天氣開始涼涼地，最啱出去行先兼打卡影相啦！ 今次推介呢個悠閒小徑——沙灣徑，有海景、樹蔭，影相好靚！ 等小編一一介紹下主要打卡位 鞦韆 鞦韆係沙灣徑最受歡迎的一個打卡位 心形石墩 呢個位最啱情侶打卡，有兩個心心~好唯美~ 沙灣泳棚 日落影就最靚啦！又唔會曬親~ 沙灣徑 交通：港鐵堅尼地城站A出口，往右手邊小巴總站乘搭58/58M號小巴，沙灣足球場落車。 回程小巴路線只到19:00左右，記得留意離開的時間～ 圖片來源：@sseomin_wsm、@sweet_fr_girls
7-Eleven x 「可口可樂」概念店今個夏天換上新裝，以「飲樂起勁 樂在香港」為主題，加入香港風貌和本地元素重新打造店舖新形象，繼續致力為顧客帶來獨家驚喜及新鮮感。新店面以「可口可樂」標誌性紅色及香港地道景色和街道打造而成，讓你隨時遊走於香港特色景點之中！ 此外，店内更有搶眼的「可口可樂」樽造型霓虹燈櫃及3D打卡牆，加上一連串期間限定活動，讓你在概念店每個角落都有新發現、新體驗！ 店舖內不同角落亦佈滿香港特色及「可口可樂」的新主題元素，如：電車派對主題貨架、港式茶餐廳設計的用餐區及懷舊玩具主題裝飾等，到處隨手一拍，都可成為一個打卡點！ 是次概念店更推出限定特餐——港式即製厚多士配雙檸樂（$26） 店内更有搶眼的「可口可樂」樽造型霓虹燈櫃及3D打卡牆 電車派對主題貨架、港式茶餐廳設計的用餐區及懷舊玩具主題裝飾等，到處隨手一拍，都可成為一個打卡點2 電車派對主題貨架、港式茶餐廳設計的用餐區及懷舊玩具主題裝飾等，到處隨手一拍，都可成為一個打卡點 「飲樂起勁 樂在香港」為主題，加入香港風貌和本地元素重新打造店舖新形象 「可口可樂」將推出一系列「特色街景模型」，款款都充滿香港特色元素。 7-Eleven x 「可口可樂」概念店率先獨家換購「可口可樂」茶餐廳積木模型，凡購買任何「可口可樂」、「雪碧」、「玉泉」、「芬達」系列410-500毫升膠樽裝汽水4支，加$49即可換購1件。 7-Eleven x「可口可樂」概念店 地址：尖沙咀柯士甸道 45-53 號聯業大廈地下 A 舖
夏天有咩做好？梗係涼冷氣就最舒服，宜家嚟尖沙咀就可以參觀全球首間The Macallan威士忌概念店，呢個展覽係由英國Pop藝術教父Peter Blake與Macallan合作，展出一系列爵士波普藝術同威士忌展。 一大片光影麥田由多盞黃色LED組成，真係好IGable啊！ 十足小型TeamLab咁啊！ 用燈束整成嘅麥穗超逼真。 大家記住影麥田時候，記住抬頭欣賞埋天花嘅LED燈海。 Macallan入面除咗有迷你TeamLab俾大家打卡，仲有其他畫作可以欣賞。 睇完迷你Team Lab 唔夠喉？不如搵埋商場其他藝術品一齊影相喇！商場內仲有一係列藝術展覽、工作坊全部都係免費入場，仲有全亞洲最高嘅巨型玫瑰藝術裝置，高達8.5米。 Isa Genzken《玫瑰 II》。 潮流界藝術家Daniel Arsham 、Alex Mustonen 共同創作嘅《THE BROKEN SERIES PINK EDITION》，展出全球獨家限定粉紅色家具藝術品。 The Macallan Anecdotes of Ages Pop-up 地址：尖沙咀K11 MUSEA Level 1，105室 日期：即日起至6月23日 時間：11:00-21:00 圖片來源:@K11 MUSEA、@themacallan_hongkong
知道大家咁耐無得去旅行，一定好掛住日本呢個「鄉下」 D·PARK愉景新城為咗一解大家思鄉之愁，會於3月27日至6月27日期間舉行「高山老街食の祭」 日本超人氣景點「高山老街」一向都有「飛驒小京都」之稱 今次愉景新城特意將場內佈置成古色古香嘅高山街屋第，大家可以置身充滿江戶風情嘅環境中享用日式嘅美食 「高山老街食の祭」會為大家帶來超過14間日式小吃攤，包括特意引進高山名物飛驒牛食材、炭烤串燒小食、關東煮、玉子燒等等 飲品方面，亦有極罕見嘅日本燒酎、清酒、日本茶，100%還原風味 除此之外，D·PARK愉景新城更每逢週末特意加推「宮川朝市週末市集」， 市集會有超過40間特色攤檔，主要販售各類型日本雜貨、家品、手工小物！ 以「 日本三大早市」之一嘅宮川朝市為主題，場內滿佈以白色帆布搭建出來嘅小帳篷攤檔， 咁多嘢睇，就好似去咗日本一樣！ 而愉景新城更特設「高山古い町」大手門，大手門前更特設日式小商店同埋日式人力車打卡位，大家必定要去打卡留念！ 一個地方集齊食、玩、買，大家記得要去行下啦！ D·PARK愉景新城「高山老街食の祭」 日期︰3月27日至6月27日 地址︰荃灣青山公路荃灣段398號
講起日清食品，相信大家都會諗起合味道杯麵 最近日清食品宣布，日本旗艦旅遊景點「合味道紀念館」即將登陸香港，各位杯麵迷有福啦！ 「合味道紀念館香港」會為大家帶來全新體驗，清仔更會化身紀念館嘅首席創意總監，與團隊齊齊向大家導覽館內創新元素 有別於日本大阪池田同埋橫濱嘅「合味道紀念館」， 香港紀念館佔地近10,000平方呎，並以「安藤百福創造力之旅」為主題，特設三大全新必到打卡位同埋三大體驗式工作坊 當中重點推介全球獨家限定兼全新登場嘅「榖物麥片工作坊」 參加者可從中了解此新產品誕生嘅緣由同埋製作過程 而經典「我的合味道工作坊」同埋「出前一丁工作坊」亦會強勢回歸，呢兩個大熱工作坊非常受歡迎 參加者可親手設計食品包裝同埋材料配搭，可以一邊玩一邊了解更多日清食品嘅背景 館內亦設有「大杯麵」打卡位，向大家展示「逆向思維」概念 大家可以喺紀念館內透過以食品為主題嘅教育、娛樂同埋互動元素，激發大家嘅創意同好奇心 依家暫時仲未紀念館更多有關門票同埋開幕詳情 想知更多記得留意啦！
香港夜景一向都享負盛名，外國遊客每次到港，夜景都係指定欣賞項目 擁有超過6年拍攝經驗嘅Natalie Lau 擅長拍攝香港夜景，更曾榮獲香港霓虹燈拍攝比賽冠軍 佢嘅作品主要圍繞香港街頭，不論係街道窄巷定係繁華商區都係佢嘅題材 Natalie 由2020年開始使用社交平台發放作品，到現時已吸納超過6,000位粉絲，可見非常受歡迎！ 今次佢將會喺3月6日至3月19日於FabCafe HK 舉辦首個個人攝影展「黑夜 • 光芒 Glow in the Dark 」 展覽將展示17款作品，而且每款作品都有藴藏嘅訊息，讀者可以慢慢欣賞觀察 展出嘅相片一貫Natalie 往日作風，佢擅長利用 Cyberpunk 作為主題標誌色調 再套入香港城市夜景中，並用 Photoshop 後製出一系列攝影作品，每款都好吸引！ 今次展覽更推出咗4 款唔同嘅CyberPunk Lightroom Present ， 以QR code 形式匿藏喺展覽唔同位置，大家有機會搵到獨家調色 展覽角落亦有設置打卡位，大家可以於地板上印有從深水埗唐樓天台俯瞰街頭嘅角度 等大家有機會以第一身角度彷如置身高處打卡，互動性非常高！ Natalie 更特意邀請咗皮革設計師 OYTY studio 主理人Oscar 設計出限量鱈魚油牛皮相機帶 鱈魚油牛皮比一般牛皮耐用，而且柔軟度適中 相機帶共推出2款顏色，包括深啡色同深藍色，非常百搭 FabCafe HK 更會提供個人化的刻字服務，自用定送禮都好適合！ 不過相機帶係限量發售，數量有限，售完即止，大家記得唔好錯過 同時展覽會發售香港夜景為題嘅明信片， 每套有10款，收藏價值極高 亦會推出限量平面印刷，令獨有嘅作品從網絡上走到現實生活，更加人性化 咁特別嘅展覽，大家記得唔好錯過啦！ 【黑夜 • 光芒 Glow in the […]
領展啟田商場由上年起開始優化，為整個商場增加通透度，令到整體感覺更光亮 商場亦引入多間人氣食店，好似壽司郎、Crostini等等，打造一站式美食購物中心 今次佢哋更加首度與藝術家B. Wing合作，打造大型主題活動「Key to Fun」， 為商場設計全新專屬角色 Kaka同埋一眾可愛好友，將啟田商場化成「KTopia快樂國度」！ 場內設有六大打卡位，大家仿如置身童話世界一樣 故事背景係講A仔穿越魔法之門嚟到商場尋找快樂泉源，喺旅程中結識咗Kaka同埋其他朋友 活動期間，顧客可結伴A仔同埋Kaka展開一場既奇幻又有趣嘅旅程， 遊歷由B. Wing設計嘅六大「Key to Fun」吸睛焦點打卡場景，參與Par-tea派對！ 商場首次將虛擬實景（AR）互動科技融入場景當中， 顧客只需於活動期間登入活動網頁完成簡單登記並掃描場景內指定圖案以激活特別AR效果， 即可結伴Kaka 、A仔遊覽全新嗁啟田商場，一邊玩遊戲一邊打卡！ Kaka同埋A仔將首次現身商場門口迎接大家，齊齊漫步「KTopia花園」 大家可於花園同每個角色打卡影相，亦可以透過 AR發現神秘場景！ 「芝味火鍋派對」有大大舊立體芝士等緊大家，勁吸晴！ 大家可透過 AR遊戲一齊幫忙準備 Tea Party嘅食材，又有得玩又有得影 「空中演奏廳」亦可以於AR遊戲中創作樂曲，另外仲有「精靈魔衣櫥」、「魔法下午茶」派對 為配合活動主題，商場設有「Key to Hunt」尋寶遊戲 顧客只需透過活動網站到商場不同樓層掃描特定圖案並收集魔法電子鎖匙，集滿指定數量並於場內以電子消費滿指定金額， 即可換領由B. Wing親自計設的限定版A仔x Kaka茶杯套裝一份或30元商場商戶現金券乙張 記得係數量有限，先到先得！ 啟田商場「Key to Fun」 日期： 2021年3月24日起 時間：上午10時至晚上8時 地點：九龍觀塘藍田啟田道50號啟田商場
喺商業大廈林立嘅灣仔區，想搵一個遠離石屎森林、呼吸到新鮮空氣嘅地方，從來都不容易～不過，隨著灣仔碼頭附近嘅海濱長廊開放，呢個唔再係一個遙不可及嘅願望喇！ 海濱長廊劃分成兩大主題區，分別為「水上運動及康樂主題區」及「渡輪碼頭畔主題區」。兩個主題區都係24小時開放！無論你想晨運、享受日光浴、跑步，又或者假日想搵個地方享受家庭樂、親親香港海濱，呢到都絕對係一個好去處！ 灣仔碼頭海濱長廊，為市民喺鬧市中提供一個公共休憩空間～ 「渡輪碼頭畔主題區」粉紅通道 浪漫滿海濱 由尖沙咀坐渡輪去灣仔，落船出碼頭就係「渡輪碼頭畔主題區」！以粉紅色為主色調嘅圍欄同圍板、碼頭出口走道嘅樑柱亦以粉紅玫塊花飾點綴，為海濱帶嚟綺麗氣息～「渡輪碼頭畔主題區」右邊係灣仔會議展覽中心、左邊就係向碼頭方向延展～ 「渡輪碼頭畔主題區」嘅圍欄、圍板以粉紅色為主色調，為海濱帶嚟綺麗氣息！ 越過碼頭，會經過一條「粉紅通道」～通道兩側係畫咗粉紅玫塊花紋嘅圍板，而地上就鋪咗粉紅色地氈！配埋兩側嘅粉紅玫瑰裝置，浪漫滿佈，絕對係情侶打卡熱點！ 「粉紅通道」為海濱長廊增添浪漫氣氛～ 「水上運動及康樂主題區」Chocolate Rain 藝術裝置 文青打卡熱點 沿著「粉紅通道」向前行，會經過臨時巴士總站～ 細心啲睇，會發現巴士站旁嘅圍板，綴有一朵朵粉紅玫瑰花裝飾！沿著裝飾行多大約3分鐘，就會發現海濱再次近在眼前㗎喇！ 穿過粉紅通道之後，跟著沿路隔板上嘅玫瑰花向前行，就會到達海濱長廊！ 雖然同樣位處灣仔海濱，但「水上運動及康樂主題區」嘅規劃及設計，同綺麗浪漫嘅「渡輪碼頭畔主題區」截然不同！場地佈滿了以Chocolate Rain為題嘅卡通創作及指示牌，令海濱變成活潑繽紛嘅奇幻世界！ 除咗地上有多幅大型Chocolate Rain插畫之外，長廊嘅欄杆及臨時擋板牆上，亦掛滿Chocolate Rain嘅作品！細心欣賞，你會發現每幅作品主題都唔同㗎！除咗有招牌嘅蘑菇森林童話世界，仲有以香港美食為主題嘅創作！點心、煲仔飯、盆菜一應俱全！行到長廊盡頭，仲有一組大型吹氣裝置，而當中嘅渡海小輪設計更特別配合維港及海濱長廊嘅環境，勁有心思！ 沿海欄杆仲特燈用咗鋼絲欄杆設計～遊客無論企喺邊個角落，都可以欣賞到維多利亞港嘅迷人景致！鋼絲欄杆嘅設計亦令釣魚愛好者更接近海港，所以一開放已經吸引咗好多人去釣魚喇～ 正門入口處嘅Chocolate Rain塗鴉，以海水藍為主調～背後係一覽無遺嘅維多利亞港，絕對係打卡嘅好地方！ 長廊設有多幅大型Chocolate Rain插畫作品，全部都富有香港特色！ 繽紛嘅Chocolate Rain作品，為長廊增添不少色彩！ 海濱長廊嘅小斜坡！吸引好多小朋友帶埋滑板車嚟玩㗎～ 鋼絲欄杆嘅設計令釣魚愛好者更接近海港，所以一開放已經吸引好多人嚟享受垂釣樂趣～ 體驗「海濱公共傢俬設計比賽」作品 行到攰嘅話，可以喺長廊上嘅長櫈休息吓～呢到嘅長櫈唔單止有玻璃上蓋，每張長櫈前仲好細心咁配置一張小木枱！無論好天定落雨，都可以自備茶點，嚟呢到享受一個180度海景下午茶！想同一家大細或者三五知己嚟野餐，仲可以去長廊盡處使用長戶外桌椅！迎著海風、聽著海浪，一邊享受日光浴，一邊品嚐美食～ 每張長櫈都配置咗一張小木枱！無論好天落雨，都可以自備食物，嚟呢到享受一個180度海景下午茶～ 海濱長廊盡處設有多套戶外餐椅，方便市民喺呢到用餐～ 「水上運動及康樂主題區」及「渡輪碼頭畔主題區」亦展出多組海濱公共傢俬設計比賽嘅得獎作品，遊客可以到場親身體驗～率先展出嘅「The Weave Chair．織聚」參考咗成人、長者及小童嘅坐姿，利用外型線條承托脊椎、大腿！設計利用兩代身形差異，交織出海浪形態，同維港嘅景色互相呼應！ 「織聚」更寓意匯聚老少世代，創造青銀共融空間～ 「點石．城．今」將形狀各異、大小不一嘅鵝卵石散佈喺海濱～無論大人或小朋友，都可以搵到適合自己嘅座位！ 「點石．城．今」 除咗以上呢啲傢俬，其他得獎作品亦將會陸續展出！名為「六十維港」嘅作品，透過剪影手法呈現唐樓嘅立面，讓身處海濱嘅市民好似坐咗喺60年代嘅唐樓窗邊，欣賞現今維港！營造時空穿越嘅體驗～ 「奇文異視」就喺藝術、科技、大自然出發！以循環再用嘅塑膠纖維、木材，加上擴增實境技術，創造既具未來感又互動嘅座椅，帶出休閒公園及創意藝術嘅協同效應！ 「Aqua Cube」就以冰粒狀嘅設計散佈長廊；「Dialogue at Distance」設有四張高櫈，每張方向都唔同，可以傾計之餘又不忘社交距離；「VH Puzzled」嘅粉彩色英文字母，分開可以係獨立成椅，堆埋一齊又可以砌成一張「Victoria Harbour」長椅… 款款傢俬都靚到令人選擇困難！真係想每款都去試坐、影相打卡啊！ 「VH Puzzled」 維港最長的海濱跑步徑 隨著呢兩段海濱長廊開放，位處港島北、維港最長嘅海濱長廊，已經進一步延長至5.5公里！係維港最長嘅海濱跑步徑！鍾意跑步嘅市民可以由灣仔北，沿海濱跑到石塘咀～一邊跑步，一邊有維港美景相伴、海浪聲做配樂，真係好Chill啊～ 由灣仔北跑到石塘咀西區副食品批發市場，全長5.5公里～係維港最長嘅海濱跑步徑！
疫情下冇得出國，但成日心郁郁想去旅行？ 不如去尖沙咀富衛1881公館，體驗一下本地特色遊啦！ 一個地方有齊美食、靚景、藝術展覽，仲有激多影相打卡位～真心勁正！ 遊覽之前可以先去主打特色古典中菜嘅「后園」餐廳品嚐精緻點心～ 特別推薦麻辣濃湯小籠包！小籠包皮簿餡靚、肉汁鮮濃，麻辣味道夠晒特別！ 餐廳嘅松露野菌水晶餃、野菌素腸粉、露筍鮮蝦餃、高湯牛肉丸，同樣值得一試！ 唔單止味道出色、賣相一流，食落仲超有驚喜啊～ 食飽飯可以行下期間限定舉辦嘅「富衛保險：敢樂藝術‧敢闖人生藝術展」，有15位本地藝術家嘅作品展出！ 展覽分為三個專區，分別係「照片區」、「互動區」同埋「體驗區」各有特色㗎～ 展出嘅精彩藝術品包括：經典霓虹光燈招牌 「城市之光」、彩色水泥牆「幻」、彩繪壁畫走廊「塗鴉星球」等等～ 亦都有VR互動展品，例如位於走廊嘅「探索號」，啱晒一家大細！ 大家仲可以利用AR特效濾鏡，同藝術作品瘋狂打卡添！ 欣賞完藝術展覽，不妨去試埋輕法式餐廳「ODEA」全新推出嘅清新果香主題下午茶～下午茶超豐富！ 甜點有白桃椰子奶凍、柚子芒果撻、車厘子開心果法式蛋糕等等… 鹹點就有法國芝士提子撻、日本牛肉及椰子泡芙等等～ 仲可以加配以果味特調雞尾酒「Clover Club」或者冇酒精嘅「Lady Rose」，等大家一齊享受洋溢果香嘅午後滋味～ 富衛1881公館前身係水警總部，現轉型為文化地標！ 呢幢充滿濃厚殖民地建築風格嘅百年古蹟，周圍都係等你發掘嘅打卡位～ 留喺香港都可以好好玩！快啲約埋好朋友，一齊去富衛1881公館體驗本地特色遊啦！ 富衛保險：敢樂藝術‧敢闖人生藝術展 日期：即日起至10月25日* 時間：上午10時至下午10時 地點：「1881」廣場及富衛1881公館 *「互動區」及「體驗區」展品將展出至9月30日 富衛1881公館餐廳： ODEA、后園、The Steak Room及The Cell Whatsapp訂座及查詢：+852 6737 0980 The Araki 查詢：[email protected]