為咗紀念小熊維尼踏入第95周年，最近迪士尼同Airbnb合作， 仲揾嚟小熊維尼御用插畫家Kim Raymond將童話帶入現實世界～ 為大家打造維尼嘅經典森林樹屋——Bearbnb！ 嚟到維尼嘅發源地——英國東薩塞克斯(East Sussex) 嘅亞士頓森林(Ashdown Forest) ，就可以見到樹屋嘅蹤影！ 由外觀、室內裝修擺設到庭園設計， 都同初代插畫家謝培德(E.H.Shepard) 筆下嘅小熊維尼樹屋好相近！ 紅色門上嘅「Mr.Sanders」係小熊維尼故事裡面嘅經典標誌， 雖然呢個名同維尼冇關係～ 但相信粉絲們一定唔會感到陌生！ 屋內嘅壁紙係以藍白相間， 而牆紙花紋更加係由插畫家雷蒙 (Kim Raymond) 所設計～ 配上木質系天花板同地板，令房間更加溫馨！ 屋內亦特別為客人安排咗一張雙人床，同埋左右兩邊嘅吊床～ 最多四人可以入住！ 仲有唔少故事中出現嘅物件， 包括維尼嘅蜂蜜罐、搖搖凳、壁燈、時鐘等～ 值得一提係，樹屋嘅管家正正就係插畫家雷蒙（Kim Raymond）， 喺入住期間佢會帶大家穿梭森林， 仲可以體驗維尼經典嘅「丟樹枝遊戲」，趣味性相當高！ 玩到覺得餓？仲有蜂蜜主題嘅餐點！ 想住喺小熊維尼樹屋，有啲規定係需要大家遵守嘅～ 除咗雙手要遠離蜂蜜罐、亦唔可以吸煙㗎（因為會惹惱蜜蜂）！ 可惜呢間樹屋係限定開放，依家已經冇得去喇~ 如果小熊維尼樹屋喺香港都有就好喇！
