Open Tour
最近資生堂旗下嘅防曬品牌Anessa又有新搞作！ 佢哋將防曬乳液包裝成寵物小精靈（Pokemon）造型啊！ 經典金色包裝嘅防曬乳液，唔知你有冇印象呢？ 今次新包裝三月底喺日本有得賣喇！ [instagram photo=”CMj1pCdleEd”][/instagram] 正面印有比卡超、伊貝、車厘龜嘅大臉，好可愛啊！ 而背面分別係閃電尾巴、奶油色尾巴，同埋圓圓龜殼～ 打開包裝袋先知比卡超同伊貝嘅性別，設計又幾有心思喎！ 係咪好想帶哂佢哋返屋企呢？ Aness防曬乳液SPF50+/PA++++，具有防水同防汗功能， 平時出街前搽定啲就已經可以隔絕日間紫外線， 更加含有護膚精華，啱哂貪靚嘅女士啊！ 相信推出之後一定會大受歡迎！ Anessa防曬乳液（寵物小精靈限定包裝） 發售日期：2021年3月21日 （售完即止） 發售地區：日本 零售價（未連稅）：3,000日圓 來源：Fashion Press
各位《Pokémon》粉絲有福啦！ 本地卡通口罩品牌H-PLUS即將會推出全新《Pokémon》系列口罩，多個精靈角色分別伴隨共6盒嘅精美口罩盒登場 於3月12日晚上8時起就會喺網上開放預售，大家記得留意啦！ 《Pokémon》系列嘅成人口罩於香港製造，兼備ASTM Level 3同埋BFE+ PFE+VFE > 99%超高防規格， 全新系列亦獨家採用升級超聲壓印技術，印壓出特大公仔款式，可以更清楚望到卡通造型！ 口罩採用PET不織布，做到親膚而唔悶熱嘅效果，啱哂香港嘅天氣 而且設計上亦非常貼心，配上專為亞洲人而設嘅3.5mm空心扁耳繩， 而且已通過瑞士OEKO-TEX Standard 100要求同埋歐盟REACH驗證， 口罩不含偶氮染料、致癌物及螢光劑等有害物質，大家可以安心使用！ 除咗品質好，今次主打嘅Pokémon設計亦非常注目 當中以極受歡迎嘅比卡超、小火龍、噴火龍、耿鬼、夢夢、超夢夢為設計角色，款款都夢幻又可愛！ 而人氣大熱角色伊貝亦會以9款唔同屬性同顏色登場，大家易於配襯唔同嘅穿搭 另外亦有彩色比卡超Face Art Pattern款式口罩，款式勁吸晴！ 今次《Pokémon》系列口罩只係第1彈，而第2彈將於4月中旬公佈詳情，好令人期待！ 依家凡購買6款全集合套裝，即送1套5款獨家口罩收納夾，限量換領，送完即止 大家快啲Bookmark定時間上網買啦！ 《H-PLUS x Pokémon》系列口罩 預售時間︰於3月12日晚上8時起 預售網址︰https://hplushk.com/
熊仔餅入面竟然唔一定係熊仔圖案？冇錯！ 最近日本樂天推出全新寵物小精靈特別版熊仔餅啊～ 今次特別版除咗有48款小精靈圖案之外，仲有48款可愛熊仔圖案， 每一盒裡面會有一半樹熊圖案＋一半小精靈圖案嘅～ 連包裝都有三款畀你任揀， 分別印有噴火龍、伊貝及閃焰王牌， 揀邊款好呢？ [instagram photo=”CIVUe7PlxA4″][/instagram] 值得一提，今次嘅熊仔餅仲係芝士蛋糕口味！ 夠哂特別！ [instagram photo=”CITA8pVlnxS”][/instagram] [instagram photo=”CIcRafpFzcT”][/instagram] 睇見都心郁郁想食！ [instagram photo=”CInZqk1l-yE”][/instagram] 各位訓練員係咪好想帶哂佢哋返屋企呢？ 希望香港快啲有得賣啦！ [instagram photo=”CInqiUan9oR”][/instagram] 樂天寵物小精靈版熊仔餅 地點: 日本全國 零售價：100日元（不含稅）
台灣人氣紅茶品牌「可不可熟成紅茶」近日聯同Pokemon推出咗聯乘計劃， 而萬萬估唔到，竟然可以將可愛嘅Pokemon同典雅復古嘅青花瓷結合， 推出咗一系列嘅聯名商品及飲品~ 青花瓷企劃一口氣推出咗4款期間限定飲品，各自代表著唔同小精零： 「黃玉歐蕾」— 比卡超 「雪藏末茶」— 奇異種子 「胭脂多多」— 波波球 「墨玉歐特」— 夢夢 「黃玉歐蕾」選用特挑焦糖雞蛋布丁，鮮奶茶加嫩滑布丁，輕盈治癒 「雪藏末茶」係靜岡抹茶與雲呢拿雪糕多重配搭 「胭脂多多」以水蜜桃紅茶為茶底，加上香甜益多力，帶來不一樣嘅甜蜜 「墨玉歐特」則係喺燕麥奶與熟成紅茶中，加入咖啡Q彈果凍，好似夢幻一樣嘅口感 聯名商品嘅設計亦一啲都唔馬虎，有3個以「瓷」為主題嘅系列共10款產品~ 先登場嘅係「Pokemon乾唐軒活瓷隨身杯」， 杯身嘅比卡超喺唐草花紋中頭頂風雲，以十萬伏特開闢新境界， 寄語希望將來天地人和，萬象更新 「Pokemon午茶點心組」以滾滾蝙蝠、四季鹿、車厘龜為主題， 象徵「福祿壽三星共照」嘅祝福 「Pokemon陶瓷吸水杯墊」上就以各傳統青花瓷紋路為背景， 配上各可愛嘅卡比獸、暴鯉龍、吉利蛋、火焰鳥， 分別象徵著山珍海味、祥龍獻瑞、大吉大利、鳳凰來儀~ 至於環保必備「Pokemon環保提袋」亦有4種經典角色款式~ 除咗以上商品之外，由10月1日開始， 只要喺各可不可門市購買飲品，就可以攞到可不可好出名嘅店卡， 今次仲係有Pokemon嘅設計㗎！ 靚得嚟嘅背後，更加為各小精靈賊予咗唔同嘅東方意義，好有意思！ 「可不可熟成紅茶 x Pokemon」聯名商品及限定飲品 開售日期：2020年10月1日～2020年12月31日 來源：可不可熟成紅茶官方FB
Pokemon公司自2018年起， 開始喺全日本各縣各市設計專屬Pokemon角色嘅渠蓋， 最近「吉利蛋」造型嘅渠蓋都已經全面進駐日本福島縣內九個市町村啦！ 之前公司已經喺喺全日本8個縣市內設立咗多達96個渠蓋， 有比卡超、伊貝、六尾等， 今次終於輪到圓碌碌可愛爆燈嘅吉利蛋！ 粉絲可以透過分佈圖搵到佢哋嘅足跡， 而且渠蓋唔止可以打卡，個位置更加係「Pokemon GO」嘅補給站， 設計得相當有心思~ ▲位於新地町嘅吉利蛋蓋，已成功鋪設 ▲位於相馬市嘅吉利蛋蓋，預計於10月設立 ▲位於南相馬市，鋪設時間尚未決定 ▲位於浪江町，已成功鋪設 ▲位於楢葉町，已成功鋪設 ▲位於磐城市，已成功鋪設 ▲位於川俣町，已成功鋪設 ▲位於田村市，預計喺9月鋪設 ▲位於川內村，已成功鋪設 渠蓋全部都整得咁栩栩如生，其實唔係無理由， 呢啲人孔蓋其實都係喺佐賀縣以手工鑄造，再利用熔爐技術製作， 比起一般人孔蓋來得更細緻，咁受人歡迎都唔出奇！
寵物小精靈可謂係唔少人嘅回憶， 至今仍有唔少人熱愛寵物小精靈、收集精品、玩Game等等… 專門設計動漫主題首飾嘅U-TREASURE繼上次推出「鯉魚王頸鏈」後，最近又新推「百變怪頸鏈」~ 今次嘅百變怪鏈墜約為14.5 mm，雖然為硬身，但身體造型造到好似平時咁柔軟嘅感覺，而樣貌就一貫其可愛徵笑嘅呆滯樣，且短短嘅小手仲會勾住個圓圈，超可愛~ 頸鏈全長45cm，戴著出街可愛得嚟不失美感，啱哂鍾意飾物嘅寵物小精靈迷~ 頸鏈嘅扣位旁更有精靈球嘅標誌小圓牌，detail位做得好足！ 而且，比起上次嘅純銀、18K金質料選項，今次新出嘅「百變怪頸鏈」更加入18K玫瑰金、18K白金、鉑金嘅版本，總共有5種質料同顏色選擇！ 「百變怪頸鏈」(メタモン ネックレス) 預訂官網：u-treasure-onlineshop.jp 預訂日期：2020年5月26日 – 2020年6月23日（預計於2020年9月發貨）
