• Mon. Jun 1st, 2026
    • '

    Tag: 地道美食

    基隆人氣草莓/金莎麻糬 創新口味令人一試難忘！｜台灣美食｜放假去邊

    唔少人嚟到台灣掃街都一定會食麻糬！ 麻糬口感「Q彈」，傳統口味：花生、芝麻或者紅豆就見得多～ 但基隆有一個流動攤檔居然仲可以食到草莓麻糬同金莎朱古力麻糬！ [instagram photo=”B7dBd7Bnfsz”][/instagram] 喺基隆一講到食麻糬，就算要排隊都好多人會幫襯佢！ 檔主密密做，好快又一盒送到客人手上！ [instagram photo=”CMMPazXrYxF”][/instagram] 喺充滿口感嘅麻糬皮裡面， 包著香甜嘅士多啤梨，仲放埋綿密嘅紅豆餡， 真係夠哂吸引！ [instagram photo=”CHRgPC4Bi23″][/instagram] 而外層亦照樣沾滿花生粉！ 口感層次比起平時食到嘅更加豐富啊！ [instagram photo=”B95wIesprEu”][/instagram] [instagram photo=”CH1xPQogNFu”][/instagram] 試完呢款，仲有另一款創新口味㗎～ 就係佢，金莎麻糬！ [instagram photo=”CMwqaG8Hp_h”][/instagram] 當經典金莎朱古力遇上麻糬， 到底會產生咩火花？ [instagram photo=”B9tont0nLDO”][/instagram] 未食過唔緊要，網民答到你！ 「天啊，好好吃哦」、「這真的超好吃的！」、 「我一個人吃一盒完全沒問題」～ [instagram photo=”B9god10lwDy”][/instagram] 你係咪都好想試吓呢？ 祐家麻吉 地址：基隆市仁愛區劉銘傳路15號（不固定位置售賣）

    author

    鑽石山主題餐廳 特色「髒髒雞蛋仔」別具心思！｜香港美食｜放假去邊

    如果話「髒髒包」係台灣特色，咁「髒髒雞蛋仔」一定係屬於香港嘅！ 呢款咁創新嘅雞蛋仔，你又食過未呢？ [instagram photo=”BlYNKg3Hkox”][/instagram] 以朱古力雞蛋仔做底，上面仲落咗朱古力醬同可可粉添！ 朱古力味真係超級濃郁！ [instagram photo=”Bh3tChPhhJC”][/instagram] 雞蛋仔外脆內軟，幾好食！ 仲要啖啖都係朱古力，正！ [instagram photo=”BlCSmRlgmgE”][/instagram] 細心啲睇，粒粒雞蛋仔都有圖案㗎！ 好得意啊！ [instagram photo=”BkKs6FuDAmn”][/instagram] 愈髒愈愛～ 價錢仲係同平時食開嘅差唔多，值得一試！ [instagram photo=”Bj7ZH4dhp1e”][/instagram] 怕肥？！小編一樣怕！ 不過「美食當前，食咗先講啦～！」 [instagram photo=”BirEcoNA_8S”][/instagram]   滿屋廚房 地址：鑽石山龍蟠街3號荷里活廣場1樓174號舖   =============== 放假去邊 更多好介紹: 快啲like我哋Facebook 同follow我哋Instagram啦!

    author

    玩轉韓國江陵 嘆地道美食 入住獨家酒店｜韓國旅遊｜放假去邊

    係首爾買嘢買到悶？不如試下去江陵玩啦！ 江陵離首爾大概三個鐘車程 嗰到原來都好多靚景同美食！ 等小編帶你一齊去睇下啦～～～～   江陵五大旅遊熱點： 1. 草泥馬樂園 可以零距離接觸草泥馬！仲可以拖住佢地周圍行添啊！！！ 園內有好靚嘅花海～打卡一流！   2. 莊湖港：透明玻璃底獨木舟、浮潛 船底係透明㗎～清楚睇到水底 望出去一望無際，睇日落一定好正！   3. 江門美術靈感沙灘 강문해변 (《她很漂亮》拍攝場地) 必影！！！劇中最紅嘅鑽戒櫈！ 仲有好多唔同形狀嘅櫈～   4. 安木海邊咖啡街 呢條街有好多cafe，而大部分都可以望住大海嘆咖啡～ ＊著名煤炭蛋糕（手信！） 係呢間cafe就可以買到！ ＊電視劇取景地 －BOSSA NOVA 5. 咖啡博物館 – 燒咖啡豆D.I.Y. 可以落手落腳燒咖啡豆 降溫之後員工會幫你將咖啡豆磨成粉狀，包裝好就可以帶走～ 而入面亦有多個展覽室，展示咗好多咖啡用具同埋佢地嘅相關歷史背景 入面亦有打卡位～ 睇完咖啡展覽室，每位參觀者仲可以嘆一杯免費咖啡！ 咖啡產品－濃縮咖啡，必買手信！ 室內咖啡園 紅色一粒粒嘅就係咖啡豆！！！！ ================================ 江陵美食： 1. 江陵中央市場 －地道小食 呢個市場入面有好多地道小食，嚟江陵一定要去試！   墨汁冰淇淋 冰淇淋糖餅 紅豆餅(咖啡豆形狀) 人氣炸雞 連韓國總統文在寅都有嚟食過！！ 黑蒜頭包 煎餅   2. 江陵五層蒸海鮮塔 有五層海鮮啊！！！！ 有好多種類嘅新鮮海鮮～～～ […]

    author

    沙田文化一日遊 曾大屋、車公廟 | 假日好去處 | 放假去邊

    平時去沙田除左唱K、睇戲之外，仲有咩野做好呢？ 不如跟住呢個行程嚟個一日文化遊，慢慢去感受吓傳統建築物，有時間可以去埋文化博物館~ 夜晚再去食地道美食：燒乳鴿、Wasabi蟹籽手撕雞！   曾大屋 曾大屋係沙田嘅一條客家圍村。原稱山下圍，1848年起興建，1867年建成，係香港一級歷史建築物，公眾可以自由入村參觀。 因為依然有市民居住，所以參觀時記得保持安靜。 創建人曾貫萬，喺廣東省五華縣南下到香港，後來因開設石廠致富，就起圍村俾族人居住。全屋有99個單位。二次大戰時曾經俾逃難人士租住，所以又叫「曾大屋」。 曾大屋採用廣東五華老家嘅建築風格，主要由花崗石、青磚建造，四角都有鑊耳型的三層高角樓，有槍孔同瞭望台。 屋前嘅風水池已經被填平，以前嘅護城河、吊橋亦唔再存在。 圍村正面有三個大門，分別有「安富」門、「尊榮」門、「一貫世居」門。正門門頂石匾刻住「一貫世居」，係由中舉人曾貫萬嘅侄兒曾蘇所寫嘅。   曾大屋採用三進式設計，有上、中、下三堂，兩側各連兩排橫屋，稱為「三堂四橫」格局。 廳與廳之間由通道、天井相連。曾貫萬當年獲朝廷封為直奉大夫，所以有「大夫第」木匾、「祥徵萬福」石匾。 中堂係族人嘅議事廳。廳入面掛著曾貫萬、其母親朱氏的遺像、「文魁」木匾，又擺放咗曾貫萬71歲壽辰(1878年)獲贈嘅十二幅木刻壽屏。 再穿過另一天井，就到達上堂，即係供奉曾氏祖先的祠堂。 好多村民都已經移居海外，而家留返喺曾大屋入面住嘅曾氏子孫唔多，反而住咗唔少外姓人。 地址：沙田山下圍 前往方法：港鐵車公廟站/沙田圍站步行可到達 ——————————— 車公廟 沙田車公廟，係香港二級歷史建築物。喺1890年前已經落成。 廟內紀念嘅車公係南宋嘅將軍車大元帥，南宋末年，宋帝昺及車大元帥避難至香港，並駐守西貢。   後來車大元帥病死，人民就建廟供奉。後來民眾請車公坐陣，為沙田消除瘟疫，並興建車公廟。 車公廟主殿內的神壇上，屹立著二十七尺高嘅金色車公像。善信可以敲鼓、順時針輕力轉吓銅製風車，希望轉個好運。 天花板上更建有藻井，有麒麟、鳯凰的雕花圖案。 福祿宮，拜吓五路財神，輕輕摸吓聚寶盆，祈求財源滾滾來。 犯太歲就要喺太歲衣上寫自己個名，將檀香放在香爐。先拜斗姆、值年太歲，再拜自己的太歲，將寫咗名嘅太歲金放在其腳底，俗稱「攝太歲」 最後再向其他太歲拜一拜。年尾回廟再參拜。 車公廟內可以求籤，外面會有人即時幫你解籤。 地址：新界大圍車公廟道 前往方法：港鐵車公廟站/大圍站步行可到達 開放時間：每天上午七時至下午六時 ——————————— 龍華酒店 龍華酒店係香港僅有嘅園林酒店之一。呢度最出名就係燒乳鴿！ 地址：沙田下禾輋村22號 ——————————— 陳根記 沙田屋邨嘅大牌檔，可以食到古早味香港菜！推介：Wasabi蟹籽手撕雞、椒鹽魷魚、糯米鱔 地址：沙田禾輋邨街市大牌檔3-5號 ——————————– 放假去邊 更多好介紹: 快啲like我哋Facebook 同follow我哋Instagram啦!

    author