放假想親親大自然又想搞搞新意思? 馬鞍山嘅「鞍山探索館」一定滿足到你！ 探索館會定期免費開放畀公眾參觀，歡迎大家上去認識馬鞍山嘅鐵礦故事。 活化後嘅信義會恩青營 (鞍山探索館) 係香港首間集「礦場/礦工故事」、「自然體驗」與「信義會服務」於一身嘅活動中心。 「信義會恩光堂」被評級歷史建築群，咁有歷史價值仲唔趁放假去探索吓！ 一齊去認識香港嘅礦山文化、鐵礦場遺址、欣賞礦山壯麗景色、親歷其境感受大自然。 信義會社會服務部期望透過活化「恩青營」計劃，重新規劃及發展恩青營，為學校團體、企業、社福機構、教會團體及公眾人士提供體驗/導賞服務，帶出「關愛自然」、「關愛別人」、「關愛自己」的正面訊息。 「鞍山探索館」每逢星期六日及公眾假期都會恆常對外開放，屆時有駐場導賞員作簡單介紹，不需預約！ 另外不要錯過館內嘅「礦工Cafe」，行到攰可以去品嚐即磨礦石咖啡，仲有幾款特色小食：山水豆腐花、腐乳饅頭、礦石曲奇。 館內推崇「走塑」文化，提倡使用環保不鏽鋼飲管，減少製造塑膠垃圾，大家一齊支持吓！ 前往方法： 1. 乘坐NR84村巴 (於新港城中心第四期地下鞍祿街村巴站-小巴站旁) 2. 乘搭新界的士 3. 自駕 (於google map尋找信義會恩青營(鞍山探索館)進行導航前往) 上車點： 新港城中心鞍祿街 (小巴站旁) 下車點： 馬鞍山村 於村巴站下車後見平安橋，見指示牌沿樓梯靠右直上 「鞍山探索館」詳情： 地址：馬鞍山村上村35號 開放日期：逢星期六日及公眾假期 開放時間：上午10時 至 下午5時 費用：免費入場，歡迎參觀 電話：3421 1436 網址：http://gyc.elchk.org.hk/zh-hant/
