夏天咁熱，緊係要食返啲透心涼嘅甜品 掛住台灣美食嘅你不防喺屋企整下芋圓＋地瓜圓～ 一齊睇吓點整啦！ 本文影片＋食譜由「CAKO 食譜」授權轉發 地瓜圓材料︰地瓜 2個、 糖 40g、日本太白粉 50g 、木薯粉 120g 芋圓材料：芋頭 1個、 糖 60g、日本太白粉 50g、木薯粉 70g 做法︰ 1.將地瓜同芋頭削皮切塊後，放入電鍋蒸10分鐘，出爐後將佢哋攪碎 小提醒：熱嘅時候會更易壓碎！ 2. 放入糖、日本太白粉同木薯粉攪拌捏成團，並切自己想要嘅大小備用 小提醒：隨麵團硬度斟酌加入木薯粉 3.準備滾水下鍋大火煮至浮上水面就可以撈起浸凍水 4.完成後可以按自己口味加糖水 影片來源︰CAKO 食譜
