• Wed. Jun 3rd, 2026
    • '
    Home香港美食 (Page 42)

    Tag: 香港美食

    雪糕筒中的咖啡? 仲有孖筒特別版 ❤ | 香港美食 | 放假去邊

    想飲香濃提醒嘅咖啡，又想食脆卜卜嘅雪糕筒? Why not both!! The Coffee Academics嘅The ONE pop-up store為咖啡迷提供亞洲首設嘅Coffee in A Cone! 呢個雪糕筒中嘅咖啡更被CNN報導為『Instagram最多人打卡嘅咖啡飲品』! Coffee + Cone = Perfect match! 可以先攪拌，將溶咗嘅朱古力帶入咖啡中~ 仲有期間限定Couple Cone Set! 唔一定係情侶專利~ 同fd子嚟個『乾杯』一樣盡興~! [instagram photo=”BQxmtQylDiM”][/instagram] Cheers~ [instagram photo=”BQscx8KhTJb”][/instagram] The Coffee in A Cone $42 Couple Cone Set (供應至2月28日) $76 咖啡的確有好多種，唔知以下呢一款新品你又有無興趣呢? 黑胡椒龍舌蘭糖 黑胡椒味意外地同咖啡香幾夾! 唔會太重黑胡椒味，但就感覺到有啲辣辣地! 絕對可以挑戰下!!   爪哇棕櫚糖奶泡咖啡 飲咖啡，落白糖定黃糖都會有唔同嘅味道 唔知用棕櫚糖，又有咩唔同呢?    The Coffee Academics Pop-up Store […]

    author

    打卡諗Caption好煩？10句常見旅行歌詞！ | 關於旅行的事 | 放假去邊

    去旅行，瘋狂影相upload上Instagram/Facebook是常識吧！ 不過次次諗caption都諗到頭痕？明明幾分鐘已經影好啲相，不過諗caption就諗足幾個鐘？ 小編發現大家都好鍾意用流行曲歌詞做caption，等我畀定幾句大家，以備不時之需啦～～ 文：嘉儀 1.「天氣不似預期，但要走，總要飛。」－陳奕迅《歲月如歌》 相信小編唔需要多講，呢句歌詞大家應該見唔少！ 上機遇著天氣差，此歌詞出現率達99%… 天氣好呢？「但要走，總要飛」囉～～ 2.「如果想開心，為什麼需要等？」－黎明《眼睛想旅行》 歌詞流露著淡淡嘅霸氣，想去開心咪即刻出發去旅行囉！ （咦… 又好似真係幾型…） 3.「說不出，旅行的意義。」－陳綺貞《旅行的意義》 其實成首歌有好多句都啱用！ 去法國？「你品嚐了夜的巴黎」返中國？「你踏過下雪的北京」 （小編提外話：其實去旅行有咩意義都幾值得思考…） 4.「休息是為了走更長的路。」－嚴爵《好的事情》 旅行就是休息，休息就是為了走更長的路。 完！小編我淨係想長期休息咋！ 5.「遊玩時開心一點，不必掛念我。」－陳奕迅《活著多好》 你有得遊玩實開心啦！相信睇到呢句caption嘅朋友仔，只會掛念你…啲手信！ （順帶一提，呢首歌好似係講親友離世… touchwood!） 6.「有些事情還不做，你的理由會是什麼？」－五月天《有些事現在不做 一輩子都不會做了》 用咗呢句青春歌詞之後，成張相感覺熱血咗10倍～～ 7.「攜著背包遠行，離群遠赴隻身旅行。」－張惠雅《一個人旅行》 一個人又有咩好怕喎？自己去旅行、甚至做背包客，都可以好開心！ 8.「這就是年輕該瀟灑一次的決定，說走就走的旅行。」－周杰倫《說走就走》 等小編recap一次啦！學黎明話齋：如果想開心，為什麼需要等？ （嗚嗚… 我都好想話走就走啊…） 9.「我來到你的城市，走過你來時的路。」－陳奕迅《好久不見》 唔少人失戀，都會去旅行散下心。 當moody嘅風景相，配上呢句歌詞，真係聞者傷心… 10.「明天就要飛走，朋友都輕鬆奉上祝福旅途愉快。」－林一峰《離開是為了回來》 其實用呢句歌詞做caption未必常見，但歌名「離開是為了回來」老是常出現… 其實小編覺得… 無論caption有幾難諗，都無可能阻止到我去旅行！   =============== 放假去邊 更多好介紹: 快啲like我哋Facebook 同follow我哋Instagram啦!

    author

    點心卡路里大公開！一盅兩件變成一啖兩磅？ | 放假去邊

    返工放Lunch會同老闆飲茶，放假就同屋企人飲茶，甚至有人鍾意宵夜去飲夜茶！ 雖然一盅得兩件、望落又細細件，但其實唔少點心蘊含好多脂肪！ 唔想一盅兩件，變成一啖兩磅？知道大概卡路里，識得揀嚟食就唔怕啦！ 文：嘉儀 點心類 蝦餃（1粒）：37kcal 可以放心食～～ 食多兩粒都唔怕！ 燒賣（1粒）：42kcal 卡路里唔算高，不過唔少燒賣都落咗肥豬肉！如果係鵪鶉蛋燒賣會更肥！ 鮮蝦腸粉（1條）：60kcal 算係腸粉家族中最低卡路里！如果牛肉腸/鵝腸就會肥好多！ 鮮竹牛肉球（1粒）：94kcal 牛肉球中暗藏肥豬肉！一粒起、兩粒止好喇～～ 鹹水角（1件）：170kcal 睇佢炸過嘅外皮就知道，卡路里不簡單啊～～～ 糯米雞（1件）：400kcal 食一件已經佔咗半餐卡路里Quota！ 入面足料（亦都好足脂肪），雖然飽肚不過同人Share就比較好喇～   包類、糕點類 水晶包（1個）：38kcal 雖然餡料多數有加糖，不過都算低卡！食晒兩款味都唔怕～～ 蒸饅頭（1個）：60kcal 無餡饅頭本身唔高卡，但如果拎去炸、仲要點煉奶食，脂肪就同你Say hello喇～～ 蓮蓉包（1個）：88kcal 食一個都無妨！不過唔少酒樓加埋蛋黃入蓮蓉包中，咁就唔止88kcal喇！ 奶皇包（1個）：140kcal 流沙奶皇包真係好好食～～～間唔中放肆下啦～～～～ 叉燒包（1個）：160kcal 原來叉燒有好多肥膏，再加埋醬汁就更加肥了… （不要再說了，小編平時仲要係食叉燒餐包… 即係有蜜糖搽係包面嗰啲…） 馬拉糕（1件）：370kcal 以為無餡、蒸糕，等於健康？原來食一件已經有接近400kcal！ 入面又有豬油又有糖，好危險… 睇 住啊！ 雖然唔少點心卡路里都幾高，不過間唔中食下都無所謂嘅！ 計小編話齋，食得是福啊嘛！最緊要食得開心～～～ 唔食多啲，邊有力減肥？   ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    好可愛呀鵪鶉太陽蛋! 黑松露多士+鵪鶉蛋 | 香港美食 | 放假去邊

    灣仔一間西班牙餐廳嘅火腿芝士松露多士配鵪鶉蛋，賣相非常精緻可愛!! 懶洋洋嘅鵪鶉蛋就咁攤咗喺度…不停向我招手~~ 真係忍唔住 好想一啖食咗佢啊! [instagram photo=”BN9TCjpAbU_”][/instagram] 火腿芝士多士配黑松露，隔住個mon都feel到有幾香 [instagram photo=”BOE6uDBAlYl”][/instagram] 鵪鶉太陽蛋大細啱啱好，可以一啖食哂! [instagram photo=”BOI62qBAh5g”][/instagram] 好治癒嘅早餐顏色呀~ [instagram photo=”BMTgfnaAZwX”][/instagram] [instagram photo=”BK0xwWQhmTk”][/instagram] 提提大家，係全日供應架~ [instagram photo=”BMJokVOA-Od”][/instagram] Ham & Sherry 地址：灣仔船街1-7號地下 營業時間：星期一至六: 12:00-15:00; 18:00-23:00 星期日: 12:00-15:00; 18:00-22:00 =============== 放假去邊 更多好介紹: 快啲like我哋Facebook 同follow我哋Instagram啦!

    author

    日本築地人氣海鮮丼隱藏餐單 二人食 剛剛好 | 香港美食 | 放假去邊

    喺油麻地都有極新鮮日本築地直送嘅海鮮丼啦! 於2016年掀起海鮮丼熱潮的人氣豊洲水產海鮮丼專門店，喺油麻地開新店~ 豊洲水產採用每天由日本直送新嘅鮮材料，食材由師傅每天處理，至新鮮、至原汁原味，大概就係呢個level~ 好幸福嘅味道呀~   謹製雲丹丼三文魚籽溫泉蛋 $398 – 每日限定20客 呢個雲丹丼基本上係採用咗香港人最愛嘅北海道馬糞海膽 + 黑鮪魚腩蓉 + 三文魚子 但點解呢張相…有咁多種海鮮嘅!! 點解嘅!! 登登登凳! 呢個就係餐廳嘅隱藏餐單! 除咗以上店家所精選嘅刺身，客人仲可以額外追加刺身!! 隱藏餐單：店內各款海鮮丼都可以按個人喜好，追加刺身配料! (例如：北海道響螺、牡丹蝦、飛天黑鮪腹身、帆立貝等!) 重點是，飯係可以免費追加~ 2個人一齊食 啱啱好~ 讓客人可以點一個完完全全合你口味嘅海鮮丼!     大漁豊洲水產海鮮丼 特盛 $388 呢個海鮮丼認真不得了! 多達12種刺身，重量達800G~  完全滿足到你對刺身嘅要求啊!   招牌刀琢飛天黑鮪魚腩蓉丼 $248 飛天黑鮪系列係極上之選! 亦係店家嘅招牌丼! 刀琢魚腩蓉 味道濃郁 仲入口即溶… 忘也忘不了!!     豊洲水產海鮮丼專門店 (油麻地新分店) 地址：油麻地彌敦道558-560號譽發廣場1樓 座位：82個 電話：2869 6289 (不設訂座) 營業時間：11:00 – 0:00   =============== 放假去邊 更多好介紹: 快啲like我哋Facebook 同follow我哋Instagram啦!  

    author

    原條鰻魚大滿足 長沙灣日式居酒屋 | 香港美食 | 放假去邊

    長沙灣一間日式居酒屋，最近人氣非常勁！因為佢嘅招牌原條成田醬炭火燒鰻魚飯，有手臂咁長！！ 肉質軟嫩，配埋非常獨特嘅成田醬汁，唔只吸引眼球，仲非常惹味~~ 無論人定相機都可以大滿足~ [instagram photo=”BPXb912jTuf”][/instagram] 睇相已經好震撼啦~! [instagram photo=”BNbsAlAAqkI”][/instagram] 好肚餓呀… [instagram photo=”BMYRUdslAkO”][/instagram] 大家叫埋同一款，有排影~~ [instagram photo=”Bm11Q0MgWH7″][/instagram] 二人同行，不妨試下味道樂特盛九品料理（二人份），有得食，仲有得玩! [instagram photo=”BP9GBtvDDid”][/instagram] 三文魚子甜蝦蓉丼 [instagram photo=”BNBJJ9JBgi5″][/instagram] 居酒屋必備，芝麻雞翼 [instagram photo=”BOjsrm1Ds7F”][/instagram] 味道樂居酒屋 地址 : 長沙灣元州街498號青華閣地下C舖 營業時間 : 星期一至六: 12:00-15:00; 18:00-23:00 星期日: 18:00-23:00   =============== 放假去邊 更多好介紹: 快啲like我哋Facebook 同follow我哋Instagram啦!

    author

    90後一定食過嘅10款零食! 童年回憶返晒嚟～| 香港美食 | 放假去邊

    如果你係90後嘅朋友仔，相信你對以下所有零食都唔會陌生！ 大個之後每次見到都會買嚟食，童年回憶都會返晒嚟～ 你冇食過的話，簡直係愧對90後之名啊！ 文：嘉儀 1. 媽咪麵 嘟嘟嘟～ 嘟嘟嘟～ 嘟嘟嘟嘟嘟嘟～ Shake shake shake shake～ 藍毛毛演奏會開始啦！ 細細個同同學仔share嚟食，食到啲手指勁多口水 :p 2. 旺旺燒米餅 媽咪！好辣呀！ 怕辣就食原味唔辣㗎啦～～ （大家對呢個廣告有冇印象呢～～）   3. 旺仔小饅頭 一啖幾粒，幾啖就食晒成包！ 最鍾意放入口但係唔咬，死都要等佢慢慢溶～～～ 4. 牛仔片 小編最愛！次次小息都要去小食部買嚟食！ （識食一定係連沉晒底嘅調味粉都食埋～～） 5. 戒指糖 就算未食過，都一定見過！ 扮貴婦必備哈哈～（其實粒糖一啲都唔好食…） 6. 孖條 孖條依家真係賣少見少喇… 細個買嚟同friend子share，啪開一人食一支好開心！ 7. 吱吱冰 想當年仲未有咩菠蘿冰、芒果糯米糍，夏天想解熱？ 梗係食返支吱吱冰啦！（不過唔知點解，小編永遠啲冰溶晒都未食晒…）   8. 魷魚絲（其實係鱈魚香絲!） 由細到大，我都係叫佢做魷魚絲！ 小編唔鍾意食魚，但係好鍾意食佢… （而我不知道它是否真的用魚做…）   9. 恐龍谷 裡面真係有唔同形狀嘅恐龍㗎！相信小編對絕種恐龍嘅認識，都係全靠呢包零食～～ （其實大部份時候，啲恐龍一打開已經粉身碎骨哈哈）   10. 時興隆脆卷 明明有3條脆卷，但食完好似食咗陣風咁完全唔飽，但係隻味真係好香！ 時興隆與你～～ 共享昨天今天明天～～～ […]

    author

    林村新春嘉年華 x 麥田捕手假日市集 | 假日好去處 | 放假去邊

    鍾意去市集嘅你，一定會聽過麥田捕手假日市集 今個農曆新年，一連16日，2017香港許願節舉行林村新春嘉年華 x 麥田捕手假日市集! 有得食又有得玩又有市集睇，新年有著落啦! 記者: Jaime 門口有祈福許願繪馬，免費畀大家寫，小編都寫低咗新一年嘅願望掛上樹上! 打卡位：漫天飛舞水晶球 「綿綿頭上飛花~~~」 特別之處係可以走入水晶球入面，同漫天花瓣影相 (年初七至十六) 港式花牌工作室 花牌係一種民間工藝，多數於新張喜慶、節慶廟會等大型盛事中出現 今次市集增設DIY迷你港式花牌工作坊，買一包材料就會有專人教你點整 整完有興趣仲可以參加比賽，冠軍有$1,000獎品獎盃~ 陳聲工作室為新年特製的款式 小編都整咗一個! 從來都未接觸過花牌，整完覺得呢門手藝其實好靚，而且整嘅過程都幾好玩㗎! (圖為大致完成階段，最後會修剪好木條，同埋將花牌黏喺紙皮盒上作擺設)   美食專區超多嘢食!!! 小編個人推介：法式煎鵝肝、流心芝士雞扒、鐵板炒雪糕、長洲糯米糍～ 流心芝士雞扒 $40 法國鵝肝多士$80 法國鵝肝配意大利黑松露! 好好食 冰鎮花膠 $60 通常都食熱，凍食你食過未呢? 波波con dog、富貴黃金蝦、蒜爆牛肋條、日式和風帶子 (價錢待定) 雞翼包飯 $40、燒金蠔 $40 啱啱喺台北返嚟嘅小編諗起十分出名嘅雞翼包飯！ 櫻花蝦Cheese心玉子 $30 賣相靚，味道都正! 炒雪糕卷 共有6種味道，芋香、Oreo、香蕉、木瓜、雜莓、麥維他(獨家首創) 小編試咗雜莓味，頗甜。店主會推介芋香~ 長洲平記糯米糍 $12 人氣推介：芒果、榴槤 另有火龍果、奇異果、士多啤梨、香蕉、花生，共7種味道 雞蛋仔 $25 3種味道：原味、朱古力、士多啤梨 到時仲會有手作市集同更多精彩節目，無論係拍拖定一家大細都啱玩！ 林村新春嘉年華 x 麥田捕手假日市集 日期：2017年1月28日 (年初一) 至 2017年2月12日 (年十六) […]

    author

    旺角朗豪坊期間限定 Monchhichi Cafe| 香港美食 | 放假去邊

    由今日開始至3月19日，旺角朗豪坊都有Monchhichi嘅蹤影! 有多款美食，又有好可愛嘅商品買~ 食開心肉眼扒或開心Pizza，仲可以同Monchhichi影相! 記者: Jaime 脆辣雞扒番茄丹麥三文治 $78 開心肉眼扒 $158 Monchhichi 開心 Pizza $75 自家拿破崙汁意粉 $78 鮮奶抹茶 $42   甜品推介~ 朱古力香蕉班戟塔 $ 68 忌廉香蕉蛋糕卷 $58 呢兩款唔夠？仲有其他甜品選擇~ 81 Ban Japanese Deli x Monchhichi Pop-up Café 地址： 旺角朗豪坊L4A 號鋪81BAN Japanese Deli 營業日期：1月19日至3月19日 營業時間：7:30am-12:00mn 電話：3417 6034 ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    炑八韓烤進駐黃大仙~ 頂級韓牛主題店!| 香港美食 | 放假去邊

    炑八韓烤黃大仙中心新店開幕喇~ 同其他分店唔同，黃大仙呢間係韓牛主題店，新產品包括有：1++韓牛拼盤、近期大熱Strawberry Tower、香芒橙汁同西柚汁！ 其他分店無架！梗係要去試下啦！ 全部都係牛～炑八嘅牛全部都係由韓國直接入口嘅頂級優質1+或1++靚牛！ 記者：Jaime   新產品首選推介：1++韓牛拼盤($568)！ 包括有貝身肉、肩胛肉、西冷、牛五花肉～ 一次過試哂四種不同部位！啱哂幾個friend一齊share！ 真係超好食～～！！！ 韓牛有五個等級，而1++就係最頂級！！ 肉質非常嫩滑，肉汁又勁Juicy，油脂分佈平均，入口即溶！！ 四種部位都有唔同口感！可以試到唔同厚薄、唔同油脂數量嘅韓牛～ 三款調味料－豉油、鹽、大醬，仲有生菜可以包住食～ 不過店員就建議落少少鹽就咁食，食韓牛原本嘅滋味！ 介紹埋個前菜～好豐富，份量好足！有胡麻沙律、泡菜、芽菜、蘿蔔等！ 小編覺得個胡麻汁好好味，泡菜味道亦醃得適宜！ 燒烤爐邊仲有兩格，一邊係芝士粟米，一邊係雞蛋泡菜。係無限任添㗎～～！ 芝士拉到絲～啱哂一眾芝士迷！雞蛋泡菜有驚喜，好食！ 除此之外，爐邊有鐵網可以放已熟咗嘅牛肉，咁就唔怕燒得過熟啦！設計勁貼心！ 另外，小編亦推介特大牛小排 ($178)～ 價錢比較相宜，但份量絕對唔輸蝕！牛小排有25cm咁長！成塊燒烤板咁大！ 烤一烤啲油香出哂嚟！ －－ 食韓燒又點少得飲品呢，黃大仙呢間分店就特別有Strawberry Tower、西柚汁及芒果香橙汁！ 當然，一貫有嘅梳打飲品、其他韓式罐裝飲品都一樣有啦！ 超級推薦呢杯Strawberry Tower($68)！好味程度十粒星！！！ 底層係士多啤梨沙冰，上面就有打到勁滑嘅cream同韓國新鮮士多啤梨，睇到都知足料！ 又飲得，又食得！小編大愛！！ 唔嗜甜嘅朋友，可以選擇西柚汁、芒果香橙汁，夠哂健康清爽～ 呢杯芒果香橙汁，入面有水果鮮榨嘅粒粒，堅係新鮮果汁！ 仲有呢杯魔法梳打～ 一開始係深色，然後店員加咗一杯細細嘅檸檬酸，飲品就變~變~變~色！ 原來飲品係用藍蝶花為食材，加檸檬酸，就會變色囉！ 未飲以為係巨峰提子味，店員話係糖味黎㗎！ 但食慣好甜嘅人可能會覺得佢冇咩味喔～ (小編掛住飲，唔記得咗俾相機食先，所以少咗四份一…..) 有別一般分店，黃大仙店採用淺色格調，牆身亦有多款同牛有關嘅圖畫～ 座位好舒服～ 舖面非常寬敞！ 炑八韓烤(黃大仙店) 地址：黃大仙正德街103號 黃大仙中心南館地庫 前往方法：港鐵黃大仙站D1出口 ———————————– 放假去邊 更多好介紹: 快啲like我哋Facebook 同follow我哋Instagram啦!

    author