• Tue. Jun 2nd, 2026
    • '
    Home打卡 (Page 39)

    Tag: 打卡

    【超靚超浪漫】聖誕必去Disney! 燈飾+飄雪陪你Sweet住過~ | 假日好去處 | 放假去邊

    又到聖誕～又到聖誕～ 今年聖誕節去邊好？等小編帶你去香港迪士尼啦！ 呢到又靚又有氣氛，帶埋你個閨蜜、男女朋友、屋企人過嚟，包你今個Xmas甜到爆啊！ [facebook url=”https://www.facebook.com/openholidays/videos/1939652732914282/”][/facebook] 小編：嘉儀（FB page: 嘉儀 / IG: chongkkayee） ==================== 與Olaf合照 Olaf淨係聖誕節先出嚟㗎！所以一定要把握機會同佢影相啊～ 咁可愛，等小編我影多幾張先！ ==================== 米奇與好友聖誕舞會 呢個係香港迪士尼樂園聖誕節全新節目！米奇同成班好朋友一齊表演，又唱又跳！ 所有角色都出晒嚟，畀你一次過見晒佢哋～ 仲有新加入嘅成員StellaLou同埋Duffy啊！ 迪士尼迷，千祈唔可以錯過～ ==================== 聖誕飄雪時刻 白色聖誕一定要有雪！聖誕節期間，美國小鎮大街會落雪㗎！ 咁有氣氛、咁浪漫，記住去睇雪影靚相喇～ ==================== 夢想成真聖誕樹亮燈禮 睇完雪唔好走住！之後就輪到聖誕樹亮燈喇！ 成棵又大又靚嘅聖誕樹著晒燈飾，樹下仲有特別表演㗎～ 最後仲會用煙花作結，真係好靚啊！ 成條美國小鎮大街嘅燈飾都會暫時熄晒，等你可以盡情欣賞亮燈禮！ ==================== 大街火車站甜蜜聖誕派對 最後等小編帶你去大街火車站啦～ 呢到又有Party，又有靚景㗎！ 上到嚟可以正面望到聖誕樹、睡公主城堡，畀你一個全新角度睇煙花！包你畢生難忘啊～ 除咗睇煙花、影靚相，梗係要享用埋甜品Party啦！ 呢到有各式各樣嘅聖誕主題甜品，絕對係甜蜜聖誕嘅perfect ending～ 超可愛精緻嘅甜品啊～ 拎多幾件一邊影相打卡，一邊食晒落肚先！ 點少得聖誕老人造型嘅朱古力蛋糕？ *大街火車站甜蜜聖誕派對於12月23-25日、29-30日 (20:00-21:30) 開放，並需額外收費。 記住提早致電 +852 3510-5000預約喇～ ==================== 聖誕節嘅香港迪士尼樂園咁靚，仲唔快啲拉朋友一齊嚟？ 而家「奇妙處處通」年票仲有3人同行85折優惠：http://bit.ly/2iN13Dz ==================== 放假去邊 更多好介紹: 快啲like我哋Facebook 同follow我哋Instagram啦!

    author

    冬季浪漫約會! 京都嵐山花燈路 ｜日本旅遊｜放假去邊

    日本真係一個一年四季都咁值得去嘅地方~ 春天有櫻花、夏天有祭典、秋天有楓葉， 冬天呢? 除左雪仲有花燈呀! 就係呢個一年一度嘅京都嵐山花燈路（あらしやまはなとうろ）喇~ 嵐山花燈路以渡月橋為界，北有竹林小徑﹔南有中之島公園~ [instagram photo=”BOT2O9dBnNK”][/instagram] 白天嘅竹林小徑本身已經係超熱門嘅打卡景點， 好多人會黎感受下古都氣氛~ [instagram photo=”Bbx0JvNF99w”][/instagram] 點上花燈嘅竹林小徑，透著藍色、紫色、黃色迷幻色彩~ [instagram photo=”Bbl59U1j4DN”][/instagram] 兩旁明亮嘅燈光配上竹林，就好似進入左光明嘅竹子隧道咁~ [instagram photo=”BcWfLPQnu8x”][/instagram] 走過竹林小徑，沿路會見到「燈於影」同「花於情」， 為夜間散步增加浪漫嘅感覺~ [instagram photo=”BOU1sVpj0yk”][/instagram] [instagram photo=”BOLRGT6AI-k”][/instagram] 燈光下嘅清水寺，睇落更加宏偉呀~ 仲有喺紫藍紫色燈光下嘅中之島公園， 係咪好浪漫呢~ [instagram photo=”BbjLlr7A1rp”][/instagram] [instagram photo=”BOOGnnigkYw”][/instagram] 京都嵐山花燈路由年12月初開始至中旬結束，期間限定! 傍晚5點開始就會點燈至到夜晚8點半， 要去嘅朋友記得預時間花燈散步喇~ 【京都嵐山花燈路】 地址﹕京都嵐山渡月橋和竹林小徑 日期﹕2020年12月11日 ~ 20日 時間﹕下午5點至8點半 網址 : hanatouro.kyoto.travel

    author

    釜山獨有地標! 打得開嘅影島大橋｜韓國旅遊｜放假去邊

    嚟釜山旅行又有新地方去喇～ 就係釜山第一座跨海大橋—影島大橋！ [instagram photo=”Bat-9y3DI4k”][/instagram] 佢喺日據時期為咗方便輸送人群而興建嘅～ 連接住陸地(南浦洞)同島嶼(影島)！ [instagram photo=”ByPED-AA4iO”][/instagram] 最特別係~ 呢座橋設計成單臂式㗎！ 以前一有大型船隻來往南港同北港嘅時候，橋嘅一端就會升起！ [instagram photo=”BaxPSFWA4en”][/instagram] [instagram photo=”BbOvxGaBy-d”][/instagram] 依家想睇到開合嘅一刻就要準時下午2點嚟到喇！ 等到橋開到接近75度角左右，你就可以上橋度霸個靚位影相！ [instagram photo=”Ba8TgENBTD-“][/instagram] [instagram photo=”Ba1Z0QCHu5p”][/instagram] 記得影埋橋面嗰9隻海鷗啊！ [instagram photo=”BbGoQ5-nliH”][/instagram]   影島大橋 (영도대교) 地址：(中文) 釜山廣域市影島區太宗路(大橋洞1街) 釜山市中區 / (韓文) 부산 영도구 태종로(대교동1가) ~부산 중구 橋樑開合時間：下午2:00至2:45 (每天1次) 電話：+82-1670-8114 交通：乘坐公車6、7、8、9、9-1、11、30、70、71、82、85、88、113、135、186、508於影島大橋下車 / 乘坐釜山地鐵1號線南浦站6號出口   =============== 放假去邊 更多好介紹: 快啲like我哋Facebook 同follow我哋Instagram啦!

    author

    超靚PartyRoom! 粉系波波池+浪漫燈飾房~ 唱K+VR+Switch任玩!｜香港玩樂｜放假去邊

    聖誕放假去邊好？梗係約齊班friend上PartyRoom玩啦！ 呢間PartyRoom超抵玩！有粉系波波池、有得Cosplay換衫影相，仲有間佈滿燈飾嘅房，最啱搞浪漫Surprise~~~ 唔止影到靚相，仲好多嘢玩！ VR、Switch、唱K、桌球乜乜乜，多到數唔晒啊！ [facebook url=”https://www.facebook.com/openholidays/videos/1933546313524924/”][/facebook] 小編：嘉儀（FB page: 嘉儀 / IG: chongkkayee） ==================== 聖誕佈置好靚啊~~~ 女仔一定可以狂影相！ 仲有粉色系嘅氣球畀你做道具！ ==================== 仲有個粉系波波池啊！ 簡直就係少女心大爆發！ 仲有大大隻氣墊公仔畀你坐住影相～～ ==================== 最特別係有間佈滿燈飾嘅浪漫房！ 最啱搞驚喜畀生日/求婚嘅朋友～ ==================== 有好多卡通人物/角色造型嘅Cosplay衫畀你換～ 等你可以著住，周圍係PartyRoom影相！ ==================== 有得唱K，又有跳舞機！ 睇嚟小編係時候換行，做唱跳歌手了～～～ ==================== 想打機？呢到一樣有～～ 有得玩VR打怪獸、嚇餐飽！仲有好受歡迎嘅Switch、Wii、PS4！ ==================== 小朋友嚟到都唔會悶！ 因為有專為小朋友而設嘅大型滑梯啊～連小編都玩到樂而忘返！ ==================== 煮食爐具好齊備，幾個朋友想煮飯仔都得！ 仲有部棉花糖機啊～又有得玩又有得食～～ ==================== 其他基本PartyRoom有嘅娛樂設施，呢到當然都有啦！ 仲唔快啲約埋班Friend，放假一齊上嚟玩？   DuDu PartyRoom 地址：荃灣沙咀道榮豐工業大廈 WhatsApp：(852) 52389749 ==================== 放假去邊 更多好介紹: 快啲like我哋Facebook 同follow我哋Instagram啦!

    author

    三日限定! 夜間新遊點~ 光．影．香港夜｜香港旅遊｜放假去邊

    近排teamlab大熱， 去唔到深圳、澳門睇唔洗失望! 因為…香港都有光影藝術展喇! 11月23號至25號夜晚7點至11點， 中環、上環同尖沙咀等九龍地區16個地標將會盛大亮燈， 夜晚終於唔怕冇節目喇~ 仲唔快啲去潮拜!? 香港文華東方酒店 – Lux, An Experience 用拍攝嘅快照使用模擬光效、虛擬畫筆同軟件， 製作出一幅動態相投射喺文華東方酒店， 真係離遠都睇到你嘅靚樣啊~~ D2 Place Two – The Undiscovered World 利用4D光影體驗， 帶大家深入埋藏在地底深處嘅神秘光影世界~~ 郵政總局 – Anooki反轉世界 來自北極嘅可愛因紐特人- Anooki， 將佢地環遊世界嘅故事帶俾你地睇~ 鐘樓 – 鐘樓歷險 鐘樓都可以玩!? 沒錯! 「鐘樓歷險」以虛擬遊戲方式， 邀請廣大勇士同他人比拼， 完成九個階段嘅任務，到達鐘樓頂層， 一齊黎尋找失落嘅龍珠! 遮打花園仲有「光影村」設有一系到美食攤檔同多場表演節目，等你一邊睇一邊食! 睇得玩得又影得，仲等咩呀，快啲約埋朋友12月23-25號，夜遊九龍區喇~ =============== 放假去邊 更多好介紹: 快啲like我哋Facebook 同follow我哋Instagram啦!

    author

    谷埔蘆葦極易行! 親親大自然影靚相無難度!| 假日好去處 | 放假去邊

    鹿頸至谷埔，係極易行嘅郊遊徑！ 如果你都好似小編咁平時冇行開山，呢條路線就啱哂你喇，幾乎全程都係平路～爽！ 周圍有山、有水、有紅樹林、重點係有蘆葦草!! 點影都勁靚～打卡無難度！ [youtube youtubeurl=”r7jQZVkHoYw” ][/youtube] 文 : Jaime (IG: @ jaimehomusic) －－－－－－－－－－ 嚟到鹿頸，當然要試食BB開心茶座~ 金牌鹽焗雞麵 英式全日早餐 經新娘潭路，沿海邊步行。望到發記士多茶座就轉左繼續前行 成條路都係沿住海邊行，風景勁靚！小編都係一路行一路影～ 係紅樹林呀！ 其實紅樹林除咗靚，對大自然非常有用，包括維持海洋生態系平衡、鞏固海岸、過濾污水。除咗影相，順便認識下生態都唔錯架！ 真係隨便一個景都好靚！(心心眼) 企上岸邊嘅大石，又有另一番風味～ 其實有啲似濟州島嘅龍頭海岸，令小編勾起去濟州島嘅回憶啊！ 到咗谷埔喇，真係好靚呀～ 期待已久嘅蘆葦田出現了！   必影T10碼頭！ 其實前面路段都有一個T11碼頭㗎，不過果時太多人小編就無影。 冇影碼頭就唔算嚟過谷埔！ 小編當日三點幾、四點先開始行，實在係太遲起行⋯ 5:45pm回程時天已經黑哂，沿途冇燈，靠電話開燈先睇到路。 高速出返鹿頸小巴站果度，6:30pm有成100個人排緊小巴條隊，天啊！！！！ 小巴司機落嚟數人數，話會安排小巴俾我地，但都係等超耐架，因為本身56K就係10-30分鐘一班。 結果，小編等到8pm先上到車⋯⋯⋯ 所以，大家一定要早啲去，同要帶定電筒傍身呀！ 鹿頸 地址：船灣新娘潭路鹿頸路 前往方法：港鐵粉嶺站C出口乘搭56K小巴，於總站下車 郊遊路線：由鹿頸村至鳳坑村至谷埔村的一段吊燈籠徑 路程：慢慢行影相的話，路程來回三個小時左右 – – – – – – – – – – – – – – – – […]

    author

    深圳Cafe影靚相~ 西餐甜品抵食! 平香港一半~｜中國旅遊｜放假去邊

    小編最近去深圳TeamLab，發現附近都幾多Cafe！ 更加發現有間同香港甜品舖非常相似，但係價錢平超過一半！ 等小編去實試，睇下抵唔抵食啦～～ 小編：嘉儀（FB page: 嘉儀 / IG: chongkkayee） ==================== Lady 7 Cafe 呢間Cafe主打西餐+甜品，同香港款式好似！ 不過價錢就平足足一倍，仲要味道唔錯，性價比幾高～～ 抹茶千層蛋糕 同香港Lady M嘅千層蛋糕好相似，都係班戟皮夾抹茶Cream，然後撒上大量抹茶粉！ 班戟皮算薄，亦好多層！ 抹茶味好濃～同香港有9成相似！(不過平一半啊…) 就連最近香港暫停發售嘅伯爵茶口味，呢到都有得賣！味道還不錯啊～～ 歡樂熊提拉米蘇魔方吐司 同香港嘅多士盒真係好似啊～ 多士好鬆脆，粉紅色多士嘅士多啤梨味超級突出！ 食完嘢，係時候影相打卡喇～ 打卡位一：花花牆 超大幅花花牆啊～～女仔真係有排影！ 仲可以拎小道具！ 打卡位二：室外吊椅 天氣涼涼地，梗係坐室外啦～ 環境靚又可以影相喇！ 打卡位三：旋轉樓梯 Cafe有兩層，中間條旋轉樓梯都係影相位！ 咁啱撞正有太陽光仲可以扮下女神光～～～ 其實室內座位都好靚，根本每個位都已經可以影相～ 一場嚟到！梗係影返夠本！ 仲有好多靚境等你去發掘！快啲約Friend去影相啦~~~ LADY 7 Café (歡樂海岸店) 地址：深圳南山區白石路東8號歡樂海岸曲水灣7棟 LADY 7 Café (KK Mall 店) 地址：深圳羅湖區深南東路5016號KKMALL京基百納空間2層(VFCOOO旁邊) ==================== Hello Kitty Secret Path 同場加映！附近仲有間Hello Kitty主題餐廳！ 有興趣嘅朋友可以過去影下相，再食下嘢～～ 好大隻Hello […]

    author

    文青藝術迷必到! 「樂坐其中」遊走十八區 | 香港旅遊 | 放假去邊

    平時周圍去日韓台搵打卡景點， 有冇諗過原來香港嘅公園都好好拍呢? 為咗慶祝回歸二十周年，康文署藝術推廣辦事處喺全港十八區二十個地方，設置咗一系列本土設計師創作的「Designer Chair」， 就等小編精選幾張「樂坐其中」嘅藝術座椅俾你打卡啦~ 中環碼頭海濱長廊 –《線．空間》 「點．線．面」呢啲術語， 相信身為文青藝術迷嘅你一定聽過啦~ 對於從碼頭下船嘅人嚟講樓梯只不過係一些「線」﹔ 但係對等船嘅人嚟講佢卻係一個「空間」， 而呢個《線．空間》用圓形城市家具呈現， 係咪聽落都好藝術呢~~ 北區公園 –《鑲．嶼》 喺樹木花草間出現嘅小島嶼， 灰色嘅幾何形狀桌椅鑲嵌喺綠色嘅草地上面， 無論點影都可以影到好文青嘅相呀~ 摩士公園 –《老友記．設計師》 你以為公園嘅櫈永遠得一款、一隻顏色? NONONO…公園嘅櫈都可以好有設計感、好迎合用家口味嫁! 屯門公共圖書館平台 –《積．目》 積木係每個人嘅童年回憶， 將積木變成休閒生活嘅一部分， 喺假日搵番啲童趣啦~~ 想知十八區「樂坐其中」仲有邊十六張櫈，㩒入嚟官網同計劃面書了解更多啦~ 官網 : www.seatstogether.hk/ 面書 : www.facebook.com/apo.seatstogether/ ———————————– 放假去邊 更多好介紹: 快啲like我哋Facebook 同follow我哋Instagram啦!

    author

    【Line Friends + Hello Kitty】深圳主題Cafe~ 影相打卡喇喂!｜中國旅遊｜放假去邊

    有得影靚相，又有得食好嘢，小編就最開心㗎喇～ 深圳有兩間人氣主題Cafe: Line Friends同Hello Kitty，未去到韓國日本咪去住深圳先囉～～ 小編：嘉儀（FB page: 嘉儀 / IG: chongkkayee） 影相位超多，等小編一次過畀10張你哋睇啦，哈哈哈！ ==================== 影巨型熊大是常識吧～～ 仲有妹妹Choco啊～超級大隻！ 當然唔少得可愛嘅饅頭人啦！ 想一次過影幾隻？冇問題！ 仲有啲得意得嚟、好鬼摟打嘅搞笑pose！ 想坐低食嘢，都有Line Friends陪啊！ 就連嘢食都有佢哋個樣！ 店內仲有好多Line嘅精品畀你慢慢揀！ 呢到簡直係滿足晒女仔3個願望！食好嘢、影靚相、SHOPPING！ 溫馨提示大家～ 如果想坐上熊大到影相，最好就鋪返張紙巾，唔好整污糟佢喇 :p Line Friends Cafe & Store 地址：深圳南山區文心五路33號海岸城購物中心二層203-205舖（地鐵後海站D1出口） ==================== 之後行多幾步，就係Hello Kitty Cafe喇～ 一入門口就會見到Hello Kitty個公仔，等住同你影相㗎喇！ 成間Cafe都係以粉紅色為主，就連枱櫈都係Hello Kitty造型～ 影完相又係時候醫肚喇～ 呢到啲食物又係畀你打卡嘅！不過好好彩地竟然係好食、唔止得個樣！ BONBONS Hello Kitty Cafe 地址：深圳南山區文心五路33號海岸城購物中心一層第141-1舖（地鐵後海站D1出口）   ==================== 放假去邊 更多好介紹: 快啲like我哋Facebook 同follow我哋Instagram啦!

    author

    口感特別 ! 大邱網上爆紅「糰子拿鐵咖啡」｜韓國美食｜放假去邊

    要數到韓國IG熱門打卡美食~ 咁就一定唔少得呢間喺韓國大邱Cafe出品嘅糰子拿鐵(미숫페너)喇! [instagram photo=”BYpoUEbnEI0″][/instagram] 拿鐵上面嘅小糰子係用一款叫做미숫가루嘅麵粉做成~ 將五穀粉加落冰凍嘅牛奶度沖泡，口感特別~ [instagram photo=”BXTz7JxlB6j”][/instagram] 賣相好似湯圓咁~ 食落就同年糕一樣夠哂彈牙呀!!! [instagram photo=”BYriKiAAYYl”][/instagram] 味道仲夠哂濃郁添~~ [instagram photo=”BXfpw_Yh-6k”][/instagram] 除咗一層甜而不膩嘅奶油同一層用噴槍烤過嘅「焦糖」之外~ 拿鐵表面仲灑滿黃豆粉添~ 睇見都已經好吸引! [instagram photo=”BZ3hNCNhFMS”][/instagram] [instagram photo=”BYkkp2vgIOn”][/instagram] 小糰子加拿鐵嘅配搭真係幾新鮮! 有興趣就嚟試吓啦!   괜스레 地址：韓國大邱市 中區 大鳳洞 5-3 김광석거리 대봉동5-3번지 (大邱地鐵2號線慶大醫院站3號出口) 營業時間：中午12:00至晚上10:00 (星期三休息) [map url=”https://www.google.com/maps/embed?pb=!1m18!1m12!1m3!1d3233.516188462349!2d128.60484811526374!3d35.86086518015276!2m3!1f0!2f0!3f0!3m2!1i1024!2i768!4f13.1!3m3!1m2!1s0x3565e3cbca1b96f5%3A0x549968bfc6f5559d!2zNS0zIERhZWJvbmcgMShpbCktZG9uZywgSnVuZy1ndSwgRGFlZ3UsIOmfk-Wciw!5e0!3m2!1szh-TW!2shk!4v1507272231804″][/map] =============== 放假去邊 更多好介紹: 快啲like我哋Facebook 同follow我哋Instagram啦!

    author