Tag: 台場

東京係唔少人心水嘅旅遊目的地，美食娛樂購物咩都有…… 咁唔知你又去齊曬東京頭十個最受歡迎嘅景點未呢？ 1. 東京晴空塔 高634公尺嘅晴空塔，係目前世界上最高嘅自立式電波塔!!!! 塔上兩個展望台可以眺望關東地區一帶，甚至係遠處嘅富士山 夜晚點亮燈光之下，更加可以欣賞到浪漫美景添! 🙂 2. 淺草寺 淺草寺係東京都內歷史最悠久嘅寺院，每年都吸引3000多萬人嚟到呢度參拜嫁~ 江戶時代更加係祈願所同日本庶民文化的中心~ 門口嘅大紅燈籠「雷門」、寺院內嘅天井繪同五重塔都好出名，非常值得大家嚟睇下嫁! 3. 築地市場 有「東京的胃」之稱嘅築地市場係日本規模最大嘅魚市場~ 想買新鮮食品或食到平價好食嘅壽司或生魚片，咁就要嚟豐洲新市場朝聖喇! 4. 東京車站 被譽為「表玄關」嘅東京車站係2003年列為日本嘅國家重要古蹟~ 紅磚灰白色飾帶嘅建築係由知名建築師「辰野金吾」設計，見證住歷史變遷~ 充滿新古典建築風格!! 5. 東京迪士尼樂園 東京迪士尼樂園係華特迪士尼公司創辦的第一個亞洲主題公園，到依家已經有超過30年歷史! 每次嚟日本，唔少人都會安排行程嚟呢度玩番一日! 因為係呢度……無論你係大人定小朋友，都可以搵到美好嘅童年回憶!! 🙂 6. 三鷹之森吉卜力美術館 日本宮崎駿嘅動畫電影紅遍全球，應該無人唔識卦… 所以作為影迷，嚟到東京就梗係要去動畫美術館 (吉卜力美術館)朝聖啦! 7. 台場購物中心 位於東京灣的台場必定係鍾意shopping嘅你必到之地! 時裝、首飾、化妝品、室內裝飾用品、寵物用品、卡通玩具等，應有盡有! 有時間仲可以係濱海步道上欣賞彩虹大橋同海景添! 8. 上野阿美橫町 想搵個執平嘅好地方，咁就非上野阿美橫町莫屬! 呢度有全東京最平嘅化妝品賣，包你滿載而歸! 9. 明治神宮 明治神宮係日本神道嘅重要神社之一，主要係供奉明治天皇和昭憲皇太后靈位嘅地方~ 作為日本重要文化財產之一，每年新年都會吸引大量遊客嚟呢度參拜! 10. 東京迪士尼海洋樂園 東京迪士尼海洋雖然只係在2001年先開幕，但係都相當受旅客歡迎! 園區內擁有歐美海洋風情，仲有一系列同海洋有關嘅景致、設施… 真係又好玩又刺激啊!!! =============== 放假去邊 更多好介紹: 快啲like我哋Facebook […]

By Katie Lo

April 19, 2017August 6, 2022