九龍城Cafe 1 #復古日系風格：Shibui 呢間cafe門口靚到要打卡千萬張，就好似置身於東京郊外咖啡小店，氛圍感十足~ 打卡影相一流！ 食物方面主打日式料理~ Shibui 地址：九龍城侯王道22號舖 注意事項：去之前記得要Whatsapp 6734 5479預約，餐廳唔接受Walk in。 圖片來源：@cafe.hopping、@joman316 九龍城Cafe 2 #古物藝術風格：Yukkuri Cafe內部有多個打卡位，同時都有多款精緻古物可以欣賞，可以睇完古物去餐廳區域飲嘢食件cake~ 甜品及飲品賣相都好精緻~ Yukkuri 地址：九龍城太子道西424號 圖片來源：@yukkuri.hk、@ahkittt.yan 九龍城Cafe 3 #簡約風格：南角 呢間Cafe長期都有人龍，係由唐樓改建，環境簡約清新，食物方面主打輕食，有意粉同多士等食物。 南角 地址：九龍城南角道3號地下3號舖 圖片來源：@peggyky_、@cafe.hopping 九龍城Cafe 4 #主打精品咖啡：Rings Coffee 呢間Cafe主打精品咖啡，打卡位相對前幾間嚟講就比較少，但係就啱鐘意飲咖啡嘅朋友，Cafe有手沖咖啡同虹吸咖啡， 仲有店內嘅牛油果花全日早餐都好啱打卡~ Rings Coffee 地址：九龍城衙前塱道8號地下 九龍城Cafe 5 #中藥行主題cafe：大和堂 呢間Cafe前身為80年歷史嘅「大和堂蔘茸藥行」舊建築活化而成，內外嘅裝修都富有歷史價值，食物都幾有Gimmick呀~ 主打香港元素輕食，當中以「雞蛋仔與雞」最有噱頭，即港式雞蛋仔配炸雞，再淋上西檸汁糖漿，大家亦可以選擇薑汁糖漿。 大和堂 地址：九龍城衙前塱道24號地舖 搵日同朋友去九龍城試勻5間Cafe，瘋狂打卡影相啦~
