Open Tour
憑直覺揀你最鍾意嘅甜品 測出你會愛上甚麼人！ 1/蛋糕 揀蛋糕嘅你係一個天真、無機心嘅人，簡簡單單嘅你非常有童真 容易被溫柔、有愛心嘅對象吸引，因為對方好識照顧人，將你寵成一個小公主一樣 你非常享受畀人照顧嘅感覺，佢可以為你安排哂生活上需要，等你可以無憂無慮過日子 – 2/馬卡龍 揀馬卡龍嘅你鍾意多姿多彩嘅生活，你會畀外向、見識多嘅男士吸引 你特別鍾情於擁有天真開朗外表嘅人，同時亦會好欣賞佢哋嘅眼界同見識，覺得對方好叻、識好多嘢 你會好易就祟拜對方，同時亦好希望對方可以帶你出席唔同嘅活動，融入到佢嘅世界 – 3/ 班戟 揀班戟嘅你會被強勢、主導嘅另一半吸引 呢類人多數都好自我、好有主見，而且唔易同人妥協 一開始你會好易畀對方真誠、堅定嘅心打動，覺得對方好man 但相處得耐就會煩厭對方大男人嘅性格，最後只會分開 – 4/芝士撻 揀芝士撻嘅你會愛上浪漫、會講甜言蜜語嘅男仔 佢哋會經常為你製造小驚喜，令到你感受到濃濃愛意 而且你對富有藝術細胞嘅男士特別著迷，覺得對方好特別 你經常幻想你同另一半係愛情故事入面嘅主角，成日沉迷喺幻想世界入面
憑直覺揀你最鍾意嘅運動 測出你另一半點諗你！快啲試試喇～ 1.跑步 揀跑步嘅你喺另一半心中係獨立，有主見嘅人！ 另一半覺得，比起一大班人一齊，你更鍾意有自己嘅獨處時間 所以當佢發現你有心事時，佢都唔敢太主動去關心你，成日都驚你會覺得佢煩 佢對你哋嘅關係無咩信心，覺得同你有啲距離，但其實佢內心都係好重視你，下次有咩問題記得主要同佢分享， 咁就會增加佢對你嘅信心啦！ 2.跳舞 鍾意跳舞嘅你同時好鍾意群體生活，你嘅另一半雖然欣賞你嘅活潑開朗 但同時亦都有啲不滿你成日見朋友而留好小時間畀佢，佢心中想同你增加二人世界嘅機會 下次不妨安排一個二人約會畀你同佢，令你哋嘅感情升溫 3.瑜珈 鍾意做瑜珈嘅你對自己身型有一定要求 你嘅另一半都係畀你健康嘅外型吸引返嚟！ 你另一半覺得你係個好有女人味，好吸引嘅女人，係佢心中你就係佢嘅一切 佢成日都覺得你太完美，好驚你畀人搶走，愛你更勝過愛自己！ 4.游水 喺另一半心中你係一個簡單、樂觀嘅人 佢因為你嘅正面同單純而同你一齊，亦都希望你一直保持呢份初心 呢種性格可以令有黑暗面嘅佢搵返一個開心嘅自己，而你就係佢嘅精神支柱 雖然佢係行為上未必會做好多浪漫嘅嘢，但佢早已認定你係佢嘅家人，對佢非常重要
憑直覺揀一款飲品，測出朋友眼中嘅你到底係點！快啲試試喇～ 1.綠茶 揀綠茶嘅你喺朋友眼中係一個成熟、與世無爭嘅人！你就好似一個慈祥嘅老人家一樣，對於世上嘅事都無慾無求。 你好鍾意安穩嘅生活，就算發生咩事，都係聽咗就算，唔會太過介意。 朋友都覺得你係一個好好嘅傾聽者，喺適當時仲會提供有用嘅意見畀大家，所以好多人有煩惱時都會搵你傾計 2.啤酒 揀啤酒嘅你喺朋友心中係大情大性嘅人，你情緒起伏好大，令人捉摸唔到 但同時大家都覺得你好有義氣，雖然你脾氣有時比較大，但從來唔會記隔夜仇 你亦係群體中帶畀人歡樂嘅人，好多人都會覺得你份人好搞笑，有咩活動都鍾意叫埋你 3.咖啡 喺朋友眼中你係一個做咩都會深思熟慮嘅人，喺佢哋眼中，你鍾意獨處多過團體生活 而且你有一種知識份子嘅氣質，身邊嘅朋友都會覺得你好聰明同識好多嘢 不過同時你亦畀人一種距離感，唔熟你嘅人會覺得你好cool，唔太敢同你接觸 4.汽水 你係朋友眼中嘅「大細路」，有享樂主義嘅你充滿正能量，大家都好鍾意同你一齊玩 鍾意及時行樂嘅你鍾意周圍去玩，試新事物，朋友見到你時會忘記咗煩惱，同你一齊盡情咁玩！ 但你同時比較難識到知心朋友，好多朋友只係當你係「酒肉朋友」，並唔會同你交心 不妨諗嘢試下多啲喺朋友角度出發，自然就會令人鍾意啦
雨傘可以為大家遮風擋雨，原來亦可以測出你最全面嘅性格！ 憑直覺揀一把雨傘，測測你最全面嘅性格喇～ 粉紅色雨傘 你好需要其他人保護，予人距離感，唔容易接近，但其實你好識得關心身邊嘅人，你好怕畀其他人睇穿你內心想法， 你覺得有點孤獨，好希望可以同一大堆朋友喺埋一齊，不過好多時候都唔知道點樣跟別人溝通～ 你唔係好清楚自己將來想要啲咩，只係希望可以幸運咁走過一生！ 藍色雨傘 你係一個冇咩安全感嘅人！大小事情冇一件敢放手，你唔容易相信其他人，亦都唔鐘意去麻煩其他人～ 你對自己要求好高，總覺得事情可以做得更好，所以你一直都好忙，冇時間畀自己休息一下 綠色雨傘 你係一個要求高嘅人，每做決定前，都會顧慮好多～不過有時候會顯得太固執！ 你係一個外剛內柔嘅人，但其實你嘅內心唔係大家想像中咁堅強！ 你希望你嘅另一半最好心思細膩，唔需要問就知道對方想要啲咩！ 黑色雨傘 你做事力求完美，所以有時會畀人覺得你太固執！ 你係一個覺得朋友比天還重要嘅人，好珍惜身邊朋友～ 你敢愛敢恨，洞察力非常強！同你做朋友絕對係一件樂事！
憑直覺揀一棵樹，測出你同另一半嘅幸福程度！快啲試試喇～ 樹一 跟喜歡嘅人喺埋一齊，你哋會好幸福！ 你係一個專情嘅人，而你嘅戀人亦同樣咁專一，你哋之間嘅感情穩固長久～ 證明咗你哋而家嘅感情非常唔錯，發展嘅方向都係越嚟越親近，所以記得好好珍惜你哋之間嘅緣份！ 樹二 恐怕你哋喺埋一齊並唔會幸福，原因就在于對方係一位脾氣唔好、對感情唔專一嘅人～ 你哋喺埋一齊會面臨好多問題，而且基本上兩個人都唔會退讓！ 你哋經常會因為一啲小問題而發生激烈爭執，相處之中好難有幸福嘅感覺～ 樹三 你哋係可以長久喺埋一齊，呢個男人係比較務實嘅一個人， 而你喺感情上嘅專情，注定咗你哋係可以一直走落去！ 雖然你哋喺埋一齊冇咩特別浪漫嘅氣氛，但係兩個人細水長流、平實而真摯嘅情感，卻係難能可貴！一定要好好珍惜呀！ 樹四 你哋兩個人嘅感情幾唔錯，因為你哋本來就好鐘意對方， 再加上對彼此有足夠了解，所以你哋絕對可以一生一世！ 人生能夠搵到一個相知相愛嘅人，係非常難得，而你哋就幸運遇到，所以一定要好好珍惜啊！
相信每個人都會好奇自己喺情人心目中嘅重要程度～ 憑直覺揀一杯咖啡，測出你喺另一半心目中嘅地位喇！ 咖啡一 你喺情人心中嘅重要程度好高，因為你嘅情人心入面經常會掛住你， 亦希望你可以主動同另一半多啲聯絡，不論係傳訊息定係打電話都好～ 如果你經常已讀不回，會令對方感到難受呢！ 記得要好好珍惜呢份感情，好好咁發展落去，幸福美好嘅未來正等緊你呢！ 咖啡二 目前你喺情人心中算中等，因為佢目前為咗工作方面嘅事情，感覺到相當憂心， 亦都為咗工作嘅事疲於奔命，心入面都冇太多空間可以時刻掛住你！ 喺佢心中目前最重要就係先做好工作，愛情方面只打算同你維持穩定前進嘅狀態， 等到工作方面問題都解決咗之後，先會將心思放喺你心上～ 咖啡三 最近你嘅情人對你唔太重視，因為你嘅情人有咗新嘅興趣，可能係打機或者係迷上收藏小東西～ 你同你嘅另一半已經進入穩定平淡期，有各自嘅生活同興趣， 唔可以話你嘅另一半已經唔重視你，而係你哋習慣咗老夫老妻嘅相處模式！ 咖啡四 最近你嘅另一半覺得你唔夠重視佢，其實佢最近都幾需要你嘅關愛， 你可能太過熱衷忙自己嘅事，而忽略咗要多花點心思維繫感情！
俗語有話銀包係用嚟聚財嘅地方，憑直覺揀一款銀包，測出你未來嘅財運走向！快啲試試喇～ 銀包一 你最近嘅財運一直攀升！ 雖然以前總係覺得自己行緊背運，但係風水輪流轉，你嘅好運即將開始喇！ 以前受過嘅委屈通通化作雲霧飄走，未來嘅你財運會反彈，人際關係亦會變好～ 銀包二 你最近嘅財運會比較一般，建議要知足常樂！ 雖然遇唔到大財，但係之前你所付出嘅努力，一定會得到相應嘅回報～ 如果你係做生意嘅話，你將會有一次唔錯嘅賺錢機會，一定要好好把握吖！ 銀包三 你最近嘅財運比較唔穩定，可能暫時你未有一個清晰目標，對未來有好多不確定因素， 例如係你可能想跳槽之類，所以財運會時好時壞～ 銀包四 你係一個懶散、安於現狀嘅人，唔會擔心或者計劃之後發生嘅事～ 唔知道係懶人有懶福，定係懶人有財運！ 最近一段時間，你反而遇到意外之財！
每個人都有自己獨特嘅喜好，連選擇另一半對象都唔會例外～ 憑直覺揀最吸引到你嘅花，測出邊一類型男生同你最夾喇！ 1. 牽牛花 你喺愛情路上表現得相當笨拙，只要你心儀對象出現喺你面前，你就會故意裝出一副好強悍嘅樣～ 鐘意逞強嘅你，正正最需要一位比你更強悍嘅另一半！ 性格開朗、獨立，唔會弱不禁風嘅肌肉男就最適合你！ 2. 燈籠花 你係一個處事認真、思想成熟嘅人～ 你希望同另一半保持適當嘅距離，以及各自擁有私人空間， 所以你最需要一個尊重你興趣、工作，同埋百分百支持你嘅伴侶！ 3. 蒲公英 你最重視就係同另一半嘅興趣同感覺夾唔夾～ 你個性比較依賴、缺乏主見，最鐘意就係陪伴對方去做佢鐘意嘅事， 例如係一齊睇戲、聽演唱會、逛藝術館等等，享受休閒知性嘅時光！ 所以你最需要一位有主見又善解人意嘅另一半！ 4. 太陽花 你對家庭、工作都有強烈嘅責任感，做事非常有原則～ 所以同樣處事認真、有責任感嘅人就同你最夾！
其實每個人內心都有一個年齡，標明咗你心靈成熟嘅尺度！ 一個青春少艾，內心可能已至耄耋之年；一個老伯伯，可能依舊保持童真之心！ 憑直覺揀一款牛奶，測出你內心嘅真實年齡喇～ 1. 原味牛奶 你內心真實年齡為45歲！ 你好清楚知道自己最想要嘅係啲咩，做事有明確目標以及定位， 令人覺得你處事成熟，係一位可靠嘅人！ 2. 香蕉奶 你內心真實年齡為25歲！ 你身邊最需要有一位經常關心你嘅人，或者係因為你經歷過一段難熬歲月，但時間會證明你係啱或錯～ 你好有正義感，但有時候付出太多，反而會令自己失去發光發亮嘅機會！ 如果想要改變現狀，你需要轉變一下你嘅做事態度。 3. 朱古力奶 你內心真實年齡為18歲！ 你識得讓自己心境保持年輕，所以你一直好積極尋找更充實嘅方向，嚟實現自己嘅理想與目標～ 你永遠會抱樂觀心態看待事情，你人生甚少經歷太嚴重或太悲慘嘅事， 而現階段你做事只要主動啲，冇事係你唔能夠克服。 4. 士多啤梨奶 你內心真實年齡為60歲！ 你唔會在乎其他人對你嘅睇法，因為你好清楚自己嘅目標！ 大風大浪你已經見過唔少，好少人理解你點解咁成熟穩重， 實際上你會將痛苦轉化成令自己變得更好嘅動力！
好桃花遇唔到，偏偏爛桃花一個接一個，究竟你最近嘅桃花指數有幾高？ 憑直覺揀一款水果，測測你嘅桃花指數喇！ 1. 香蕉 你本身唔係特別容易有桃花嘅人，但係有時候緣分嚟咗，邊個都擋唔住！ 性格迷糊嘅你，可能會錯過一啲愛情～但只要你畀啲耐性，就會不知不覺間遇上心上人！ 2. 車厘子 揀車厘子嘅你，喺感情方面，你會選擇隨緣、唔會強求～ 今年你嘅桃花運都唔錯，雖然唔係一出門就有桃花，但係至少會慢慢發展！ 建議多啲參加社交活動，你一定可以遇到心儀對象或者係欣賞你嘅人！ 3. 士多啤梨 你一向都冇咩桃花……所以今年你嘅桃花指數依然係最低～ 但其實唔需要著急！畀多啲耐性，同埋好好展現自己，愛情好快會來臨！ 4. 西瓜 今年你嘅桃花運唔錯，桃花指數係最高～ 你性格外向、熱情，所以比較容易遇到自己鐘意嘅人，或者鐘意你嘅人！ 所以要多加留意身邊人，有好大機會遇上心上人呢！
