Tag: 香港美食

今次介紹呢間冰室主打蛋包飯同石燒牛~，因為性價比高都頗有人氣~ 香煎奈良車打芝士牛肉餅咖喱蛋包飯：擺盤精緻，分量充足~好飽肚，咖喱調味就唔夠辣。 個蛋都幾滑~ 另外石燒都係店內主打，推介300度火山燒聖安娜安格斯封門柳，肉質比較嫩~ 午餐還附送小餐湯 火山燒 (荃灣) 荃灣大壩街75號地舖 圖片來源：@nofoodnolife030、@852foodiegram

By yip kat

March 2, 2022August 4, 2022

今次介紹呢間豆漿大王一共有三間分店，不過得新蒲崗分店得到米芝蓮推介~ 必試招牌正宗上海粢飯配鹹豆漿！ 其他食物味道都唔錯，推介祕滷肉碎拌麵，五香肉骨麵~ 小食都有多款選擇，包括炸饅頭、煎餃子~整體食物質素都唔錯~ 豆漿大王 地址：新蒲崗大有街34號新科技廣場地下9號舖 圖片來源：@venus_foodholic、@kckmfoodie

By yip kat

February 28, 2022August 4, 2022

油麻地呢間小店主打爆餡三文治，每款都好足料！仲有多款口味~特別推介香蔥芝士咸牛肉滑蛋同芋泥肉鬆~ 除咗三文治，仲有蛋餅都值得一試！三文治平均都係三十幾蚊，幾抵食！ 香蔥芝士鹹牛肉滑蛋三文治：蛋好滑，配上鹹牛肉同芝士，口感豐富。 芋泥肉鬆都係人氣之選，滿滿嘅芋泥，仲有芋泥粒，配上肉鬆，鹹甜搭配唔會覺得膩~ 另外都有創新口味，香濃沙嗲牛肉滑蛋三文治~呢款就比較適合重口味人士，比較濃味~ 招牌勁芫茜餐肉滑蛋都係大大份，芫茜控唔可以錯過啦！ 大吃大喝  地址：油麻地窩打老道9-11號榮德大厦西翼地下A2-A3號舖 圖片來源：@poorjjfoodie、@wodafoodieb、@foodlover_food

By yip kat

February 25, 2022August 4, 2022

今次介紹呢間餅店位於堅尼地城，主理人曾遠赴加拿大藍帶學院學整麵包，店內主打486層酥皮忌廉筒，吉士蛋撻同牛角包都係必試～ 吉士蛋撻，採用酥皮，餅皮好香脆，有濃郁奶香味，不過略顯內餡較少。 牛角包大大個，層次分明，酥脆香口。 仲有肉桂卷都值得一試！ 店內招牌486層酥皮忌廉筒，有四款口味～推介抹茶口味～抹茶甘甜配上酥脆嘅口感，唔會好甜，食落滿足～ Soft Thunder Bakery 地址：西環北街29至31號鴻利樓地下A號舖 圖片來源：@foodlocity、@bubi.eatfood

By yip kat

February 23, 2022August 4, 2022

今次介紹呢間韓國餐廳係韓國過江龍Cafe~ 餐廳特色飲品——濟州柑橘乳酪，令人一秒好似置身於濟州島~ 主打韓式Cafe輕食，有紫菜包飯，燉牛肋骨蛋包飯，炸雞，甜品等。賣相都幾精緻，打卡一流！ 濟州柑橘無骨炸雞，配菜有年糕同薯條，絕對飽肚~ 紫菜包飯：餡料飽滿，足料~ 燉牛肋骨蛋包飯：牛肉軟淋，醬汁調味都唔錯~ 仲有多款甜品及飲品~ Terrace in Seaside (尖沙咀分店) 地址：尖沙咀廣東道3-27號海港城海運大廈2樓OT233號舖 圖片來源：@delish_hk、@delishcindy

By yip kat

February 15, 2022August 4, 2022

天氣咁凍，就係想飲返杯暖笠笠嘅朱古力奶～ 觀塘呢間朱古力奶採用自家烘焙可可豆，味道特別香濃～仲會帶輕微嘅果酸味。 有多款口味朱古力奶，推介觀音朱古力同伯爵茶朱古力～ Lunch 時間買返office飲就啱晒啦～ JOL CACAO 地址：觀塘成業街19-21號成業工業大廈2樓15室 （觀塘站B1出口） 營業時間： 星期二至六 12:45 – 18:45；星期日16:00 – 18:45 圖片來源：@eatwithyyy、@wheel.ya、@weisikig、@thatindygram

By yip kat

February 11, 2022August 4, 2022

今次呢間海南雞係海南雞關注組非常受歡迎嘅小店～喺紅磡都係幾出名～ 海南雞皮爽肉滑，份量都幾多～食落好香椰香味 小店係前君悅酒店既廚師主理，油飯都好出色～好香，又唔會太油～ 除咗海南雞，仲有多款小食，例如蝦餅，麻辣手拍青瓜等等。 由於小店實在太受歡迎，未必等到位，都可以外賣攞返屋企食，海南雞唔怕凍食，但係油飯就會稍微凍咗啲。 不過買外賣都有可能要等一個鐘，大家要有心理準備。 同埋一定要記得飲照片嘅椰子雞湯，非常清甜，而且無味精。 勇記海南雞 地址：紅磡馬頭圍道23-35H號隆基大樓地下29L號舖 圖片來源：@pannpanda_panpan、@liebekingfoodie、@coww  

By yip kat

February 8, 2022August 4, 2022