紀念一代巨星嘅電影《梅艷芳》公映，利舞臺廣場特別呈獻《Lee Theatre Presents Christmas Rouge x Anita》，有華麗閃爍嘅Music-Go-Round旋轉光影旅程裝置，仲有禮頓中心嘅期間限定Diva梅艷芳Gallery。 1982年梅艷芳喺利舞臺歌唱比賽奪冠晉身樂壇，一代歌后嘅星途就此展開！今次嘅限定Gallery，就帶大家重溫百變天后梅艷芳演藝點滴以及新上映電影《梅艷芳》嘅花絮。 利舞臺廣場Music-Go-Round噚旋轉木馬，概念連結梅姐嘅音樂之緣，呈現梅姐喺唔同年代、唔同藝術領域嘅天后風範。Music-Go-Round分成六個主題區，由1982年新秀歌唱比賽開始，穿梭80、90年代，至今年同名話題電影《梅艷芳》電影。以相片同以表演服飾，加埋互動嘅點唱機，讓梅迷細味偶像出眾嘅風采。 禮頓中心嘅期間限定Diva梅艷芳Gallery，更可一探一代歌后同利舞臺嘅情感連結，仲有紀錄咗唔少有關《梅艷芳》攝製花絮同重要紀錄。 「Wing Shya X Anita」相片展－國際級攝影師Wing Shya 夏永康同王家衞合作多年，包括《春光乍洩》及《花樣年華》拍攝同設計，作品喺多國得獎。今次捕捉王丹妮喺日本京都拍攝《梅艷芳》嘅影象，鏡頭下瞬間將觀眾引入電影情節，亦勾起粉絲對梅姐嘅種種回憶。 百變天后的舞台形象－梅艷芳形象百變，Gallery嘅相片展，集合《梅艷芳》女主角王丹妮演繹梅姐嘅不同形象，包括：《壞女孩》、《妖女》、《胭脂扣》等，同場亦有告別演唱會中嘅標誌性婚紗戲服展出。 由即日起至12月27日期間，粉絲邊打卡還可參與FacebookMessenger《紅唇。集》有獎遊戲，喺利園區內掃描指定QR code解鎖梅艷芳珍貴畫作，回答簡單問題，即可儲起1個唇印。儲滿3個唇印，即獲贈DETERMINANT可重用口罩乙套；儲滿6個唇印，即可獲贈時尚唇膏乙支及《梅艷芳》電影主題限量明信片乙張！禮物數量有限，送完即止。 【Music-Go-Round】旋轉光影旅程 即日起至2022年1月2日 上午11時至晚上9時 利舞臺廣場地下 【Diva梅艷芳Gallery】 即日起至2022年1月2日 上午11時至晚上9時 禮頓中心G10 《紅唇。集》Facebook Messenger遊戲 即日起至2022年12月27日
