Open Tour
放假想留港揾節目，但撞啱天氣忽晴忽雨點算好！？ 其實康文署喺香港各區均設有唔同主題嘅兒童遊戲室，好玩之餘仲要免費添，快啲嚟玩盡其中5大精選嘅兒童活動室喇！ 1) 保榮路體育館兒童遊戲室 全港第一大兒童遊戲室就喺上水保榮路體育館內，佔地接近4,000呎！ 主題係「小小世界」，因地方夠大，有滑梯、攀爬障礙架等設施，最適合畀活潑嘅小朋友嚟放電。 場地： 保榮路體育館 地址： 新界上水百和路19號 時間： 早上8時30分至晚上9時15分 主題： 小小世界 電話： 2639 2979 2) 北河街兒童遊戲室 一般兒童活動室都以海洋或者森林做主題，北河街兒童活動室就夠晒特別喇！ 以「糖果屋」做主題，仲有蛋糕造型小滑梯，好似進入童話世界咁，成個人都開心晒！ 場地： 北河街體育館 地址： 九龍深水埗基隆街333號北河街市政大廈5樓 時間： 早上9時至晚上7時50分 主題： 糖果屋 電話： 2729 1010 3) 香港單車館兒童遊戲室 香港單車館嘅內嘅兒童遊戲室以「極限運動」為主題，佔地約為2,900呎，有越野車、賽道等，啱晒小小汽車迷。 場地： 香港單車館 地址： 將軍澳寶康路105-107號 時間： 早上9時至晚上9時30分 主題： 極限運動 電話： 2878 8622 4) 圓洲角體育館兒童遊戲室 圓洲角兒童遊戲室以「森林」為設計主題，面積約3,300呎。 場內有樹屋和探險船，可愛有趣。 另外仲特別為年紀較細嘅幼兒，提供專屬活動區，十分安全和貼心！ 場地： 圓洲角體育館 地址： 新界沙田銀城街35號 […]
平時周圍去日韓台搵打卡景點， 有冇諗過原來香港嘅公園都好好拍呢? 為咗慶祝回歸二十周年，康文署藝術推廣辦事處喺全港十八區二十個地方，設置咗一系列本土設計師創作的「Designer Chair」， 就等小編精選幾張「樂坐其中」嘅藝術座椅俾你打卡啦~ 中環碼頭海濱長廊 –《線．空間》 「點．線．面」呢啲術語， 相信身為文青藝術迷嘅你一定聽過啦~ 對於從碼頭下船嘅人嚟講樓梯只不過係一些「線」﹔ 但係對等船嘅人嚟講佢卻係一個「空間」， 而呢個《線．空間》用圓形城市家具呈現， 係咪聽落都好藝術呢~~ 北區公園 –《鑲．嶼》 喺樹木花草間出現嘅小島嶼， 灰色嘅幾何形狀桌椅鑲嵌喺綠色嘅草地上面， 無論點影都可以影到好文青嘅相呀~ 摩士公園 –《老友記．設計師》 你以為公園嘅櫈永遠得一款、一隻顏色? NONONO…公園嘅櫈都可以好有設計感、好迎合用家口味嫁! 屯門公共圖書館平台 –《積．目》 積木係每個人嘅童年回憶， 將積木變成休閒生活嘅一部分， 喺假日搵番啲童趣啦~~ 想知十八區「樂坐其中」仲有邊十六張櫈，㩒入嚟官網同計劃面書了解更多啦~ 官網 : www.seatstogether.hk/ 面書 : www.facebook.com/apo.seatstogether/ ———————————– 放假去邊 更多好介紹: 快啲like我哋Facebook 同follow我哋Instagram啦!
