Open Tour
位於中環嘅Casa Lisboa葡國菜餐廳，外墻建築設計具有東歐風格，就近於大館附近，周圍環境都好浪漫勁有feel~適逢餐廳12週年，即日起至 8月5日限時推出 「 12週年慶典晚市菜單」 ，食客只需每位 $480 就可以享用到 6道餐廳嘅經典招牌菜式，啱晒各位想紀念日、生日嚟食！ 前菜方面可揀傳統葡萄牙白酒蒜蜆或傳統炸馬介休球。 可揀招牌焗鴨飯或慢煮葡式牛臉頰配Migas。 傳統葡式砵酒煮梨。 傳統葡式朱古力慕絲。 餐廳設有50個座位，環境以藍白色為主調，成個用餐環境都幾舒適。 Casa Lisboa Gastronomia Portuguesa 地址：中環雲咸街 63號巴力大廈 2樓 電話：2905 1168 營業時間：12:00-15:00 18:30-00:00
平時坊間冇嘢做？嚟中環大館睇Gucci Garden Archetypes 喇，展覽早前喺上海展出，今次終於嚟到香港喇，展覽總共分為6間主題房俾大家打卡，每間風格都唔同，一於睇下有咩影？ 為慶祝Gucci 踏入100週年，係品牌首次舉辦嘅亞洲展，小編喺度提醒女仔避免著短裙，因為有部分展區係由個鏡面組成，大家注意喇！ 粉色窗簾，閃令令嘅串珠簾，超級靚~梗係要係度影番張靚相先。 幕後控制室，好似入咗間黑房咁，入面可以俾你體驗下Gucci Show 幕後控制。 入面超級多Gucci鞋，一大個鞋櫃擺放多款經典系列，仲有啲透明玻璃櫃入面擺放住古董瓷器、公仔。 In bloom 呢個場面真係好少女心，中間擺放住一張梳化，繁花盛放係Gucci廣告經典場面。 仲有個場面可以俾大家拎住啲Gucci 手袋影相打卡。 大館 地址：中環大館Block 01，地下一層。 展出日子：2021年6月25日至7月7日 時間：10:00-20:00 費用：免費 圖片來源：@yoli_chic_chic
今日，倫敦首屈一指嘅創意日式餐館aqua kyoto於「大館」內嘅Statement開設第二間期間限定店。這個全新餐飲概念透過創新的日式料理和Statement別致時尚嘅氛圍，為香港賓客帶來別樣滋味體驗。 三文魚紅菜頭沙棘果卷，經典卷物嘅大膽變奏版，沙棘係一種獨特嘅植物，原產於北歐山區和喜馬拉雅山，一直被用於醫藥同護膚產品之中，今次卻以此入饌。 三文魚煙燻大根卷，反卷以壽司飯包裹著三文魚、牛油果、煙燻大根同飛魚子蛋黃醬，面層再鋪上櫻桃蘿蔔、紅菜頭魚子醬。 黑松露鯛魚刺身，嫩滑白魚肉包裹著青瓜、細香蔥和西瓜蘿蔔，以切片醃製大根墊底，然後淋上香濃柚子醬，再刨上新鮮黑松露。 和牛餃子，創新嘅傳統菜，形狀像意式餃子，內裡盛滿和牛，佐以番茄、納西梨味噌醬，然後加上橘子珍珠作點綴。 味噌醃海鱒，鱒魚首先以味噌醬料醃製12小時，然後用烤昆布、羊栖菜粉調味，再以低溫慢煮方式烹調，香港首次亮相，堪稱最受期待菜餚之一。 鯛魚燒，魚形窩夫餅外層金黃酥脆，內裡鬆軟，備有朱古力、抹茶和雲呢拿三種吉士餡料可供選擇。 東京香蕉蛋糕，海綿蛋糕內包裹著香蕉醬，並配搭紫蘇青檸、椰子雪葩以及梅酒泡沫。 Aqua Kyoto@Statement 地址：中環荷李活道10號「大館」1座1樓 營業時間： 晚餐：星期二至日18:00-22:00 輕盈版早午餐：星期五：12:00-16:00 早午餐：星期六日及公眾假期：12:00-16:00 訂座電話：2848 3000
大家假日時候又會去邊啲Cafe歎下呢？今次就推介大館入邊嘅一間三千呎嘅日式咖啡店，大家最鐘意就係喺佢個露台打卡喇！想知入面有咩食？即睇內文介紹喇！ 招牌三文治，由日本士多啤梨，配上淡忌廉、忌廉芝士製作而成，絕對係店內人氣之選。 吉列宮崎和牛三文治，搽上日式高湯同大廚秘製嘅薑汁番茄醬，微微醬嘅辛辣味道配上鬆軟嘅麵包真係超正。 牛油果蛋黃醬多士，一層厚厚嘅牛油果配上蛋黃醬，再撒上一點日式飯素作點綴，為多士增添和風口味同酥脆感。 牛奶雪糕，軟滑嘅牛奶雪糕配上新鮮日本士多啤梨同朱古力味噌脆脆，清涼口感更添分外酥脆。 水果乳酪燕麥片，一碗盡有新鮮生果、自家燕麥片同埋乳酪，格外清新。 小編建議大家都可以揀番露台位置歎番個brunch~藤椅坐落都幾舒服~ Between 地址：中環荷李活道10號大館賽馬會藝方2樓 營業時間：11:00-20:00 電話：2877 8711 圖片來源：@_betweencoffee_
講起香港嘅特色餐廳，你一定要認識吓呢間位於中環大館嘅「Madame Fù」 「Madame Fù」店內裝潢走歐洲復古風，擺設格局都非常有質感 [instagram photo=”BmxQX0tBAat”][/instagram] 見到歐式風氣設計，好多人都誤以為佢哋係一般嘅西餐廳，但其實「Madame Fù」係一間可以食到中西Fusion菜嘅地方 食物選擇由中至西都有，連點心都可以食到 食客可以喺一個充滿外國風情嘅建築入面食到點心，真係一個好特別嘅體驗！ [instagram photo=”BnIRkx6BoqE”][/instagram] 除咗食物吸引有特色，佢哋餐廳環境用咗粉紅色做主打！ 店內裝潢高級有質感同時亦充滿少女心，吸引咗好多人嚟打卡 [instagram photo=”B9G4oaBDBh0″][/instagram] 除此之外，餐廳亦有室外走廊位置，大家可以一邊用餐一邊欣賞大館嘅建築設計，非常難得 最近Madame Fù更聯乘PAUL & JOE 推出「Picnic in Spring」花漾春日野餐下午茶 受Jean Metzinger 著名油畫「野餐」所啟發，打造咗呢款美妝三層架法式野餐主題下午茶，真係好精緻！ 下午茶充滿法式元素，當中包括︰法式梨撻、草莓夏洛特蛋糕、柑橘橙花慕絲杯等等 除咗有精緻甜品，「Picnic in Spring」法式下午茶更配有特色雞尾酒 雞尾酒由伏特加、柑橘橙汁混合而成，並以薄荷葉同埋青檸作點綴，層次豐富 餐廳亦為非酒精愛好者提供其他選擇，例如柑橘橙花無酒精雞尾酒，滿足到唔同口味食客嘅需要 而PAUL & JOE 更精選咗適合各種膚質嘅花漾春日彩妝品，客人會有限定體驗禮遇！ PAUL & JOE每季都會採用當季時裝系列嘅標誌性印花布圖案包裝設計彩妝品，款款都非常時尚精美， 好想帶哂佢哋返屋企！ 另外下午茶亦可選擇外賣，詳情可以向餐廳查詢 Madame Fù 供應日期︰2021年2月2日至2021年3月31日 週二至週日 供應時間︰2:30 pm-6pm 預約電話︰ 2114 2118
膠圈、大木樁甚至膠紙都可以用嚟表演？ 大館2019年壓軸節目「玩轉大館馬戲季」，將於12月24日至1月5日廣邀世界雜技及音樂好手來港獻技！ 4大節目《釘孤枝熱血大亂鬥》、《圈圈搖滾》、《炫光電音碰碰碰》、《馬戲遊樂場》及多個互動工作坊免費參加。 誠意推介當中嘅《馬戲遊樂場》，承接上年反轉大館馬戲季「玩轉 PLAYGROUND」嘅搞笑歡樂，今年繼續為觀眾帶來刺激兼好玩嘅戶外雜技。 4個表演團體分別帶住4件唔同嘅表演工具：七彩木條、膠紙、高空單輪車及大木樁，邀請觀眾同佢哋合力完成演出。 1.《五彩木條砌起佢》 意大利嘅Stalker Teatro 邀請你以木條合力創作七彩繽紛嘅大型隧道，將大館變成大家嘅聖誕遊樂場。 2.《膠紙人惡搞大館》 西班牙嘅Emiliano，則以薄薄嘅膠紙創作出令人意想不到嘅場景，配合即興喜劇表演，帶領觀眾穿越奇幻世界。 3.《單輪電鋸狂》 仲有加拿大俊男Michael Bonnici，喺10呎高嘅電鋸單輪車上玩命演出，驚心之餘定必令你笑得開懷。 4.《一碌木超人》 同樣嚟自西班牙嘅藝術家Joan Catala，將會邀請幾位擁有強健體魄嘅觀眾，同佢一齊沉着應「木」，演繹一系列嘆為觀止、反地心吸力嘅高難度動作。 即刻上網登記，一家大細喺今個聖誕一齊嚟玩轉大館喇！ 【玩轉大館馬戲季】《馬戲遊樂場》 日期： 2019年12月24日 – 2020年1月1日 時間： 請按此看節目時間表 地點： 中環大館 檢閱廣場及監獄操場 地址： 香港中環荷李活道10號 費用： 免費 資料來源：大館 Tai Kwun
大館舉辦「親子手造布藝書體驗」， 讓家長及小朋友一同發揮創意，合力以不織布製作獨一無二的布藝圖畫書。 布藝書專門為創意玩樂而設計，每頁均設有小遊戲， 激發小童的想像力，塑造豐富的玩樂經驗。 這個秋天，前來縫製布藝書，從中了解昔日中區警署、 中央裁判司署和域多利監獄的生活，並將大館的小故事帶回家！ 3-6歲組別 這組別適合3-6歲幼童參加，運用簡單圖案及布料， 讓他們自行選出有趣的故事元素，拼出精美的遊戲書。 5-9歲組別 另一組親子體驗則為5-9歲小童而設，以大館01座作封面， 一剪一貼，建構出別出心裁的作品。 【親子手造布藝書體驗】 日期： 10月19日、10月26日、11月2日、11月23日、12月7日 時間： 10:30 AM ~ 01:00 PM (3至6歲) 03:30 PM ~ 06:00 PM (5至9歲) 地點：大館11座A倉工作室 詳情：3-6歲組別；5-9歲組別 資料來源：大館 Tai Kwun
大館當代美術館隆重舉行村上隆大型展覽， 「村上隆 對戰 村上隆」展覽將於 2019年6月1日至9月1日舉行喇！ 堪稱世上最具影響力嘅藝術家之一，村上隆嘅作品既令人驚訝，又使人困惑。 敢於跳出當代藝術領域嘅佢，亦不時透過時裝、角色扮演戲服和塗鴉，接觸主流觀眾，隱隱批判當代文化。 呢次展覽覆蓋村上隆唔少多元化嘅作品，首先，你會喺監獄操場同淘氣嘅 Kaikai和Kiki見面。 而喺一樓展覽廳就有藝術家最標誌性嘅「超扁平」花朵，二樓同三樓就分別展出咗佢獨特嘅服裝造型和私人藝術收藏。 當然仲有更多驚喜遍佈角落等你嚟發掘，大館見！ 你有無察覺充滿淘氣嘅 Kaikai & Kiki 常常出現喺村上隆嘅作品當中呢？ Kaikai 係一個有著兔耳朵嘅小朋友，而Kiki則是有著可愛虎牙嘅三眼角色。 就好似 Mr DOB 一樣，佢哋嘅名字都出現喺耳朵上。 喺日文中，呢兩個角色嘅名字代表咗「不可思議」同「怪異」，係怪異和精雅嘅完美混合體！ 你所睇到嘅，唔單只係色彩繽紛嘅花朵！ 而係村上隆最具代表性嘅作品 ~ 花與骷髏《Blue Flower and Skulls》(2017年)，亦係佢其中一個最大面積嘅原創畫作，利用花朵同骷髏呈現喜悅和恐懼嘅矛盾。 村上隆經常將佢嘅作品化身為奇裝異服，而且仲成為呢位藝術家最獨特嘅標誌。 呢啲色彩繽紛嘅服裝就好似一副盔甲，幫助有點「御宅族」嘅村上隆去對抗當代藝術呢個高不可攀嘅世界！ 門票現已公開發售，唔好錯過村上隆最標誌性嘅創作，快啲上網預訂門票喇！⠀ 【村上隆 對戰 村上隆】詳情 日期： 2019年6月1日至9月1日 時間： 10:30am-7pm（逢星期五開放至晚上9pm） 地點： 中環大館 賽馬會藝方及17座F倉展室 地址： 香港中環荷李活道10號 訂票： https://www.ticketflap.com/zh-hant/murakami
為呼應聯合國及國際對塑膠垃圾議題的重視，環境運動委員會 (環運會) 將於 6月9日喺大館舉辦「走塑FUN墟」，同時慶祝「世界環境日 x 世界海洋日 2019」。 希望鼓勵市民於日常生活中「撐走塑」，即少用即棄塑膠用品，實踐源頭減廢，合力保護海洋生態和自然環境。 升級再造工作坊 佢哋同超過20個機構喺【世界環境日 x 世界海洋日 2019 走塑FUN墟】擺設攤位、展覽同互動遊戲撐「走塑」！ 今年繼續有深受大家歡迎嘅「大嘥鬼」布公仔工作坊，即刻睇吓有咩好玩又有意義嘅「升級再造工作坊」啱你！ 有興趣而又未能成功網上報名嘅朋友都唔使灰心，活動當日仍有少量walk-in名額，記得喺工作坊開始前15分鐘到現場報名啦~ 除工作坊外，當日還有其他精彩活動，萬勿錯過！ 「走塑Fun墟」詳情 日期： 2019年6月9日 (星期日) 時間： 上午11點 – 下午6點 地點： 大館E倉低層 (香港中環荷李活道10號) 對象： 一家大細、男女老幼、所有大嘥鬼粉絲 費用： 全免 網址：https://www.facebook.com/events/2677576945603388/
