富貴貓、獅子王、小飛象、小鹿斑比齊登場葵芳新都會廣場啦！ 由即日起至明年1月3日，葵芳新都會廣場會呈獻四大迪士尼經典童話故事四大角色為主題嘅「聖誕冬日童話祭」 富貴貓、獅子王、小飛象、小鹿斑比會齊齊登場，喺新都會廣場L4露天廣場同大家見面 四大角色會喺聖誕球裝置入面等大家，每個聖誕球裝置仲會根據唔同角色嘅標誌色彩主調打造， 而晚間仲會有燈飾，打造同日間唔同嘅節日氣氛 由小鹿斑比、小飛象同富貴貓組成嘅三座大型裝置長逾13米， 小鹿斑比嘅夢幻水晶玻璃空間用咗聖誕樹配雪地、光蘑菇球同閃亮波波燈設計，感覺溫馨又可愛！ 小飛象帶埋老鼠好友提摩太、帳篷同大家見面！ 高達5米嘅木系聖誕樹矗立喺帳篷旁邊，掛滿霓虹燈牌同各式各樣閃爍飾物，打卡一流 原來今年係富貴貓推出50周年， Marie巨型頭像伏喺大型聖誕球屋上面，加埋粉紅鋼琴、大小禮物、迷你聖誕樹，好似入咗卡通世界一樣 Marie嘅粉紅色世界令人少女心爆發！ 獅子王以暖橙色為主，將草原嘅熱情同暖意帶畀大家 佢嘅好朋友丁滿同彭彭都齊齊登場，帶畀大家正能量！ 商場仲設有季節主題花海，一定要同過萬朵聖誕花打卡 同時商場三樓有期間限定店，會發售多款日本直送同期間限定嘅迪士尼動物精品 好吸引呀！ 「聖誕冬日童話祭」 活動日期︰2020年11月20日至2021年1月3日 活動時間︰上午10時至晚上10時 活動地點︰新都會廣場L4露天廣場 期間限定店 活動日期︰即日至2021年1月3日 活動時間︰上午 11時至晚上9時 活動地點︰新都會廣場L3 (近Clarins)
