• Wed. Jun 3rd, 2026
    • '
    Home打卡 (Page 43)

    Tag: 打卡

    大圍美食~ 掃街又得文青cafe亦得 | 香港美食 | 放假去邊

    大圍近年越黎越多小食店~ 唔少人都會去大圍踩單車，出發前後梗係掃街填肚啦！ 至於好似小編呢啲唔鍾意做運動嘅，哈哈，掃街同去文青cafe打卡就夠啦~ 記者：Jaime （FB: Jaime Ho / IG: jaimehomusic） 1. Snapsy 一出大圍站就見到佢，位置超級方便！ 香蕉朱古力杏仁脆脆班戟 (加雪糕$10) $37 超多意大利雪糕，正呀!!! 所以食咗好耐先到香蕉朱古力餡料~ 地址：大圍村南道41號地下(大圍站A出口對面) ==================== 2. 華輝小食 手撕雞腸粉 $28 可以選擇原味至七級辣~ 小編呢個就係一級辣。手撕雞好嫩滑~舖頭堅持芝麻醬要用石磨，夠哂誠意! 腸粉仲keep到熱!! 一盒就滿足到小編兩個願望^^ 地址：大圍積福街積壽里4D號地舖 ==================== 3. 康和車仔麵茶餐廳 蜜汁龍鬚$34 一上菜已經聞到勁香!!!事關小編係個魷魚迷，呢碟真係唔可以錯過! 魷魚爽口彈牙~ 醬汁因為落咗片糖、冰糖，味道甜甜鹹鹹，煮得好香口~ 地址：大圍積富街40號 ==================== 4. Dear Coffee and Bakery 門口係俾客人等位嘅時候坐，非常貼心~ 當日下午冇咩人唔洗等位，小編即刻影返張相打卡! 主打自家手工麵包，用天然酵母發酵，食得健康人都開心啲！ 100%紫薯包 $33 Utopia (matcha+expresso) $48 Utopia係咩呢? 原來係綠茶加濃縮咖啡~ 朱古力拉花超靚呀(心心眼) d cream多到呢~~正! 地址：大圍積運街2-8號海福花園地下22號舖 ==================== 5. […]

    author

    林村新春嘉年華 x 麥田捕手假日市集 | 假日好去處 | 放假去邊

    鍾意去市集嘅你，一定會聽過麥田捕手假日市集 今個農曆新年，一連16日，2017香港許願節舉行林村新春嘉年華 x 麥田捕手假日市集! 有得食又有得玩又有市集睇，新年有著落啦! 記者: Jaime 門口有祈福許願繪馬，免費畀大家寫，小編都寫低咗新一年嘅願望掛上樹上! 打卡位：漫天飛舞水晶球 「綿綿頭上飛花~~~」 特別之處係可以走入水晶球入面，同漫天花瓣影相 (年初七至十六) 港式花牌工作室 花牌係一種民間工藝，多數於新張喜慶、節慶廟會等大型盛事中出現 今次市集增設DIY迷你港式花牌工作坊，買一包材料就會有專人教你點整 整完有興趣仲可以參加比賽，冠軍有$1,000獎品獎盃~ 陳聲工作室為新年特製的款式 小編都整咗一個! 從來都未接觸過花牌，整完覺得呢門手藝其實好靚，而且整嘅過程都幾好玩㗎! (圖為大致完成階段，最後會修剪好木條，同埋將花牌黏喺紙皮盒上作擺設)   美食專區超多嘢食!!! 小編個人推介：法式煎鵝肝、流心芝士雞扒、鐵板炒雪糕、長洲糯米糍～ 流心芝士雞扒 $40 法國鵝肝多士$80 法國鵝肝配意大利黑松露! 好好食 冰鎮花膠 $60 通常都食熱，凍食你食過未呢? 波波con dog、富貴黃金蝦、蒜爆牛肋條、日式和風帶子 (價錢待定) 雞翼包飯 $40、燒金蠔 $40 啱啱喺台北返嚟嘅小編諗起十分出名嘅雞翼包飯！ 櫻花蝦Cheese心玉子 $30 賣相靚，味道都正! 炒雪糕卷 共有6種味道，芋香、Oreo、香蕉、木瓜、雜莓、麥維他(獨家首創) 小編試咗雜莓味，頗甜。店主會推介芋香~ 長洲平記糯米糍 $12 人氣推介：芒果、榴槤 另有火龍果、奇異果、士多啤梨、香蕉、花生，共7種味道 雞蛋仔 $25 3種味道：原味、朱古力、士多啤梨 到時仲會有手作市集同更多精彩節目，無論係拍拖定一家大細都啱玩！ 林村新春嘉年華 x 麥田捕手假日市集 日期：2017年1月28日 (年初一) 至 2017年2月12日 (年十六) […]

    author

    旺角朗豪坊期間限定 Monchhichi Cafe| 香港美食 | 放假去邊

    由今日開始至3月19日，旺角朗豪坊都有Monchhichi嘅蹤影! 有多款美食，又有好可愛嘅商品買~ 食開心肉眼扒或開心Pizza，仲可以同Monchhichi影相! 記者: Jaime 脆辣雞扒番茄丹麥三文治 $78 開心肉眼扒 $158 Monchhichi 開心 Pizza $75 自家拿破崙汁意粉 $78 鮮奶抹茶 $42   甜品推介~ 朱古力香蕉班戟塔 $ 68 忌廉香蕉蛋糕卷 $58 呢兩款唔夠？仲有其他甜品選擇~ 81 Ban Japanese Deli x Monchhichi Pop-up Café 地址： 旺角朗豪坊L4A 號鋪81BAN Japanese Deli 營業日期：1月19日至3月19日 營業時間：7:30am-12:00mn 電話：3417 6034 ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    全粉紅LINE Cafe登陸台北! 少女心打卡新熱點~ | 台灣 | 放假去邊

    LINE FRIENDS Cafe & Store 12月底已登陸台灣! 唔洗去日本、韓國、中國先有喇~ 以Choco的家為設計概念－CHOCO’S HOUSE & CAFE 坐低飲杯嘢，影相打卡是常識吧! 小編已經俾粉紅色完全迷倒~ 文: Jaime Cafe售賣台灣獨有嘅綠茶口味熊大雞蛋糕 當然都唔少得台灣特飲：青蛙蛋粉圓奶茶、日月潭紅玉紅茶、台灣鮮奶紅茶等 舖面有唔少打卡位～ 3.5米高嘅CHOCO~~!!除左可愛粉紅Choco，另一邊都有型格Choco Moon都喺度呀~ LINE FRIENDS fans嚟到一定會瘋狂買野呀~ 好多絨毛公仔同造型攬枕，軟綿綿好舒服咁~ 仲有衣品添 有好多以 CHOCO 為設計概念的商品，包裝好靚~ 啱哂做手信! CHOCO’S HOUSE & CAFE 新光三越A11店 地址：台北市信義區松壽路11號 新光三越台北信義新天地A11一樓 營業時間：平日11:00-21:30；週五、週六、例假日前一日：11:00-22:00 前往方法：「捷運板南線」於「市政府站」2號出口，步行三分鐘 ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    2016必影聖誕裝飾~ 聖誕打卡位 | 假日好去處 | 放假去邊

    又到聖誕~又到聖誕~ 聖誕節又點少得去各大商場影相呢? 有IQ博士、熊本熊、荒失失奇兵、LEGO、大型雪人、企鵝、北極熊，應有盡有! 雖然係聖誕裝飾，其實大部分都開放到1月頭㗎~ 文 : Jaime IFC IFC變身為極地! 由即日起至27/12每日都有Britain’s Got Talent嘅準決賽入圍者Vadim Hip Hop舞演出~ 同北極熊、海鸚影相 「Vadik and The Bears」 日期：即日起至18/12 （12:45pm-1:30pm） 及（6:30pm-7:15pm） 20/12至27/12（12:45pm-1:30pm）、（3:30pm-4:15pm） 及 （6:30pm-7:15pm） 地點： IFC 商場一樓中庭   置地廣場 置地廣場奇妙馬戲團 日期：2016年11月24日至2017年1月1日 地點：置地廣場   又一城 相信大家對《秘密花園》繪本都唔會陌生，畫家喬漢娜(Johanna Basford)今次親自挑選繪本嘅場景擺喺又一城! 21米高嘅聖誕樹! 勁呀～ 又一城‧喬漢娜的聖誕秘密花園 日期：2016年11月25日至2017年1月2日   The ONE 小編表示見到露天廣場嘅3.5米高巨型小雲，超興奮 !!   IQ 博士 35 週年反斗狂歡派對 日期：2016 年 11 月 12 日至 2017 […]

    author

    坪洲一日遊 輕鬆行山嘆冰室 | 假日好去處 | 放假去邊

    唔講唔知，原來坪洲面積得三分一個長洲咁大! 就係勝在島仔細細少啲人，真係好舒服~ 推介俾大家去hea大半日! [youtube youtubeurl=”Tfg2JB8ZqrE” ][/youtube] 文 : Jaime (IG: @ jaimehomusic) 六七十年代係繁盛嘅商業中心，所以好有懷舊特色! 例如坪洲石屋、天后宮都係香港三級歷史建築物~ 行入內街，周圍都係呢啲懷舊鐵閘~   坪洲有幾間有名冰室，今次就試試好受歡迎嘅蝦多士啦~ 祺森冰室 地址：坪洲永安街3B地下 蝦多士餐 全日早餐   金源冰室亦係坪洲另一老字號冰室，由一個家庭經營，非常親切! 坪洲永興街15號地下 公司炒通係招牌菜之一，大雜燴得嚟好入味~ 奶茶紅豆冰 (好少地方有架!)   金源冰室正旁邊，就係單車出租店 不妨考慮下單車遊坪洲! 老闆話1個鐘咩都夠，小編試過，1個鐘真係好夠!   沿住志仁街，行到篤就係東灣~ 沿路見到有間粉紅色嘅學校，忍唔住要影相! 有山有海有沙灘，點都要影下照騙….   >> 石澳10個影相位! 影盡歐陸彩色小屋   沙灘旁係悅龍聖苑，又叫龍母廟，可進內參拜 跟住就出發去手指山、銀洲仔亭。呢條路線喺行山嚟講真係極短程，而且輕鬆! 都幾易搵嘅，公廁嘅左後方就係起點啦~ 見到分岔路，左邊上就行三百幾級樓梯，想舒服啲可以行右邊上去，路面較平 話咁快就上到95米高嘅手指山! 向下行就可以去到180度海景嘅銀洲仔亭，又稱天涯海角。 遠處係愉景灣、青馬大橋、尖沙咀、中環~ 行到入去果吓，小編真係覺得有啲似去咗世外桃源⋯⋯ 落山之後又再食~ 蕃薯、魷魚都炸得勁香勁脆! 堅好食! 炸蕃薯 $8, 炸魷魚$8 華記小食 地址：坪洲志仁里2B 號地下 食完野去返碼頭，沿海邊行去坪洲嘅西北面－大利島 呢度啱哂睇日落~~~~ […]

    author
    Uncategorized

    石澳10個影相位! 影盡歐陸彩色小屋 | 假日好去處 | 放假去邊

    石澳好靚！石澳好靚！石澳好靚！ 每行一步都可以影10張相，女仔去一定要帶定相機、準備炸爆Album啊～ 石澳好多彩色小屋，仲好有歐陸風情！ 所以淨係影外牆都有好多款選擇哈哈～～ 藍天、陽光、海灘，樣樣有齊！ 放假入石澳行返轉、影靚相，再BBQ埋簡直就係一大享受！ 小編：嘉儀 (IG: @ chongkkayee) [youtube youtubeurl=”XmbMS2YtOfc” ][/youtube]   >> 粉紅色美人樹盛開  迪欣湖文青影相位 1. 灰色型格外牆 記得影埋旁邊嘅盆栽做襯托～ 咁張相就唔會咁寡，又有清新嘅感覺哈哈！ 2. 藍色情人橋 點解叫情人橋？傳聞係因為佢好窄… 只夠兩個人一齊行喎… 小編一個人咪自己行晒囉… 呢條小橋連接石澳同大頭洲～ 粉藍色好靚！好多人係為咗影呢條橋嚟石澳㗎！ 淨係呢度，都夠大家影足一日㗎喇 😛 3. 鐵皮屋 鐵皮屋本身唔算靚，不過屋頂生滿花花草草，令到成件事活潑好多～ 所以… Pose 梗係要配合下！ 4. 彩色小屋 間間小屋嘅外牆都唔同顏色，逐間影都有排影啊！ 等小編畀幾隻色你揀啦～～ 粉色系～～（其實仲有粉紫、粉黃、粉綠… 好多好多） 連教會嘅外牆都係綠色！小編都忍唔住要自拍返張～:P 5. 仿竹木製外牆 6. 復古吊燈 背多fun～～～ （靜雞雞話你知，小編唔夠高…….） 7. 油畫 行行下經過餐廳，見到餐廳出面都掛咗幅好靚嘅畫！ （不過當時附近有工程、地下好多泥石，所以小編唯有自拍哈哈） 8. 教堂閘門 好靚！好靚！好靚！好似真係結婚，去咗真教堂咁～～ 不過閘門好高，真係唔企遠啲自拍都影唔晒佢全身！ 9. […]

    author

    愉景灣一日遊 極靚海濱白教堂| 假日好去處 | 放假去邊

    愉景灣位於大嶼山東北部，係個充滿異國風情的渡假式休閒社區。 想悠閒過一日，嘆下靚景、影相、食嘢，可以用幾小時漫步愉景灣； 鍾意行山，可以行老虎頭郊遊徑去梅窩，或由梅窩出發到愉景灣－俯瞰愉景灣全景亦得！ 今次介紹景點有：愉景廣場、愉景灣美食廣場（D’Deck）、大白灣沙灘、愉景北廣場、海濱白教堂、神樂院⋯⋯全部都係影相位㗎！出發！ 小編 : Jaime (FB page: Jaime Ho /  IG: @ jaimehomusic) －－－－－－－－－－ 愉景灣碼頭 無論係由中環搭船，定係搭巴士入嚟，都能到達愉景灣碼頭。 神樂院 由愉景灣碼頭總站，折返路口左轉愉景灣道東到稔樹灣。前往神樂院方法有兩種，可以沿沙灘後方的村徑直行，路程半小時；或者在街渡碼頭乘搭來往坪洲與愉景灣的渡輪，但要留意班次是否途經神樂院。 熙篤會聖母神樂院係一座天主教隱修院，參觀時請保持肅靜。上山路途設有紀念耶穌受難的苦路十四處，在樹木上掛有十字架、畫像。以聖堂、小花園、宿舍為主體建築。 小花園內有聖母亭，風格中西合璧，中文對聯同拉丁文都寫有「出入平安」的意思。 愉景廣場 幾乎每個月的第二個星期日都會有週日露天市集，時間大約係11am-6pm。   臨海露天美食區 D’Deck 喺愉景灣碼頭旁邊嘅D’Deck，匯聚多國主題食肆，坐喺室外真係好chill~有啲餐廳可以望到180度海景㗎～夜晚仲會睇到對面迪士尼嘅煙花！ Zaks Mix Berry Smoothie $48、 Zaks Skins 招牌焗薯皮$98 薯皮加上香脆煙肉及芝士，配上三種醬料，當中有小編最愛的酸忌廉！小編自問個胃都幾大，但一個人食哂呢份薯皮真係幾飽！就咁睇以為少少地，其實份量其實都好多㗎！ 地址：愉景灣D’Deck 地下G04及1樓103 營業時間：星期一至日: 07:00-23:00   Coyote Mexican Cantina  (墨西哥菜) 朱古力餅配雪糕及朱古力醬 Ibarra Fudge Brownie Bites $65 濃厚暖朱古力餅，配雲呢拿雪糕及朱古力醬～朱古力餅幾有口感，入面有朱古力粒，但略嫌有少少甜！兩個人share就好啲！ 今個月嘅cocktail推介－Very Berry Daiquiri $68 由百加得白朗姆酒(Bacardi […]

    author

    馬鞍山昂平睇芒草～ 新手行山呃Like零難度! | 假日好去處 | 放假去邊

    11月又到了，是時候去賞芒草～ 講起芒草，好多人都會即刻想起大東山～ 不過大東山比較難行，對新手來說可能有點吃力 … 又想睇芒草、順便影幾張女神相呃Like，但又不想太辛苦？ 馬鞍山昂平幫到你！ 文: 嘉儀 (IG: @ chongkkayee) 由馬鞍山郊野公園燒烤場出發，沿路一直向上行就必定找到昂平平原！ 途中有不少路牌，不怕迷路之餘，更告訴你剩餘路程的長度及大概所需的步行時間！ 沿途景色不錯！同時可以親親大自然，欣賞樹木、各種花朵！蒲公英好靚啊～～ 意外發現！動物腳印！到底是何方神聖？ 邊行邊影相，好快就終點在望！ 有如仙景一樣的山頂啊～～ 小編作為行山新手，到達昂平平原也只是花了大約1小時15分鐘！ 平原不單是多人，更好多牛牛！要小心～ 切勿誤踩地雷！ 事不宜遲！即刻賞景、賞芒草，兼瘋狂影相吧！ 還會拍到幾個好小的滑翔傘～ 全盛時期可以看到天上同時出現6個滑翔傘！ 其實芒草不算多、不至於滿地皆是～ 不過只要選對位置，仿如置身芒草海無難度！（看起來超誇張哈哈哈！） 山頂比較大風，如果想野餐、甚至露營過夜的話，記得要帶多件外套！ 重點是超級大風十分影響女生們拍攝哈哈哈～ 小編就是失敗的例子 …… 平原中有棵小樹，所以顯得相當突出！ 難得遇到一棵極容易攀的小樹，頑皮小孩馬上出動～ 旁邊還有大金鐘，行山高手可以一戰！ 小編自問無能為力…… 所以影完相就準備落山了～ 新手建議原路下山，沿路更可以望到夕陽！ 路線：馬鞍山郊野公園 到 昂平營地（平原） 時間：約1.5小時 活動：行山、野餐、露營、滑翔傘 交通： 1. 步行：馬鐵恆安站出發，到馬鞍山郊野公園，需時約1小時 2. 的士：馬鐵恆安站出發，乘的士到馬鞍山郊野公園，需時約10分鐘（車費約$30） 3. 村巴NR84號：馬鐵馬鞍山站（新港城）出發，乘村巴NR84號，於郊野公園站下車 ＊村巴班次較疏！需預先查清楚村巴上山、下山的班次時間表 – – – – – – – – […]

    author

    中西區一日遊 老字號美食再加文青影相位 | 假日好去處 | 放假去邊

    拍拖唔知去邊好？唔洗諗啦！今個星期小編帶大家去中西區一日遊！ 有老字號美食、舊式建築、文青去處、影相位，包羅萬有！ 跟住呢份行程，陪女神去行街街啦，最重要係帶埋相機幫佢影相呀嘛！ 小編：Jaime（IG: @ jaimehomusic） －－－－－ 由中環出發，START! 中西區係香港開埠後最早開發的地區，又係香港嘅商業中心，但而家依然可以搵到好多老字號的海味店、參茸燕窩店和中藥店等。   砵典乍街（石板街） 影相位！人稱為石板街嘅砵典乍街，以石塊舖蓋成一凹一凸嘅路，係香港一級歷史建築。小編去嗰日見到有人影婚紗相，證明呢度真係靚景！ 地址：中環砵典乍街   蘭芳園 去醫肚食個午餐先！由石板街出發，沿住擺花街向前行，就會見到六十年老字號蘭芳園。 推介：招牌絲襪奶茶、金牌熱辣辣豬扒飽 $24、出位撈丁系列$51(奉送咖啡或茶, 凍飲加$2) 小編就叫咗個蔥油雞扒撈丁同凍奶茶！ 地址：中環結志街2號 營業時間：7:30am-6pm   荷李活道 喺蘭芳園往上行一條街，就到達荷李活道。荷李活道係一條古董街，有各式各樣嘅古物、古董。 舊中區警署 舊中區警署係香港法定古蹟，屬於中區警署建築群之一。而家正進行復修工程，目前不開放參觀。(補充:建築工程於2011年11月展開，預計可於2016年下半年分階段竣工。) 地址：香港中環荷李活道10號   「住好啲」特色牆 影相位！呢幅係「住好啲」設計師畫嘅舊式樓宇圖案壁畫，好多人都喺度打卡！喺馬路旁邊影相時，記得注意車輛！ 地址：中環荷里活道48號與嘉咸街46號交界旁   公利 沿住荷李活道，途經傳統老店公利，可以試下馳名嘅蔗汁、蔗汁糕。 蔗汁糕$14   PMQ 元創方 繼續沿住荷李活道，去到鴨巴甸街，就會望到左手邊嘅PMQ元創方。前身係荷李活道已婚警察宿舍，係香港三級歷史建築。經過活化後，2014年起成為創意中心，既係本地藝術家嘅studio，又係店舖。逐間舖睇都有排行㗎！呢度仲有幾間輕食店，想食野可以坐低嘆個tea！ 行到攰想坐下嘅話，去4樓平台空中花園啦！空中花園亦係連接兩座A、B主樓嘅通道。 地址：中環鴨巴甸街35號   西區公眾貨物裝卸區 (Instagram Pier) 參觀完元創方，行去上環搭電車。喺石塘咀落車，往海邊步行5分鐘，就係西區公眾貨物裝卸區(Instagram Pier)喇！招牌背景有貨櫃、卡板、黃黑色燈柱，相信鍾意用IG嘅你都唔會陌生啦！呢度亦都係個影日落嘅好地方，或者坐下吹下海風。望住海，小編都忍唔住唱「聽～海哭的聲音」！   西港城 影完相喺石塘咀乘搭電車返去上環，參觀西港城。西港城原本係舊上環街市，改建後變成傳統行業及手工藝的商場，售賣特色工藝品及懷舊收藏品。   海膽屋 如果好似小編咁喺星期日去，周圍好多食肆都閂門，結果就俾小編搵到呢間日式食店！堂食、外賣都得。落單之後即刻整㗎！ 推介：芝士鰻魚手卷！鰻魚食落夠冧，同芝士超夾，熱度又夠！ 芝士鰻魚手卷$22、三文魚腩手卷$22、波子汽水$18 […]

    author