Open Tour
大阪水族館「海遊館」入面有兩隻海豹Yuki同Arale，佢地好似粒波好可愛而一炮而紅， 最近水族館就同日本雜貨品牌「YOU+MORE!」合作，推出兩隻海豹樣嘅攬枕～ 左邊白啲嘅係Yuki，右邊灰啲嘅係Arale～ Yuki之前就係因為坐到成粒波咁，勁可愛而出哂名 攬枕逼真到有一下我以為Yuki坐咗喺沙發到XD 好特別嘅係Yuki左腰上面有心型嘅記號，攬枕同樣將呢個特徵還原！ 至於Arale嘅必殺技就係佢和藹嘅笑容～ Arale嘅攬枕同樣係圓碌碌好好攬 佢左眉上有圓形嘅記號 攬枕將會係海遊館官方店入面發售，一隻日圓¥6200(~HKD$460)，買咗之後仲會比返張「飼養卡」你，證明你已經接管咗2隻海豹～ 除咗係實體店到買，亦可以係Felissimo網上訂購～
台北有間手作飲品吧每日都大排長龍，為嘅就係可愛治癒嘅柴犬部長～ 當中有一款飲品會附上一粒柴犬棉花糖，柴犬造型非常可愛， 親手將柴犬部長放入杯睇住佢慢慢融真係好治癒～ [instagram photo=”BiR3iD_hkqS”][/instagram] 柴犬部長對住我笑啊～笑到我心都融埋～ [instagram photo=”Bxkc2E1FDwO”][/instagram] 櫃檯前有哂小道具俾大家打卡! [instagram photo=”Bzx1DhyHTX_”][/instagram] 柴犬打側身好似訓咗咁～唔捨得叫醒佢～ [instagram photo=”BuDrWBChQR3″][/instagram] 有好多隻色嘅部長啊! [instagram photo=”Bxec0v4JITf”][/instagram] 除咗柴犬部長，佢仲有其他同伴! [instagram photo=”BpbW1UXli02″][/instagram] 唔同節日有唔同主題～ 雨田先生手沖飲品吧 地址:台北市大安區忠孝東路四段223巷69號 營業時間:周日、周一 12:00-19:00 周二～周六 12:00-21:00
