Open Tour
大埔小白鷺中心除咗有人氣打卡西餐廳，近日仲開咗全新嘅中菜廳，鐘意食中菜嘅你又多個選擇喇！望住湖景歎番個高質點心，不過小編建議大家嚟之前記得book位啊！大家嚟之前都可以要求揀定窗口位坐，食起上嚟個人都開心啲！ 餐廳內部環境富麗堂皇，好似去咗外國咁，完全唔係一般中菜宮廷式或酒樓設計，融入歐式建築設計風格。 脆脆鮮蝦紅米腸，這係炸兩腸粉，上檯時依然保持外層腸粉皮軟滑，內裡保持酥脆口感。 田園蘿蔔酥，蘿蔔一絲絲都幾鮮甜，唔會有渣，而且底部加上芝麻做點綴，大家不妨一試。 竹炭叉燒包，外脆內軟，空氣感十足。 呢款麵底用上稻庭麵，食落非常滑溜，水餃用上新鮮大蝦製作，再配埋魚湯，非常鮮甜。 天府椒辣子雞，都係建議食番點心或者其他菜，不過不失。 Le Vow 金鷺湖 地址：大埔紅林路2號白鷺湖互動中心地下A號舖 電話：6822 3098 預約：按此 圖片來源：@thehkcouple、@hkfoodcravers
香港四季酒店推出限時住宿優惠！ 二人同行只需$2508起就可以試到呢個「美餚佳期限時優惠」 除開每人只需$1254起就享受到頂級住宿連早餐、米芝蓮食府下午茶，勁抵！ 酒店中菜廳「龍景軒」係全球第一間獲米芝蓮頒發三星嘅中菜廳，而且連續13年蟬聯飲食界呢個最高殊榮 呢個住宿優惠就包咗「龍景軒」嘅點心下午茶，想一試米芝蓮食府美食嘅你一定唔可以錯過啦 美餚佳期限時優惠︰ 入住豪華山景客房 (只須+HK$330升級豪華海景客房) 享用雙人每日早餐 (於The Lounge享用 或 客房餐飲服務) 米芝蓮3星食府龍景軒雙人點心下午茶 生日或紀念日可獲贈驚喜禮遇 豪華山景客房可飽覽太平山同埋香港市景，空間感大，非常舒適 而加$330就可以升級豪華海景客房，可以飽覽壯闊嘅維多利亞港美景，絕對係渡假之選 一個價錢就可以住到五星級酒店，而且仲食到米芝蓮食府下午茶，平到笑！ 香港四季酒店「美餚佳期限時優惠」︰ 銷售日期：2020年12月3日至2021年3月31日 星期日至四：HK$2508 (2人入住) 星期五、六海景客房：HK$3410(2人入住） 開放入住日期至：2021年3月31日 ( 2月12日至15日暫停開放入住) 地址︰中環金融街8號 訂購網址︰ 立即訂購
每次一有點心放題優惠，大家嘅反應都好熱烈，可想而知點心係幾咁受香港人歡迎～ 今次介紹嘅「海雲天」係九龍海逸君綽酒店入面嘅高級中菜廳， 佢哋同kkday推出豪食點心放題優惠，每位只需 HK$158 起， 就可以係90分鐘內任點任食多達40款點心，好吸引！ 平時去五星級酒店食嘢至少都幾百蚊埋單，仲要未必食得飽 依家$158就可以任食，食到飽先走，真係好抵 點心有成40款咁多，而且每位客人都會送花膠瑤柱灌湯餃、芝士焗蟹蓋同富貴鮑魚撻， 好想試吓酒店級嘅質素！ 呢款黑金流沙包係必叫之選，啖啖奶黃流出，好正 鍾意食辣嘅你一定要試川味口水雞，辣味香濃 香口小食推介椒鹽豆腐粒，香脆外層配埋滑一滑嘅豆腐，真係食到停唔到口！ 鍾意食點心嘅你快啲Bookmark呢個咁正嘅點心放題啦！ 下午茶90分鐘點心放題 價錢：每位港幣$158 適用時段：星期一至日及公眾假期14:30 – 16:30 午市90分鐘點心放題 價錢：每位港幣$158 適用時段：星期一至五 11:00 – 15:00 午市假日90分鐘點心放題 價錢：每位港幣$198 適用時段：星期六至日 及 公眾假期 11:00 – 14:30 訂購網址 地址：九龍紅磡德豐街20號海逸君綽酒店二樓
