全球有多間分店嘅IKEA，最近佢哋又有新搞作～ 喺台灣嘉義設置流動貨櫃商店，而且仲係全球首間！ 呢間貨櫃商店喺2021年9月初登陸嘉義～ 由七座貨櫃而成，名為「IKEA Hej」！ 喺瑞典文嚟講，「Hej」係指「你好」，有初來乍到向當地問候嘅意思～ 今次IKEA採用貨櫃設計， 除咗設置大量液晶顯示器同採用LED燈之外， 亦有大面積嘅玻璃門同櫥窗，引入大量自然光！ 以最經典嘅IVAR原木系列層板， 開放式展示咗近百件商品！ 值得一提係，IKEA仲推出咗期間限定嘅「莓果派對雪糕」～ 經典雲尼拿雪糕配上覆盆子夾心餅＋朱古力莓果麥片， 配搭創新夠特別！ 而滿足到指定消費金額亦會送出限量鯊魚口罩、帆布袋、可愛徽章～ IKEA嘉義站暫時預計會持續快閃到2022年初， 唔知下一站會去邊呢？ 圖片來源：Instagram (@ikea_taiwan) INFO 地點：嘉義市東區垂楊路360號（嘉義文化公園諸羅印象廣場） 開放時間： ‧ 1/F (IKEA家飾品選購+雪糕販售)下午1:00-晚上9:00 ‧ 2/F (家具諮詢服務)下午2:00-晚上8:30 [map url=”https://www.google.com/maps/embed?pb=!1m18!1m12!1m3!1d3659.6232608715795!2d120.44881665075796!3d23.474050184651308!2m3!1f0!2f0!3f0!3m2!1i1024!2i768!4f13.1!3m3!1m2!1s0x346e943a71d524af%3A0x1ee557436b088ea7!2sNo.%20360%2C%20Chuiyang%20Rd%2C%20East%20District%2C%20Chiayi%20City%2C%20Taiwan%20600!5e0!3m2!1sen!2shk!4v1631628962718!5m2!1sen!2shk”][/map]
