葵涌廣場一向都有好多特式小食店，唔少人星期六日都會嚟掃街 今次小編就搵咗5間葵廣特式小食店 帶大家試下各款人氣小食，大家記得bookmark地址啦！ 1.問卷手卷專門店 呢款葉問手卷勁足料！有齊炸軟殼蟹、松葉蟹膏、蟹籽 蟹味勁鮮甜，鍾意食蟹嘅朋友一定要試 而呢款鰻魚芝士玉子燒亦係必試之選 大件鰻魚配上溶咗嘅芝士，大大啖勁滿足 問卷手卷專門店 地址：葵涌廣場地下A48B號舖 ========== 2.刈Bao台式創意小食 咁耐無得去台灣，係咪好掛住台灣美食呢 呢個古早味腩肉刈包勁好食 腩肉入口即融，加上小小蘿蔔配菜 味道唔會太膩，值得推介 刈Bao台式創意小食 地址：葵涌廣場3樓TOP世界3069-T26&T27號舖 ========== 3.Chok雞 避風塘雞粒即叫即整 香脆之餘雞粒保留咗肉汁，雞肉好滑 大家可以加多啲避風塘粉，會更加惹味 Chok雞 地址：葵涌廣場3樓TOP世界3069-T18號舖 ========== 4.真‧章魚無雙 勁受歡迎嘅黑松露章魚燒果然名不虛傳 章魚好大粒，勁足料 而蟹籽章魚燒亦勁多蟹籽，好滿足 真‧章魚無雙 地址：葵涌廣場2樓C07B號舖 ========== 5.呦呦鹿鳴布丁燒 呢款堂食限定嘅tiramisu布丁燒超多層次 最上層有可可粉，再加中間布丁燒，最低層係芝士蛋糕，好豐富 呦呦鹿鳴布丁燒 地址：葵涌廣場3樓TOP世界3069-T5-T6號舖
