印區，只要集齊4枚唔同嘅蓋印位，即可免費換取神秘紀念品乙份！ 除咗親子樂門票，由即日至6月30日，賓客可享「精選套票」買二送一優惠 每套「精選套票」套票均包括即日成人門票一張同埋 VIP 數碼照通行証一張 三人同遊，只需二人價錢，機會難得！ 咁多優惠，大家記得唔好錯過啦！
香港大部分人都鍾意打卡影相，因為影相除咗可以記錄人生之外，仲可以留低一個美好回憶 今次，喺韓國擁有超高人氣嘅「人生照相館」展覽終於登陸香港啦 呢個「人生照相館」展覽會於2021年4月1日至6月9日將首次巡演至海外，香港更係展覽嘅首站 人氣歌手姜濤更將擔任展覽開幕嘉賓，相信一定會非常熱鬧 「人生照相館香港站」將攝影同與韓式時尚美相結合，打造出五大精緻造景 當中主題包括︰有趣活潑、情感洋溢、可愛生動、活潑互動、獨一無二 同與一般展覽嘅單向式觀賞體驗唔同，「人生照相館」提供「自助式攝影空間」概念 引入咗影樓式專業照明同埋燈光，觀眾可以喺無壓力嘅環境下， 用手機影相，既可以同展品互動體驗，亦可以留下美好回憶 展覽團隊特意設計咗特別嘅燈光、色彩、音樂等多方面元素，入場觀眾可以拍下人生照之外，仲可以親身體驗同欣賞韓國的藝術文化 「人生照相館香港站」將展出合共30個拍攝造景，再結合香港獨有嘅文化，詮釋全新風格 依家仲有早鳥優惠，大家記得唔好錯過啦！ 「人生照相館香港站」： 日期：2021 年 4 月 1 日 – 2021 年 6 月 9 日 （4 月 12、26 日；5 月 10、24 日；6 月 7 日休館） 時間：星期一至日 11:00-20:30 地址：PORTAL 6311 九龍灣常悅道 18 號 1/F （宏遠街入口） 售票日期： 早鳥八五折優惠：2021 年 2 月 26 日早上 10 時 – […]
喺商業大廈林立嘅灣仔區，想搵一個遠離石屎森林、呼吸到新鮮空氣嘅地方，從來都不容易～不過，隨著灣仔碼頭附近嘅海濱長廊開放，呢個唔再係一個遙不可及嘅願望喇！ 海濱長廊劃分成兩大主題區，分別為「水上運動及康樂主題區」及「渡輪碼頭畔主題區」。兩個主題區都係24小時開放！無論你想晨運、享受日光浴、跑步，又或者假日想搵個地方享受家庭樂、親親香港海濱，呢到都絕對係一個好去處！ 灣仔碼頭海濱長廊，為市民喺鬧市中提供一個公共休憩空間～ 「渡輪碼頭畔主題區」粉紅通道 浪漫滿海濱 由尖沙咀坐渡輪去灣仔，落船出碼頭就係「渡輪碼頭畔主題區」！以粉紅色為主色調嘅圍欄同圍板、碼頭出口走道嘅樑柱亦以粉紅玫塊花飾點綴，為海濱帶嚟綺麗氣息～「渡輪碼頭畔主題區」右邊係灣仔會議展覽中心、左邊就係向碼頭方向延展～ 「渡輪碼頭畔主題區」嘅圍欄、圍板以粉紅色為主色調，為海濱帶嚟綺麗氣息！ 越過碼頭，會經過一條「粉紅通道」～通道兩側係畫咗粉紅玫塊花紋嘅圍板，而地上就鋪咗粉紅色地氈！配埋兩側嘅粉紅玫瑰裝置，浪漫滿佈，絕對係情侶打卡熱點！ 「粉紅通道」為海濱長廊增添浪漫氣氛～ 「水上運動及康樂主題區」Chocolate Rain 藝術裝置 文青打卡熱點 沿著「粉紅通道」向前行，會經過臨時巴士總站～ 細心啲睇，會發現巴士站旁嘅圍板，綴有一朵朵粉紅玫瑰花裝飾！沿著裝飾行多大約3分鐘，就會發現海濱再次近在眼前㗎喇！ 穿過粉紅通道之後，跟著沿路隔板上嘅玫瑰花向前行，就會到達海濱長廊！ 雖然同樣位處灣仔海濱，但「水上運動及康樂主題區」嘅規劃及設計，同綺麗浪漫嘅「渡輪碼頭畔主題區」截然不同！場地佈滿了以Chocolate Rain為題嘅卡通創作及指示牌，令海濱變成活潑繽紛嘅奇幻世界！ 除咗地上有多幅大型Chocolate Rain插畫之外，長廊嘅欄杆及臨時擋板牆上，亦掛滿Chocolate Rain嘅作品！細心欣賞，你會發現每幅作品主題都唔同㗎！除咗有招牌嘅蘑菇森林童話世界，仲有以香港美食為主題嘅創作！點心、煲仔飯、盆菜一應俱全！行到長廊盡頭，仲有一組大型吹氣裝置，而當中嘅渡海小輪設計更特別配合維港及海濱長廊嘅環境，勁有心思！ 沿海欄杆仲特燈用咗鋼絲欄杆設計～遊客無論企喺邊個角落，都可以欣賞到維多利亞港嘅迷人景致！鋼絲欄杆嘅設計亦令釣魚愛好者更接近海港，所以一開放已經吸引咗好多人去釣魚喇～ 正門入口處嘅Chocolate Rain塗鴉，以海水藍為主調～背後係一覽無遺嘅維多利亞港，絕對係打卡嘅好地方！ 長廊設有多幅大型Chocolate Rain插畫作品，全部都富有香港特色！ 繽紛嘅Chocolate Rain作品，為長廊增添不少色彩！ 海濱長廊嘅小斜坡！吸引好多小朋友帶埋滑板車嚟玩㗎～ 鋼絲欄杆嘅設計令釣魚愛好者更接近海港，所以一開放已經吸引好多人嚟享受垂釣樂趣～ 體驗「海濱公共傢俬設計比賽」作品 行到攰嘅話，可以喺長廊上嘅長櫈休息吓～呢到嘅長櫈唔單止有玻璃上蓋，每張長櫈前仲好細心咁配置一張小木枱！無論好天定落雨，都可以自備茶點，嚟呢到享受一個180度海景下午茶！想同一家大細或者三五知己嚟野餐，仲可以去長廊盡處使用長戶外桌椅！迎著海風、聽著海浪，一邊享受日光浴，一邊品嚐美食～ 每張長櫈都配置咗一張小木枱！無論好天落雨，都可以自備食物，嚟呢到享受一個180度海景下午茶～ 海濱長廊盡處設有多套戶外餐椅，方便市民喺呢到用餐～ 「水上運動及康樂主題區」及「渡輪碼頭畔主題區」亦展出多組海濱公共傢俬設計比賽嘅得獎作品，遊客可以到場親身體驗～率先展出嘅「The Weave Chair．織聚」參考咗成人、長者及小童嘅坐姿，利用外型線條承托脊椎、大腿！設計利用兩代身形差異，交織出海浪形態，同維港嘅景色互相呼應！ 「織聚」更寓意匯聚老少世代，創造青銀共融空間～ 「點石．城．今」將形狀各異、大小不一嘅鵝卵石散佈喺海濱～無論大人或小朋友，都可以搵到適合自己嘅座位！ 「點石．城．今」 除咗以上呢啲傢俬，其他得獎作品亦將會陸續展出！名為「六十維港」嘅作品，透過剪影手法呈現唐樓嘅立面，讓身處海濱嘅市民好似坐咗喺60年代嘅唐樓窗邊，欣賞現今維港！營造時空穿越嘅體驗～ 「奇文異視」就喺藝術、科技、大自然出發！以循環再用嘅塑膠纖維、木材，加上擴增實境技術，創造既具未來感又互動嘅座椅，帶出休閒公園及創意藝術嘅協同效應！ 「Aqua Cube」就以冰粒狀嘅設計散佈長廊；「Dialogue at Distance」設有四張高櫈，每張方向都唔同，可以傾計之餘又不忘社交距離；「VH Puzzled」嘅粉彩色英文字母，分開可以係獨立成椅，堆埋一齊又可以砌成一張「Victoria Harbour」長椅… 款款傢俬都靚到令人選擇困難！真係想每款都去試坐、影相打卡啊！ 「VH Puzzled」 維港最長的海濱跑步徑 隨著呢兩段海濱長廊開放，位處港島北、維港最長嘅海濱長廊，已經進一步延長至5.5公里！係維港最長嘅海濱跑步徑！鍾意跑步嘅市民可以由灣仔北，沿海濱跑到石塘咀～一邊跑步，一邊有維港美景相伴、海浪聲做配樂，真係好Chill啊～ 由灣仔北跑到石塘咀西區副食品批發市場，全長5.5公里～係維港最長嘅海濱跑步徑！
香港雖然係一個小城市，但係都有唔少特色街道同建築物～ 今次小編就為大家精選咗五個香港IG打卡勝地，一於趁週末去影相打卡喇！ 1. 鶴咀燈塔 [instagram photo=”B_xPT91BW5V”][/instagram] 鶴咀位於港島東南端，可以遠離鬧市嘅繁囂生活～ 鶴咀燈塔係香港現存最古老嘅燈塔，經歷歲月淘洗仍然屹立不倒，係香港法定古蹟之一！ 2. 坪石邨 [instagram photo=”BmTSiZGl1Ez”][/instagram] 坪石邨係位於觀塘區平山嘅公共屋邨， 黑白對稱嘅四方建築設計，同天空陽光形成強烈對比～ 喺天井位向上影超有Feel！ 3. 裕寶齋 [instagram photo=”B4Xp_7ihqD1″][/instagram] 裕寶齋建於1962年～ 設計古意盎然，紅色圓形拱門設計，加埋花紋牆壁，好有復古味道吖！ 4. 樂華南邨 [instagram photo=”CBhGBzRFKfG”][/instagram] 位於牛頭角嘅樂華南邨停車場天台，上面有一條「時光隧道」～ 粉藍色圓形建築，加上圈中有圈嘅幾何構圖，充滿透視感！ 5. 西環泳棚 [instagram photo=”CCBF6D9AfK2″][/instagram] 西環泳棚係香港現時唯一仍對公眾開放嘅泳棚，景色優美～ 不過大家去影相嘅時候，切記愛護環境，同埋盡量唔好騷擾到其他人吖！
「契約之下，小櫻命令你即刻解除封印！」 相信呢句對白對一眾小櫻迷嚟講一啲都唔陌生！一聽到回憶都返哂黎～ 依家由7月3日至8月31日，元朗YOHO MALL將打造「百變小櫻Clear咭『櫻の夢花園』」主題活動，大家千祈唔好錯過啦！ 《百變小櫻Magic咭》漫畫自1996年起出版，隨即大受歡迎， 之後更於2018年推出全新一輯《百變小櫻Clear咭》， 而今次亦係香港首個《百變小櫻Clear咭》大型情景裝置展覽！ 呢個「基路仔幻彩許願池」有足足5米高， 有5個身穿知世親手縫製全新造型服裝嘅可愛基路仔喺度，大家一定要同基路仔合照！ 行入YOHO MALL I中庭嘅「櫻の夢花園」，小櫻同小狼就喺6米長嘅超夢幻「光影櫻の秘道」中等緊你！ 喺「夏日夢涼亭」仲有基路仔同你一齊打卡～ 到時仲有多個影相位，由7月17日起商場仲會特別打造期間限定店，發售近百款百變小櫻Clear 咭主題精品 而7月3日起更會開放「小櫻甜品站」，可以一試又靚又好食嘅小櫻主題曲奇、蛋糕同一系列甜品 只要喺商場內指定嘅店舖電子消費滿HK$500，就可以換領「小櫻限量版杯套」一個！ 而即日以電子貨幣消費滿HK$3,000，就可以換領「小櫻限量版雙層點心盤」一個，好靚！ 商場仲推出「基路仔立體特別版」杯套，只需喺YOHO MALL II即日電子費滿HK$500， 或於場內茶飲店單一消費滿HK$60，就可換領特別版「基路仔立體特別版」杯套一個 快啲約埋好姊妹一齊去朝聖啦！ 百變小櫻Clear咭『櫻の夢花園』 日期：2020年7月3日至8月31日 (期間限定店7月17日起) 時間：上午10時至下午10時 地點：YOHO MALL I及II中庭 入場詳情：免費開放
