無論係三歲定八十，相信每個妳嘅心目中都有一個公主夢！ 最近日本有間酒店以迪士尼動畫為靈感～ 打造出兩間超夢幻嘅主題房呀！ 呢間美人魚主題房以清新嘅藍綠色為主， 房內掛上色彩繽紛嘅透明波波裝飾， 亦精心準備咗貝殼形攬枕、人魚尾巴保暖毯等，別具心思！ 唔單止咁～只要一熄燈！ 就好似瞬間身在海底世界之中！ 感覺神秘又夢幻呀～ 酒店仲有另一間房好值得住！ 就係冰雪奇緣主題房！！ 房間以冰藍、雪白色為主， 房內仲有唔少雪花裝飾，營造出冰雪世界嘅感覺～ 其實每個人都可以變成Elsa㗎！ 如果將燈光調暗， 牆上就會出現雪花光影！ 夠哂浪漫呀～～ 今次酒店除咗提供一晚住宿之外，亦提供咗短暫四小時入住～ 仲可以同時嘆埋英式三層下午茶， 係咪好想成為下一位公主呢？ INFO 期間限定：8月1日至9月30日 地址：東京都港區海岸1-16-2 來源：InterContinental Tokyo Bay官網 [map url=”https://www.google.com/maps/embed?pb=!1m18!1m12!1m3!1d3241.9742529021432!2d139.76018621521519!3d35.65300598020086!2m3!1f0!2f0!3f0!3m2!1i1024!2i768!4f13.1!3m3!1m2!1s0x601863f77045b7c5%3A0x57394ad4ab41db77!2sInterContinental%20Tokyo%20Bay!5e0!3m2!1sen!2shk!4v1631107888785!5m2!1sen!2shk”][/map]
