尖沙咀新開咗間泰菜，裝潢好特別，係古惑仔主題，好有九十年代懷舊氣氛~ 設有VIP房，好有氣氛~ 兄弟姐妹開個party好正，好啱打卡~ 食物主打泰國菜，質素都唔錯，價錢適中~ 牛肉濕炒河 雞肉豬肉串燒 咖喱軟殼蟹 泰式奶茶 芒果沙冰 Teddy Boy 地址：尖沙咀厚福街2A號夏蕙樓地下及1樓 圖片來源：@couplefoodiehk
Dan Ryan’s 於灣仔利東街開設新分店，餐廳有兩層高。 餐廳有個旋轉樓梯，餐廳樓底高，裝潢好有特色，有種復古美式家庭餐廳嘅感覺。 餐廳好大，有Bar檯，戶外座位同室內多個座位。 Dan Ryan’s 植根香港 30 多年，係香港土生土長嘅美國餐廳，Dan Ryan’s 食譜來自美國芝加哥，每道菜均採用了最傳統的美式家庭做法. 堅持製作屬於芝加哥、最地道嘅美式菜餚。店內主要食材如西冷牛扒、厚切豬扒、三文魚、青口等，唔要雪藏來貨，只用新鮮食材。 推介菜式：蕃茄忌廉牛扒粒意大利麵，招牌黃金墨西哥脆片。 每款菜式都係大大份，分量十足！ 香脆挪威三文魚餅非常足料，食到啖啖三文魚~香脆可口 和牛Pasta，牛肉好軟淋，Pasta口感適中，醬汁惹味唔會好鹹~ 蕃茄忌廉牛扒粒意大利麵：呢個係小編最愛，非常大碟，可以兩個人share，番茄味甜酸度啱啱好，配上火箭菜同牛扒粒，口感豐富。 7 安士和牛漢堡都係店內必試！ 餐廳仲有多款飲品~包括奶昔，Cocktail，咖啡等等~ 新店開幕，餐廳仲推出多個優惠~ 新開堂食優惠【26/1-26/2 期間，每日各限量 20 份】 1.消費滿 $250 即享 免費兒童餐連飲品一份 2.消費滿 $500 即享 免費炭烤8安士入口尖沙朗牛扒一份 (原價 $298) 外賣自取優惠 1.餐牌所有單點食品 8 折 Dan Ryan’s Chicago Grill 地址：香港灣仔皇后大道東 200 號利東街 G40 & G41 號舖 營業時間：星期一至日 11:00-22:00
今次介紹呢間「品」葡萄酒餐廳位於中環美食地標 H Code，主打中菜Fine Dining，嚴選頂級食材搭配美酒。 餐廳環境設計頗有韻味，設有包廂。 餐廳主廚Jimmy Wong擁有超過18年的烹飪經驗、曾於香港和倫敦多所餐廳任職。 主廚Jimmy以母親及妻女作為創作靈感，設計一系列特色菜式。 松葉蟹、茴香、黑蒜紫菜灰：看似係一個雪茄，食落似係春卷，中間有蟹肉，非常鮮甜，一咬爆汁，非常Juicy~ 蜜柑鯛、豆漿魚骨湯，四川花椒：採用蜜柑餵飼嘅鯛魚，有淡淡嘅蜜柑味。口感非常軟淋綿滑。 鮑魚，紫菜，Fregola薯仔粉：以真空低溫90度烹調24小時嘅鮑魚，再加入昆布，食落軟淋入味，配上昆布鮑魚汁薯仔粉，煙韌有咬口。 時令真菌、鴨肝、陳釀 25 年陳皮、鴨肉清湯：鴨肝口感綿滑柔軟，配上鴨肉清湯同羊肝菌，香濃惹味。 冰島海螯蝦、XO醬泡、日式米菓粒：日式米菓粒包住冰島海螯蝦，食落清甜香口。 不含酒精的Blanc，混合煙燻Sauvignon白葡萄汁，加上蘇打水及伴以經煙燻的月桂葉。 炒雞蛋雪糕、咸蛋黃、番茄啫喱：食落有種番茄炒蛋嘅味道，雞蛋雪糕好特別，配合上番茄粉同番茄啫喱，好有特色嘅中式甜品。 品 PIIN Wine Restaurant 餐廳地址：中環砵甸乍街45號H Code 2樓 電話號碼：28327123/97366887
呢間喺K11新開嘅韓國餐廳好受歡迎，到食飯時間，門口好多人排隊。 特別之處係呢間餐廳有5個韓國美食品牌入駐，包括恭合春、布帳馬車、Juk Story、Nene Chicken、馬場洞烤肉專門店~ 幾乎包括所有人氣嘅韓國美食~韓燒，炸雞，鮑魚粥，炸醬麵都有~ 座位相隔都幾闊，坐得幾舒服~ 一間鋪頭可以食到咁多嘢，仲要喺商場入面，真係好方便。 選擇好多之餘味道都唔錯！絕對要試鮑魚粥，其他韓國菜都算比較容易可以食到，但鮑魚粥就比較少見， 味道濃郁，鮑魚分量都好多，冬天食又暖胃，配上送嘅三款配菜一齊食，好滿足~ 一個地方可以滿足到大家嘅韓國胃，都係一個幾好嘅聚腳點~ The JANG 地址：尖沙咀河內道18號K11購物藝術館1樓107號舖 圖片來源：IG@joyfulxfoodie
有時覺得再豪華嘅料理都唔及食一碗車仔麵咁讓人滿足，車仔麵相信都係好多人嘅comfort food～ 尤其係冬天，食返碗暖笠笠嘅車仔麵就最正啦～ 今次介紹紅磡呢間車仔麵，配料同湯底選擇好多，味道都有質素～ 必試威風百麵，一次過可以食到八款配料，包括： 豬大腸、腩肉、墨魚丸、冬菇、順德魚腐、溏心蛋、瑞士雞翼及生菜。 望落都覺得好吸引呀，配料都好入味，份量都幾多，配瑞士汁湯底好惹味。 米線軟硬適中。 湯底濃郁，又唔會太鹹～ 沙嗲汁湯底都唔錯噶~ 配料有好多選擇~ 如果叫套餐仲送甜品，好正！ 感受到小店嘅用心。 威風百麵 地址：紅磡必嘉街93號地舖 圖片來源：@c.matcha.ts、@gimmerice_hkfoodie
