中環又有新Cafe進駐啦！ 今次呢間主打地中海菜嘅咖啡店「角落」位於晉逸蘭桂坊精品酒店二樓 以波希米亞風為主，咖啡店環境勁有中歐設計特色，勁靚！ 咖啡店畀人一種舒服溫暖嘅感覺，可以畀人遠離喧鬧城市，喺「角落」同好友知己/另一半好好放鬆一下 店內有玻璃窗可以望到靚景，仲有必影嘅光管「打卡牆」，相信好快會成為最新IG熱點 呢間咖啡室由飲食達人Jeffrey Chan 主理，店鋪不限最低消費，完全零壓力 「角落」提供地中海風味嘅健康西餐， 採用嘅食材不經醃製，主要以海鮮同天然香料自製新鮮醬汁， 佢哋亦跟隨地中海菜概念，少油少鹽，唔落味精，令大家食得更健康 當中健康人士必食呢款慢煮雞胸配羽衣甘藍青醬意粉 採用香蒜羅勒松子仁，再加上超級食物羽衣甘藍，嚴選天然食材製造 而雞胸肉肌就用咗香草欖油以五十五度低溫慢煮兩小時，除咗有豐富蛋白質，同時亦保留到食物原汁原味 健康又好味！ 而甜品亦比市面嘅更低卡，好似呢款生銅雙重朱古力蛋糕咁 就用咗朱古力同杏仁粉做蛋糕，再蓋上一層 80%-90% 可可成分嘅朱古力脆皮， 鍾意食極濃朱古力味嘅朋友一定唔可以錯過 咖啡店亦有輕食、咖啡提供，大家快啲約埋好姊妹/另一半去試下啦！ 角落咖啡室 地點：中環德己立街23號晉逸蘭桂坊精品酒店2樓 電話： (852) 23824899 營業時間：星期一至日中午 12 時至晚上 9 時
