Open Tour
「香港天際100觀景台」推出觀景台將於2022年4月21日重開，今次更推出必搶11週年慶典限時優惠門票，低至HK$11，大小同價。即刻睇內文詳情先！ Sky100係香港唯一可以360度鳥瞰全香港景觀同埋維港夜景嘅全天觀景台 大家係欣賞美景同時仲可以認識到香港獨特嘅歷史同文化。 如果你想喺Sky100上面享用美食，亦可以選擇其他嘅美食套票可以一邊食意大利烤餅/窩夫/精選盅式飯/意大利麵一份，一邊欣賞美景 大家記得唔好錯過啦～ Sky100 開售日期︰即日起至4月25日 預訂日期：4月21日至5月21日 票價︰$11/(大小同價) 開放時間 Sky100 星期一-星期日: 10:00-20:30 最遲入場時間：20:00 地址：香港九龍柯士甸道西1號 環球貿易廣場100樓 購買網址： 立即訂購
位於大埔汀角山寮路嘅咖啡店，由白色貨櫃改裝成人氣打卡咖啡店，店舖周圍種植多款植物，戶外檯凳位置就好多，不過要喺室內歎冷氣影相打卡就真係一位難求~只係得一個位！而且呢度只係開星期六日，所以奉勸大家如果都想過嚟chill下真係要早啲嚟排隊等位！ 室內唯一一張餐檯，大家想坐喺度歎真係要提早嚟排頭位。 或者大家都可以揀呢張，戶外檯凳都一樣咁靚。 自家製蘋果批，呢度嘅蘋果批真係一定要試，酥皮帶有點焦糖香、內餡有滿滿嘅蘋果肉，帶有些少嘅肉桂香味。 千層蛋糕，口感同外形上都係不過不失，味道略顯有點淡。 紅石榴梳打（圖：下），巨峰提子梳打（圖：上），大家記得早啲嚟，因為啲食物賣晒就冇。 提提大家如果想坐某個位，就記得入座前要諗定啦~因為坐底之後就無得轉。 Mr Cardigan 地址：大埔汀角山寮路 營業時間： 星期六、日 14:00-18:00（ walk in only） 交通 ：大埔墟火車站～20C小巴(山寮)站 圖片授權：@eat5ting_foodie、@nicolemakk
一講到日本環球影城，你只係諗到哈利波特？其實仲有任天落園區！ 日本大阪環球影城(USJ)宣佈將會喺2021年春天開放全新任天堂園區「Super Nintendo World」，係咪好期待、好震奮呢？ Photo credit: ユニバーサル・スタジオ・ジャパン / Universal Studios Japan (USJ) Facebook 裡面嘅主題遊樂設施就未要等2021年先開放～ 但係Mario Cafe and Store喺今年10月16號已經率先開幕喇！ 就算未可以即刻飛去日本，都可以隔著嗰屏幕睇吓有咩咁吸引！ [instagram photo=”CGWgdqzHjHx”][/instagram] Cafe裡面嘅裝修設計都係參照任天堂遊戲裡面熟悉嘅牆身， 而七彩繽紛嘅檯更加係模仿Mario世界入面嘅蘑菇，令人好似置身喺遊戲世界啊！ [instagram photo=”CGZeAjfHB5X”][/instagram] 至於餐飲方面亦相當有特色！ 有Mario (士多啤梨味)同Luigi (提子味)為造型嘅煎餅～ 影相呃like一流！ [instagram photo=”CGfJZCQAQgW”][/instagram] 仲有水果Cream梳打水，同埋超級蘑菇飲料造型樽～ 真係好得意啊！ [instagram photo=”CGXJaJAA-Fb”][/instagram] 食飽之後仲可以行埋Cafe隔離嘅紀念品店，裡面有唔少係日本環球影城原創設計嘅商品～ 包括Mario＆Luigi嘅帽，同埋Peach公主皇冠～ [instagram photo=”CGXQM6IjO_1″][/instagram] 各位睇完係咪好想衝去日本呢？ 日本環球影城 地址：大阪府大阪市此花区桜島二丁目1番33号 [map url=”https://www.google.com/maps/embed?pb=!1m18!1m12!1m3!1d3281.574535943561!2d135.4301441509374!3d34.66544639251685!2m3!1f0!2f0!3f0!3m2!1i1024!2i768!4f13.1!3m3!1m2!1s0x6000e0d083d5e25d%3A0x3605fe25303252aa!2z5pel5pys55Kw55CD5b2x5Z-O!5e0!3m2!1szh-TW!2shk!4v1506583551414″][/map]
尖沙咀珀薈酒店（Popway Hotel）嘅Uptop Bistro and Bar， 推出期間限定「閃亮摩天輪」同「歐遊五國」主題下午茶， 食物質素高、擺盤又精緻，仲可以望住維港海景歎下午茶！ 「閃亮摩天輪」主題下午茶：鹹點有水牛城雞翼串、迷你竹炭和牛漢堡、黑芝麻吞拿魚配魚子醬等等； 甜點方面，就有綠茶芝士餅、金箔迷你抹茶慕絲配紅豆、法式馬卡龍等～ 另外仲有一系列特色飲品供選擇！ 而「歐遊五國」主題下午茶：鹹點有德國馬鈴薯班戟、西班牙伊比利亞火腿、法國鵝肝慕斯菠菜麵包小食等等； 甜點就有意大利牛奶布丁、英式雜莓鬆餅、德國黑森林蛋糕等～ 最特別嘅係，餐廳將多款歐洲風味鹹甜點，放喺行李箱入面，去唔到旅行一樣可以打卡吖！ 至於價錢方面，「閃亮摩天輪」下午茶二人套餐， 逢星期一至星期五只需$368，四人同行仲有一人免費，價錢只係$608；星期六及日$408～ 「歐遊五國」主題下午茶二人套餐，逢星期一至星期五同樣只需$368； 星期六及日$408～以酒店下午茶嚟講，一啲都唔貴！ Uptop Bistro and Bar位於珀薈酒店頂層，可以喺高空遠眺維港海景！最啱約埋一班姊妹去打卡～ 珀薈酒店 Uptop Bistro and Bar 地址：尖沙咀漆咸道南117號珀薈酒店19樓 訂座網址：Uptop Bistro and Bar
