Open Tour
平時大家去Cafe係咪去到厭晒呢？不如試下啲惹味星馬菜喇，呢間小店位於大角咀，主打星馬菜嘅，小店店面雖然夠大，但非常旺場，都建議番大家預留時間排隊~即刻睇有咩好嘢食。 嚟度梗係必試佢嘅招牌厚切8安士厚切咖喱豬扒飯，豬扒分量好足，仲配有印度咖喱送飯，印度咖喱微辣偏甜，送飯一流~豬扒都炸得幾鬆軟，入口軟嫩。 爐燒豬頸肉叻沙，正宗喇沙通常都係油麵同米粉兩溝，有芽菜、溏心蛋同魚蛋等等。 焗咖哩雜菜農夫包，一家人或者朋友share食呢個就最啱，上檯時候超大份，上面啲雜菜、豬扒擺到滿瀉。 星加坡咖央多士，多士烘得都幾鬆脆，如果咖央味道可以多番些小咁就完美啦！ 必試呢個馬拉肉骨茶，絕對係馬拉西亞名物，味道鮮甜，同埋好濃嘅藥材味。 唔知食咩好？大家嚟道門口可以見到佢地手寫是日精選餐單，已經寫好啲招牌菜俾你揀！ 星洲總廚 地址：大角咀大全街57號地下 電話：3590 3326 營業時間：12:00-22:00 圖片來源：@_magneat、@girlsfoodies
荃灣出晒名多好嘢食，今次小編就試咗兩間東南亞菜！ 食物價錢抵，而且質素幾高，絕對試得過！ 第一間係專食新加坡菜+馬來西亞菜嘅餐廳「馬六」！ 新加坡喇沙摻摻 呢個喇沙最正係用咗油麵+米粉，彈牙、掛湯，又夠正宗！ 湯底超濃郁，豆卜吸晒啲味勁好食！仲有鮮蝦、蜆肉等海鮮～ 馬六無骨海南雞飯 拼巴生肉骨茶 鍾意食海南雞飯嘅朋友仔，呢間真心推！無論係份量、味道、質素都係一流！ 嫩滑雞肉配油飯，再加秘製醬汁，夾到爆～ 重點係巴生肉骨茶！勁足料已經好濃郁，可以翻兜！ 巴東牛肉飯 如果想食啲濃味嘅飯餐，呢個就絕對適合喇！巴東牛肉微辣得嚟勁惹味，個醬汁撈飯一流！ 牛肉份量好多，而且夠晒淋，肉質唔鞋～ 檳城蝦麵 蝦麵都係星馬菜必食之一，呢間做得幾唔錯！湯底真‧好濃蝦味，但飲晒都唔會口渴～ 而且用料、份量十足，食極都仲有，勁高CP值！ 南洋咖央多士 (斑蘭) 點可以唔試埋咖央多士？ 厚切牛油+香濃斑蘭醬，再加香脆多士！小編保證，呢個會食唔停口！ 芒果冰 飲品方面，小編就最推介芒果冰！因為真係有半個芒果喺隔離！ 飲完濃郁嘅芒果冰之後，仲可以食埋香甜嘅芒果，爽！ 馬六 地址：荃灣眾安街68號荃灣千色匯1樓1023A號舖 而另一間食越南菜嘅餐廳就叫「越北牛肉粉」，就喺正「馬六」隔離！ 一場嚟到，梗係要試埋佢啦～ 越北綜合牛肉湯粉 食越南菜，首先梗係試佢嘅生牛河！ 呢碗牛肉粉除咗有生牛肉之外，仲有牛腩片、牛丸等等，啱晒一眾牛魔王啊～ 順化香茅牛肉撈檬 小編當日仲試咗撈檬！檬粉彈牙，配合秘製酸汁都幾開胃～ 不過重點係牛肉！真係好嫩滑好好味！ 法式蒜蓉牛油雞翼 小食方面，小編首推係蒜蓉牛油雞翼！ 雞翼size勁大，而且外皮炸得香脆，配埋蒜蓉牛油，點會唔好食？ 鮮蝦米紙卷 米紙卷都幾唔錯，清清地～ 配埋其他濃味嘅主菜一齊食，都幾夾！ 越北牛肉粉 地址：荃灣眾安街68號荃灣千色匯1期1樓1023號舖
想喺大埔區食到高質馬拉菜？ 咁就要嚟呢間喇～去到仲要試埋最地道嘅喇沙掺掺先得！ [instagram photo=”Bss0HUIBfzC”][/instagram] 呢度有好多款經典馬來西亞菜， 而講到最得小編歡心嘅：一定係海鲜喇沙掺掺！ [instagram photo=”BuQeqxpgslr”][/instagram] 馬拉傳統食到嘅摻摻，即係油麵＋米粉！ [instagram photo=”BzunjX0F48x”][/instagram] 一碗麵有齊魚片、豆卜、半隻蛋、4隻蜆，仲有2隻蝦！ 勁豐富，夠哂足料！ [instagram photo=”BvZQmqXnX35″][/instagram] [instagram photo=”BtJPB9JFh46″][/instagram] 湯底極濃厚！！ 充滿椰香味～～ [instagram photo=”Bzk3knUhwlF”][/instagram] 所以話大埔區都有高質嘅馬拉小店， 搵日你都過嚟食啦！！ [instagram photo=”Bvs3wPhgl1R”][/instagram] 果子 地址：太和汀角路11-13號啓昌樓地下13號舖 =============== 放假去邊 更多好介紹: 快啲like我哋Facebook 同follow我哋Instagram啦!
「愈簡單嘅食物愈容易見真章～」 講得一啲都冇錯啊！ [instagram photo=”BnSq1_9hqps”][/instagram] 深水埗有間賣馬拉美食嘅小店， 你一定要嚟試吓～ 特別係佢嘅咖央多士啊！ [instagram photo=”BlaGwwghAsr”][/instagram] 佢地嘅咖央多士一件切開四份，方便食用～～ 就算女仔怕肥都可以同人分享～ [instagram photo=”BoK08iKhhJe”][/instagram] 新鮮多士烘到金黃色，外脆內軟！ [instagram photo=”BjcFEQhBzeT”][/instagram] 裡面除咗牛油之外， 仲有一層帶微甜嘅綠色咖央醬，口感厚滑～ 好邪惡啊！！ [instagram photo=”Bp1ncvWgOuN”][/instagram] 仲有陣陣椰香味添～～ 令人回味無窮！ [instagram photo=”BmuJO2Rh8Oa”][/instagram] 估唔到只係親民價錢就食到！ 下次經過深水埗不妨嚟試吓～ [instagram photo=”BnRQ99mgQTl”][/instagram] 蘇媽.蘇媽馬來西亞茶餐室 地址：深水埗基隆街251號地下 =============== 放假去邊 更多好介紹: 快啲like我哋Facebook 同follow我哋Instagram啦!
