Open Tour
日本每年冬天，江之島展望台都會舉辦「湘南之寶石」嘅點燈活動， 江之島嘅各條街道同花園一到旁晚就會著哂七彩顏色嘅燈飾，又靚又夢幻～ 而且可以欣賞到夕陽美景、夜景同燈飾，所以吸引到好多遊客同情侶嚟打卡！ 江之島瞭望燈塔好靚啊！ 所有重點燈飾都喺哂呢個花園度～ 由七萬幾個燈泡組成嘅水晶走廊，而且仲係施華洛世奇水晶手工串連咖！ 中松宮廣場都佈滿燈飾，好浪漫啊～ 所以花草樹木都俾燈飾包圍～ 連岩洞都有燈飾！ 好想依家即刻飛過去睇啊！ 江之島點燈 (湘南之寶石2021) 期間限定 : 2021年11月23日 ~ 2022年2月28日 地址：神奈川県藤沢市江の島2丁目3番地 交通：小田急江之島「片瀨江之島」站步行15分鐘，江之電「江之島」站步行20分鐘 網址：enoshima-seacandle
日本九州福岡縣嘅宮地嶽神社近年因為佢哋嘅「光之道」大受遊客歡迎。 [youtube youtubeurl=”VpI5fYpkUr4″][/youtube] 神社喺每年嘅2月同10月嘅某幾日，參道同夕陽會連成一線， 陽光照射落街道至參道，形成一條「光之道」～ 而且因為日本人氣組合「嵐」嘅廣告，更加多遊客想嚟打卡欣賞呢個珍貴美景！ [instagram photo=”B13lVAKAROq”][/instagram] 平時都有好多人參拜嘅宮地嶽神社～ [instagram photo=”B1PYIwqg3iX”][/instagram] 參道到街尾連成一線，好長好特別啊！ [instagram photo=”ByH_2NPHu8B”][/instagram] 黃昏時更加靚～ 實在非常珍貴！ [instagram photo=”B0tA88gDqjA”][/instagram] 成條街到參道都俾夕陽照射丁變橙色，好夢幻啊！ 好大個咸蛋黃啊！ [instagram photo=”B1QO6Q5gOfA”][/instagram] 神社嘅松枝餅都因為「嵐」變得大受歡迎！ 宮地嶽神社 地址：福岡縣福津市宮司元町7-1 電話： +81 940-52-0016
愈嚟愈多人鍾意去旅行睇景～ 日本都有一個睇日落嘅好地方，就係夕日浦海岸！ 佢係日本海唯一可以欣賞到夕陽西沉大海嘅京都日落景點！ [instagram photo=”CBiiJKrA3h7″][/instagram] 超靚既咸蛋黃啊！ 夕日浦海岸映照著大海，畫面好靚～～ [instagram photo=”CBzWpDwJu0J”][/instagram] 終於嚟到人氣打卡位！ 呢個用漂流木做成嘅巨大海邊韆鞦 yurari，高5米、寬4米～ [instagram photo=”Bm0R18Wg740″][/instagram] 鍾意影相嘅朋友，建議以夕陽為背景，坐喺鞦韆 yurari 上影返張相！ [instagram photo=”BpN34b3hFBC”][/instagram] 就算以藍天白雲、大海做背景，都可以拍出有感覺嘅相㗎！ [instagram photo=”Bp9XIGcH0gr”][/instagram] 不過先提提大家，呢個鞦韆並唔一定長期放置，有機會搬走～ 如果大家下次嚟京都旅行，都好值得到此一遊！ [instagram photo=”BxYVmSphYRV”][/instagram] 夕日浦 地址：京都府京丹後市266 Hamazume, Aminocho 629-3245 交通：由京都站乘搭JR特急「橋立(Hashidate)號」至網野站、夕日浦木津溫泉站或久美濱站 =============== 放假去邊 更多好介紹: 快啲like我哋Facebook 同follow我哋Instagram啦!
