講起聖誕主題裝置，大家一定好期待每年「利東街」帶畀大家嘅驚喜 今年「利東街」特意邀請香港視覺特效導演黃宏達 （Victor Wong） 創作咗全球首個大型AI蝴蝶光影藝術裝置「Butterflies of Hope」 裝置由一群最高達7米嘅巨型教堂玻璃蝴蝶同超過350隻幻彩玻璃蝴蝶組成，勁靚！ 呢個裝置將會懸掛喺利東街中庭同整條林蔭大道，日同夜都會有唔同景象 蝴蝶會配合埋音樂燈光匯演，好浪漫 另外場內仲設置咗12米高嘅互動聖誕樹，配合無觸控互動技術，將燈光匯演呈獻畀大家 蝴蝶會紛紛飛舞，同大家互動 「Butterflies of Hope」同時亦寓意蝴蝶破繭而出，走出陰霾，好有意思 「利東街」同時亦聯乘本地年青藝術家Josh Tang及兒童藝術教育中心Colourful Kids 舉辦以蝴蝶為靈感嘅兒童藝術展，大家記得帶埋小朋友嚟參觀 本地幾間唔同嘅慈善及表演團體亦會喺指定日子送上唱頌聖詩同舞蹈等表演，為大家增添聖誕氣氛 同時亦將推出聖誕美食車，大家可以一邊參觀一邊享受美食 「利東街」商戶亦提供咗好多聖誕消費優惠/聖誕限定產品畀大家，記得唔好錯過啦 Butterflies of Hope 日期：2020.12.03-2021.01.10 時間：下午5時至晚上10時 (亮燈) 地點︰沿「利東街」 聖誕音樂燈光匯演 日期：2020.12.03-2021.01.10 時間：晚上6時30分、7時30分、8時30分、9時30分 地點︰「利東街」中庭
