北海道位於日本嘅最北， 故此長年天氣寒冷，冬天嘅雲景更加係浪漫~ 而近年除咗睇雪，去十勝朝聖冬季罕見「鑽石冰」嘅人都愈嚟愈多~ [instagram photo=”BvjRKiZAN4N”][/instagram] 晶瑩剔透嘅冰石可以喺十勝豊頃町大津海岸到見到，2015年被命名為「Jewelry Ice鑽石冰」，形成嘅原因係因為來自十勝川河口嘅水喺冬天結冰，冰塊流向大海，再被海浪衝上岸~ [instagram photo=”Bt9xkSvAiiK”][/instagram] 「鑽石冰」被強烈嘅海浪打擊，稜角會被磨成特別嘅形狀，連心型形狀都出現過~ [instagram photo=”BegoCAnFIdq”][/instagram] 觀看「鑽石冰」嘅最佳時間係日出嘅時段大約早上6-7點，除咗因為可以睇到日出照耀下嘅「鑽石冰」，都因為晨曦時係全日嘅最低溫時間，所以最好就係喺天都未光時就到達準備~ [instagram photo=”Bt5tTEKgAEj”][/instagram] 不過其實想睇到呢啲靚到窒息嘅「鑽石」係好靠運氣㗎，需要夾啱天氣同時間去，唔係話你想睇就睇到㗎！ [instagram photo=”BtzL5QbFDk-“][/instagram] 低氣壓或者大雪都會大大減低睇到鑽石冰嘅機會，就算睇到都會好少或者唔靚~ [instagram photo=”B7GW0EBAywM”][/instagram] 大家去之前都記得要去豊頃町觀光協會官方網站檢查清楚「鑽石冰今日狀況」，由1月中開始就會每日更新，當地役場嘅職員每日都會去現場拍照，比大家知道最精準嘅情況~ [instagram photo=”B62nqFoAmTm”][/instagram] 依家當地旅行社都有提供觀賞鑽石冰嘅行程，5個鐘左右嘅行程一人大約¥8000~ [instagram photo=”B6wHetUp2tC”][/instagram] 大家如果會去朝聖睇冰嘅話記得睇清楚天氣，同埋做好禦寒措施，朝早只有-15°C至-30°C，相機等都會好容易冇電同埋失靈，要做好準備啊~ 豊頃町觀光協會 網站：www.toyokoro-kankoh.com Instagram：@jewelryicetoday
