• Mon. Jun 1st, 2026
    • '
    Home必食 (Page 2)

    Tag: 必食

    【油麻地激抵】$68花膠螺片雞煲翅！足料龍蝦海鮮湯飯！｜香港美食｜放假去邊

    油麻地呢間平民餐廳，CP值極高！ 唔單止食材高質，仲要份量好足！ 即刻睇下有咩好食啦～～～ =============== 殿．海鮮龍蝦湯泡飯 $98 半隻龍蝦！勁大粒帶子！4-5隻青口！好多好多蜆、八爪魚！ 再加碗白飯，會唔會太足料啊！！！ 半隻龍蝦，絕不欺場！啖啖肉之餘，仲有唔少蝦膏～～ 小編表示$98係好抵食！ 蜆肉多到食極都仲有，而且隻隻飽滿～ 湯底有好濃郁海鮮味，撈飯食真係好爽啊～～～ 花膠螺片雞煲翅 $68 小編發現… 煲仔湯係更加抵食，最平$40幾蚊就有交易！ 就連呢個花膠螺片雞煲翅都只係$68，會否太抵玩？！ 半隻雞，雞肉仲要好嫩滑～ 勁勁勁多花膠、螺片！ 呢個份量、呢啲材料，其他地方點食得到？ 想轉做套餐？(包一碗白飯、一碟油菜、飲品) 只係加多$10咋！即係$78就食到咁多嘢喇～ 花膠魚頭蟲草花湯 $68 想食得再滋補啲？魚湯都係一個唔錯嘅選擇！ 再加埋蟲草花一齊煲，輕鬆飲晒個湯啦～ 魚頭、花膠呢啲全部上齊畀你，湯底真係好濃郁！ 份量好唔簡單，大胃王都堅夠飽啊～～ 南乳炸雞翼 配薯角 $32 小食款式都幾特別，小編最鍾意係南乳炸雞翼！ 炸得好香口，不過雞肉keep住嫩滑～ 重點係南乳味真係好濃！ 墨魚手指拼魚腐 $32 魚腐不過不失啦～ 比較推薦嘅係墨魚手指！ 小編係出面冇食過，估唔到入面有墨魚粒，口感好豐富～ 及第撈油麵 $48 呢到有10幾20款牛油鹵水撈麵，全部價錢都好親民！ 最特別係呢款：豬雜撈油麵！ 豬潤超厚切！豬肚、粉腸都處理得好好～ 重點係佢個自家製沙嗲醬！ 超香超濃，撈埋啲油麵一齊食真係好惹味！性價比真係幾高～ 村爺爺龍蝦湯.泡飯.燉湯專家 地址：油麻地砵蘭街72號地下 電話：6773 8757 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【旺角 燕窩粥底火鍋】必食阿拉斯加蟹、生蠔、手工火鍋料！｜香港美食｜放假去邊

    火鍋就食得多，粥底火鍋你有冇食過？！ 小編發現旺角有高CP值粥底火鍋，全部材料都係高級嘢！ 依家仲有優惠！ 6位或以上送半隻阿拉斯加蟹、12位或以上送夠一隻！ =============== 海鮮拼盤 $1888 呢個海鮮拼盤真心不得了！ 阿拉斯加蟹1隻(約3斤)、波士頓龍蝦1隻、美國石蠔4隻、貴妃蚌4隻、時令貝類兩款共8隻、海蝦8隻！ 超多款海鮮之餘，仲會加送美顏燕窩桃膠粥底！ 粥底火鍋有齊：燕窩、桃膠、雪耳、木瓜、紅棗、杞子！ 滋補養顏～ 煲完海鮮之後食，更加鮮甜～～～～ 阿拉斯加蟹好大隻、好生猛啊～～～ 拎上手真係好重秤！ 美國石蠔必必必食！ 隻隻都肥美飽滿，全部有小編手板咁大隻～～ 煮熟嘅阿拉斯加蟹都唔會縮水！ 蟹腳全部啖啖肉，又新鮮～～ 仲有好多蟹膏，撈落粥底一齊食就更加正！ 波士頓龍蝦都唔惹少，同樣都係啖啖肉～ 所以話：鍾意食海鮮嘅朋友仔，一定唔可以錯過呢個海鮮拼盤！ =============== 呢到仲有好多自家製火鍋配料，仲有好多款都係其他餐廳好少見～ 即炸紫菜響鈴 ($28/半份、$48/全份) 響鈴係打邊爐必必必食！ 呢到嘅響鈴全部新鮮炸起、全部都有手擘咁長～ 仲好特別地加咗紫菜，食落更加脆！ 手切牛肉 ($198/半份、$328全份) 牛肉超級高質！雪花紋勁靚，食落仲好濃牛肉味～ 配埋淡淡海鮮味嘅粥底，一流！ 鳥結糖 $52、招牌唐三彩 $58 呢兩款都係墨魚滑嚟，整得好精緻、食落味道仲好豐富！ 鳥結糖有粒粒墨魚，食落口感好正！唐三彩用咗菠菜、奶油、墨汁嚟整，好特別啊～ 巨根蟹柳 $28 就連蟹柳都勁勁勁長！ 仲要係真．蟹棒嚟，都係海鮮之選啊～～～ 蟹粉蝦餃皇 $28/粒 粒粒都係自家製～ 入面加咗勁勁勁多蟹粉，唔怪得之咁飽滿～ 成件事即刻高級晒！ 日本櫻花葉鮮蝦丸 $48 蝦丸好彈牙啊～～～～ 櫻花葉係日本直送，微微地提升咗蝦嘅鮮味！ 日本水菜 $38、台灣水蓮 $38 就連蔬菜都特別過人！ […]

    author

    【旺角$198五道菜】鵝肝、生蠔、厚切西冷～ 9pm後全單75折!｜香港美食｜放假去邊

    旺角高CP值嘅西餐啊！真．超抵食！ 只係$198蚊就食到 餐湯餐包、前菜、頭盤、主菜、甜品、飲品！ 如果9pm之後入座，仲會全單75折～ =============== (餐湯) 黃金海鮮蜆肉忌廉湯、蒜蓉包 超超超多蜆肉！忌廉湯都幾Creamy～ 以西餐餐湯嚟講，算唔錯！ 重點係：可以加$18轉酥皮湯！加埋酥皮好歡欣啊～～～ =============== 【前菜三選一：芝士焗扇貝 / 香煎法國鵝肝 / 生蠔海鮮拼盤】 香煎法國鵝肝 小編重點推介！識揀一定揀鵝肝！ 超級厚、油脂好豐富，$198套餐食到呢個質素真係超值～ 生蠔海鮮拼盤 (精選生蠔、松葉蟹棒3件、鮮蝦3隻) 鍾意食生蠔嘅朋友仔，可以揀海鮮拼盤！ 食齊3款海鮮，都唔需要另加錢！ 生蠔夠鮮甜～ 仲有真．有手掌咁大！超級無敵抵食～～ =============== 【頭盤三選一：巴黎汁田螺焗薯蓉 / 吞拿魚沙律脆盒 / 凱撒沙律】 小編當晚試咗田螺焗薯蓉、吞拿魚沙律脆盒！ 田螺好大隻，薯蓉都算Creamy～ 小編比較鍾意呢款！ =============== 【主菜七選一：以下五款 / 玫瑰煙三文魚卡邦尼意粉 / 紅酒燴安格斯牛肋條配飯或意粉】 炭燒美國西冷扒 (8oz) 幾大塊幾厚肉，牛魔王應該會滿足～ 仲配咗薯蓉、烤雜菜！ 生熟程度啱啱好，唔會過韌～ 啖啖肉真係好開心～～～～ 玫瑰岩鹽燒石斑魚柳 配 原隻南瓜芝士意大利飯 有冇鍾意食南瓜嘅朋友？！必必必定要食埋啲南瓜肉啊～ 甜甜地，配芝士意大利飯一齊食好夾！ 魚柳好滑～～～ 不過重點係個飯！勁多芝士勁Creamy，小編表示輕鬆食晒！ 脆香軟殼蟹 蜆肉咸蛋黃意大利飯 […]

    author

    【任食大閘蟹120分鐘】超過120款海鮮、燒肉等美食放題～ 每人送鵝肝!｜香港美食｜放假去邊

    又嚟到食大閘蟹嘅季節喇！ 佐敦有間放題店，竟然連大閘蟹都係任食！ 只係$348蚊起，就食到大閘蟹放題、超過120款日泰韓中潮川風味美食！ CP值極高～ 呢到供應嘅係日本大閘蟹，每隻都有接近4両重！ 其實食6隻都已經好回本！ 仲要隻隻都咁多膏！ 食蟹點可以唔配薑茶？ 呢到薑茶任飲！汽水、指定啤酒都係任飲！ =============== 小編強烈推介… 加多$48就可以任食高級海鮮、厚切蒲燒鰻魚、高質牛肉！係任食呀！ 時令海鮮好新鮮～ 鮑魚、勁大條嘅蟶子、帶子，任食～ 燒汁鰻魚原條上！可以自己喺爐慢慢燒～ 仲有多款好靚嘅牛肉啊～～～～ 加$48就可以任食，真係幾抵玩！ =============== 如果食唔到太多大閘蟹，淨係想少少地淺嚐？ 可以揀食普通放題 (只係$188起)，再加$88升級海鮮拼盤！ 有齊大閘蟹、龍蝦、青口、大蝦、蜆、貴妃蚌、螺等等… 時令海鮮！ 龍蝦質素好高！大大隻、啖啖肉～ 配埋蒜蓉牛油一齊燒，係世界級！ =============== 無論你食邊款放題，依家都有大特惠！ 所有人嚟食都會… 送鵝肝！係送呀！ 冇將貨就價～ 小編見到枱枱都係又厚又大份！ 優惠未完啊～～ 只要喺餐廳嘅Facebook訂位，就可以全單9折！ 10pm後嚟食放題，每4位就會送龍蝦！ =============== 呢間放題係120分鐘任飲任食！ 有齊120種日泰韓中潮川風味美食～～～ 任食嘅肉類質素都好高～ 安格斯牛肉、紐西蘭羊架、牛舌、穀飼牛、黑椒牛仔骨，呢啲全部都係任食包埋！ 食放題，刺身梗係唔少得～ 基本放題店有嘅刺身，呢到都會食到～ 壽司、卷物、手卷、炸物、小食都有好多款～ 小編最推介係蟹膏蟹肉、和牛、拖羅蓉！ 最特別係食到泰式、潮川風味嘅食物～ 泰式生菜包、飛天通菜、泰式炒金邊粉、豉汁炒蜆… 全部任食～ 任飲嘅飲品選擇都唔少，有成4個雪櫃咁多！ 就連啤酒都係任飲，所以真係幾抵～ 甜品選擇就大概有10幾款，雪糕都係任食～ 小編最鍾意就係榴槤糯米糍！ =============== 瀛鮮 地址：佐敦白加士街66號新寶廣場5樓全層 電話：6514 1418 120分鐘任食大閘蟹放題價錢： 5pm至7pm入座 […]

    author

    【觀塘高CP值Cafe】必食全日早餐、巨Size煎三文魚！｜香港美食｜放假去邊

    小編發現觀塘有間Cafe… 價錢唔算貴，食物選擇多、質素高！ 環境仲幾靚、幾舒服㗎～ =============== 悠然假期全日早餐 $98 (包飲品) (假日12-6pm供應) 黑松露炒蛋、薯波、牛油磨菇、烤蕃茄、牛油果、豬肉腸、沙律、蒜蓉牛油多士 呢個All day breakfast係小編大愛！ 最開心係有8款食物、咩都試到，仲要幾好食啵～～～ 重點推介：黑松露炒蛋、薯波！ 炒蛋好香滑，配埋黑松露真係一流～ 薯波外脆內軟，好正啊～～～ 蒜蓉牛油多士、滑蛋、牛油果、蘑菇… 一啖食晒爽呀！ =============== 香煎三文魚柳 配素芝士野茄沙律 $138 (包飲品) (每日晚餐時段供應) 鍾意食三文魚嘅朋友，呢個dinner set不能錯過！ 香噴噴嘅油脂、加上啖啖肉，配埋純素沙律，清新得嚟又好食～～～ 重點係！煎三文魚柳有小編手板咁長！ 仲要勁勁勁厚啊～ 呢個Size、呢個質素，真係極高CP值！ =============== 香草燒牛腹膜柳 配薯條、烤雜菜 (燒汁及茄汁) $138 (包飲品) (平日午市、假日12-6pm 供應) 召喚牛魔王！呢份牛腹膜柳，牛肉味都幾出～ 跟餐仲有一份薯條，係粗薯啊～～～～ 牛肉嘅生熟程度啱啱好，一啲都唔會韌～ 邊位仲微微烤過，食落幾有層次！ =============== 香蒜大蝦意粉 配頭盤沙律 $88 (包飲品) (平日午市供應) 呢個午餐算幾抵食～～ 沙律嘅份量同意粉係一樣！ 蒜味好突出，超級香～～～ 鍾意食蒜嘅朋友一定鍾意！ 大蝦質素都唔錯～ 沙律菜好新鮮！ 竟然仲配咗啲燕麥片、香蕉乾果片，都幾特別～ =============== 翩翩蝴蝶下午茶雀籠 (二人用) $210 (學生價$178) (平日下午茶時段、假日12-6pm供應) […]

    author

    【蟹迷、生蠔迷必食】任嗌$10生蠔！蟹季菜式每款減$100｜香港美食｜放假去邊

    蟹迷！生蠔迷！係福音啊～～～ 呢間餐廳激抵食！最近仲要做緊優惠！ 快啲睇下有咩好食啦～～～ ==================== $10隻生蠔 (全線供應) $10一隻生蠔已經勁抵，仲可以無上限任叫！ 隻隻都肥美飽滿，絕對冇將貨就價～ 加多$14就有100g三文魚子 (或黑魚子) 配埋生蠔食，更加好味！ ==================== 『蟹之期間限定菜式』大優惠！ (全線供應) 有五款期間限定菜式！ 每叫一款全單即減$100；兩款減$200，如此類推！ 極上鹽燒原隻日本松葉蟹、帶子三粒（配蟹粉濃汁）$508 日本直送松葉蟹！勁大隻勁鮮甜啊！ 仲有北海道嘅帶子、大閘蟹粉忌廉濃汁… 超！高！質！ 日本南瓜蟹粉天使麵 $248 原個日本溫室南瓜、新鮮大閘蟹粉、蜜糖忌廉… 配埋粉紅色嘅紅菜頭汁天使麵 味道勁濃郁～ 勁正啊～～～ 柏仕圖蟹粉意大利飯 $218 大閘蟹粉、忌廉、香蒜煮嘅意大利飯！ 撈埋大閘蟹粉一齊食，爽呀！ 蟹肉意大利菠菜雲吞 $258 菠菜雲吞入面包咗蟹肉忌廉！仲有啖啖肉嘅松葉蟹腳、大閘蟹粉！ 蟹味極濃啊～ 蟹肉三文魚子牛油他他 $198 餐前小食必選！ 牛油果蓉、蟹肉、三文魚子… Creamy得嚟又夠清新！ ==================== 8國生蠔拼盤 + 餐酒 $199 (原價$399) 逢星期二有個 Oyster Tuesday 優惠，全線供應！ 只係$199就可以食到 8個國家嘅生蠔，其中一隻仲係生蠔界嘅巨頭：法國Gillardeau！ ==================== 德國腸拼盤 + (任選)2支德國啤酒 $168 (原價$228) 德國啤酒節，你都有份慶祝呀！ […]

    author

    【超抵】大阪必食磯燒海鮮~ 3980円2小時任飲任食!｜日本美食｜放假去邊

    去大阪點可以唔食好嘢？ 小編誠意推介呢間磯燒海鮮，任飲任食120分鐘… 有大量新鮮海鮮、刺身、壽司、天婦羅、小食… 咩都有，連酒精類飲品都係任飲！ 重點係… 只係3980円，計返港紙都係大約$280！勁抵！ (*放題必須4位或以上) 睇埋落去… 小編好肯定話你知，一定回本！ =============== 回本位1：原隻活鮑魚 鮑魚任食！香港邊到搵到？ 仲要勁新鮮、勁大隻，點可以錯過？ 回本位2：蟹膏甲羅燒 蟹膏甲羅燒都係任食！超～級～香～濃～啊～～～ （小編覺得好食過韓國便利店熱賣嗰款蟹膏！） 回本位3：蟹膏甲羅燒 帶子一定要食啦！超厚身、超新鮮～ 日本啲帶子大香港嗰啲幾倍！ 有幾大粒？ 放係小編塊面… 對比下就知！ 回本位4：海螺 / 蜆 呢到仲有好多款海鮮，全部都勁新鮮～ 小編特別鍾意海螺、蜆，冇沙㗎！ 回本位5：厚切刺身 厚切刺身、壽司都係任食！係日本瘋狂食魚生是常識吧～ 三文魚、吞拿魚、蝦… 好多都有～ 回本位6：天婦羅 呢間啲天婦羅絕對係皮薄、香脆！上枱仲要係新鮮炸起，熱辣辣～ 蝦、帶子、魷魚、竹輪、茄子… 超多款啊！ 回本位7：飲品無限任飲 基本飲品？有！ 就連啤酒、紅酒、清酒、日本酒、Cocktails都係任飲呀！ 就連小編至愛：燒蒜頭，都係任食～ 煮到淋晒係勁正！蒜迷必點！ 總之一句講晒：好多款！好新鮮！好抵食！ 磯燒き 浜キチ 地址：大阪市中央區難波1-8-20 營業時間：3pm-3am 價錢：￥3980（120分鐘任食任飲） =============== 放假去邊 更多好介紹: 快啲like我哋Facebook 同follow我哋Instagram啦!

    author

    馬鞍山新食街! 超多款食物~ 超過10間熟食開到凌晨!｜香港美食｜放假去邊

    最近馬鞍山恆安… 有條新食街！ 有超多款熟食，台式、日式、港式乜都有，價錢仲要好親民～ 最重要係，大部份熟食檔都開到凌晨兩點！ 去食宵夜啱晒啦～ =============== 舌尖回味 主打日式菜式，最特別係6pm後就會有超多款串燒！ 全部即叫即燒，小編最推介牛舌～ 仲有原條燒八爪魚 ($38) 啊～ 真係超級大條！ 另一必食：蒲燒原條鰻魚 ($75)！ 長過小編手臂！食完已經飽晒～ 所有炸物都係即炸，主打係薯餅～ 小編試咗紫薯餅 ($10)、咖喱餅 ($8)，聽講仲有吉列牛薯餅㗎～ 日式墨魚滑紫菜湯 $20 大大碗好抵食！推介墨魚滑～ =============== 三寶皇 呢間魚肉燒賣必食！即包即製，用蒸籠蒸，超新鮮～ 幾分鐘就賣晒㗎喇！ 魚肉燒賣 $12/8粒 好香魚肉味～仲要質感好軟，唔會死實！ =============== 皇后餃子 餃子即叫即製，皮超薄！ 有7款餡揀，仲可以揀煎/炸/蒸/湯/配麵！ 傳統韮菜豬肉、冬菇豬肉有，新穎芝士栗米、泡菜都有！ 餃子 $10/3粒 超足料，粒粒爆晒餡！加埋菜脯會更加好食～ =============== 正一麵 呢間車仔麵店，最正係咖喱汁湯底！ 好多配料揀～全部水準都幾好！ 最推薦就係秘製牛腩～ 好香！牛腩好淋！ =============== 燒洒一族 主打西式、酒醉小食，超多款揀啊！ 特大德國燒豬手 $88/1隻 超級大隻、超級多肉！ 用啤酒浸過，所以皮脆肉嫩～ 酒醉小食都好多款，全部都係用十幾種香料烚熟，再加杞子、花雕酒、鹵糟浸泡！ 酒醉熏蹄 $48 48蚊已經有好大兜，超抵食～ […]

    author

    【美食大集薈】銅鑼灣食盡中西日! 滿足正餐+甜品胃~ | 香港美食 | 放假去邊

    如果掃街已經滿足唔到你，不如一齊掃餐龐啦！ 小編發現銅鑼灣翡翠明珠廣場嘅Festiva，開咗好多餐廳～ 仲有齊中式、西式、日式，食到正餐又有甜品！ 仲唔快啲去試？ [facebook url=”https://www.facebook.com/openholidays/videos/vb.1584449505101275/1944893645723524/”][/facebook] 小編：嘉儀（IG: chongkkayee） ==================== 意粉屋 流心芝士法國春雞（伴烤新薯、香草忌廉野菜） 燒春雞好大隻啊～啲雞肉係超級嫩！ 最特別係入面有餡！ 切開有好多芝士流出嚟！芝士好香，用嚟點雞肉食，完全perfect啊！ 芝士火鍋 冬天梗係要打邊爐，香濃芝士啱唔啱？ 足足用咗4款芝士，仲要有好多嘢食！ 前菜：三文魚、巴馬火腿、鮮果 配料：刺身級帶子、香腸、粟米、車厘茄、蘑菇、肉丸、薯條、麵包粒、意粉 重點推介！紐西蘭特級肉眼！ 牛肉味好香濃～配埋芝士食，真係會食唔停啊！ 北海道帶子 日本魷魚 墨汁意大利粉 呢到啲意粉都好值得食！ 意粉有咬口～海鮮好新鮮，份量都好足夠！ 帶子好好食啊～仲大大粒！Encore啊唔該！ ==================== 丼丼亭 海產天丼定食 呢間餐廳係大阪過江龍！必試招牌：海產天丼！ 有4款天婦羅，全部都皮薄香脆，一啲油膩感都冇～ 天婦羅有兩款食法！ 關東就點天汁，關西就可以點鹽，有得自己揀！ 醬油角切魚生丼定食 另一必嗌就係魚生丼喇！又新鮮，仲要超級多料～ 吞拿魚、三文魚、油甘魚、八爪魚、甜蝦，仲有玉子！包你夠食！ 串燒（牛腹肉/牛舌厚切/煙肉年糕/海老/甜蕃薯/雞肋骨） 串燒得銅鑼灣分店有！小編我梗係要食！ 特別推介牛腹肉啊～啖啖肉，肉汁好夠～ ==================== ZAKKA Café 梳乎厘班戟 配北海道牛乳雪糕 一定一定要食！班戟好鬆軟，而且好足蛋味～ 配忌廉/雪糕食都好正～ 期間限定 黑白朱古力流心布甸 配雲呢拿雪糕 此心太軟不同彼心太軟！外皮係黑朱古力，而流心餡係白朱古力！ 一次過試晒兩款味～ 期間限定 榛子朱古力慕斯班戟 除咗Pancake係用榛子醬做之外，就連中間啲Cream都係用榛子醬整！ 再加入少少堅果碎，有口感～仲好香榛子朱古力味！ 酥脆窩夫 […]

    author

    【極品韓牛+鮑魚+龍蝦】聖誕必食! 韓國No.1韓燒CP值高~｜香港美食｜放假去邊

    嚟到聖誕季節，咁開心梗係要食好嘢啦！ 小編發現呢間係韓國BBQ餐廳排第1嘅過江龍，最近有聖誕套餐～ 食材高級、份量唔少，價錢唔算貴，仲好好味啊！ 小編：嘉儀（FB page: 嘉儀 / IG: chongkkayee） ==================== 前菜：香煎帶子 帶子調味好香，小編覺得好好食！ 不過太細粒，完全唔夠喉啊… T_T ==================== 前菜：三文魚飛魚籽沙律 伴花生醬 呢份沙律整到好似漢堡包咁，一啖有齊所有口感！ 加咗花生醬係入面好特別，但又出奇地夾喎～ ==================== 主菜：芝士焗原隻波士頓龍蝦 一上枱已經聞到好香～～ 肉質爽口，都幾大件！ 隻龍蝦仲大過小編塊面啊～幾厚肉！ 除咗有好多芝士，仲有好多好多蒜蓉！ 重口味之選，超級香超好味啊～～ ==================== 係時候嚟到重頭戲：韓燒喇！ 重點係極品1++韓牛 (200克)，係由韓國直接空運過嚟！ 套餐仲有鮑魚 (2隻)、新麻蒲護心肉 (100克)、秘製豬頸肉 (100克)、磨菇！前菜、爐邊蛋都係任添～ ==================== 極品1++韓牛 (200克) 1++係韓牛嘅最高級別，絕對韓國空運！ 大大塊，好厚肉，未燒已經流晒口水喇～ 小編建議唔好燒太耐，生生地食韓牛就最正！ 超超超超濃牛味，仲要勁多汁！   記得要襯熱食啊～食極品韓牛，真係極品享受！ ==================== 鮑魚 (2隻) 套餐仲有一人一隻鮑魚，記住要加牛油燒～ 香口得嚟又食到鮮味！ ==================== 新麻蒲護心肉 (100克) 護心肉係新麻蒲嘅皇牌，果然係好食，超級淋～～～ 一隻豬得好少護心肉，所以好矜貴㗎！ 聽講呢款肉冇咁肥，食得多仲對心臟有益，即食！ ==================== 秘製豬頸肉 (100克) 豬頸肉香口，一啲都唔會韌～ […]

    author