• Mon. Jun 1st, 2026
    • '
    Home打卡 (Page 14)

    Tag: 打卡

    【香港】黃大仙中心新春呈獻花願福臨活動！勁特別嶄新祈福體驗抽獎｜香港玩樂｜放假去邊

    黃大仙一向都係香港人必到祈福熱點，今年黃大仙中心呈獻花願福臨活動商場會化身成充滿節慶氣氛嘅數碼祝福園林，結合傳統習俗同科技， 以嶄新方式呈現一個全新嘅新年活動畀大家！ 商場更會舉行新春開運大抽獎，大家有機會將PlayStation 5遊戲機同埋一系列新春行運金飾帶返屋企 大家可以由2021年1月29日起親臨黃大仙中心北館中庭，現在會有4.6米高幻彩「花願福臨」桃花許願樹畀大家盡情打卡 仲可以免費製作電子許願卡，之後上傳至樹上嘅大熒幕上，希望新一年願望成真 許願樹附近更設有體感「花願風車陣」，更有由六福珠寶設計、約1.5米高嘅金風車，勁有新年氣氛！ 除咗多個打卡位，顧客喺場內以電子貨幣消費滿388元，即可以在桃花許願樹下下載麥玲玲十二生肖運程，「姻緣」、「事業」、「健康」同埋「財運」運程更會沿桃花樹從天而降，真正嘅好運降臨！ 同時更可參加新春開運大抽獎，大家有機會即時贏走六福珠寶金牛擺設及金銀紙、人氣PlayStation 5遊戲機、Apple iPhone 12、Samsung Galaxy Note 20同埋商場現金禮券 總值超過三十八萬嘅禮品，全部都好吸引呀！ 而顧客若為領展會員或出示任何廟宇所發出之機印籤文，仲可以額外獲得生肖運程及大抽獎機會一次，大家記得留意啦 商場更特設御守製作機，以數碼編印技術度身訂造出精緻奪目嘅御守香包，款款都獨一無二 顧客只需於星期六及星期日喺場內以電子貨幣消費滿888元，即可換領開運御守製作名額一個， 您可自由揀選精美插圖及祝福語句，配搭自己鍾意嘅香氣，即場製作出御守香包，自用定送禮都OK！ 關於黃大仙中心「花願福臨」主題活動 日期：2021年1月29日至2月28日 時間：上午11時至晚上8時 地點：九龍黃大仙龍翔道136號黃大仙中心

    author

    鬧市中的打卡新熱點 灣仔碼頭海濱長廊｜香港玩樂｜放假去邊

    喺商業大廈林立嘅灣仔區，想搵一個遠離石屎森林、呼吸到新鮮空氣嘅地方，從來都不容易～不過，隨著灣仔碼頭附近嘅海濱長廊開放，呢個唔再係一個遙不可及嘅願望喇！ 海濱長廊劃分成兩大主題區，分別為「水上運動及康樂主題區」及「渡輪碼頭畔主題區」。兩個主題區都係24小時開放！無論你想晨運、享受日光浴、跑步，又或者假日想搵個地方享受家庭樂、親親香港海濱，呢到都絕對係一個好去處！ 灣仔碼頭海濱長廊，為市民喺鬧市中提供一個公共休憩空間～ 「渡輪碼頭畔主題區」粉紅通道 浪漫滿海濱 由尖沙咀坐渡輪去灣仔，落船出碼頭就係「渡輪碼頭畔主題區」！以粉紅色為主色調嘅圍欄同圍板、碼頭出口走道嘅樑柱亦以粉紅玫塊花飾點綴，為海濱帶嚟綺麗氣息～「渡輪碼頭畔主題區」右邊係灣仔會議展覽中心、左邊就係向碼頭方向延展～ 「渡輪碼頭畔主題區」嘅圍欄、圍板以粉紅色為主色調，為海濱帶嚟綺麗氣息！ 越過碼頭，會經過一條「粉紅通道」～通道兩側係畫咗粉紅玫塊花紋嘅圍板，而地上就鋪咗粉紅色地氈！配埋兩側嘅粉紅玫瑰裝置，浪漫滿佈，絕對係情侶打卡熱點！ 「粉紅通道」為海濱長廊增添浪漫氣氛～ 「水上運動及康樂主題區」Chocolate Rain 藝術裝置 文青打卡熱點 沿著「粉紅通道」向前行，會經過臨時巴士總站～ 細心啲睇，會發現巴士站旁嘅圍板，綴有一朵朵粉紅玫瑰花裝飾！沿著裝飾行多大約3分鐘，就會發現海濱再次近在眼前㗎喇！ 穿過粉紅通道之後，跟著沿路隔板上嘅玫瑰花向前行，就會到達海濱長廊！ 雖然同樣位處灣仔海濱，但「水上運動及康樂主題區」嘅規劃及設計，同綺麗浪漫嘅「渡輪碼頭畔主題區」截然不同！場地佈滿了以Chocolate Rain為題嘅卡通創作及指示牌，令海濱變成活潑繽紛嘅奇幻世界！ 除咗地上有多幅大型Chocolate Rain插畫之外，長廊嘅欄杆及臨時擋板牆上，亦掛滿Chocolate Rain嘅作品！細心欣賞，你會發現每幅作品主題都唔同㗎！除咗有招牌嘅蘑菇森林童話世界，仲有以香港美食為主題嘅創作！點心、煲仔飯、盆菜一應俱全！行到長廊盡頭，仲有一組大型吹氣裝置，而當中嘅渡海小輪設計更特別配合維港及海濱長廊嘅環境，勁有心思！ 沿海欄杆仲特燈用咗鋼絲欄杆設計～遊客無論企喺邊個角落，都可以欣賞到維多利亞港嘅迷人景致！鋼絲欄杆嘅設計亦令釣魚愛好者更接近海港，所以一開放已經吸引咗好多人去釣魚喇～ 正門入口處嘅Chocolate Rain塗鴉，以海水藍為主調～背後係一覽無遺嘅維多利亞港，絕對係打卡嘅好地方！ 長廊設有多幅大型Chocolate Rain插畫作品，全部都富有香港特色！ 繽紛嘅Chocolate Rain作品，為長廊增添不少色彩！ 海濱長廊嘅小斜坡！吸引好多小朋友帶埋滑板車嚟玩㗎～ 鋼絲欄杆嘅設計令釣魚愛好者更接近海港，所以一開放已經吸引好多人嚟享受垂釣樂趣～ 體驗「海濱公共傢俬設計比賽」作品 行到攰嘅話，可以喺長廊上嘅長櫈休息吓～呢到嘅長櫈唔單止有玻璃上蓋，每張長櫈前仲好細心咁配置一張小木枱！無論好天定落雨，都可以自備茶點，嚟呢到享受一個180度海景下午茶！想同一家大細或者三五知己嚟野餐，仲可以去長廊盡處使用長戶外桌椅！迎著海風、聽著海浪，一邊享受日光浴，一邊品嚐美食～ 每張長櫈都配置咗一張小木枱！無論好天落雨，都可以自備食物，嚟呢到享受一個180度海景下午茶～ 海濱長廊盡處設有多套戶外餐椅，方便市民喺呢到用餐～ 「水上運動及康樂主題區」及「渡輪碼頭畔主題區」亦展出多組海濱公共傢俬設計比賽嘅得獎作品，遊客可以到場親身體驗～率先展出嘅「The Weave Chair．織聚」參考咗成人、長者及小童嘅坐姿，利用外型線條承托脊椎、大腿！設計利用兩代身形差異，交織出海浪形態，同維港嘅景色互相呼應！ 「織聚」更寓意匯聚老少世代，創造青銀共融空間～ 「點石．城．今」將形狀各異、大小不一嘅鵝卵石散佈喺海濱～無論大人或小朋友，都可以搵到適合自己嘅座位！ 「點石．城．今」 除咗以上呢啲傢俬，其他得獎作品亦將會陸續展出！名為「六十維港」嘅作品，透過剪影手法呈現唐樓嘅立面，讓身處海濱嘅市民好似坐咗喺60年代嘅唐樓窗邊，欣賞現今維港！營造時空穿越嘅體驗～ 「奇文異視」就喺藝術、科技、大自然出發！以循環再用嘅塑膠纖維、木材，加上擴增實境技術，創造既具未來感又互動嘅座椅，帶出休閒公園及創意藝術嘅協同效應！ 「Aqua Cube」就以冰粒狀嘅設計散佈長廊；「Dialogue at Distance」設有四張高櫈，每張方向都唔同，可以傾計之餘又不忘社交距離；「VH Puzzled」嘅粉彩色英文字母，分開可以係獨立成椅，堆埋一齊又可以砌成一張「Victoria Harbour」長椅… 款款傢俬都靚到令人選擇困難！真係想每款都去試坐、影相打卡啊！ 「VH Puzzled」 維港最長的海濱跑步徑 隨著呢兩段海濱長廊開放，位處港島北、維港最長嘅海濱長廊，已經進一步延長至5.5公里！係維港最長嘅海濱跑步徑！鍾意跑步嘅市民可以由灣仔北，沿海濱跑到石塘咀～一邊跑步，一邊有維港美景相伴、海浪聲做配樂，真係好Chill啊～ 由灣仔北跑到石塘咀西區副食品批發市場，全長5.5公里～係維港最長嘅海濱跑步徑！  

    author

    【香港】利園區呈獻新春活動迎金牛！多個靚靚打卡位、仲有盆滿缽滿購物禮遇｜香港玩樂｜放假去邊

    利園區今年打造全新《金牛納福 百福具臻》賀年活動！ 除咗有靚靚打卡位畀大家打卡之外，仲有「盆滿缽滿購物禮遇」，畀一眾會員換購應節食品，過返個好年 大家必去「福運齊來風車廊」，可以等市民新年轉轉運，一定會行大運 置身別具東方色彩嘅新春庭園，身邊仲有過千隻金光閃閃嘅紅運風車陣、冰糖葫蘆小攤 同時亦有勁有新年氣氛嘅求籤活動，顧客可透過電子祈福求籤占卜來年運程， 只要喺場內消費滿港幣100元，更可換領精美揮春或過年經典小食糖葫蘆，又有得影又有得食！ 另外亦設有「牛運亨通金牛陣」，祝大家牛市大發，增添喜慶 八隻金牛氣勢迫人，發出「哞哞」叫聲，勁生猛 今年新年亦係情人節，情侶記得去埋「成雙成對綵燈會」打卡， 一對對大紅燈籠掛滿整個希慎道，勁靚啊！ 單身嘅朋友亦可以去到「甜蜜美滿桃花願」繞一圈，令你桃花運更強 最開心嘅當然唔少得「新春搶利是贏大獎」，大家透過AR抽獎有機會贏取iPhone，好吸引 商場亦貼心咁準備咗「饗福.團年 迎金牛」，為你一站式搜羅特色年貨 市民可以安在家中輕鬆選購賀年食品/禮籃，仲有免費送貨服務，買嚟送禮夠哂方便 除了辦年貨外，區內各大高級食府亦會推出一系列新春限定盆菜同埋美食套餐，全部都好吸引！ 希慎集團喺今個新年更成為全港首間將利是封轉善款嘅商場，將投放於設計同埋生產實體利是封嘅資源同費用用作慈善用途，撥 全力支持「共建老人家」及「魚菜共生」計劃，同時集團亦會捐贈都市農圃嘅農作物畀榕光社服務對象，為社區同環保出一分力 咁有意義嘅活動，大家一定要嚟參觀、支持吓！ 利園區「盆滿缽滿購物禮遇」詳情： 日期：即日起至換完即止 時間：上午11時至晚上10時30分 地點：利園一期地下、希慎廣場一樓及利舞臺廣場一樓的禮賓部 「饗福.團年 迎金牛」一站式線上辦年貨詳情： 日期：即日起至2月10日 (售完即止) 網址：www.fortunedeleevery.com 利園區《金牛納福 百福具臻》新年裝置詳情： 日期：即日起至2021年2月28日 時間：上午10時至晚上10時 地點：希慎廣場1樓中庭、希慎廣場地下(近啟超道方向)及利園一期地下 利園區新春「幸運抽籤」體驗︰ 日期：即日起至2021年2月28日 (換完即止) 詳情：顧客可透過電子祈福求籤占卜來年運程，另Lee Gardens Club會員只要在場內消費滿港幣100元或 300元， 更可換領精美揮春或過年經典小食糖葫蘆! 「新春搶利是贏大獎」詳情： 日期：即日起至2月21日 地點：利園一至六期/希慎廣場/利舞臺廣場/禮頓中心/希慎道壹號(I.T HYSAN ONE) 詳情：於利園區內以手機掃瞄推廣活動的QR Code，即可進入AR遊戲頁面，並已註冊成為Lee Gardens Club會員 ，即可玩遊戲贏取獎品，每人最多有三次領獎機會。  

    author

    【香港】PopCorn牛年賀新歲主題活動！必影5米巨型金牛、60隻招財小牛牛｜香港玩樂｜放假去邊

    今年係牛年，港鐵商場PopCorn為大家準備咗「牛來『運轉』賀新歲」主題活動 大家只需喺2021年1月28日至2月28日期間去到PopCorn，就會見到超過60隻牛牛換上新春服飾 化身「招財牛牛」同大家拜年！到時場內仲會有多個裝置，好似金牛、風車等，好有新年氣氛！ 當中份影5米高巨型金牛，牛牛手執金元寳，祝賀大家盆滿缽滿 金牛更會定時揮手同大家打招呼，非常生動 四周亦有多個風車裝置緩緩轉動，好可以為新一年轉個好運 同時場內亦佈滿桃花樹、燈籠同埋花卉等新春裝飾，加埋璀璨燈塔裝置 閃閃發光嘅場境非常夢幻！ 部份牛牛仲會搭乘新春列車遊走，配合現場充滿新年氣氛嘅音樂，好熱鬧啊 話哂係牛年，商場一共有超過 60 隻身穿賀年服飾嘅可愛牛牛喺場内迎接大家 每隻招財牛牛分別捧著金元寶、如意結同埋招財健康金磚等賀年裝飾 大家快啲嚟接受佢哋嘅祝福啦！ 港鐵商場更設有新春消費獎賞推廣活動「佳節有禮‧賞貳佰」 顧客於1月18日至2月28日期間，喺德福廣場、青衣城同埋PopCorn 指定類別商舖以電子貨幣消費滿 HK$2,200 即送合共 HK$200港鐵商場現金禮券，詳情可參考商場網頁 PopCorn「牛來『運轉』賀新歲」詳情︰ 日期︰2021年1月28日至2月28日 時間︰中午12 時至晚上10時 地點︰PopCorn 一期一樓中庭

    author

    【香港】太古城中心新春主題活動！必試9米闊的祈願全景體驗、4大過年祈願遊樂區域｜香港玩樂｜放假去邊

    知道大家今年無得去旅行，太古城中心特意將世界唔同地方嘅祈願裝置帶畀大家！ 太古城中心會喺 2021年1月28日至2月26期間打造「新春好意求」主題活動，打造全新祈願世界同埋大熱Instagram濾鏡遊戲 大家可以大玩共9米闊嘅祈願全景體驗，畀你一嘗去世界各地祈願嘅滋味 ！ 場境包括有︰台灣天燈海、意大利許願池、法國情人橋三大外地熱門祈願地點，透過手提電話進行全景體驗互動， 大家就好似去咗現場一樣，必定會取得好兆頭！ 場內更設有四大祈願區域「四大祈景」，一掃「四大祈景」二維碼，就可以投入四大祈願區域相應嘅Instagram濾鏡遊戲親身祈願 同時亦設有巨型裝置畀大人小朋友影相打卡，好有新年氣氛 行多兩步就可以去「桃花源」許願池許願，將金幣擲向桃紅水池，祝願大家心想事成！ 而許願池入面嘅投幣會全數撥捐慈善機構「願望成真基金」，幫助患有重病嘅兒童，好有意義 想行個大運嘅你點可以錯過「吉祥樹」，快啲去圍著「吉祥樹」許願樹走個圈，新一年一定好運連連 大家記得去轉吓「紅運轉」上嘅風車，許下新一年的願望！ 最吸晴嘅一定係呢個近４米高嘅「黃金籤」，巨型籤筒金光璀璨，祝你黃金滿屋、飛黃騰達 大家亦可透過 Instagram 濾鏡遊戲搖出心水好籤，籤籤都係上上籤，好好意頭 由2021年1 月28日至2月11日期間，只需於場內消費滿指定金額同埋成功登記成為 LIVE+會員或出示 LIVE+會員咭， 更可換領 Cityplaza「幸福玩樂」利是封、 無最低消費限制商戶現金券同豐富禮物 太古城中心推出嘅「幸福玩樂」利是封套裝以現代復古風格設計，仲配上大熱 Instagram 濾鏡遊戲，集傳統與科技於一身，好特別！ 而只要於太古城中心指定商戶購買新春好意求網頁上嘅推薦產品，即可參加「多買多祈徽章獎賞」，換領四大祈景限量版徽章一個 機會難得，大家記得唔好錯過啦！

    author

    【香港】Tea WG推出新年及情人節限定菜單！心形玫瑰荔枝慕斯令人少女心爆發｜香港美食｜放假去邊

    就快到新年同情人節，大定諗咗同另一半去邊度食飯未呢？ 今個情人節Tea WG精心設計咗佳節期間限定午餐、早午餐同埋晚餐畀大家享用 全個系列都係以茶入饌，非常有Tea WG嘅特色！ 套餐頭盤係蟹肉椰菜卷，以「戀人早餐茶」茶凍點綴，再加上紅肉火龍果醬同小蘿蔔沙律辣椒油，勁清新！ 另外你亦可以選擇意大利小花豆湯伴洋薏米、水牛芝士慕斯多士，以「抹茶」香油點綴， 茶嘅甘香同芝士勁夾，選用高級食材，聽到都覺得吸引！ 主菜方面，客人可以自選心水菜式，當中包括「大蝦及意大利烏魚子意粉」， 配上「初吻之戀」茶香紅菜頭忌廉，紅色主題嘅主菜非常吸晴，而且份量好多，夠哂飽肚 鍾意食海鮮嘅你亦可選擇「焗鱈魚柳」，表面有「情人茶 」嘅香草，佐柚子味噌同埋紅燈籠椒醬， 有年年有餘、歲歲平安嘅意思之餘，亦唔會太肥膩，啱哂注重健康嘅你！ 食肉獸亦唔可以錯過「香煎牛柳」佐干邑法式芥末黑胡椒醬，伴香滑薯蓉同埋煙燻伯爵茶茶香芝士脆片， 牛柳肉質勁嫩，生熟程度適中，食到停唔到口！ 而小編推介必食嘅就係Tea WG節慶甜點，呢款「玫瑰荔枝慕斯」伴時令鮮莓，佐芒果醬配波本香草紅茶茶香雪糕勁吸引！ 紅色心形慕斯配上金箔，高貴又浪漫，令人少女心爆發 酸甜滋味非常有情人節意境，為一餐劃上完美句號 食客亦可選擇其他精選Tea WG手工茶香蛋糕，而且每份限定套餐將搭配由茶藝師推介嘅精選茗茶 除咗新年及情人節限定菜單套餐，Tea WG亦準備咗多款新年佳節賀禮畀大家選購， 當中全新限量版「福建春露」亦係推介之選，綠茶葉蘊藏蜂蜜同茉莉花香， 而且仲含有茶多酚同維生素C，健康又好飲，送禮一流！ Tea WG HKTVmall官方網店亦推出獨家優惠，大家記得快啲去睇吓有咩優惠產品啦 Tea WG佳節限定午餐菜單︰ 供應日期︰2021年2月6日至2月21日上午11時45分至下午2時30點 供應地點︰Tea WG又一城沙龍及精品店（星期一至日）、Tea WG國際金融中心沙龍及精品店（星期一至五，週末及公眾假期除外） 價錢︰每位HK$368起 菜單包括︰頭盤或湯品、自選主菜、甜品（可選玫瑰荔枝慕斯或手工茶香蛋糕），以及由茶藝師推介茗茶 假日週末早午餐菜單︰ 供應日期︰2021年2月6日、7日、12日至15日、20日及21日的上午10點至下午3點 供應地點︰Tea WG國際金融中心沙龍及精品店 價錢︰兩位HK$728 菜單包括︰每位可品嚐湯品、自選兩款主菜、甜品（可選一款手工茶香蛋糕、或兩件英式鬆餅或烘焙馬芬）及由茶藝師推介的茗茶 佳節限定晚餐菜單︰ 供應日期︰2021年2月12日至2月15日的下午6點至晚上10點 供應地點︰Tea WG又一城及國際金融中心沙龍及精品店 價錢︰兩位 $1088 菜單包括︰茶香雞尾酒、頭盤、湯品、自選兩款主菜、玫瑰荔枝慕斯甜品，以及由茶藝師推介的茗茶

    author

    【香港】Mira Place環保概念新春主題裝置！必影風車海、獨家賀年禮品｜香港玩樂｜放假去邊

    位於尖沙咀嘅Mira Place喺今個新年打造環保概念新春主題 將於2021年1月26日至2月25日期間為大家呈獻「如意風車海」，等大家去轉個大運！ 今次商場首次以環保紙材打造賀年風車村，仲有必影三大打卡位！ 「如意風車海」新春裝置以大紅同埋粉紫色為主調，真係望到都感受到歡樂氣氛 風車海用咗近200個唔同形狀、顏色嘅環保紙風車同花牆組成，啱哂同另一半影相，紀低浪漫一 刻 花牆中間更設有心型裝飾，可以同時慶祝埋情人節，新一年同情人甜甜蜜蜜 風車海中所有紙風車更採用FSC (Forest Stewardship Council™ 森林管理委員會) 認證嘅紙張製造，又靚又可以實踐環保 仲有高達六米嘅「如意風車塔」，寓意牛年豐盛安康，好好意頭！ 桃花花蕊設計嘅風車葉片，加上大量金片裝飾，勁有氣日氣氛 「持續幸福風車鞦韆」都係必影嘅打卡位！ 花卉由經FSC認證嘅兩種創新環保紙材Refit cotton同Gmund Biocycle製作而成，可以減低對環境造成嘅破壞，可以齊齊保護地球！ Mira Place仲有提供多個低至3折嘅人氣商戶新春購物同美食優惠 影相之後仲可以盡情Shopping 大家記得留意，2021年2月11日（年三十）同埋14日（情人節）仲會有型男驚喜登場， 當日仲會大派由FSC紙製成嘅環保小風車，大家記得Bookmark日子啦！ Mira Place「如意風車海」新春裝置詳情︰ 日期： 2021年1月26日至2月25日 地點： Mira Place 1 中庭  

    author

    【香港】M&M’s®登陸東薈城名店倉！新春遊樂園五大打卡場景、週年紀念利是封｜香港玩樂｜放假去邊

    今年係M&M’s®80週年，主角們首次以賀年新裝登陸東薈城名店倉，同大家大玩遊戲同埋拜年！ 由2021年1月21日至2月19日期間，東薈城名店倉同M&M’s®合作呈獻「利是『豆』來」新春推廣活動 現場會有M&M’s®「豆」趣新春遊樂園新年佈置，新春遊樂園五大打卡場景，仲有一系列精品同週年紀念利是封 為咗慶祝新年，商場更特別加推「M&M’s®『豆』樂新春禮遇」， 客人只需憑有效消費即可換領東薈城名店倉獨家限量版M&M’s® 80週年紀念利是封，仲有其他M&M’s® 精品，大家記得唔好錯過啦！ 今次一共有六位M&M’s®主角登場，佢哋會換上賀年新裝喺二樓中庭同大家見面 當中桃花園林入面高達六米嘅阿紅同埋好友阿黃以拜年手勢恭祝大家新年快樂，勁吸睛 另外亦有多個「豆」趣打卡場景，大家可以見到阿紅隊長聯同阿橙、阿藍一齊組隊舞獅 優雅嘅阿綠喺經典嘅M&M’s®豆豆牆前打卡，好得意！ 情侶們一定要喺浪漫滿分嘅的「LOVE 」雕塑裝置前同阿黃影相，新一年可以甜甜蜜蜜 另外阿紅、阿黃亦會同巨型糖果全盒齊齊現身，勁有新年氣氛 除咗可愛嘅打卡場景，東薈城名店倉亦會獨家呈獻限量版M&M’s® 80週年紀念利是封套裝 利是封套裝一套十個，以環保紙張同埋可分解塑膠材料製造，好環保 同時只需係限定期間以電子貨幣即日消費滿指定金額，即可換領東薈城名店倉獨家限量版M&M’s® 80週年紀念利是封一套， 仲有其他M&M’s® 精品，數量有限，換完即止 M&M’s®「豆」趣新春遊樂園裝置詳情︰ 地點︰東薈城名店倉二樓中庭廣場及二樓，鄰近cdf Beauty (275號舖) 日期：2021年1月21日至2月19日 時間：每日早上10時至晚上10時 M&M’s®「豆」樂新春禮遇換領詳情︰ 地點︰東薈城名店倉地下禮賓櫃台及二樓顧客服務中心 日期：2021年1月27日至2月16日 時間：每日早上10時至晚上10時 換領方法︰CLUB CG會員於東薈城名店倉指定商戶以電子貨幣即日消費滿指定金額

    author

    台灣本土原創手調飲品店 不定期限定飲品突圍而出！｜台灣美食｜放假去邊

    台灣飲品店行幾步就有一間， 想揾間有特色又唔伏嘅，邊度有先？ 就係呢間台灣本土原創嘅手調飲品店！ (Photo credit: 麥吉machi machi Facebook) 呢間飲品店不時都會推出創新飲品， 嚟到冬天喇～又有咩限定飲品登場呢？ 就係呢款摩卡咖啡奶茶！ [instagram photo=”CKlHYHjDDfy”][/instagram] 裡面係用紅茶底、鮮奶、朱古力，再配上烘焙咖啡慕絲醬而成， 飲落去更加係順滑醇厚，口感好豐富！ (Photo credit: 麥吉machi machi Facebook) 聽講焦糖咖啡奶茶都一樣咁吸引！咖啡控必試！ 唔飲咖啡嘅朋友，亦有其他特色飲品選擇㗎！ [instagram photo=”CHaMC4qjuH_”][/instagram] 雖然話喺台灣周圍都有飲品店， 但如果以差唔多嘅價錢就可以飲到咁有驚喜嘅飲品， 小編又覺得行多幾步過嚟都值得喎！ (Photo credit: 麥吉machi machi Facebook) 話唔定下次去幫襯，又會有新推嘅飲品等你啊！ 麥吉machi machi 分店地址

    author

    【香港】反斗奇兵角色登陸將軍澳、葵涌！必去萌爆角色4米高巨型打卡牆、期間主題限定店｜香港玩樂｜放假去邊

    《反斗奇兵》嘅粉絲要注意啦！今個新年，《反斗奇兵》一眾角色會集齊喺將軍澳東港城、life@KCC同大家見面東港城同埋life@KCC由即日起至2021年3月14日，分別打造「戀戀反斗部屋」同埋「反斗獻禮狂想曲」，大家一定唔可以錯過！ 東港城入面會有大熱角色胡迪、翠絲、勞蘇、三眼仔等同大家拜年，另外仲有《怪獸公司》主角們都會一齊出席開心玩樂派對！ 仲有兩大打卡房「開『心』浪漫部屋」同埋「勞蘇心動『莓』一刻」畀大家盡情影靚相 當中必影由《反斗奇兵》多個角色打造成嘅4米高的打卡牆，同巴斯光年、三眼仔、火腿、泡泡龍、薯蛋頭等等合照！ 場內更設有兩大巨型遊戲互動區，包括「三眼仔火箭」造型巨型夾夾機同埋「反斗釣釣樂大作戰」， 大家可以一齊大玩遊戲，贏取超限量主題精品！ 《怪獸公司》主角們更會化身大型鬼馬Figure，喺於場內為大家送上愛的祝福， 大家新一年可以被甜蜜包圍，而場內嘅期間主題限定店亦會發售多款全新獨家限定精品 最後更可以去「小叉甜品屋」食限定主題甜點，又有得玩又有得食！ 而life@KCC就會有由一眾人氣角色做主題嘅「反斗甜夢嘉年華」，同時設有3大遊戲同埋打卡區， 當中包括「心甜寶貝禮盒」、「三眼仔人人有禮」同埋「幸運火腿歡樂彩虹」，小朋友見到一定會好開心 只需於life@KCC及joy@KCC以電子貨幣消費滿HK$100，即可挑戰「幸運火腿歡樂彩虹」同埋「泡泡龍神射手」各一次， 有機會贏取獨家限定精品，而且仲好好玩！ 大家亦可親臨4樓花園平台同巴斯光年一飛沖天，又或者同《沖天救兵》中超過4米高嘅發光氫氣球屋影相，留低開心回憶   東港城「戀戀反斗部屋」 日期：即日起至3月14日 地點：東港城一樓展覽場（港鐵坑口站A1出口） 時間：上午10時至下午10時   life@KCC「反斗獻禮狂想曲」 日期：即日起至3月14日 地點：life@KCC 3樓、4樓花園平台及空中花園Green@KCC (地址︰葵涌葵昌路72至76號) (葵興港鐵站E出口直達) 時間：上午10時至下午10時

    author