• Tue. Jun 2nd, 2026
    • '
    Home香港美食 (Page 34)

    Tag: 香港美食

    深圳人氣抹茶甜品! 價錢抵CP值高~ 和風環境影靚相!｜中國旅遊｜放假去邊

    聽講深圳有幾間人氣抹茶店，充滿冒險精神嘅小編，梗係要去試試佢！ 小編驚喜發現，食物價錢平過香港一大截，質素仲絕對唔差！ 重點係店內設計好日系，啱晒我呢啲妙齡少女影相打卡啦～～ 小編：嘉儀（FB page: 嘉儀 / IG: chongkkayee） [youtube youtubeurl=iz2U5x7ko38][/youtube] ==================== 初代甜品宇治抹茶 呢間甜品舖清一色賣抹茶甜品/飲品，小編就試咗店員話最受歡迎嘅三款！ 山核桃抹茶千層蛋糕 (人民幣28元) 小編無呃你！呢個千層蛋糕係一定要食！ 唔單止Cream夠滑夠香濃、班戟皮夠薄，啲份量勁多嘅核桃粒，完全係豐富咗成件蛋糕嘅口感+味道！ 抹茶大福 (人民幣22元/3粒) 第二樣小編覺得都要嗌嘅嘢：抹茶大福！CP值好高～ 糯米糍好淋，唔會食到啖啖粉！ 抹茶Cream回甘，紅豆粒粒飽滿，小編一口氣就食晒三粒了！ 宇治抹茶配雪糕 (人民幣35元) 飲品雖然係最貴，不過抹茶雪糕係吱到成個杯咁高！ 完全唔會過甜，飲落有refreshing嘅感覺～～ 重點係，呢間Cafe嘅和風設計好靚，有唔少打卡位！ 食完記得影返幾張相先好走啊～ 地址： 文心六路海岸城東座二層216號 (海岸城店) 東門街道永新街59-11號 (東門店) ==================== 無邪日式甜品 無邪十一式 (人民幣45元) 係香港食個芭菲杯，應該要貴一倍！呢到有11款嘢食，樣樣質素都唔錯～ 抹茶雪糕竟然比得上日本味道，都幾驚喜～ 小編最推薦抹茶雪糕～微苦亦唔會過甜，建議可以就咁嗌杯嚟食！ 而抹茶士多啤梨朱古力就係無印良品嘅味道！:p 鐵板冷熱二重天 (人民幣40元) 呢個甜品係小編覺得最普通～蛋糕係冬甩嘅味道… 純粹加埋抹茶雪糕，會有一冷一熱嘅特別口感～ 最欣賞係佢個牛奶醬，超香牛奶味～加埋一齊食會更好味！ 地址： 文心六路潮流廣場OKmall二樓13號 (海岸城店) 深南東路3018號祥祺商廈101號 (東門店)   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    茶餐廳經典美食！香港茄牛通大集合 | 香港美食 | 放假去邊

    茶餐廳經典茄牛通， 酸甜開胃嘅蕃茄加上腍滑嘅牛肉同彈牙嘅通粉～ 早餐必叫啊！！ 小編幫你整理好6間必試茄牛通，一齊試下邊間最好食啦！ =========================================== 中環 – 勝香園 講到茄牛通，一定唔可以錯過開業超過二十年嘅勝香園！ 利用意大利去皮罐頭茄肉同新鮮北京肉茄調配嘅番茄湯底，茄味超濃郁～ 加上冇醃過嘅牛肉同彈牙通粉，無敵鮮美！！ [instagram photo=”Bq5EPnbHyQU”][/instagram] INFO. 地址︰中環美輪街2號排檔 =============== 元朗 – 華嫂冰室 余文樂最愛嘅餐廳，沒有之一！ 除咗招牌菠蘿包之外，鮮茄通粉都係必食之選！ 以新鮮番茄製作嘅湯底微酸，超濃郁，淨係飲湯可能就會飽咗～ 加上牛肉或者滷雞翼等配料，份量超足，大胃王大滿足！ [instagram photo=”Cd18D6Cp8e9″][/instagram] INFO. 地址: 天水圍蝦尾新村121號地舖 =============== 旺角 – 民華餐廳 民華餐廳嘅茄牛通一樣好食～ 番茄湯香濃，酸甜度啱啱好！ 仲有牛肉都幾滑身～通粉口感亦相當彈牙！ [instagram photo=”Bemfp6qlUXB”][/instagram] INFO. 地址：旺角通菜街153-159號華鴻大樓地下C及D號舖 =============== 中環 – 四季常餐 用咗意大利同本地新鮮蕃茄熬製而成～ 啖啖茄蓉～酸酸甜甜好開胃！ 通粉份量適中，而牛肉食落都幾腍身～值得一試！ [instagram photo=”CdKKQkWJPNr”][/instagram] INFO. 地址︰中環德輔道中88號地舖 =============== 上環 – 科記咖啡餐廳 科記嘅豬扒出名好食就人人都知！ […]

    author

    召喚蛋迷！香港蛋包飯大集合 | 香港美食 | 放假去邊

    蛋迷最愛嘅畫面！ 滿溢著蛋汁嘅蛋皮包住香噴噴嘅炒飯， 加上香濃嘅醬汁一啖食落口， 媽呀～～ 好幸福啊～～ =============== 灣仔 – 貓之眼 一次滿足你三個願望嘅蛋包飯專門店！ 蛋包飯分成左中右三份，中間係招牌蛋包飯！ 搭配著雙重口感嘅醬汁同配料，真係神級享受！ 呢間餐廳嘅手打漢堡牛肉都好出名，每日限定～ 食蛋包飯嘅時候記得試埋喇！ [instagram photo=”CUXpxN8hYZ5″][/instagram] INFO. 地址：灣仔汕頭街24號地鋪 =============== 尖沙咀 – 宏 Hiroshi 餐廳嘅炸豬扒蛋包飯相當受歡迎！ 豬扒超Juicy～仲有流心蛋汁！ 配埋白飯一齊食，正啊！ [instagram photo=”B-PIx0FjbLJ”][/instagram] INFO. 地址：尖沙咀金巴利道9號美麗華廣場1期4樓408號舖 =============== 屯門 – 轉角 喺屯門一個平民商場裡面有一間cafe～ 呢度嘅咖哩蛋包飯真係好出色！ 甜咖哩味道濃郁，半熟蛋又夠嫩滑～撈飯一流！ 仲有多款配料選擇，例如雞扒、漢堡扒、鰻魚等，好食到停唔到口呀！ [instagram photo=”CSCYdd7B3-_”][/instagram] INFO. 地址：屯門屯利街1號華都商場1樓2-3號舖 =============== 旺角 – 紅橋 旺角呢間餐廳有得食豬扒伴蛋包飯！ 聽嗰名都已經覺得好吸引！ 嗰蛋好厚身，完全包著啲飯～ 慢慢切開之後仲發現裡面保留著半熟蛋汁𠻹～好香好好味啊！ [instagram photo=”CW60fKJhJva”][/instagram] INFO. 地址：旺角西洋菜南街190-194A號西洋大廈地舖 =============== […]

    author

    深水埗$68多款日式小食放題! $138任食24款三文魚菜式~｜香港美食｜放假去邊

    深水埗有超抵食放題！ 唔洗$100就食到好多款日式前菜、小食、炸物～ 同場加映三文魚放題，三文魚迷是時候出動了！ =============== $68 日式小食放題 (2pm-6pm供應) 平時呢啲前菜、小食都起碼二十幾蚊，即係話你只要食幾碗就抵返晒！ 仲要試到晒咁多款喎～ 七味雞翼～超級香啊～ 雞翼迷，淨係食雞翼都夠你回本喇！ 仲有吉列炸蠔！食日本菜必嗌～ 好香口，一啲都唔腥！ 吉列炸蝦、炸餃子、一口炸芝士，全部都食得到！ 平時放題店嘅質素嚟㗎～ 蟹籽蟹柳青瓜沙律、中華沙律、辣味螺肉、芝麻八爪魚、胡麻豆腐～ 五款前菜任食！ =============== (+$30) 小食放題升級優惠 小編強力建議，加多$30升級！ 多8款食物任食，連飲品都係任飲！ 加埋都只係$98咋～超抵食！ 天婦羅炸蝦、天婦羅蕃薯、天婦羅軟殼蟹、芝麻雞翼，任食！ 玉子燒都有兩款～ 厚燒玉子、蟹籽蟹柳玉子燒！勁好食，必嗌！ 仲有一口牛、炸雞軟骨～ 全部質素都唔差！ =============== $138 三文魚放題 (*週末及公眾假期 $158) 有24款三文魚菜式任食，款式多而且質素高～ 刺身任食！常見嘅三文魚壽司、手卷款式，呢到有齊～ 仲有丼飯、炒飯、三文魚小食，通通任食！ 食三文魚放題的話，加嗌甜蝦全部$1一隻！ 全部新鮮，都唔細隻㗎～ 又想食三文魚，又想食小食放題？ 凡享用三文魚放題，加$38就可以食埋小食放題喇～ 快啲約朋友仔嚟食啦！ 御品·千之味 地址：深水埗荔枝角道390號C號地舖 訂座WhatsApp：93885690 =============== 放假去邊 更多好介紹: 快啲like我哋Facebook 同follow我哋Instagram啦!

    author

    【抵食西餐】火焰豬手! 特大龍蝦! 威靈頓牛柳! | 香港美食 | 放假去邊

    想係旺角搵到間西餐… 價錢唔高、食物有質素、環境靚、坐得舒服？ 小編有好介紹！睇下有咩好食啦！ ===================== 火焰脆燒德國原隻鹹豬手 $165 嘩嘩嘩！火燒豬手啊！ 望住啲充滿油脂嘅豬皮，好吸引啊～   豬手本身已經熟，上枱之後會有職員幫手點火加熱！ 等啲火熄晒就可以切嚟食喇～ 豬皮超級香脆！ 仲要啖啖肉，加埋少少肥膏一齊食真係一流～ （有配埋酸菜、芥末醬㗎） 小編冇呃你！豬手幾乎有我個頭咁大！ 切開係超級多肉，絕對抵食啊～ ===================== 香烤原隻波士頓龍蝦 $235 有龍蝦唔算特別，但呢隻係特別大！特別多肉！ 仲要配咗蕃薯蓉，唔係平時用薯蓉粉開出嚟嘅普通薯蓉～ 餐廳仲提供芫茜汁配龍蝦食，成件事Fresh好多！ 加埋一齊食好清新啊～ 真係啖啖肉，每一舊都好大件㗎！ ===================== 皇牌威寧頓牛柳 $245 呢個真係必點！呢到竟然有超考工夫嘅威寧頓牛柳！ 價錢唔算十分貴，但係好足料兼好味道啊～ 一上枱已經聞到好香牛油酥皮味！ 酥皮同牛扒之間，仲夾咗一層有黑椒嘅菇，令到牛扒更加好食啊～ 肉質嫩滑，好淋、好容易切開～ ===================== 和風蜜芥鹹牛脷熱脆包 $55 呢款小食一啲都唔小，同樣係好足料～ 三大件麵包，入面夾住厚厚嘅鹹牛脷、Wasabi醬，仲有菠蘿畀你解膩！ 麵包係超！級！脆！包控一定會好滿意～ 仲要每一件都有超碼三塊鹹牛脷，全部都好嫩滑，好淋好易入口！ ===================== 溫泉玉子菠菜大啡菇 $65 芝士！溫泉蛋！菠菜！大啡菇！ 呢個係比較清新嘅選擇～ 溫泉蛋流心！ 真係好大隻菇啊～～～ ===================== 冰球沙律 $85 其實沙律入面係有蟹肉、芒果、木瓜、牛油果，份量都唔算少～ 最特別係用咗真冰球裝住，啲沙律食極都可以keep住凍！ 呢個冰球食得又睇得，淨係影相都覺得好靚啊～ ===================== 原隻低脂蜜桃雪葩 $55 最後梗係要食甜品！呢到有好多款水果雪葩，全部都用真·果肉㗎～ […]

    author

    龍蝦! 芝士蟹蓋! 豬腩肉! 荃灣西日fusion菜式自由配搭~ | 香港美食 | 放假去邊

    主打龍蝦嘅Master Kama，係荃灣開咗分店啊！ 除咗照舊有好多款海鮮，仲加入唔少意粉、意大利飯、Pizza乜乜乜！ 菜式仲可以自己配搭～咁咪可以試多幾款囉！ ===================== Bossy Royal Set (二人用) $358 可選兩款沙律/餐湯、兩款前菜、一款主菜、兩款Burger/Pizza/Pasta/Risotto 勁多款菜式任你配搭，咁就可以咩都試啲啦！ 小編推介前菜：芝士蟹肉釀蟹蓋、香草龍蝦蛋捲（配竹炭脆多士） 芝士蟹蓋係一定一定要食！啖啖蟹肉好足料，同芝士味好夾啊～ 主菜揀咗烤蒜蓉牛油龍蝦～ 成隻上，多肉多膏，加埋蒜蓉牛油真係一秒食晒！ （主菜仲有海鮮拼盤、慢煮三文魚、西班牙豬腩肉、安桐斯西冷乜乜乜… 好多款！） 海膽忌廉蟹肉意粉、Lady煙肉蘑菇忌廉意大利粉（配62度溫泉蛋） 呢到全部都係手工意粉，粉紅色嘅Carbonara唔止好睇，仲好好食好creamy！ （其實仲可以揀Burger/Pizza/Risotto，有超過20款選擇！） 三文魚柚子檸檬玻璃杯沙律、凱撒沙律配漬溏心蛋玻璃杯沙律 沙律都唔普通，竟然係自己落汁自己Shake！份量都幾足～ ===================== GirlPower Set (一人用) $138 自己一個又有咩怕喎！食返個一人餐先啦～ 任揀一款Burger/Bun，仲有一份Shake Shake薯條、一杯Lady’s Beer！ 小編強力推薦慢煮豬腩肉包！ 豬腩肉煮得好淋，啖啖都有齊厚肉＋厚脂肪～ 調味超香口，加埋少少花生碎，食一打都仲得！   Shake Shake薯條梗係要自己Shake！ 有10款由日本直送嘅Shake粉任揀～ 章魚燒味、梅子味、咖喱杯麵味、芝士味，乜都有啊！ 最後梗係要試Lady’s Beer！望落似啤酒，但其實無酒精㗎！ 奶蓋係蘋果味忌廉梳打，飲落好清新～ ===================== Half Half 雙拼 $128 呢到最特別係可以揀雙拼！ 每款份量減半，但就可以試到兩款菜式，最啱選擇困難症朋友啦～ 三文魚白汁五色蝴蝶粉、梅子吉列大蝦五穀米茶漬飯 五穀米茶漬飯比較健康～ 梅子、大蝦都係日本直送㗎！ ===================== 飲品走可愛路線～但絕對有質素㗎！ […]

    author

    大埔美食故事 (下集) 冬天囤積脂肪之旅 | 香港美食 | 放假去邊

    大埔人傑地靈~ 美食多到一日都食唔哂~ 所以編輯部決定再戰大埔美食! 今次放任地食~ 炸髀、炸豬手 正! 啱哂冬天儲脂肪! 為食小編 : 阿My (FB page: My叔 /  IG: @ my.rilla) 嘉儀（IG: chongkkayee） [youtube youtubeurl=”UwW2iaZbTZI”][/youtube] 大埔美食上集 – 7間必試平民美食 ==================== Route 83 以歐美美食為主打嘅小店, 無論店內裝修甚至餐牌設計, 都好有外國Cafe嘅風格! 特別推介 : 熔岩芝士醬牛肉漢堡 $78 牛肉足料，又嫩又Juicy~ 芝士仲要多到”流”出嚟! 無得彈~   超正宗德國風味 : 德國脆皮咸豬手 $148 脆皮真係卜卜脆! 咬落係有聲架~  豬手好入味, 但又唔會太咸! 咁嘅價錢已經有好高嘅水準! 份量驚人… 2個人都食到好飽呀! 值得一提, 伴碟嘅酸菜都整得好好, 同小編喺德國食過嘅味道好似~ 整體都好有誠意 地址 : 大埔廣福道83號地舖 ==================== 老店 店名已經擺明車馬話你知佢係『老店』~ 而佢出名咩? 就係用杯上嘅雲吞啦! 杯仔雲吞 $17 老闆話，既然魚蛋燒賣都可以企喺度食，點解雲吞唔得呢? 所以就有杯仔雲吞嘅存在啦~ 一啖一粒~ 啱啱好~ 用新鮮手切豬肉整, 口感比一般雲吞更有口感 地址 : 大埔大元邨街市商場401號   ==================== 三多 大埔三多出名到, 唔係大埔人都會專登入去食! 三多必食係咩? 一定係 炸髀 $26 皮薄! 肉嫩! 夠入味~ 出名真係有佢嘅原因~   仲有唔可以唔試 豉油肉碎炒腸粉 $32 炒腸粉嚟講，呢個真係好香好好味…腸粉仲要好滑呀~ […]

    author

    馬鞍山新食街! 超多款食物~ 超過10間熟食開到凌晨!｜香港美食｜放假去邊

    最近馬鞍山恆安… 有條新食街！ 有超多款熟食，台式、日式、港式乜都有，價錢仲要好親民～ 最重要係，大部份熟食檔都開到凌晨兩點！ 去食宵夜啱晒啦～ =============== 舌尖回味 主打日式菜式，最特別係6pm後就會有超多款串燒！ 全部即叫即燒，小編最推介牛舌～ 仲有原條燒八爪魚 ($38) 啊～ 真係超級大條！ 另一必食：蒲燒原條鰻魚 ($75)！ 長過小編手臂！食完已經飽晒～ 所有炸物都係即炸，主打係薯餅～ 小編試咗紫薯餅 ($10)、咖喱餅 ($8)，聽講仲有吉列牛薯餅㗎～ 日式墨魚滑紫菜湯 $20 大大碗好抵食！推介墨魚滑～ =============== 三寶皇 呢間魚肉燒賣必食！即包即製，用蒸籠蒸，超新鮮～ 幾分鐘就賣晒㗎喇！ 魚肉燒賣 $12/8粒 好香魚肉味～仲要質感好軟，唔會死實！ =============== 皇后餃子 餃子即叫即製，皮超薄！ 有7款餡揀，仲可以揀煎/炸/蒸/湯/配麵！ 傳統韮菜豬肉、冬菇豬肉有，新穎芝士栗米、泡菜都有！ 餃子 $10/3粒 超足料，粒粒爆晒餡！加埋菜脯會更加好食～ =============== 正一麵 呢間車仔麵店，最正係咖喱汁湯底！ 好多配料揀～全部水準都幾好！ 最推薦就係秘製牛腩～ 好香！牛腩好淋！ =============== 燒洒一族 主打西式、酒醉小食，超多款揀啊！ 特大德國燒豬手 $88/1隻 超級大隻、超級多肉！ 用啤酒浸過，所以皮脆肉嫩～ 酒醉小食都好多款，全部都係用十幾種香料烚熟，再加杞子、花雕酒、鹵糟浸泡！ 酒醉熏蹄 $48 48蚊已經有好大兜，超抵食～ […]

    author

    拉麵迷注意！香港拉麵店大集合 | 香港美食 | 放假去邊

    身為拉麵迷，食到好食拉麵梗係開心share喇！ 一次過公開香港7間拉麵店， 一齊去試吓啦～ =========================================== 銅鑼灣 – 麵鮮醬油房周月 嚟自日本愛媛縣嘅周月主打沾麵，但係醬油拉麵都好好食～ 「周月」特製嘅醬油係喺百年木桶內經過18個月發酵而成， 加上用咗沙丁魚、鯖花魚、海帶調製嘅醇厚湯底， 仲每日自家製作拉麵，重口味拉麵迷不可以錯過啊！ [instagram photo=”Bs-vD2OH581″][/instagram] INFO. 地址：銅鑼灣景隆街30-34號海殿大廈地下6號舖 =========================================== 尖沙咀 – Tsuta蔦 米芝蓮一星拉麵，主打醬油同鹽味拉麵兩款～ 鹽味拉麵湯底以魚乾、新鮮雞同蜆熬製，湯底較清澈而且帶有鮮味； 而醬油拉麵更用咗發酵至少2年嘅黃豆釀造，再配搭淡及白醬油， 加上由四款粉搓成嘅彈牙拉麵，真係好想試哂兩款啊~~ [instagram photo=”BbuW-_WH0DI”][/instagram] INFO. 地址：尖沙咀廣東道3-27號海港城港威商場地下G111號舖 =========================================== 元朗 – 金田家 日本 Tabelog 超過4分神級拉麵店！ 主打豚骨湯底，奶白色嘅湯底非常之香，但入口唔會太濃， 成碗湯飲完都唔會覺得太膩，加上脂肪與肉的比例中適中嘅叉燒～ 真係食多碗都得啊！ [instagram photo=”BWkJkO3AQWu”][/instagram] INFO. 地址：元朗元龍街9號形點一期1樓1023號舖 =========================================== 觀塘 – 味山田 自家製特濃蝦湯叉燒拉麵 特濃蝦湯底超濃郁，充滿海鮮香～～ 仲有黑蒜油仲令到成碗拉麵更香口！好食！ 上面幾塊叉燒都幾嫩，整體嚟講口感唔錯！ 喺附近返工嘅打工仔女午餐又多一個好選擇喇～ [instagram photo=”BStTgcbFebB”][/instagram] INFO. 地址: 觀塘成業街7號東廣場地下G08舖 […]

    author

    抵食日式火鍋放題! 高質靚牛+特色火鍋料+阿華田雪糕! | 香港美食 | 放假去邊

    冬天最啱打邊爐！ 小編發現呢間經濟實惠、質素幾高，仲要係任食嘅日式火鍋店～ 香港仔新分店仲送免費貝類刺身！快啲睇下有咩好食！ =============== 打邊爐最緊要湯底！呢到湯底超特別啊～ 左邊係用甜醬油熬嘅壽喜燒，甜甜地好惹味！ 右邊係十勝芝士豚骨湯，除咗有淡忌廉、豬骨，仲加咗日本嘅十勝芝士啊！ =============== 有湯底之後，梗係要有材料！ 呢到有好多款高質靚牛肉，小編有兩個重點推介～ 極上美國牛肉 肉質爽口、牛味重！ 配甜甜地嘅壽喜燒，完全係perfect match～ 澳洲和牛小排 油花分佈均勻～口感嫩滑～而且全部大大塊！ 牛魔王必嗌！ =============== 除咗牛肉，Buffet Bar都有好多款火鍋配料任揀啊～ 任食丸類種類算多，仲幾有特色添！有四款係小編特別推薦！ 醬爆麻辣丸 睇落無特別，食落至知夠晒麻辣惹味！ 魚蛋裡面包咗粒肉丸，食嗰陣記住小心爆出嚟嘅麻辣汁！ 流心粟米魚蛋 呢款同樣係小編最愛，同芝士湯底好夾！點解？ 因為餡料全部都係忌廉、粟米～同芝士超Match！ 麻糬魚腐 麻糬煙煙韌韌～ 墨汁豚肉丸 黑麻麻嘅豚肉丸，非常之彈牙，而且又Juicy～ =============== 蔬菜都有唔少選擇！就算食素都唔怕寡啊～ 羽衣甘藍、蟲草花、萵筍、茼蒿、紫薯、翡翠苗、鮮淮山！全部都有啊～ 仲要呢到只係一小部份咋！ =============== 新店有優惠！ 只要成為會員，就可以免費得到貝類刺身兩種！ （*僅限於香港仔店） 刺身包括北海道帆立貝（四片）＋日本象拔蚌（五片），全部都大大塊、好好食！ =============== 呢到仲有雪糕、乳酪任吱任食！ 小編推介期間限定口味：阿華田！（去到2月14號咋） （聽講仲有好立克味，大家快啲去試！） 吱完雪糕仲未夠喉？可以自選配料、雪糕醬～ 你諗到嘅Toppings呢到都有！ 大功告成喇！快啲嚟自己DIY返一杯啦～ =============== 牛一 Nabe One 新分店： 香港仔成都道38號利港商場3樓B號舖 電話：2155 2233 營業時間：11:30至23:30 […]

    author