Open Tour
本地人氣咖啡店NOC Coffee Co. 分店登陸尖沙咀，全新美學設計化身貴賓候機室，破格首推CBD咖啡迎熱潮。 新店開幕日(30 Oct) 首100位顧客將免費獲得咖啡乙杯！ 佔地約3,800呎的新店，店內增設讓你仿如置身機場貴賓候機室嘅「NOC Lounge」 仲有自助輕食吧，凡在店內消費可任享自助輕食吧嘅曲奇~好正呀！ 平時假日可以一個人嚟睇下書~飲杯嘢~享受一個人嘅時光~ 獨家增設「Liquid LIFE™️ CBD」選項，顧客可隨心添加CBD到咖啡或其他飲品中~ 黃金梳打特飲 墨西哥素食餡餅（以OmniPork新豬肉為主食） NOC Coffee Co. 尖沙咀分店 地址：尖沙咀麼地道68號帝國中心地下G35-37及G43-47A號舖 電話：3702 1533 營業時間：上午8時至晚上8時
鐘意食士多啤梨嘅朋友注意喇！尖沙咀人氣過江龍茶室，近日推出全新春日餐單，甜品以士多啤梨入饌，新品有士多啤梨法式可麗餅、士多啤梨抹茶酥餅、三文魚水果沙律飯，除咗多款甜品，餐廳亦有供應多款意粉同三文治，即睇內文介紹喇！ 全新推出嘅「法式士多啤梨可麗餅」用上發過嘅蕎麥粉製作，煎至酥脆可口。再配上紅茶味海鹽焦糖醬同士多啤梨雪糕，口感清新而不膩~ 呢個滿滿少女心嘅「士多啤梨下午茶餐」，包括有店舖大熱嘅Scone、Short cake同芭菲杯，喺餐廳都可以感受到野餐氣氛。 「抹茶士多啤梨海綿三層蛋糕」，蛋糕夾雜住抹茶、白朱古力忌廉、紅莓醬，味道酸酸甜甜。 「士多啤梨配核桃鬆餅」，雪糕選用Haagen Daz抹茶雪糕和撒上抹茶粉，面層淋上紅豆醬再配埋新鮮嘅士多啤梨，咁就非常完美！ 「煙熏三文魚水果飯」感覺已經非常春夏，新鮮蔬果沙律配上柑橘汁，特別得嚟又幾好食。 除咗甜品，更有多款意粉同法式多士供應。 「明太子醬野菜魷魚意粉」鹹鮮嘅明太子醬非常惹味，海鮮和蔬菜都好鮮甜，大家都可以配上麵包點醬吃～ 「法式雞肉芝士三文治」，雞肉芝士食落鹹香味好濃郁，雞肉都幾嫩滑，食完甜品唔夠喉都可以嗌番個試下~ Afternoon Tea Tearoom HK 地址：尖沙咀梳士巴利道18號Victoria Dockside K11 Musea B1樓B112B號舖 營業時間：星期一至日11:00-20:00 電話：2671 0288 IG@marcosora、@hkfoodiechris、@afternoontea_tearoom_hk
尖沙咀K11最近新開咗間好靚嘅花花Cafe， 裝修以粉色為主，充滿少女心~ 原來佢係尖沙咀另外一間特色樓上Cafe—「鳥語」嘅姊妹店， 佈置就100分啦，唔知佢嘢食都係咪咁高質素呢？小編帶大家試食！ 「花香特色大蝦卡邦尼意粉」 呢個卡邦尼係呢到嘅招牌，賣相都真係幾靚，而且都夠哂大碟，中間仲有大大粒流心溫泉蛋~ 足足有4隻大蝦，每隻都算幾肥美！ 意粉嘅汁做得幾好，Creamy得嚟食耐咗都唔覺漏或者滯，撈埋蛋汁一齊食成個意粉口感幾好~ 「玫瑰牛肉湯飯」 呢個湯飯嘅食法好特別，湯與飯分開上，食用時就將煲內嘅蕃茄湯倒上飯面，用熱湯嚟整熟新鮮嘅半熟肥牛！ 有得食又有得玩係過癮嘅，而且蕃茄湯好濃味，酸酸甜甜幾開胃，非常啱小編口味，不過即使淋咗好多湯，飯粒都係略嫌煮得有啲硬~ 「草莓鮮奶厚吐司」 食完正餐當然要食甜品，呢到有唔同類型嘅Toast揀，小編就嗌咗個士多啤梨吐司，賣相已經勁吸引，食落啲Cream牛奶味濃厚，士多啤梨都好甜，不過吐司就烤得唔太夠脆 呢到仲有唔同飲品嗌，例如髒髒朱古力、Mocha、Latte等~ 場內唔同嘅打卡位更加係最吸引嘅地方，人人都爭住影相！ 花香 Floom Floom 地址：尖沙咀河內道18號K11購物藝術館B2樓201號舖
