呢間上環Cafe主打純素Bagel，有多款創新口味。包括焦糖脆餅味，OREO味、玄米茶味、伯爵茶味等等。 餐廳座位都好特別，好似去露營咁~打卡一流！ 望落好吸引！ 除咗Bagel，都有Bagel sandwich，係用植物肉製作。 鐘意食Bagel嘅就去試下啦~ 404 Plant 地址：上環蘇杭街109號地舖 圖片來源：@852japjapjap、@blackdrip_
位於上環呢間Cafe真係每個季節都俾到食客驚喜，主打用時令水果甜品，整出嚟嘅甜品超級精緻~唔係普通嘢嚟架！每年嘅7月尾至8月中，係屬於蜜桃盛產嘅季節，今次店舖採用來自日本山梨縣水蜜桃入饌做甜品簡直一流~即刻睇今期店舖有邊款水蜜桃夢幻甜品先！ 白桃撻，中間係流心嘅紅桑子果醬配奶油吉士醬，紅桑子果醬與香滑奶油吉士，底層係撻皮。 白桃大福，一見到大福就掛住日本~軟糯麻糬中，包裹著濃香日本彼爾忌廉芝士。 唔鐘意食撻嘅朋友，可以揀白桃拿破崙，口感非常酥脆，中間都係紅桑子果醬與香滑奶油吉士，面層都係配上大塊厚切嘅日本山梨。 小編就推介呢個白桃紅茶忌廉蛋糕，軟綿綿嘅感覺，層層蜜桃粒粒陪住鬆軟嘅雪芳蛋糕，超級滿足！ 白桃紅茶巴斯克芝士蛋糕，普通巴士克芝士蛋糕就食得多，加咗啲白桃粒粒起面層食落口感比較濕潤，仲有好香嘅紅茶味。 白桃聖托佩塔，法式歐軟包夾層中放上大塊蜜桃。 Café Life Patisserie & Cafe (太興中心) 地址：上環皇后大道中251號太興中心二座地下B&C號舖 電話：2810 6755 營業時間：08:30-18:30 圖片來源：@cafelife_hk
