位於天后嘅呢間居酒屋非常特別，店內猶如玩具博物館般，牆壁上鋪滿日本動漫海報、玩具模型、公仔等等。 餐廳提供兩款座位，包括榻榻米同吧檯，三五知己食飯坐榻榻米就最適合啦～ 落樓梯時候記住細心欣賞牆上面嘅海報啊～不過切勿手多多撕出嚟。 餐廳主打爐端燒，最推介呢度嘅燒牛舌、免治雞肉棒、甜番薯配抹茶忌廉。 呢間餐廳絕對適合各位動漫迷同埋鍾意食日本嘢嘅你~ 玩具屋 地址：天后銀幕街16號地舖（天后站A1出口） 營業時間：18:00-00:00 圖片來源：@marcosora、@dorissays_hk
呢間日式居酒屋位於尖沙咀嘅，餐廳主打日式串燒，仲有多個主題房，啱朋友聚會~ Sakeh特別設有VIP區域，各具特色的4款房間。每人最低消費1000元（四位起） 餐廳除咗單點，餐牌上會提供2款特色套餐，分別是藏人、杜氏。 「杜氏」套餐 專為對清酒有要求的客人而設，店方會因應客人口味選出合適的5款酒給客人（每人5杯，各5款酒） 「藏人」套餐 可以試勻3款酒（每人3杯，各3款酒） 餐牌上也有多種類海鮮由日本直送，如燒日本蠔、海膽黃金燒虎蝦、海膽松葉蟹蓋甲羅燒、北海道帆立貝、鱈場蟹腳等 前菜九宮格 「鳥之提燈」 結合雞卵巢及未成熟雞蛋，是香港較少吃到的特別串燒。 *不定期及限量供應，必須訂座時訂購。 Sakeh 地址：尖沙咀天文臺圍5-9號 營業時間：6pm – 12am (11pm last order) 查詢電話：3709 9251
又有新餐廳登陸佐敦喇！今次要介紹嘅新店仲係區內少見嘅居酒屋~hare晴舍座落於佐敦全新日本小社區，由專業咖啡師同埋唎酒師共同創立，主打精品咖啡、清酒同手工啤酒配搭和洋食同炭火串燒，而午餐時段就有多款和洋定食，啱晒約埋班朋友去放鬆下~ hare晴舍請咗有豐富日本菜經驗嘅廚師坐鎮用上時令食材~ hare 沙律配油醋汁，作為開胃菜就啱晒~ 多款炭火串燒~其中免治雞肉棒仲係自家製！仲有市面少見嘅雞皮蝦~ 啤酒煮大蜆~ 燒飯團茶漬飯~ 午餐嘅吉列廣島蠔定食~廣島蠔好大隻！ Sake Flight清酒體驗旅程~清酒由唎酒師親自挑選，按清酒薰、爽、醇、熟四大特色配搭唔同菜式等客人可以試唔同特色嘅清酒。 除咗酒類，仲有一系列茶同飲品，茶類全部都用咗本地「瑜茶舍yú teahouse」嘅茶葉，而圖中嘅Mocha latte就用宇治抹茶。 hare 晴舍 地址：佐敦德成街2號本木1樓
無得去日本旅行，呢間位於尖沙咀麼地道附近嘅居酒屋真係帶俾小編有番鄉下嘅感覺，餐廳提供多款刺身拼盤、丼飯、串燒、天婦羅等等~店內用餐嘅位係榻榻米，同時會有檯凳可選擇~連餐牌都寫上日文，真係誠意十足。即刻睇有咩食！ 刺身拼盤，有八爪魚、帶子、帆立貝、赤貝等等。 牛肉山椒燒，用鐵板上嘅半生熟牛肉，食落都幾香牛肉味，唔會好鞋~ 燒牛舌，配清酒一齊食就最夾！ 燒明太子，配住青瓜同蘿蔔蓉一齊食，原條食嘅味道就超濃郁，有別於一般明太子飯糰果啲~ 除咗各款佐酒小食，居酒屋都有供應丼飯。 三色丼飯，刺身非常新鮮，食落啖啖吞拿魚魚蓉，入口即溶，海鮮都好新鮮，一啲都唔腥。 仲不時有員工會唱歌助興，都係唱梗日文歌，仲要係日版「海闊天空」，全場一齊叫唱時候真係好有feel~ 真係好似去番日本咁，可以坐起榻榻米上，不過大家唔洗擔心坐到腳痺，因中間係挖空可以伸腳活動。 如果都係坐唔慣，都可以揀番呢啲嚟坐嘅。 HoKahoka 地址：尖沙咀麼地道63號好時中心51-52號舖 電話：2366 1784 時間：12:00-15:00｜18:00-00:00 圖片來源：@foodsearchers、@hkfoodbuddy、@reallyummm、@foodiebellyhk
位於沙田帝都酒店新開日式居酒屋，邀請到日籍米芝蓮大廚，擁有30年和食料理經驗，為餐廳帶來創新嘅新派和食同爐端燒，所有蔬菜、肉類及海鮮等食材都係日本直送，加上創新嘅手法，英國名廚Gordon Ramsy都曾向三橋薰大廚拜師學藝，睇來呢位師傅真係來頭不少，我地即刻睇有咩食喇！ 中吞拿魚腩拼油金魚刺身伴山葵啫喱，山葵啫喱坊間一般較少食到，配上刺身一齊食，味道非常鮮甜，連芥末都唔洗點！ 主食中嘅招牌名物「山吉列和牛三文治」，用上鹿兒島野崎牛A5和牛，配上三橋薰總廚秘製微酸嘅醬汁，有解膩嘅感覺。 爐端燒雞髀肉同自家製免治雞肉，配上生雞蛋做醬汁，香甜惹味。 「炸北海道鮮蟹肉餅」是一款蟹味極致嘅蟹肉料理，整個忌廉蟹肉餅都係人手拆嘅北海道鱈場蟹蟹肉。 「野菜蕎麥麵」同樣會給大家帶來新感覺，三橋總廚運用新派廚藝中的手法，將配麵的木魚湯汁都打成幕絲狀泡沫，在炎熱的夏天中，吃一口輕柔如雲朵的冷蕎麥麵，能為大家解暑。 招牌雞尾酒「一期一會」以日本茶道文化的成語為名，以日本威士忌、白可可酒、抹茶力嬌酒、抺茶及榛子糖漿調成，喝來有抹茶帶來的禪味，又有不同酒品混合起來嘅獨有酒勁。 YAMA 地址：香港沙田白鶴汀街 8 號帝都酒店一樓 電話：2694 3869 營業時間：星期一至四 12:00-23:00｜星期五、六及公眾假期前夕 12:00-02:00 ｜星期日及公眾假期 11:00-23:00
今次介紹呢間位於上環嘅型格日本料理TMK Punk & Rolls最近重啟午餐時段，佢地嘅獨家「碗料理」亦強勢回歸！佢地既全新午餐菜單有兩道 （HKD148）或者連埋甜品三道菜（HKD168）可以揀。 前菜有新鮮嘅油甘魚刺身伴柚子醋脆藜麥，酸酸地嘅特製柚子醋配上油甘魚刺身超開胃！ 主菜就係獨家嘅「碗料理」！呢到嘅「碗料理」靈感來自夏威夷Poke Bowl，用咗日本越光米或沙律菜配上其他配料，仲好多款式可以揀，例如好受女士歡迎嘅 Super Tofu Bowl。 The Idol Bowl 就有M7和牛。 人氣甜品Poppin’ Ice-Cream 雲尼拿雪糕淋上橄欖油同爆谷令口感更順滑，配搭新穎。 Fired Banana 焦糖醬炸香蕉配堅果同雪糕。 依家去嘆午巿套餐仲可以加$38 嘆埋Punk Free-Flow 60分鐘任飲無限汽泡酒、紅白酒同清酒，星期五去仲有免費任飲！ TMK Punk & Rolls 地址：香港上環皇后大道西 77-91 號荷李活中心地下及 M 樓 G&H 號舖 電話：2662 2269 營業時間：12:00-22:00
位於將軍澳嘅居酒屋，將推出全新春日餐單，多款日本海產同清酒都係由日本空運抵港，新餐單將於4月30日起供應，包括來自日本各地得季節盛產，如針魚丶松葉蟹丶白蜆同鯛魚等等。 「松葉蟹甲羅燒」，選用日本嘅鳥取縣松葉蟹，廚師為蟹蓋內注人松葉蟹膏丶松葉蟹肉丶鵪鶉蛋黃同蟹子，配上味噌、空氣蛋白，以爐端燒嘅方式炮製。 「季節針魚刺身」，來自日本九州，魚味淡雅，肉質鮮甜緊實，佐以薑蓉及酸汁更能突出清新細膩嘅魚香。 「白蜆五色燒」，居酒屋特意挑選五款配料，廚師更建議客人由淡至濃味品嘗，包括蘿蔔、鹽燒、柚子配胡麻醬、明太子同日本山椒。 「香葱鯛魚昆布板燒」坊間比較少食到嘅一道菜，以北海道尻昆布同香葱置底，將鯛魚燒至半熟狀態，令到魚肉更嫩滑。 「朴葉味噌燒日本豬腩肉」，自家製味噌醃製豬腩肉，上碟俾客人時已燒至八成熟，客人可按自己需求再將豬腩肉燒至全熟。 居酒屋多款清酒，絕對能夠多款清酒迷嘅喜好，包括富翁富純米大吟釀、豊の秋雫斗瓶採大吟釀、青雲颯諸神的黃昏純米吟釀等等，配合海鮮、肉類、壽司都能夠搭配得宜。 本店（IZAKAYA BY K） 地址：將軍澳唐俊街18號地下G07號舖The Parkside 第1座 營業時間：中午12:00-下午15:00/ 下午18:00-晚上00:00 電話：3618 8211
台南「昭和九十八居酒屋」嘅巨無霸三文魚壽司真係好吸引啊！ 成個手掌咁大嘅三文魚壽司真係誇張，三文魚又厚又大片，咬落口超滿足。 而且配埋獨有醬汁，完全感受到三文魚嘅肥美鮮甜！ [instagram photo=”B4PKHwfj5YQ”][/instagram] 真係成個手掌咁大啊！ [instagram photo=”Bv9EA1vp0ij”][/instagram] 超巨型！！ [instagram photo=”B7n7FT_n5sQ”][/instagram] 一碟三個都夠飽～ [instagram photo=”Byx7lg_A8I5″][/instagram] 油脂分佈好好～ [instagram photo=”BxNIqHPgTtu”][/instagram] 配埋餐廳嘅其他小食簡直係絕配～ 昭和九十八居酒屋 地址:台南市北區和緯路一段98號 電話:06-251-7098
旺角隨時隨地都搵到好嘢食～ 有一間居酒屋嘅海膽飯同樣出色！ [instagram photo=”BsYQFBlBMry”][/instagram] 平昤食嘅海膽多數都係嚟自日本，但呢度嘅海膽係嚟自加拿大㗎～ 不過一樣好食，而且啖啖肉！ [instagram photo=”Bq7NnSRHdJx”][/instagram] 勁高質，完全唔腥～ 味道甘甜，鮮味十足！ [instagram photo=”BtLPqWrg2_H”][/instagram] 要排隊等食都係值得！ 點解可以咁吸引？ [instagram photo=”BqpODPaBy48″][/instagram] 逢星期一、二仲有特價添！ 想食就早少少嚟排隊喇～ [instagram photo=”BrP7jCYn4dK”][/instagram] 鳴門魚市場居酒屋 地址：旺角染布房街12-14A依利大廈地下B號舖 =============== 放假去邊 更多好介紹: 快啲like我哋Facebook 同follow我哋Instagram啦!
唔少日本打工仔都鍾意放工之後約埋朋友一齊去居酒屋食飯飲酒～ 大阪西成區有一間居酒屋，同時亦係火鍋店！ 同平時食到嘅唔同，因為呢度主打嘅一人一鍋真係好大份㗎！ [instagram photo=”B7-mhkVhA2K”][/instagram] 呢個冬季限定嘅味噌蠔鍋人氣相當高！ 成鍋都係蠔，又大又肥美！勁吸睛！ 味噌湯底亦相當鮮甜啊！ [instagram photo=”BrEZ83KgLPo”][/instagram] 不過要留意～ 因為係限定，所以呢款鍋物只會供應到四月左右～ [instagram photo=”B5ELz5EF9ix”][/instagram] 至於每日限量供應嘅招牌牛肉鐵鍋一樣咁受歡迎！ 勁多新鮮牛肉片，堆到成座山咁高！ [instagram photo=”Bhh1ZfHHAWA”][/instagram] 加入自家製壽喜燒汁，將底下嘅芽菜炒熟，再按自己喜好加埋蛋黃汁一齊食～ 入口即溶！好好食啊！ 包你一定食得飽，高CP值！ [instagram photo=”BrmZPPqgQ_F”][/instagram] [instagram photo=”BhjNsRsHsJp”][/instagram] 另外仲有以豬/雞/魚為主嘅鍋物供應～ 就算你係一人/三五知己去旅行，都一定要過嚟食返餐！ 最後提提大家，西成區有唔少流浪漢同色情場所，所以大家要注意自身安全啊！ [instagram photo=”BsuEZYeHqJ0″][/instagram] すき焼･鍋物 なべや 地址：大阪府大阪市西成区天下茶屋北 2-6-5 營業時間：下午2:00至晚上9:00 (逢星期三休息) 電話：+81 6-6632-5716 交通：由阪堺線「今池駅」步行3分鐘就到 / 由地下鉄御堂筋線、堺筋線「動物園前駅」步行12分鐘就到 [map url=”https://www.google.com/maps/embed?pb=!1m18!1m12!1m3!1d3282.4158080232874!2d135.49896061557897!3d34.64420048044901!2m3!1f0!2f0!3f0!3m2!1i1024!2i768!4f13.1!3m3!1m2!1s0x6000dd894dafdb25%3A0xfcff3cd5b634398d!2sSukiyaki+Nabemono+Nabeya!5e0!3m2!1szh-TW!2shk!4v1548658025903″][/map] =============== 放假去邊 更多好介紹: 快啲like我哋Facebook 同follow我哋Instagram啦!