Open Tour
「Hot Toys Summer Showcase 2021 大型珍藏人偶展覽」登陸銅鑼灣喇！今次Hot Toys同Fashion Walk 攜手合作，展出由Hot Toys打造嘅1:1等身大迫真超級英雄雕像、仲有人氣Jumbo Size COSBABY場景打卡位同埋新品展出，Fans一定唔可以錯過！ 超靚Tony Stark實驗室場景打卡位~ 首次展出嘅1:1原大Boba Fett 《The Mandalorian》最終結局場景～ Jumbo Size COSBABY打卡位~ 最新推出嘅珍藏人偶實物展出~仲可以即場預訂~ 仲有多款新品發售，當然唔少得限量珍品同埋最新推兇嘅Cosbi盲盒~ FASHION WALK 同 Hot Toys 攜手呈獻夏日購物優惠：成為恒隆商場獎賞計劃 hello 會 員，消費滿指定金額即可獲精美 Hot Toys 禮品乙份，多款禮品等緊你！ 地址: Hot Toys Echo Base 香港銅鑼灣 Fashion Walk 百德新街地下 12-14 號舖
講起美術展覽，絕大部分展覽都係嚴禁帶寵物內進~ 而今次北角匯就特別聯乘擅長繪畫狗狗嘅美國現代藝術家蜜雪兒．凱克(Michel Keck) 舉行亞洲首個展覽！展覽以狗狗做主角，50隻不同品種狗狗創作成為抽象畫主角，作品分佈於商場1至3期的多個專區，各位毛孩主人可以帶自己心愛嘅狗狗一齊去睇展覽！展覽設有多個打卡位同裝置比大家影靚相，仲有香港站獨家新作展出！各位毛孩嘅主人唔好錯過喇~首5,000組入場人寵仲可獲得精美禮品包~！ 首個屬於狗狗的藝術特展《愛犬．美術館》可以帶埋毛孩去㗎~ 多個狗狗主題打卡位~ 2期展館更特設互動藝術體驗館可以比狗狗直接「踩場」~互動藝術體驗館嘅展品仲特意由狗狗視角出發，畫作放置於狗狗嘅視線水平~ 多組立體藝術裝置比主人同狗狗影靚相~ 「愛犬食糧」為主題嘅波波池藝術裝置~ 另外仲有以「狗狗飲水盆」為主題嘅浮床裝置，等毛孩從視覺與觸感盡情體驗！ 要注意嘅係商場有部分區域狗狗係唔可以落地㗎~而商場亦都貼心地準備咗寵物車可以借用~ 《愛犬．美術館》仲特別為狗主貼心搜羅多款限量禮品，全方位照顧愛犬日常需要！ 大家只要成為The Point by SHKP會員，憑指定積分及於商場消費滿指定金額，即可換領各款禮品回家與愛寵共用啦！ 《愛犬．美術館》@北角匯 開放日期: 2021年7月5日至8月31日 地點: 香港北角渣華道北角匯1至3期 注意事項: 1期及3期之專區 免費開放及毋需預約 (開放時間為10 am – 10 pm) 2期【期間限定】互動藝術體驗區 需透過「新地商場」手機App預約及消費換領入場券 詳情: dogart.com.hk
Let it go！Let it go！ 超人氣嘅《富衛保險主要贊助：Frozen夢幻特展》登港至今超過30,000人次進場參觀 Frozen果然魅力沒法擋！ 今個3月，展覽會特別推出快閃優惠，當中有超筍3重大獎賞，好抵呀！ 大家於3月22日上午11時起至3月31日起即可以優惠價港幣158元 (原價成人港幣198元 / 特惠港幣178元) 購買3月及4月星期一至五之門票， 另外買滿港幣500元即可獲贈精美迪士尼禮物乙份！ 3款精品包括有保溫杯、背囊同埋收納袋，你仲可以隨意挑選，款款都好實用 已購票未入場嘅朋友亦唔洗擔心，你哋可以免費帶同親友參觀 1至3人持票可免費帶同1位親友、4至6人持票可免費帶同2位親友如此類推，勁著數！ 大會更推出全新星期一至五嘅入場措施安排，購買平日門票客人無需網上預約入場日子、時間，即可憑票於平日任何時段參觀展覽 今次快閃減價優惠同埋免預約措施不包括4月2、5、6日，而且禮品數量有限，送完即止 大家記得留意啦！ 《富衛保險主要贊助：Frozen夢幻特展》香港站 日期：即日至2021年4月30日 時間：每次體驗時間約90分鐘 (星期一至五) 下午12時30分至晚上8時30分（最後入場時段為19:30 – 20:00） (星期六日及公眾假期) 上午10時30分至晚上8時30分（最後入場時段為19:30 – 20:00） 地點：將軍澳中心G35 限定購票優惠詳情： 立即訂購
鍾意「玩」嘅你要留意啦！ 香港設計中心主辦及香港特別行政區政府「創意香港」贊助嘅「設計光譜」會舉辦全新展覽「好玩日日」， 由即日至4月30日期間於灣仔茂蘿街7號免費開放 大家可以透過展覽認識唔同嘅玩樂設計概念，從而感受正能量，投入遊樂世界 今次展覽由「玩樂專家」PolyPlay Lab創辦人Rémi Leclerc，同埋 Ｍilk Design 創辦人及設計總監利志榮先生聯合策展 為忙碌嘅香港人帶來玩樂新體驗！ 展覽以玩樂設計為主軸，精選來自香港、日本、韓國、美國等地嘅好玩設計項目 玩家可以透過八組遊戲互動裝置，以感覺／運動、想像、認知等等方式去親身體驗八種遊戲類型 完成後玩家將置身玩樂遊記，到訪四個室內特定場景 當中包括︰「影像遊樂」、「物件遊樂」、「身體遊樂」、「空間遊樂」 參展嘅好玩設計項目當中有七組較大型嘅「不尋常」 遊樂性作品，讓人理解唔同議題上嘅價值 參觀者更可以喺「玩具製作工房 Toymaking Playbench」入面嘅扭蛋機扭出由Beets3d.com 贊助嘅3D打印物料，製作專屬玩具！ 今次策展人更邀請咗本地社會設計及研究團隊「樂在製造」參與展覽 喺茂蘿街7號地下中庭製作委約作品「敢動換－歇腳遊玩場」，並於3月31日至4月11日期間免費開放 歇腳遊玩場由管形展區、波浪裝置同埋「角落換物」分享區組成，玩家可以身體力行去參與設計，好玩又有意義！ 「設計光譜」亦會喺今次展覽期間舉辦一系列免費玩作坊及導賞團等活動， 當中包括︰創作你的光影裝置玩作坊、「禁忌之果」玩作坊同埋玩具製作工坊等等，歡迎大眾報名免費參與 咁多嘢玩，真係好吸引，詳情可以去返佢哋網頁睇下！ 「好玩日日」展覽︰ 日期︰2021年2月23日至4月30日 時間：上午10時至晚上7時（星期一至日） 地點︰灣仔茂蘿街7號3樓
朗豪坊又有新嘢睇啦！ 今次「kkplus」同香港娃娃品牌「iXTEE」合作，舉辦「Mui-Chan In The Secret Woodland 改娃展覽」 邀請咗世界各地嘅改娃藝術家參加「Make Ur Mui-chan」妹頭改造計劃，將妹頭娃娃重新雕刻同埋上妝， 打造多個百變可愛形容，畀大家盡情欣賞！ 「妹頭」由iXTEE創作，佢其實係一位位5歲嘅小女孩， 英文名 「Mui-chan」 嘅「chan」讀作日文「ちゃん」， 廣東話讀音「盞」，畀人一種嬌小可愛嘅感覺 妹頭角色設定生於傳統家庭，佢嘅父母係功夫大師，同姊弟齊齊住喺港島西區九魚坊， 佢有男仔頭性格，而且愛搗蛋，但同時亦係九魚坊裡嘅開心果！ 今次呢個「Mui-Chan in the Secret Woodland 改娃展覽」以北歐小鎮木屋為主題，一共展出超過 40款妹頭改娃 同場仲設有Bubu Ducky鴨仔雪糕車同埋各款妹頭超巨型立牌，仲有各款迷你Bubu Duck喺大玻璃甖畀大家選擇 而且迷你版 Pocket Mui系列亦已開放預訂，細小體積方便大家攜帶妹頭齊齊出門遊玩影相 大家可以喺今次展覽見到妹頭嘅唔同面貌，仲有一系列精緻迷你傢俬同埋Duck Mobile 鴨仔車等， 你可以自由搭配場景，幫妹頭影獨有嘅得意靚相！ kkplus x iXTEE – Mui-Chan In The Secret Woodland改娃展覽 日期：即日起至3月18日 時間：中午十二時至下午九時 地點：九龍旺角朗豪坊12樓 02-03號舖 及pop-up store、4 樓展示箱
香港大部分人都鍾意打卡影相，因為影相除咗可以記錄人生之外，仲可以留低一個美好回憶 今次，喺韓國擁有超高人氣嘅「人生照相館」展覽終於登陸香港啦 呢個「人生照相館」展覽會於2021年4月1日至6月9日將首次巡演至海外，香港更係展覽嘅首站 人氣歌手姜濤更將擔任展覽開幕嘉賓，相信一定會非常熱鬧 「人生照相館香港站」將攝影同與韓式時尚美相結合，打造出五大精緻造景 當中主題包括︰有趣活潑、情感洋溢、可愛生動、活潑互動、獨一無二 同與一般展覽嘅單向式觀賞體驗唔同，「人生照相館」提供「自助式攝影空間」概念 引入咗影樓式專業照明同埋燈光，觀眾可以喺無壓力嘅環境下， 用手機影相，既可以同展品互動體驗，亦可以留下美好回憶 展覽團隊特意設計咗特別嘅燈光、色彩、音樂等多方面元素，入場觀眾可以拍下人生照之外，仲可以親身體驗同欣賞韓國的藝術文化 「人生照相館香港站」將展出合共30個拍攝造景，再結合香港獨有嘅文化，詮釋全新風格 依家仲有早鳥優惠，大家記得唔好錯過啦！ 「人生照相館香港站」： 日期：2021 年 4 月 1 日 – 2021 年 6 月 9 日 （4 月 12、26 日；5 月 10、24 日；6 月 7 日休館） 時間：星期一至日 11:00-20:30 地址：PORTAL 6311 九龍灣常悅道 18 號 1/F （宏遠街入口） 售票日期： 早鳥八五折優惠：2021 年 2 月 26 日早上 10 時 – […]
各位DC漫畫同電影迷有福啦！萬眾最期待嘅《DC 解密：英雄創紀》展覽終於登場！ 首次喺香港及亞洲舉行嘅《DC 解密：英雄創紀》展覽由PORTAL 6311、Caravan同埋Art Ludique-LeMusée、DC娛樂及華納兄弟公司攜手合作 展覽早前因應展覽所屬「公眾娛樂場所」按照政府安排而閉館，依家終於重新開幕，各位英雄迷記得唔好錯過啦 展覽會展出真實嘅英雄角色同埋電影中演員穿過嘅英雄戲服、電影道具同埋珍貴漫畫手稿 大家可以近距離欣賞到各個英雄，盡情打卡合照 場內仲有200幅珍貴原創漫畫手稿、近280幅概念圖電影場境草稿同埋相關藝術品， 同時更有香港站限定嘅互動遊戲區，大家可以進入漫畫協助蝙蝠俠打壞人，一定好好玩 玩家會透過投射於沙包嘅畫面見到「BAM」、「POW」「WOW」等經典漫畫中嘅氣泡文字， 令大家玩得更投入，好似置身漫畫世界一樣 場內亦設有期間限定店，各位粉絲可以帶埋英雄紀念品返屋企，真係機會難得 快啲約埋朋友/屋企人去玩啦！ 《DC 解密：英雄創紀》 展覽資訊 展覽日期︰2月18日至3月7日 展覽場地︰PORTAL 6311 香港九龍灣常悅道18號富通中心1樓 開放時間︰星期一至五:10:30 – 20:30、星期六至日及公眾假期: 10:30 – 21:30 網上購票︰ 立即訂購
位於朗豪坊嘅kkplus即將會舉行聖誕嘉年華！ kkplus嘅大門會化身成馬戲團帳幕入口，加埋門外越2米高電動巨型摩天輪，仲有LED閃閃聖誕樹同大棕熊公仔 呢三大打卡位可以畀大家盡情影相，勁有聖誕氣氛！ 今次會帶嚟兩個本地玩具單位Karenkei – Babedu同埋BigBoysToys 嘅首個展覽， 展覽會展出原創角色Babedu同經典街機遊戲街頭霸王阿隆等角色嘅限量Figure，機會好難得 BigBoysToys獲得Capcom官方授權製作Street Fighter《街頭霸王》立體模型「新挑戰者」系列， 今次展出嘅Bulkyz Collection系列，以高1.2米嘅Ryu阿隆巨型搪膠Figure坐鎮 大家好似置身《街頭霸王》遊戲入面一樣，亦有機會買到唔同嘅限量新品，好吸引！ kkplus亦會同辰時雜貨店聯手打造Pop-up Plant Lab，等大家過一個懷舊聖誕 佢哋會帶來多款塊根植物，結合週邊器具同精選古物，勁有特色 而且由即日起至2021年1月3日，凡消費滿200元或以上， 仲可以參加懸浮玩具工作坊，將購買嘅玩具以PE膠膜同方框鑲起，做聖誕禮物一流！ 參加者除工作坊外仲可以獲贈kkplus 聖誕卡，配合專屬IG Filter， SCAN之後就會啟動AR 虛擬實境功能，可以製作屬於自己嘅立體聖誕樹，同一般聖誕咭好唔同 咁多嘢玩，今個聖誕記得唔好錯過啦 kkplus 地址： 香港旺角亞皆老街8號 朗豪坊L12 02-03號舖 營業時間：中午十二時至下午九時（星期一至四） 中午十二時至下午十時（星期五至日及公眾假期）
韓國首爾最近有個海綿寶寶嘅展覽，入面勁多可愛打卡位！ 《海綿寶寶：尋找幸福》展覽完美還原卡通入面嘅海底世界～ 而且仲可以同海綿寶寶、派大星同章魚哥等等打卡～真係好想去睇吓啊！ [instagram photo=”CEKKCxzpff0″][/instagram] 好似去咗海綿寶寶嘅海底世界啊！ [instagram photo=”CEG7Mg1FKCF”][/instagram] 嘟嘴好可愛啊！ [instagram photo=”CEJnioFpaz3″][/instagram] 場景佈置得超仔細！ [instagram photo=”CELnObBFuye”][/instagram] 好多可愛打卡位～ [instagram photo=”CED2zxKHUo_”][/instagram] 好似跳咗入卡通節目～ [instagram photo=”CEThyV7HAIg”][/instagram] 好想拍佢肚腩啊！ [instagram photo=”CESijTzAeiQ”][/instagram] 互動十足～ [instagram photo=”CEKBCr4hJ_X”][/instagram] 點可以唔買精品～全部我都要！ 《海綿寶寶：尋找幸福》展覽（스폰지밥의행복을찾아서） 地址：首爾龍山區漢江大路23街55 I’Park Mall 6樓 日期：2020年8月1日 – 2020年12月31日 時間：11:00 – 20:00 入場費：成人13000圜 / 小童1000圜
呠呠！Thomas小火車返嚟喇～ 小朋友最愛嘅Thomas & Friends即將現身荷里活廣場， 到時會有3.5米高、全港最大嘅Thomas火車同大家見面！ 展覽會有三大互動主題區，包括「VR鐵路之旅」、「森巴足球考驗」同「追風小車手」～ 等Thomas小火車陪大家環遊世界！ 另外，又點少得Thomas & Friends™️ 75周年嘅玩具展呢？ 同場仲有Thomas小火車期間限定店，同多個免費試玩區、特色打卡位～ 鐘意Thomas嘅朋友仔一定要嚟打卡吖！ 「Thomas & Friends™️ 75周年小火車遊世界」 地址：鑽石山荷里活廣場一樓明星廣場 日期：2020 年 7 月 10 日至 8 月 31 日 開放時間：中午 12 時至晚上 8 時
